#أبراج__اليوم__الخميس__8__تموز__يوليو__2021 🔮
🌙 القمر بعد الضهر بينتقل لبرج السرطان ♋
#الحمل ♈
عم تشعر بمسؤوليات كبيرة عليك وانت مو قادر تحلها خاصة بما يخص بيتك وعائلتك والوضع العام بالشغل .. لازم تهدى وتفكر بحلول لكن لا تزعل لأن مو ذنبك ولا تنفعل حتى ماتكبر القصص وخليك متعاون ومساير قد مافيك ..
عاطفياً ❤️ .. بتشعر بالاهمال ومو مرتاح حاول تلاقي شخص يريح قلبك مو يتعبو ..
◾النسبة المئوية :
مهنيا : %91 ماليا : %85 عاطفيا : %89 صحيا : %82
#الثور ♉
يوم لتطلع من وضعك لتتحرك لتروح مشوار لتسافر لتتلقى اتصالات لتلتقي عالم ولتقنع برأيك هاد الشي كلو بايدك فلا تضل قاعد محلك وغير وضعك للافضل .. وانتبهلي من حوادث السيارات وحاول تنجز امورك بهاليوم وتحل القصص العالقة عندك ..
عاطفياً ❤️ .. فترة ايجابية عم تمر فيها فيك اليوم تطلع مشوار مع الشريك وتعزز العلاقة ..
◾النسبة المئوية :
مهنيا : %68 ماليا : %60 عاطفيا : %65 صحيا : %58
#الجوزاء ♊
عم تفكر اليوم بموارد مالية جديدة او كيف بدك تحسن شغلك ويكون في مردود افضل او انو تبدا شغل جديد .. وانتبهلي لمصروقك لان ماعم تحسب شو ضل معك ويمكن تقبض او تدفع بهاليوم ..
عاطفياً ❤️ .. انت قدام نجاح عاطفي اذا قررت تستقر فكون جاهز واختار صح ..
◾النسبة المئوية :
مهنيا : %77 ماليا : %73 عاطفيا : %80 صحيا : %78
#السرطان ♋
تحسن عندك وامور كتير رح تتغير عندك عم تشعر بالطاقة وممكن تسمع خبر حلو .. عم تطلع من حالة الركود ويكون في شي الك ممكن قصة بتنحل او شي جديد فخليك مستعد ورجع مكانتك بين الكل ورح تكون مدعوم بالحظ ..
عاطفياً ❤️ .. انت افضل فلا تنطر الماضي وفكر بارتباط او استقرار حتى ترتاح ..
◾النسبة المئوية :
مهنيا : %68 ماليا : %63 عاطفيا : %61 صحيا : %65
#الأسد ♌
تعصيب وعدم راحة وحاسس انو الدنيا مسكرة طبعا انت هيك رح تكون لكن الأمور مو بهالسوء ورح تفرج عليك قريبا ..بس مرقلي هالفترة واطمن كل شي رح يكون منيح بدي منك صبر وماتأمن لمين ما كان لان في ناس مابتريد الك الخير ..
عاطفياً ❤️ .. لازم تعيش بعيد عن طريقتك بالحب وممكن حب مفاجئ يجيك الفترة القادمة ..
◾النسبة المئوية :
مهنيا : %65 ماليا : %60 عاطفيا : %68 صحيا : %64
#العذراء ♍
يوم اجتماعي عم تلعب فيه دور الصديق المقرب من الكل عم تتلقى مساعدة اذا بدك وعم تنعزم وهالشي بخليك بحال افضل .. ووضعك مريح نسبيا ضمن الضغوط العامة فاستغل هاليوم لكن بنفس الوقت ممكن يصير مشكلة مع رفيق الك ..
عاطفياً ❤️ .. لازم تفكر اكتر بعلاقاتك وتحاول تحل الأمور حتى لو قلبك عم ينأذى ..
◾النسبة المئوية :
مهنيا : %68 ماليا : %61 عاطفيا : %63 صحيا : %58
#الميزان ♎
حالة من التوتر عم تسيطر عليك حاول تبقى بعيد عن الانفعال وانتبه بمجال عملك حتى ماحدا ينتقدك .. وحاول تنجز شي وتكون دقيق بشغلك وانتبه من الناس يلي معك وركز دايما بأنك تعمل كل شي بوقتو ..
عاطفياً ❤️ .. انت بحالة عاطفية مميزة لكن في شوية تعصيب انتبه من هالشي وروق ..
◾النسبة المئوية :
مهنيا : %68 ماليا : %61 عاطفيا : %63 صحيا : %58
#العقرب ♏
من الأيام الحلوة يلي بتحملك سفر واتصالات مع ناس غرباء عنك اول مرة بتحكين .. والاوضاع بتاخدك لبداية شي جديد بحياتك وبتفكر اكتر بناحية العلم والفلسفة ..
عاطفياً ❤️ .. يوم ايجابي حاول تفكر انك تحل مشاكل العلاقة واذا كنت اعذب فرصة لحب جديد ..
◾النسبة المئوية :
مهنيا : %69 ماليا : %70 عاطفيا : %68 صحيا : %64
#القوس ♐
انت بحال افضل عم تطلع من ايام سيطر عليك فيها الضغط والتوتر يلي حطك بمواقف صعبة .. حاول اليوم تخلص من القضايا العالقة عندك وحلها ورتب امورك المالية خصوصا بما يخص الشراكة عندك ..
عاطفياً ❤️ .. ابتعد عن الزعل ولا تفكر بالماضي الوضع رح يتحسن عندك قريبا ..
◾النسبة المئوية :
مهنيا : %82 ماليا :%81 عاطفيا : %87 صحيا : %80
#الجدي ♑
مابتعرف اليوم من وين بتجيك المشاكل مع الناس وبتكون مو قادر تتحمل حالك والعالم بتصير تستفزك بزيادة .. حاول تهدى ولا ترد على حدا حتى تتجنب المشاكل وعندك فرصة لاتمام شراكة اليوم ..
عاطفياً ❤️ .. لاتتخذ قرارات متسرعة مشان علاقتك وحاول تكون مساير حتى ماتخسر حدا ..
◾النسبة المئوية :
ومهنيا : %71 وماليا : %70 عاطفيا : %73 صحيا : %68
#الدلو ♒
عم تحس انك مرهق والشغل كتير عليك وماعم تلحق وهالشي عم يتركك بحالة من التعب .. لكن انت امام تطورات ايجابية اذا ما اهملت شغلك وكمان انتبهلي لصحتك ..
عاطفياً ❤️ .. لاتقلق مشان العلاقة لكن لازم تقدمو تنازلات انت والشريك حتى يكون في حلول ..
◾النسبة المئوية :
مهنيا : %66 ماليا : %60 عاطفيا : %68 صحيا : %62
#الحوت ♓
الأمور بالمجمل عم تحطك اليوم بالمكان المناسب عندك فرص وحظ واوقات حلوة ونجاح اذا بدك .. المهم استغل هيك يوم واستفيد من العروض المقدمة الك وحاول ماتثق بالكل ولاتخلي نيتك طيبة زيادة ..
عاطفيا❤️ .. يوم رومنسي بامتياز فيك فيه تعزز علاقتك او تبدا حب جديد اذا اعذب ..
◾النسبة المئوية :
مهنيا : %77● ماليا : %73● عاطفيا : %80● صحيا : %75
الفلكي منيب الشيخ
