بابا نويل

بابا نويل
إيمان حسن/سوريا
بابا نويل تعال
نحنا ما بدنا هدايا
نحنا بدنا حرام
وشي كنزة صوف
نغطي فيه هالعظام
يلي نخرها البرد
والناس تقول ياحرام

بابا نويل تعال
جيب معك علب حليب كتير للأطفال
جيب معك لفوفة زعتر

وجيب مدرسة وكراريس وأقلام
واذا بدك جيب معك
كيس كبير كتير كتير…
حطنا فيه و رجعنا للوطن
أو رجع للوطنا السلام
اشتقنا لزينة الأعياد
لصوت المحبة بالساحات
اشتقنا لرنة الأجراس
ولضحكة الناس
اشتقنا كتير اللمة الحلوة
و للعطر الغافي بالحيطان
لصبية عم تغزل شال الفرح
وتحيك للعيد فستان.

بابا نويل دخلك تعال
مو كرمالنا كرمال الاطفال .

أخبار ذات صلة

زر الذهاب إلى الأعلى
آخر الأخبار