الرسالة اليومية.. توقعات الأبراج ليوم الثلاثاء

🔮توقعات يوم الاثنين / 7 / مارس ، أذار / 2022🔮
(يمحو ويثبت وعنده أم الكتاب)
#الرسالة #اليومية✍💌
أذا جاءك المهموم أنصت وأذا جاءك المعتذر أصفح وأذا جاءك المحتاج أنفق ليس المهم أن يكون في جيبك مصحف بل المهم أن يكون في أخلاقك أية…
#يسعد✴#أوقاتكم✴#جميعاً….
#القمر☽ ♉بكمل ببرج الثور الترابي كوكبه الزهرة.

#الحمل ♈
مهنياً:القمر بالثور يوم مالي عم تشوف شو الك وشو عليك حسابات وترتيبات وقبض ودفع واتصال وتواصل مع حدا بعيد او ناطر شي من بعيد ، الفلكي علي عجيمية عم تلاقي مساعدة وتيسير بامورك واطلب ولا تتردد في مين بوقف معك يوم في التزامات كمان ومصاريف بالعيلة وبالبيت وتسديد لنفقات وعم تشتري شي ريح حالك ونام وقت منيح ولا تجهد حالك وفكر بمورد جديد تحسن فيا وضعك واكيد هالفترة في عرض حلو اجواء ولمة حلوة وشخص غالي وعم تهتم لصحة شخص ،

عاطفياً:كون هادئ ودبلوماسي بلاخص انو يومك مو كتير بالعاطفة وبتحس في برود وشكوك وماعم تتحمل حدا ، احسب حساب لكلشي ولا تكبر القصص وطنش ماحدا بيستاهل ، في علاقات جديدة عم تتطور وتحسن بلاخص اليوم في اتصال حلو ، فكر كيف توصل بعلاقتك للاستقرار وتحافظ على هدوئك وتكون بعيد عن الاستفزاز .

صحياً:وضعك صحي افضل وراحة نفسية بعد توترات صحية بالبيت وبوضعك والبعض في مصاريف على ادوية او شي صحي بخص مقرب .
💞غنيتك اليوم💞
صدفة .. يارا

#الثور ♉
مهنياً:القمر ببرجك يوم جيد عم تستعيد طاقتك من جديد والحظ بساعدك وبوقف معك وبغير من وضعك ولتلاقي تحسن نفسي دقق امورك بشكل منيح حتى تفاصيل لصغيرة لترتاح اكتر ، اتصالات ولقاء واجواء واخبار حلوة وعم يكون في عندك يوم ممتع بالعلاقات والاصدقاء والعزائم وتنقلات ولمة حلوة وبتتخلص من مشكلة تعبتك رتب امورك واستغل الوقت وقصة سيارة او موبايل واخ بيشغلك وشي مالي ناطرك هالفترة اذا الله راد ،

عاطفياً:فرصة ارتباط وعلاقات عم تطور وصدفة عندك المهم تختار صح وتتصرف بشكل المناسب ، يومك مميز وانت جذاب وملفت لنظر أستغل هاشي لتأثر على الشريك وتمتلك قلب الجنس الأخر ، الاجواء فيها حب ورومنسية والعين بتكون عليك ، المرتبط عندك فرصة بهاليوم لتصلح الامور وتتقرب وتبقى مسيطر على الوضع لا تستسلم ولامور أفضل رح تكون ،

صحياً:لا تخلي البرود يسيطر عليك عندك طاقة حاول تستغلها لتحسن نفسيتك وصحتك وانتبه من الحوادث واستخدام المواد الكيماوية ومستحضرات التجميل .
💞غنيتك اليوم💞
أنت غيرهم ياحبيبي…جورج وسوف

#الجوزاء ♊
مهنياً:القمر بالثور علاقات اجتماعية شخصية مهمة والبعض زيارة لمركز حكومي او عقد شراكة ، ضغوط بالبيت وبشغلك ومسؤوليات كتيرة وبدك تكون هادي بتعاملك مع لكل حاول اليوم لا تحسم شي وتجنب المواجهات مع رفقاتك او مع المسؤولين وحافظ على اسرارك حتى تنجح وتوصل خلص شغلك وبلاخص الاعمال الموكلة اليك وفيك تحط حد لبعض ناس الي تصرفاتها عم دايقك ، مافي شي بيبقى على حالوا وأنتظر مفاجئة وتغيرات حلوة بالمال والعمل وفي مشوار وعزيمة المسا واتصال منيح الك او خبر حلو رح يكون نشالله ،

عاطفياً:خلي عندك احساس بالمسؤولية تجاه الشريك لانو في عزلة وكأبة عم تعيشها لا تخلي الوحدة تسيطر عليك ولا تخاف من شي ، مانك مرتاح وفي استفزازات كون متفهم للوضع ولا تتسرع بشي ولا تخلي تصرفاتك العشوائية وغير محسوبة نتائج تأثر عليك ، المسا بتوقع تواصل ايجابي وافضل لتتحسن الامور ولقاء او لبعض بشوف شخص غالي عليه وتواصل مع حدا مهم المسا امورك بتبلش تتحسن .

صحياً:انتبه على صحتك ولحالة نفسية ومشاكل المفاصل المهم لا تجهد حالك وانتبه من موضوع جلوس لفترة طويلة وبعض الرجال امور جنسية .
💞غنيتك اليوم💞
بيحقلا الوحيدة .. ملحم زين

#السرطان ♋
مهنياً:القمر بالثور علاقات وأجواء حلوة وخبر ومصالحات وعزائم وسهرة وناس واصدقاء حاوليك وفي مناسبة للبعض وعم تتلقى دعم ومساعدة وتغيير ايجابي حاول تحسبها صح ولا تغلط او تتسرع بشي ، بحاجة لتغير معاملتك مع البعض وبلاخص المقربين منك الي عم يسببوا مشاكل او تصرفاتهم ماعم تعجبك وفرصة لتحسن هاشي وتعمل مصالحة ، في شغل وعلاقات وبتعمل شي حلو وبتلاقي دعم وتأييد من الاصدقاء وضب ايدك على مصاريفك اليوم وشعبيتك وجاذبية بتزيد ورقة مهمة ناطرها ،

عاطفياً:شغف عاطفي وعلاقات حميمية وبتقضي وقت حلو وشخص جديد بيدخل حياتك وممكن صديق تتطور الامور معو ، المرتبط حاول تهدي الوضع او أنتبه توقع بسوء تفاهم بينحل بس بدك تكون رايق ولا تكبر لقصص لانها مو مستاهلة وخليك دبلوماسي واستغل هاليوم لتحسن علاقتك ، اجواء حلوة بمشوار او سهرة واتصالات طويلة .. والبعض انتبه لعلاقات سرية تطور هالفترة .

صحياً:لا تهمل صحتك وحساسية زايدة او في نفور للحب وفكر بنشاط رياضي جديد او تغيير بشكل ..
💞غنيتك اليوم 💞
يا بتفكر يابتحس .. شيرين

#الأسد ♌
مهنياً:القمر بالثور يومك في شغل كتير وماعم تلحق ضمن شغلك او بالبيت وناس كتار وزيارات وشغل وبتحس كلو ورا بعض وماعم يكون بوقت مناسب ، علاقات مهمة بيومك و لازم تكون دبلوماسي وحافظ على سمعتك ولا تهتم للقيل والقال وقصة حدا بالعيلة او شراكة جديدة يوم عم تخطف الاضواء وعم تكون مميز بعلاقاتك وناس جديد وتواصل لمهم لا تصعد الخلافات مع حدا ولا تتأخر بشغلك وحافظ على صحتك وصحة حدا بالبيت وعلاقات مع اشخاص مهمة ورجعة لاشخاص كمان ،

عاطفياً:يومك منيح لكن ضروري تعرف كيف تختار شخص مناسب وتساير وتتفهم الوضع بعيد عن الحساسيات وبعيد عن تسرع والعصبية بلاخص اذا في حب جديد او توتر مع الشريك كتير مهم تركز وتكون دبلوماسي لتلاقي حل مرضي وانتبه من الي حواليك لان اغلب مشاكلك عم تكون من ناس المقربة والمسا انت افضل ومشاعر حميمية وانطر اوقات حلوة قادمة والبعض في تواصل عاطفي مع شخص مهم او مشهور ..

صحياً:المهم ماتعصب بيومك ويمكن تشوف طبيب لتطمن عن وضعك وخبر حلو بخلي نفسيتك تتحسن ..
💞غنيتك اليوم💞
جرعة عشق .. عباس الامير

#العذراء ♍
مهنياً:القمر بالثور بعدا قصص البيت وشغل عم تتراكم عليك ومافي تنسيق بس في اتصالات كتيرة وتواصل واشخاص جديدة وغريبة وبتحقق مكسب مالي بيومك ، عم يكون عندك محبين وعزائم وفكرة سفر وعم تلاقي تحسن بوضعك بالبيت وعم تفكر تبعد عن عادات سيئة وناس سلبية بحياتك واعطي الاهتمام لصحتك ، فرصة ممكن يجيك منها مال او مبلغ من حدا بعيد او حوالة ولازم هالفترة تستعجل لتنهي امورك بلاوراق والمعاملات وفي دراسات عليا او اختبار وتصليح ،

عاطفياً:تطورات جديدة وارتباط وتحسن بالوضع مع الشريك والاعزب اخبار منيحة وتواصل ، عم تحل مشاكل بعلاقتك وتقارب بوجهات النظر وتفاهمات ، الفلكي علي في راحة بالوضع واوقات حلوة عم تقضيها بلقاء او مشوار مع الشريك وصدفة بتجمعك بشخص او اتصال المهم كل واحد يقدر وضع تاني لان لأمور بتعود للاستقرار من جديد حافظ على علاقتك قدر المستطاع لترتاح اكتر .

صحياً:صداع متكرر ومشاكل اسفل الظهر والبعض بيرتاح من عملية او قصة انجاب ..
💞غنيتك اليوم💞
مهم جدا وجودك في تفاصيلي .. حسين الجسمي

#الميزان ♎
مهنياً:القمر بكمل بالثور بحاجة لدعم ومساعدك ويكون حدا واقف معك لان الاعباء العائلية والمالية عم تزيد وفي الالتزامات ومصاريف والحمل على كتافك .. فكر كيف تلاقي حلول وتكون دبلوماسي وعم تصرف مال على بيت وتجهيز وتصليح .. في راحة من ضغوط ونقاش بخص مال وممكن تحصل على مبلغ من ميراث او عقار وفكرة بيع عقار وعقد جديد وانتبه تفقد او ضيع شي والبعض بيستفاد من شراكة او شريك وعم يسدد ديون ، من المسا تغيرات منيحة لصالحك بتنقلات واتصالات وناس كتيرة ..

عاطفياً:المرتبط انت بوضع افضل لتتقرب وتحل مشاكلك وتحسن ايجابي واكيد في اتصال وتواصل ومصالحات وحكي حلو بتسمع ، المتزوج لا تتسرع وأحسم نقاشاتك حتى مايتوتر الوضع وتكون بحالة من العزلة وتجنب يصير زعل بينك وبين الشريك ..الفلكي علي الاعزب في تقارب عم يصير وتطورات جديدة بوضعك ومع شخص جديد او صدفة ..

صحياً:صداع وتعب بالمفاصل ومشكلة بالعين واذا بحاجة طبيب لازم تاخد استشارة ..
💞غنيتك اليوم💞
شو محسودين .. سعد رمضان

#العقرب ♏
مهنياً:القمر بالثور يومك في اختبار لقدراتك وكيف ممكن تتجاوز توترات ، شراكة مهنية او عاطفية ومشوار مشترك ولمة مع اشخاص بتحبا وشي مهم انت مقبل عليه ، البعض بتشغلوا قصة مالية ومصاريف وعزائم ولقاء بأشخاص جديدة واتفاق على شي مع حدا بالعيلة ولازم تروق وتكون دبلوماسي وبلاخص النقاشات الي لا بتقدم ولا بتأخر حتى ماتسمع حكي او تنحرج من قصة خليك حذر بأتصالات ولقاءات ومعاملتك مع محيطك ،

عاطفياً:بدك تساير وتكون دبلوماسي احسن ماتكبر القصة وتنهي وضع عاطفي شوية دبلوماسية لتقدر تستمر بهاليوم بلاخص المتزوج والمرتبط ، في ضغط من شريك وعم يكبر الوضع وانت امام خيارات جديدة ولازم تحسم امورك ، لاعزب حب جديد بيدخل لقلبك وشراكة عاطفية جديدة .

صحياً:مشاكل بالمعدة او الكولون وسبب في كبت داخلي وعصبية او قصة مزعلتك ..
💞غنيتك اليوم💞
مش عم بقدر .. ادهم نابلسي

#القوس ♐
مهنياً:القمر بالثور تراكم اعمل بشغلك وبالبيت والتزامات حتى كمان بدك تنتبه ماتجهد حالك وتكون حريص على صحتك ، رتب امورك بشكل منيح يمكن عندك ضغط بالبيت وشغل وناس كتار وزيارات وهاشي ممكن يتعبك جسدياً ومصاريف مالية عم تكبر ، احسم امورك لان في نقاش بامر مهم او عم تتفق على شي او عمل جديد ولازم تعيد حساباتك وتخلص المهم وضروري بيومك ، فرصة سفر قصير ومال من شغل للبعض او عم تساعد حدا .

عاطفياً:الاعزب والمرتبط جديد امورك افضل وتغيرات على صعيدك الشخصي ، المرتبط محتاج اهتمام وتصرفات ماعم تعجبك لهيك لا تنفعل وتكبر القصة افضل ماتروح لوضع عاطفي متعب روق وخليك ذكي لان عندك القدرة تتجاوز اي طارئ بوضعك وتكون مع الشريك واجواء رومنسية ،

صحياً:ممكن تزور طبيب للطمئنان عن امور صحية او استفسار وفي شفاء من مرض او لتعمل شي جديد شكلي او حمية ..
💞غنيتك اليوم💞
جرب الكيف .. ربيع العمري

#الجدي ♑
مهنياً:القمر بالثور انت افضل وتغيير لصالحك عم ترتاح من قصة بالبيت وفي كلام حلو بحقك وبتلاقي تقدير لجهودك يوم في ناس كتار وعزائم ولمة حلوة والتزامات او واجب عم تقوم في وزيارات وشغل مشترك ، بتزيد ثقة فيك ومكانتك بترجع وبتشوف اشخاص الك زمان ماشفتا في حكي بأمور مالية او ناطر مال او مبلغ عم يشغلك وقصة اوراق بدك تجهزا هالفترة وتواصل بيكبر وحل لقصة صار فيا تأجيل وشي بخص لانجاب والاطفال عند البعض ، والبعض بزور مشفى او مركز حكومي .

عاطفياً:من الايام لحلوة لتبدأ قصة حب جديدة بعيد عن الاجواء صاخبة والمشحونة وتوترات او كنت بعيد عن عاطفتك بسبب مشاغل أخرى ، اوقات حلوة وتواصل او اتصال طويل وعم تتمسك بالمبادئ رغم انك عم تعمل كتير اشياء كرمال الشريك وعم تصلح الامور وتطور بالوضع وكتير مهم تستغل المواقف وتقضي وقت حلوة ،

صحياً:انتبه من مشاكل الاسنان وسكري وممكن طبيب او مشفى وانت حاسس بشوية كسل وبس بدك تنام ..
💞غنيتك اليوم💞
قد دنيا انا شتاق .. حسام جنيد ونور زين

#الدلو ♒
مهنياً:القمر بالثور حاول تنتبه لكلامك مع حدا من اهلك وكون دبلوماسي حتى ماتتطور نقاشات لمشكلة ، عم يكون في اهتمام عائلي وقصص ضمن البيت وعم تزور حدا مقرب اخ او اخت وعم تهتم بامور صحتك او صحة حدا وممكن عزيمة ولمة عائلية وفي تغيير مكان او تغيير ديكور وتصليحات بالبيت ، الفلكي علي في مصاريف بالبيت وعلى اهلك او على عزيمة ومرق هاليوم ع خير والمسا انت افضل بشكل تدريجي ،

عاطفياً:في برود وركود عاطفي فكر بحالك وبمصلحتك ولا تزعل على شي حاول ترتب امورك العاطفية من جديد لتوصل لحلول مشتركة وتتخلص من ضغوط ، مافي شي رح يبقى على حالو وناطرك شي حلو وتغيرات مفاجئة بأجواء عاطفية من المسا ، المهم لا تعطي ثقة لحدا وبعد عن الماضي ويمكن عم تحضر للقاء وتطور بعلاقة لحب وموعد غرمي جدا .

صحياً:عم تعاني مشكلة بلاطراف وانتبه من ضربة على القدم اليسرى او الحوض والبعض مشكلة بالمعدة ولازم تعمل حمية .
💞غنيتك اليوم💞
انا وياك .. زياد برجي

#الحوت ♓
مهنياً:القمر بالثور يومك داعم الك في لقاءات واتصالات وعزائم واوراق بتخص وظيفة ومصاريف مالية على بيت او سيارة وموبايل وعم تفكر تعمل شي على مواقع تواصل وعم يزيد الاعجاب فيك وشعبيتك عالية وبكون في دعم من اخ واشخاص جديدة وفيك تسافر او تطلع مشوار وتخلص ضروري بيومك وقصة بيع او شراء وعقار وناس جديدة بس كون حذر من الاعطال والحوادث وقصة عائلية المسا او من شي بخص الاطفال كمان .

عاطفياً: بتكون مميز وبتجذب الجنس الاخر الك العين عليك وتعارف جديد عند الاعزب ، الفلكي علي المرتبط وضعك بيتحسن رغم التوترات الي كانت موجودة استغل هاليوم اذا عندك لقاء او اتصال لتقضي وقت حلو ورومنسي مع الشريك وتتمتع بجاذبية عالية وبتحسن علاقتك ، والبعض عندو فرصة لتواصل والاتصال مع شخص مهم او مشهور ،

صحياً:عم تعاني التهاب بلعوم حاد وبلغم مزعج والبعض اعراض كريب او بداية لكريب وانتبه من انتقال عدوة الك وبعد عن المنبهات.
💞غنيتك اليوم 💞
حبيتوا بيني وبين نفسي..شيرين