أسعد الله اوقاتكم بكل خير… أبراج يوم الثلاثاء27مارس2018

أبراج يوم الثلاثاء…27مارس2018

القمر بعدو مكمل ببرج الأسد ♌

الحمل.
ضغط كبير مريت فيه وماعم ترتاح بس عندك يوم مميز بيحملك حلول وفرص وجظ لتحل مشاكلك .. لاتخاف في عندك شي ايجابي بهاليوم ووضعك العام بيشهد تحسن كبير ..
عاطفيا .. تعامل مع الحبيب بكل الرومنسية اليوم لأن رح تعيش اوقات حلوة معو ..

الثور.
انت ماعم تعرف شو بدك ووضعك بحاجة لحل خاصة بامور البيت والعيلة .. عم تكون عصبي حاول تفهم الامور وانتبه من انفعالك قدر الامكان واعطي حالك الوقت والصبر ..
عاطفيا .. عندك رغبة بالارتباط بس انت بحاجة لوقت حتى تستقر علاقتك وتفهم الشريك اكتر ..

الجوزاء.
يوم ايجابي الك بتتواصل فيه مع الناس بسهولة بتزيد حركتك ممكن تسافر وتتلقى اتصالات كتير .. وبتكون مقنع بحديثك وتطور شغلك للأفضل وانتبهلي من الحوادث وممكن تغير موبايلك ..
عاطفيا .. لاتتسرع بالحكم على الشريك وكون متفهم حتى تستمر العلاقة ..

السرطان.
تعاملك اليوم بالمصاري عم تصرف وتدفع وتقبض وحركة مالية عندك .. حاول تنتبه لامور شغلك وخاصة انو ممكن تبلش شغل جديد وبحاجة انتباه ..
عاطفيا .. ماعك تعرف كيف تتصرف مع الشريك وبدك طريقة لحل المشاكل حتى لو صغيرة ..

الأسد.
بعد التعب يلي مريت فيه من هاليوم رح تطلع من هي الحالة و رح تلاقي حالك افضل بكتير .. والحلول رح تجي لحالها حاول تفكر بالمستقبل وانسى يلي صار وأفتح صفحة جديدة ..
عاطفيا .. الاجواء السلبية يلي مرت فيها العلاقة ممكن تتحسن هاليوم بشرط ماتكون تسرعت بشي وبامكانك تفتح صفحة جديدة .

العذراء.
بدي منك ترتاح اليوم وماتحاول تحسم شي لأن الأمور مسكرة بوجهك والمشاكل ماعم تتركك .. فترة وبتمر حاول تنتبه من كل يلي حوليك ولاتتعاطى مع حدا وانتبه من الناس يلي بوجهين ..
عاطفيا .. ماتسمح لشخص يخليك تزعل او تعصب الحياة مابتوقف عند حدا ..

الميزان.
بتحصل على مساعدة من صديق لحل مشكلة بالشغل وبتكون اجتماعي بهاليوم .. قادر على التقدم بعملك يوم مميز بيحملك حلول واوقات مميزة مع رفقاتك ..
عاطفيا .. هدي الأجواء مع الشريك وحاول تعزز العلاقة يوم رومنسي وانت ملفت وحليان ..

العقرب.
لاتهمل شي اليوم خصوصا بامور الشغل يلي ممكن تشهد تغيير عندك .. وانتبه لسمعتك من حديث الناس يلي معك ولاتترك فرصة لحدا يحط عليك شي ..
عاطفيا .. لازم تبني حبك على اساس ثابت فلا تفوت بعلاقة مبينة مو واصحة ..

القوس.
فرصة اليوم للسفر وعم تفكر تبدا مشروع جديد او عندك فكرة وبدك تدرس موضوع معين .. وعم تتلقى اتصالات من اماكن بعيدة والحظ عم يكون معك وناس جديدة عم تتعرف علين ..
عاطفيا .. استغل هيك يوم لتحصل على اوقات رومنسية وتكون بحال افضل بعلاقتك ..

الجدي.
يوم اريح من الايام الماضية عم تناقش امور مالية وعم تحل مشكلة قضائية او استشفائية .. وعم ترتاح من موضوع شغل بالك وتكون بحال أفضل نسبيا ..
عاطفيا .. لاتعطي اهمية للمشاكل الصغيرة ولاتكبرها وخلي دايما في خط للرجعة ..

الدلو.
بتتوتر كتير اليوم وبتحس بالعصبية من اقل الأمور وكأنو الكل ضدك وماحدا بيفهمك .. انتبه من المشاكل يلي ممكن يسببها الناس الك اذا استفزيتن وكون بعيد عنها وفكر بتعزيز شراكة بدون مشاكل ..
عاطفيا .. لازم تكون هادي قدر الامكان لان الوضع صار لا يحتمل الشريك ماعم يقدر ابدا ..

الحوت.
بتبدأ نهارك بشغل كتير وتراكم وممكن تحس بالارهاق وانو صحتك مو منيحة ومرهق .. انتبه لأكلك وغذائك ونظم وقتك متل مامنعرفك ولا تتعاطى مع الناس وخاصة يلي مو شاطرين غير بالحكي ..
عاطفيا .. حاول تكون رومنسي شوي مع الشريك رغم التعب يلي انت فيه لان هو بحاجة هالشي ورغم انك عم تحسو ماعم يفهم عليك ..