أبراج يوم الاثنين، 19مارس2018

أبراج يوم الاثنين، 19مارس2018

القمر مكمل بالحمل ♈

الحمل.
يوم تاني من الطاقة قادر تعمل الكتير اليوم لاتخاف وتخلص من الماضي وابدا من جديد .. بدي منك تحدد خياراتك واهدافك وانطلق لتغير الأمور للأفضل وخطوات جديدة ناطرتك ..
عاطفيا .. خبر حلو عاطفيا ورغبة بالاستقرار حاول تقرب وجهات النظر وحب جديد ممكن يكون هالفترة عندك ..

الثور.
تعامل بحذر قدر الامكان الاجواء مشحونة ومافي شي عم يمشي متل مابدك .. تعب صحي ممكن وحالة من الهدوء والركود عم تسيطر عليك طبيعي هالشي بس اصبر وبلا عنادك ..
عاطفيا .. عم توتر علاقتك بالشريك بدون اسباب مقنعة لاتتخذ قرار مهم واهدى ..

الجوزاء.
حاول تاخد قوتك من الأصدقاء يلي بتدعمك وبتعطيك الطاقة بهيك يوم .. كمان بدي منك تنهي اعمالك الضرورية واستغل الفرص المناسبة ولاتبقى لحالك بهيك يوم ..
عاطفيا .. لاتفرض شخصيتك زيادة عالشريك وحاول تتفهمو قدر الامكان لتستمرو ..

السرطان.
عم تعاني من توتر مو طبيعي عم تحس بمؤامرات عم تنعمل الك خفف القلق ولاتخاف .. المهم انت خليك دقيق ورح تمر على خير وممكن يتأثر وضع الشغل عندك وانت بيوم في كركبة لكن بنهايتها ..
عاطفيا .. مو مرتاح والشريك عم يزيدها عليك خليك مرن قدر الامكان ولاتنفعل على أقل الأمور ..

الأسد.
عم تفكر تسافر او عم تتلقى اتصالات بعيدة يمكن هي الأجواء المناسبة الك ..فكر بعلم جديد واستغل هيك يوم لتطور بحالك للافضل وتنجح بالمكان يلي انت فيه ..
عاطفيا .. كتير من الحب عم يحمل معو اليوم الك فاستغل عاطفتك بدون انفعال وغيرة ..

العذراء.
لاتبالغ بمصروفك اليوم لان ممكن توقع بمشكلة مادية وتحتاج مال اضافي .. وممكن كتير تعوض هالشي وتاخد مصاري ويوم بيحملك هدوء وترقب لوضعك وحل لبعض المشاكل ..
عاطفيا .. حاول تلاقي حب جديد او حسن الاجواء الرومنسية مع الشريك رح ترجع امورك افضل لأن ..

الميزان.
لاتصعد الخلافات بالشغل وماتتخذ قرارات تندم عليها انت بموقف ضعيف .. حاول قدر الامكان تصبر حتى ماتكون انت الخسران مع شركائك ..
عاطفيا .. انت بحاجة للخروج من جو التوتر يلي عم تعيشو وحابب تعيش شي غير ..

العقرب.
عم تتعب ويزيد الشغل عليك يمكن هالشي طبيعي بس ماتخليه يأثر على صحتك .. وخليك دقيق ورتب امورك ونظم وقتك لتنجز القدر الأكبر بهاليوم ..
عاطفيا .. لاتصعد الخلاف مع الشريك بأي موضوع او قصة حاول بس تساير هي الفترة ..

القوس.
حضورك مميز اليوم قادر تكون مقنع وتحصل على نتائج مميزة بعملك .. لاتوقف واستغل الوقت يلي عم يمنحك طاقة وقدرة على الوصول لهدفك ..
عاطفيا .. حاول تستقر بعواطفك على شخص معين وفكر بشكل جدي بعلاقتك ..

الجدي.
انت بيوم متعب عم تحس حالك متوتر مو على بعضك في أشيا بالبيت ماعم تريحك .. كمان عم تكون صحيا مو كتير وماعم تحصل على الاستقرار يلي بدك ياه ..
عاطفيا .. لا تفكر بالماضي كتير وحاول تطلع من القلق يلي عم تعيشو وتفائل ..

الدلو.
عم تحس بنشاط كبير عم تتواصل مع العالم بطريقة مبهرة قادر توصل رايك .. من الأيام المهم استغلها وتقدم فيها بعملك وقدرة على الاقناع وسفر واتصالات كتير عندك ..
عاطفيا .. حاول تبتعد عن التردد شوي وارتاح من التفكير لتعيش اوقات رومنسية اذا بدك ..

الحوت.
لاتسجن حالك بوسواس التعب واطلع من الأجواء السلبية والخمول وامورك عم تتحسن ..حاول تضل قريب من الأصدقاء وعندك تعامل بقصص مالية كون منتبه والاجواء حلوة وداعمة ..
عاطفيا .. عم تفرض على حالك وضع جديد لاتكبر القصص وحاول تكون رومنسي ..
بقصص