أسعد الله اوقاتكم بكل خير أبراج يوم الاثنين …26مارس2018

أبراج يوم الاثنين …26مارس2018

القمر بينتقل بعد الظهر لبرج الأسد ♌

الحمل.
اليوم عم تشغلك قضية عائلية ممكن احد الوالدين صحتو عم تشغلك حاول تكون هادي وروق.. وكمان عم تفكر تغير بالمنزل وبعد الضهر اجواء رومنسية ناطرتك وتحسن كبير وممكن خبر يريحك ..
عاطفيا .. لاتتردد وحاول تكون متفهم للشريك مافي شي بيدعي للقلق المهم تكون واثق من حبك ..

الثور.
الحلو اليوم انو عم تحس بطاقة وقدرة على العمل حاول تستغل هاليوم وتفاعل مع محيطك .. انتبه اذا بدك تشتري اوتبيع موبايل او شي قصة بتخص الانترنت وبعد الضهر بينشغل بالك بقصص العيلة ..
عاطفيا .. لا تعتب على حدا يلي بحبك رح يرجعلك وخليك واضح ..

الجوزاء.
أنت اليوم عم تفكر بتحسين بشغلك بس خايف من الامور المالية ومصروفك عم يزيد وانت بحاجة لتنظيم ميزانيتك .. وبعد الضهر في فرصة لاتصالات حلوة او مشوار قصير وانتبه من اعطال بموبايل او جهاز الكتروني عندك ..
عاطفيا .. حاول تحصن حبك من حكي الناس حتى يستمر وكون قريب من الشريك ..

السرطان.
اليوم كمان عم ترجع لنشاطك وطاقتك تدريجيا استفيد من القوة يلي عندك لتغير الأمور لصالحك.. قادر تحل مشاكلك وتفرض رأيك وحالك وتكون جاهز ليوم الحظ بيدعمك فيه بفرص حلوة وبعد الضهر بتعالج امور مالية ..
عاطفيا .. لاتتسرع لأن أي شي ممكن ينهي علاقتك وفكر تصالح لتحصل على الاستقرار والراحة ..

الأسد.
يوم عم يحملك تراجع بالمعنويات وملل كتير وخوف من القادم عم تتعب وتحس بنوع من اليأس .. انتبه هاليوم قدر الامكان ولا تتصرف بشي وانتبه لصحتك وبعد الضهر بيتحسن وضعك وبترجع طاقتك وبترتفع المعنويات وبتكون أفضل ..
عاطفيا .. يوم مخيب عم تفقد ثقتك بالناس وماعم ترتاح لوضع علاقتك لكن في اخبار حلوة المسا ..

العذراء.
تعامل بطريقة ايجابية وتفاؤلية مع محيطك وخاصة الاصدقاء لان يوم اجتماعي بيتفاعلو الرفقات معك .. وبتحقق معن نجاح اذا بدك بس لاتسمح للأخطاء الصغيرة تفوتك بمشكلة وخاصة بعد الضهر وكون دقيق ولاتعطي ثقتك لمين ماكان ..
عاطفيا .. لا تنتظر المبادرة اليوم وحاول تهدى وتعيش حبك وابتعد عن الانفعال زيادة ..

الميزان.
يوم مهم عندك بس الناس يلي معك ماعم يتركوك بحالك عم تدور الأحاديث عليك بالايجابي والسلبي .. انتبه وخليك دقيق وكون حريص انك تتم عملك على احسن وجه وبعد الضهر بتلاقي دعم من الاصدقاء الك وبتعزم شخص غالي ..
عاطفيا .. لاتتخذ قرارات متسرعة لتخرب العلاقة بالعكس انا بنصحك بالهدوء والتفكير بعلاقتك بجدية اكتر ..

العقرب.
يوم حلو وبيحملك تغيير مهم بحياتك ممكن سفر وتعامل مع ناس اول مرة بتحكين وفي حركة اتصالات كمان .. خليك ذكي وانتهز الفرص وتعامل مع يومك بتفاؤل اكيد وبعد الضهر بتناقش امور وتغييرات مهمة عندك ..
عاطفيا .. لا تترك مجال للشك عند الشريك وخليك واضح حتى ما تنلام بالنهاية ..

القوس.
اليوم عم تشعر بشوية راحة بعد أيام ارهقتك على كل الأصعدة حاول تاخد نفس وتفكر بمصالحات وتلطف للأجواء بالعمل .. وانتبه لمصروفك وبعد الضهر بتتعرف على ناس جديدة وأمور بتريحك وبتكون بوضع افضل وفي حلول عندك ..
عاطفيا .. انت بحاجة لفترة من الراحة من العلاقات العاطفية او حتى التفكير لأن هالشي عم يرهقك كتير وتحسن كبير المسا ..

الجدي.
اليوم توترك عم يزيد وماعم تتحمل الكلمة هالشي عم يخليك تزعل بسرعة وتنفعل وماتعرف تشتغل ولا حتى تدرس .. حاول تهدى وكون بعيد عن الأجواء المشحونة وبعد الضهر افضل انت وبترتاح نسبيا وبكون في راحة وحلول عندك ..
عاطفيا .. مابعرف اذا وصلت الامور مع الشريك لمشكلة أو بعد ما وصلت بس بدي تنتبه كتير منيح ..

الدلو.
ماعم تعرف تسيطر على اعصابك وهالشي عم يخلي بعض الناس يستغلو هالشي ليستفزوك ويأثرو عليك .. حاول تنتبه لشغلك لان عم يزيد ودير بالك على صحتك قدر الامكان وبعد الضهر بتناقش امور شراكة بس بدون انفعال ..
عاطفيا .. المشكلة دايما انو راسك ماعم يتحمل الغباء والاهمال وهالشي بكبر المشاكل حتى لو صغيرة .

الحوت.
يوم داعم الك في حظوظ حلوة يوم ممكن يحملك حلول وفرصة لنجاح حاول تستغل الفرص وخاصة اذا فرصة مالية .. وعندك تراكم شغل وممكن تتعب صحتك بعد الضهر فانتبه وحاول تساعد حالك بانك تنجز تاجزء الأكبر بالهنار ..
عاطفيا .. بتحس اليوم بتحسن الأجواء رومنسيا وبتسمع خبر حلو او بتتلقى الاعجاب من حدا ..