الابراج اليومية.. تعرف على حظك اليوم الأحد

🔥ابراج يوم الأحد 15 أيار🔥

عم نعيش طاقة الماء بشكل أكبر اليوم مع تواجد القمر في برج العقرب اغلب مشاغلنا اليوم عم تكون بالمال والعاطفة وعم نهتم لعلاقاتنا بشكل اكبر وعم نعطي مساحة من الحرية بالكلام وتعبير رغم الخجل وتردد في بعض المواقف وابتسامة مخفية غير علنية مشاعر عم تكبر وعم تتطور واجواء من شغف والحميمية .. الحب القديم والماضي عم يتردد الينا بالخيال وتفكير كتير وعم نظهر عدم الاكتراث ولا مبالات لكن بالحقيقة داخلنا عم يكون غير ورح نميل هالفترة للاعمال الروحانية والبحث عن امور غيبية .. ايضا خسوف القمر بالعقرب عم يأثر على صحة الجهاز الهضمي وتناسلي البولي وعلى المشتقات النفطية وارتفاع بلاسعار هالفترة قرارات مهمة رح تكون على صعيد المالي والعسكري وتسريح قرب نشالله ❤

🔥أبرز توقعات يوم الأحد 🔥

🔥الحمل يوم في قصص مالية بتشغلك ومصاريف وفي مبلغ عندك وامور بتخص دين وفواتير وشغل والتزامات مع انو مالك مروة ولازم تنتبه على صحتك وشكلك عم تزور طبيب او مشفى او صيدلية .. طاقتك 73%

🔥الثور يوم لشغل ومواعيد ومضغوط بأكتر من قصة بالعمل والعاطفة والبيت كمان وماعم تلحق ومابتعرف كيف ترتب امورك لازم تكون دقيق وتعيد حساباتك وبلاخص بالشراكات .. طاقتك 76%

🔥الجوزاء يوم في مسؤوليات كتيرة بدك تكون قدا وفي تغيير بقصة او مكان ويمكن منزل وبشغلك وقصص عم تنفتح يمكن بتتعلق بالعائلة والعاطفة مع بعض او حدث بالبيت لكن لازم تستفيد من الامور المهنية وبالعاطفة تدريجي الاجواء عم تتحسن والقاءات .. 59%

🔥السرطان يومك عاطفي في اجواء كتيرة حلوة ان شاء لله بلاخص اذا كان في مواعيد واتصالات عم تكون ايجابية الك والبعض عندو فرحة او خبر حلو واستفادة من شريك عاطفي او شخص بحاكيك .. طاقتك 83%

🔥الأسد يوم بعدا الامور العائلية والعقارية بتشغلك وحاول تهدي مع محيطك ومع الاهل وطنش وانتبه على صحة حدا بالعيلة ومصاريف مالية بالبيت بس استغل امورك العاطفية وغير جو لتطلع من هالقصص الي متعبك ..طاقتك 66%

🔥العذراء فترة جديدة لتغيرات ولقاءات وامور عم تتحسن وعم تكون لصالحك واجواء حلوة اتصالات وتواصل وعلاقات وقصة سيارة او موبايل واخوة وعزائم وانتبه من الحوادث والاعطال .. طاقتك 75%

🔥الميزان يوم في مال وعم تعيد ترتيب الامور من جديد وعم تحسب شو الك وشو عليك وضب ايدك على مصاريفك بتقبض بأيد بتدفع بأيد وزيارة لمركز وشي حكومي او صحي .. طاقتك69%

🔥العقرب عم تستفيد من دعم اشخاص من حولك في حب وعاطفة وعلاقات عم تتحول لحب وجهز حالك لعزيمة واصدقاء جدد وعلاقات حميمية وممكن يوصلك شي مادي او معنوي .. طاقتك 81%

🔥القوس بدك تروق اليوم والامور بعدا ماعم تظبط وبتحس في تأجيل وتأخير وعلاقات كتير بس مو بوقتا بنصحك تأجل الامور المهمة على الاقل لفترة المسا .. طاقتك 60%

🔥الجدي يوم جيد للبدء بعلاقات اكتر حميمية وشغف وعم تهتم وعم تبادر ويمكن في لقاء واتصالات ومشاعر على غير العادة واهتمام للأبناء والبعض بسافر او مشوار وانتظر خبر مفرح او مال قادم هاليومين او شخص الك فترة ماشفتو واماكن او مؤسسات حكومية او ورقة او عقد وفكرة تاخد اجازة او تحسم امور شغلك .. طاقتك 80%

🔥الدلو يوم في شغل كتير وعلاقات والتزامات ومانك مرتاح لان مابتحب حدا يقيدك وبلاخص انو عندك التزامات مالية ومصاريف لهيك اي التزام جديد ممكن يأثر على وضعك وفكرت حدا يساعدك ويوقف معك بقصة يمكن مالية والبعض بيقبض وتطورات عاطفية حميمية قريبا .. 78%

🔥الحوت يوم جيد عم تسمع اخبار حلوة ويمكن بتجهز للقاء مهم او توقيع او اتفاق والعلاقات العاطفية فيا شغف وحميمية وتواصل وفيك تستفيد من زملاء او شريك وصدفة ممكن تجمع بشخص غريب ..طاقتك 89%
بالتوفيق للجميع أن شاء الله 🌹

أخبار ذات صلة

اترك رد

زر الذهاب إلى الأعلى
آخر الأخبار