خلي نقراها

خلي نقراها.
/حسن حنظل النصار. /سالفة.تلوگ
طگ. بطگ. يعني شوي فشگ
او يمكن هواي فشگ. ….
لهذا وضع البلد وخصوصا هاي الايام. .،،
اكو وحدة متزوجة بس حبابة حيييييل وساكنة بشقة بعمارة
‘‘ يعني من مثيرات الجدل على كولة المثقفين ‘‘
وكل يوم من يطلع زوجها لشغله يصعدولها اشكال شي زغار وشي اكبار من كل الأنواع والتوجهات

‘‘يعني.. صايرة وحدة وطنية على كولة المستقلين
بحيث الناس الساكنة بالعمارة ملوا ولعبت نفسهم من كثرة الي تدخل العمارة على هذه الحبابة الصايرة بعمارتهم ملتقى جماهيري

‘‘ يعني .. توافقية وطنية على كولة الحزبيين ‘‘
وبيوم من الايام كلولها كافي ترى راح انفضحج

‘‘ يعني .. يلوحون بملفات الفساد على كولة البرلمانيين
بس ماكو فايدة لما دزولها خبر احنا قررنا نجتمع بالليل ونجي نگول لزوجك ترى واحد صاعد واحد نازل

‘‘يعني .. يضربون بيد من حديد على كولة المصلحين ‘‘
المهم منعولة الوالدين خافت وكالت خل الگه فره زينه للسالفة

‘‘يعني .. غطاء دستوري على كولة المشرعية ‘‘
واشتغل تفكير بنت ابليس وجابت موس حلاقة وطيرت نص من حاجبها
ومن رجع زوجها كامت تبجي وادگ وتلطم
فسألها زوجها : گللها هاا شبيج حبيبتي شكو .. اشصاير .. دفهميني ؟
گلتله : جاي اعدل بحواجبي وكصيت حاجبي وجوارينا كلهم يضحكون عليه ويصيحون وراي ‘‘واحد صاعد واحد نازل‘‘

‘‘ يعني ..تسقيط سياسي على كولة الاعلاميين ‘‘
هذا هم المعدل صعدت الغيره براسه وطگت دمارات المرجله بجسمه وصعد عرق الناموس فلكف ساطور اللحم وطلع بنص العمارة يصيح : مناعيل الوالدين مرتي واحبها ‘‘ واحد صاعد واحد نازل ‘‘ انتوا شعليكم .. معليكم بيها والي يندك بيها النوب اسوي بي الي مايتسوى وارجعه ؟للمربع الاول .. عله كولة السياسيين‘‘
الناس هم سمعت وكلمن غلس وسد بابه وطب جوه لان مثل متعرفون طلايب وعطاوي وفصول وشكاوي وقط بمختلف انواعه لهذا قرر الجميع السكوت حقنا للدماء ودعما لرصانة الوحدة الاجتماعية

‘‘ يعني .. حفاظا على التجربة الديمقراطية على كولة الديمقراطيين‘‘
وذاك الطاس وذاك الحمام
مع تحيات ساحة التحرير وجسر الجمهورية
مع تحيات. ابن مشتت. كاظمي. يلي. سرق. ما تبقى من اخلاق وقيم. وفلوس. من البلد ابن مشتت اعتقد. يگرب لهاي

أخبار ذات صلة

زر الذهاب إلى الأعلى
آخر الأخبار