يسعد اوقاتگم بكل خير أبراج السبت

القمر بينتقل لبرج القوس♐

الحمل
بهاليوم انت مشرق وبترجع لنشاطك باتصالات وسفر والحظ بيدعمك بالامور العائلية لتحلها وفي اخبار حلوة رح تسمعها
استغل هاليوم لان الحظ معك بكون ..
عاطفيا .. حب جديد ممكن يصادفك او حدا من الماضي يحاكيك ..

الثور
بدي ياك تكون متفهم ودبلماسي وخفف من مصاريفك وفي فرص لامور مهمة وتغيير بوضعك للأفضل بس بدك تكون لين وما تعاند على رايك وانتبه لصحتك ممكن تتعب بس انت بفترة افضل لاتخاف ..
عاطفيا .. لاتسمح لاسلوب الشريك يستفزك وخليك رايق وتفهم الوضع قدر الامكان ..

الجوزاء
عندك يوم مهم للشراكة عقد معاملة فيك تشتغل بهالمجال بس انتبه من توترك الزايد وتفكيرك ولاتعصب كل شوي بدنا رواق وعندك فرص حلوة لبداية شراكة ..
عاطفيا .. لاتترك مجال للشك بعلاقتك وحاول تبحث عن حلول ويمكن عندك نهاية علاقة هاليومين أو ارتباط جديد للأعذب …

السرطان
انتبه بيتراكم عليك شغل كتير وانت تعبان وامورك الصحية مو تمام دير بالك ونظم وقتك واكلك وكل شي رح يكون منيح بس خليك دقيق وماتهمل شي وممكن تغيير بشغلك او عمل جديد
عاطفيا .. فكر بالاستقرار بعيد عن المشاكل ولاتستفز الشريك .

الأسد
بيحمل هاليوم انفراجة وحلول لكتير مشاكل عندك عم تحس براحة نسبية وعم ترجع لعافيتك استغل هالفترة وصلح مشاكلك مع العيلة والاحباب وابتعد عن العصبية ليكون يوم مميز وفي حظوظ وفرص
عاطفيا .. انت بأفضل الايام عاطفيا حاول تحدد خياراتك وتستقر على حبك ..

العذراء
احتمال يكون في قصص وعرقلة وخاصة بالبيت عندك هدي الاوضاع وكون حكيم عم تدخل يوم فيه مواجهات وانت مو مرتاح بس ممكن تكون هادي وتحل المشاكل برواق وتعامل بمرونة وبدون نرفزة لأن الوضع مو متحمل وممكن عم تغير مكان سكنك ..
عاطفيا .. ماعم تكون مبسوط وعم تفقد ثقتك بكتار يمكن انت بحاجة لحبيب حقيقي هالفترة بس ماعم تلاقي هالشي .
والله اعلم .

الميزان
اليوم فرصة لتحكي رايك وتكون ملفت ومميز بأفكارك ممكن تسافر انت اليوم وقادر تدفع بعلاقاتك لقدام وتتصالح مع ناس جدد حلول عندك اليوم وحركة ايجابية مثمرة اذا عرفت تستغلها ونجاح كمان
عاطفيا .. فكر اليوم بحبك وغير جو بمشوار رومنسي وقضي اوقات حلوة مع الشريك ..

العقرب
يوم للربح لمكاسب من شغل اضافي ومصاريف من شي ما بتتوقعو يمكن بس خففلي مصروفك مو ضروري تفرد ايدك كتير وتصرف كل شي لان رح تحتاج ..
عاطفيا .. حاول تهدى و تحافظ على استمرارية علاقتك واجواء حلوة اليوم ..

القوس
بهاليوم عندك فرصة لترجع مكانتك عند الكل وتستعيد ثقتن فيك انت مشرق وقادر تناقش وتكون انت افضل فتاح صفحة جديدة وعيش يوم مناسب ايجابي وحل لمشكلة وغير وضعك لان بحاجة هيك يوم
عاطفيا .. يوم بتحس فيه براحة وبترجع الأمور افضل مع الشريك وبتستعيد ثقة الشريك فيك ..

الجدي
هاليوم انتبه الامور ما رح تمشي معك انتبهلي لصحتك ولاتحاول تحسم شي لان وضعك تعبان ومعرقل هالفترة بس اصبر وخلي هالفترة تمر على خير..
عاطفيا .. حاول تكون منتبه اليوم لأن ممكن يصير معك مشكلة عاطفية او يصير سوء تفاهم ..

الدلو
عندك اوقات مهمة وحلوة فيها اخبار حلوة في حدا بساعدك لتصل لمكان انت عم تسعى الو من زمان وعم تعزز علاقاتك اليوم وتتعامل مع الأصدقاء باريحية
عاطفيا .. حاول تفكر بطريقة مبسطة لعلاقتك ولا تكبر القصص لأن مو لصالحك ..

الحوت
اليوم بتحس بتوتر حافظلي على سمعتك ولا تكون متسرع على الرغم من انك ممكن تحرز تقدم ونجاح اذا نظمت امورك صح وانتبهت من الأخطاء وفرصة عمل جديد ممكنة عندك ..
عاطفيا .. لاتعطي كل ثقتك للشريك وخاصة اذا العلاقة جديدة خليك رومنسي لكن بحذر.
والله اعلم .

🌹