فراغ ابين الاسطر………عابريك شكد.
وسدت باب كاتل.……كلبي هيج نسد.
ورفعت يدي بوداعك…سلمت مجبور.
لان شفتك جنازه………..وماوراك احد.
مثل بدلة عرس…….حدك الا اول يوم.
تموت وماتحصل……سمعت الچرغد.
رسالة بنص حرب…….مالحكت اقراك.
وطيحت فوكاي دم..من نحر الستشهد.
كلادة بت عرب…………وياي ماتنشاف.
ويم غير الكلادة………..وسترك تفرهد.
وانه يمك عشت….مساحة عد كسلان.
امسحلك لحد………ماصار كلبي اسود.
ومن كثر السواد الحدر…….جفني يبات.
اذا عوج كحل…………منى انطي للمرود.
المامكسور مايعرف……حجي الحيطان.
من تسأله عنها……………. يكوم يتشرد.
خرزه سبحه فوك..اخواني حملي يطيح.
واحد عله جتاف………الثاني من نصعد.
الكبر فلاح يزرع……..شيب فوك الراس.
يكسر واهسك لو……….. عمرك اتجدد.
الرازونه كمر بالسجن…….. ..للمسجون.
الضوه المن عدها.……يطلع ينزل امدد.
عرفتك شمس….مغرب ماتسدلك عين.
والسدت مكانك….…….لمعة المعضد.
طعن ابره فركتك…………بيه ماحسيت.
مو ابرت وشم ابردت………مرض تنعد.
وتجرحني جنت ونزف….ضحك وتشاك.
وكول السيف جاي……….يسامر المبرد.
فصل ميت رجعتك……..ماتعوض الراح.
كاتل مني وتكلي…………عله ديتي شكد.
تفكة بدوي…………مامقسوم ليه ارتاح.
من اعوفن ثاري حتى.……زنادي مايبرد.
محبس منكسر……….ماتنجبر بالخيط.
الما يكعدبجفي……….…بكلبي مايكعد.
للشاعر سيف علي
