#أبراج__اليوم__الأربعاء__28__تمور__يوليو__2021 🔮
🌙 القمر عم يستمر ببرج الحوت والمسا بينتقل للحمل ♈
#الحمل ♈
استغل يومك ماليا بحلول وتحسن صحي ..
بساعدك هاليوم لتحسن من وضعك المالي وليكون في حل لقضية شاغلة بالك وكمان صحيا بتحس انو بلشت تتعافى من مرض وبتطمن اكتر على عيلتك وبكون في اوقات حلوة وحظ منيح وفرص ..
عاطفياً ❤️ ..اوضاعك العاطفية منيحة وغالبا عم تطور علاقة عندك ولاتندفع زيادة ..
◾النسبة المئوية :
مهنيا : %88● ماليا : %85● عاطفيا : %89● صحيا : %82
#الثور ♉
هدي بأي علاقة ولاتخلي حدا يستفزك ..
عم يكون عندك كتير مواجهات ضمن العيلة وبالشغل ولازم هاليوم كمان تهدي الأمور وتسایر الان مو لصالحك تكبر القصص وكمان عندك قلق على عيلتك وخاصة صحيا ولازم تخفف ضغط نفسي وماتزودها..
عاطفياً ❤️ ..عم تكون الأوضاع بأعلى درجات التوتر فحاول تنتبه من أي مواجهة تنهي كل شي مع الشريك ..
◾النسبة المئوية :
ومهنيا : %76● وماليا : %77● عاطفيا : %73● صحيا : %70
#الجوزاء ♊
حاول تنتبه صحيا وخلص
التزاماتك ولاتهمل شي .. عندك يوم كتير في شغل وعم تتحرك وتطلع وتفوت وتشوف ناس وتتصل وتحكي مع اشخاص وهالشي كلو بوقت واحد وعم تتحمل مسؤوليات زيادة وحتى على السوشل ميديا ومع الاخوة عندك شغل ..
عاطفياً ❤️ ..حاول تخلي الشريك يساعدك بيومك بدل مايعتب عليك لان انت
◾النسبة المئوية :
مهنيا : %66● ماليا : %60● عاطفيا : %68● صحيا : %62
#السرطان ♋
يوم منيح بالحب والمال…
وافضل وضعك اطمن يومك عم يكون أفضل وعم تتحسن الأمورعندك بدرجة كبيرة وهالشي بخليك مرتاح نسبيا ضمن البيت او حتى مطمن صحيا وفي مال ممکن يجيك وفرصة شغل فحاول تغير من وضعك للأفضل ..
عاطفياً ❤️ ..الامور العاطفية عندك عم تشهد اخبار منیب حلوة ومتل بداية الحب جديد ..
◾النسبة المئوية :
مهنيا : %83● ماليا : %84● عاطفيا : %85● صحيا : %86
#الأسد ♌
انتبه بالبيت وهدي الأمور مع الاهل وفي حلول ..
عم يكون عندك توتر كبير بالبيت وفي قصص بتشغلك على العيلة والاهل او مواجهات معن مشان هيك روق ولاقي طريقة لتحل مشاكلك مع العيلة او اذا كان في قصة عقار شاغلة بالك ..
عاطفياً ❤️ .. حاول تفكر كيف تخلي الشريك يفهم ظروفك ويقدر الشي يلي عم تعملو ..
◾النسبة المئوية :
مهنيا : %96● ماليا : %90 ●عاطفيا : %88●صحيا : %82
#العذراء ♍
علاقات واتصالات وانتبه مع الاخوة ..
بالرغم من انو نهارك في كتير علاقات جيدة لكن عم ينشغل بالك على قصة مع حدا مقرب ممکن اخ او حتى في سفر عم تفكر فيه ولازم تنتبه من الحوادث وبشكل عام انت قادر تتواصل وتنجح لكن بدون مشاكل..
عاطفياً ❤️ ..حاول هاليوم تحاول تقرب بينك وبين الشريك وفي شي حلو عاطفيا ناطرك ..
◾النسبة المئوية :
ومهنيا : %70● وماليا : %79● عاطفيا : %76● صحيا : %75
#الميزان ♎
عندك التزامات مالية ويمكن عزيمة ..
عم يكون عندك كتير نفقات أخر فترة ولازم تنتبه وتدير بالك من هالشي وتضب ايدك وكمان تفکر کیف تلاقي شغل يدعمك ويمكن في عزيمة عندك وعم تتحمل زيادة عن طاقتك وفي شخص بساعدك..
عاطفياً ❤️ ..ماعم تكون مرتاح بوضعك العاطفي مع انو في اوقات حلوة ممكن تقضيها مع الشريك ..
◾النسبة المئوية :
مهنيا : %70● ماليا : %69● عاطفيا : %68● صحيا : %66
#العقرب ♏
اخبار مهمة عندك وفي شغل ناطرك ..
عم تتحسن الأوضاع عندك وفي اخبار مهمة بتخص شغل وعم تحظى بعلاقات على مستوى عالي مشان هيك استغل ظروفك وحاول تعمل شي يدعمك ويعطيك خيارات حلوة واشتغل على شهرة ممكنة ..
عاطفياً ❤️ ..عاطفيا الوضع عندك عم يتحسن شوي شوي وخاصة انو عم تكون تحت أنظار الكل ..
◾النسبة المئوية :
مهنيا : %98●ماليا : %86● عاطفيا : %89 ●صحيا : %82
#القوس ♐
ماعم تكون كتير مرتاح وبدك حرية واستقلالية..
ماعم تريحك الأجواء الحالية وبيخنقك الوضع هيك بدك حرية بدك تطلع بدك تتحرك وهالشي مؤقت بدي منك تروق وفي ناس عم تستفزك بتصرفاتها فدير بالك وحاول تخفف حساسيتك وماتهتم لشي ما
عاطفياً ❤️ ..الوضع زاعجك وعلاقاتك فيها احساس بالوحدة او انو الشريك ماعم يهتم ..
◾النسبة المئوية :
مهنيا : %91● ماليا : %85 ●عاطفيا : %89 ●صحيا : %82
#الجدي ♑
علاقاتك بتزيد والاصدقاء معك هاليوم ..
عم تلاقي حولك كتير ناس وعم تزيد شعبيتك بهاليوم كمان وفي اصدقاء عم تقدملك الدعم المعنوي والمالي كمان وهالشي بحسن من وضعك وفيك تستفيد من بعض العلاقات وتحسن من حالتك ..
عاطفياً ❤️ .. الوضع العاطفي عم يكون منيح وكتير علاقات عندك وصداقة ممكن تتحول الحب ..
◾النسبة المئوية :
ومهنيا : %71● وماليا : %70● عاطفيا : %73● صحيا : %68
#الدلو ♒
عم تدايق كتير وفي قلق وتوتر من الشغل. .
عم تمرق بفترة مهمة وصعبة ومفصلية ولازم تكون منتبه ومرکز بوضعك بالشغل وبالبيت وبما يخص الأب عندك أكتر شي وخفف من توترك وحاول تساير وما تصعد اي مشكلة ولا تخالف القوانين ..
عاطفياً ❤️ ..ماعم تكون رايق للحب وفي كتير قصص شاغلة بالك ولازم الشريك يستوعب هالشي ..
◾النسبة المئوية :
مهنيا : %66● ماليا : %60● عاطفيا : %68 ●صحيا : %62
#الحوت ♓
بتتحسن علاقاتك وشغلك وصحتك هاليوم ..
حاول هاليوم تنهي كتير من أمورك واذا عندك سفر ممكن تتعب شوي فحاول ترتاح وترتب يومك وتهتم بالقصص الضرورية بس وكمان عزز علاقاتك الخارجية واشتغل على موضوع بیدعمك ماليا ..
عاطفياً ❤️ ..وضعك العاطفي عم يتحسن والعلاقات عم تزيد بهاد اليوم فاطمن ..
◾النسبة المئوية :
مهنيا : %86● ماليا : %81 ●عاطفيا : %85● صحيا : %83
الفلكي منيب الشيخ
