ابراجالثقافية

الابراج اليومية..تعرف على حظك اليوم الأربعاء

#حظگ______________________اليوم ✍️ ✍️ #توقعات_الأبراج_الاربعاء_13_اكتوبر_2021
🌙🌛 القمر بكمل ببرج الجدي ♑ الترابي كوكبه زحل..

#الحمل ♈
مهنياً:لايام روتينية عندك وكذا قصة بتشغلك بشغلك وضمن بيتك لا تخلي شي يأثر على طاقتك وشتغل شغلك وخلص المطلوب منك .. تراكم اعمال عليك رتب امورك ونظم وقتك وحاول تخلص امورك بأسرع وقت ولازم تحسم اي موضوع او اتفاق مابدي تراكم الاعمال يتعبك صحياً .. يوم عم تكون بحاجة للهدوء بعيد عن ضجة والاجواء المتعبة لتنجز اعمالك .. حاول تغير جو بمكان بريحك وعندك زيارات وبتشوف ناس مقربة او الاهل .. والبعض عندو شغل جديد او مال من شغل..
عاطفياً ❤️ :تغيير روتين تواصل وعلاقات عم تكبر اكتر ..
المرتبط ممكن لامور تهدا بهيك يوم ولازم يكون الشريك متفهم للوضع ولازم يقدر وضعك وتعبك وحاول تتقرب من الشريك بهدوء وبتوقع الايام جاي فيها تتطورات افضل الك بس حاول تساير شوي هاليوم .. والاعزب علاقة عم تتطور وعم تاخد منحى أخر ..
صحياً:شوية التهابات وكريب والبعض بيبدأ نظام غذائي وروتين جديد على صعيد الصحي.

#الثور ♉

مهنياً:لقاءات ومال والعاطفة الها دور بيومك .. اخبار بتسمعها وحلول لقصة ادارية وشي بخص الاطفال والانجاب .. عم تزيد طاقتك وعندك دافع كبير لتخلص امورك وتحقق نجاح وفرصة شغل جديد بتتأقلم على الوضع بسرعة وبتكون افضل من قبل .. حظ وطاقة وتحسن بكون بيومك لمة واجواء حلوة واتصالات واذا عندك سفرة قصيرة كمان منيح ليوم لسفر ومال بين قبض ودفع وحلول ..
عاطفياً ❤️ :يوم عاطفي اتصالات ولقاءات ولقاء ممكن يكون بعد جفا او غيبة.. برغم علاقتك ما كانت مستقرة وماعم تلاقي حلول .. هاليوم داعم الك لتلاقي هاشي بس بدي منك تكون مرن وتستغل جاذبيتك وتأثيرك ع الجنس الأخر وبيحملك تغيرات عاطفية فكون جاهز لتحقق شي نطرتوا كتير .. فرصة عند كتار ليلاقي حب جديد وارتباط او عودة حب اليك ..
صحياً:عليك بلاهتمام اكتر بصحتك وممارسة احد هواياتك الرياضية والمشي بشكل يومي ..

#الجوزاء ♊

مهنياً:يوم في قصص عائلية وعقار وعزائم .. شوية رواق وتركيز وتنتبه لضغوط بالعيلة وبشغلك رغم في قصة بتشغلك بس لا تخاف الامور بتجاه حلول وتحسن خفف شوية حساسية حاول لا تنزعج او تعصب من اي تصرف او كلمة ممكن تسمعا يعني خففلي انفعال وتوتر على شي بلا طعمة ومع حدا مابيستاهل والبعض بتشغلوا قصة عقار او ديكور منزل وتجهيز ..
عاطفياً ❤️ :سيطر على مشاعرك وعواطفك ولا تخليها تاخدك لمكان مابدك ياه .. حاول تسيطر على الوضع وممكن المشاكل ماعم تخليك ترتاح بعلاقتك وماعم تقدر تتواصل مع الشريك بشكل المطلوب .. خليك هادي ورايق ولا تخلي شي يستفزك
لأهمام عم يتعبك وقسي قبلك شوي لا ضيع حالك بلاخص اذا كنت أعزب ..
صحياً:قلق وتوتر وعم تعاني تعب وارهاق بجسمك وبلاعضلات وممكن البعض يعمل عملية او شي بخص تجميل ..

#السرطان ♋

مهنياً:بتشغلك قصص ادارية وتطورات بوضعك وبتقلب الامور لصالحك .. عم تتحرر من قيود كتير وبتنجز اعمالك بوقتها وفي عندك تنقل وحركة واتصالات كتيرة ومن مكان بعيد او شخص قادم او شي ناطرو يوصلك بتخلص التزامات مالية او ممكن تقبض وتدفع وممكن سفرة قصيرة ونتبه لبعض الاعطال او الكسر والحوادث او امور قضائية وادارية نشالله بتلاقيلها حل وعقار بيشغل البعض ..
عاطفياً ❤️ :اذا بدك ترتاح لازم تقدم تنازلات .. عم تتجاوز عراقيل وممكن مبادرة لتصفى لقلوب بيوم داعم الك وبتكون هادي بتعاملك مع الشريك .. ممكن البعض عندو مصالحة عاطفية اذا كان في زعل وعم تعود المياه الى مجاريها .. لاعزب يومك حلو لتبدء قصة جديد وصداقات عم تكتر وبتكبر بقادم الأيام ..
صحياً:حاول ترفه عن نفسك ونصيحة لا تتردد بأي عزيمة ممكن تتلقاها ..

#الأسد ♌

مهنياً:قصص مالية بتشغلك ممكن بتخصك او بتخص حدا مقرب شوية ترتيب وتنظيم وامورك بتتحسن .. عم يكون عندك شغل بهاليوم وامورك فيها تغييرات وممكن شوية عرقلة او تأجيل بس مابينخاف عليك بتلاقي الحلول وبتسيطر على الوضع .. انت بحاجة لضب ايدك ونتبه لمصروفك وتعيد حساباتك وممكن البعض يحصل على مبلغ اذا ناطر هيك شي او عندك اقساط والتزامات ..
عاطفياً ❤️ :مابتلحق ترتاح لينقلب الوضع وبتحس مو مكتبلك الراحة العاطفية .. الاهمال عم يتعبك وهاشي عم يخليك بحالة نفسية متعبة وماعم تخليك ترتاح .. العلاقة مابتوقع سيئة بس في شي عم يشغلك انت والشريك وممكن تكون قصص مالية مشتركة هاشي عم يخلي الشريك مشغول وفي فتور وبرود بالعلاقة ونتبه من طرف تالت يدخل هالفترة ..
صحياً: حالتك صحية افضل وفي تحسن لمهم تبقى تحافظ على صحتك ..

#العذراء ♍

مهنياً: بتتنفس الصعداء ولاجواء افضل يومك منيح ومدعوم بحظ وطاقة واخبار حلوة بتخلص اعمالك المهمة وحركة وتنقلات واحتمال سفر قصير .. بعد تعب بتتحسن امورك بس هالفترة نتبه لامورك المالية بلاخص صرفت او أشتريت شي مهم ..يومك بيطلب منك حسم وتحقيق مشاريعك الي كنت عم تطمح الها وفرصة لتعيد حساباتك وتبدا من جديد ولتحسن مهني مالي واجواء اجتماعية حلوة وخبر حلو بخص الانجاب اذا ناطر هاشي ..
عاطفياً ❤️ : بعد فترة طويلة من توتر العاطفي وضبابية كانت بوضعك الامور اليوم فيها شي جديد وانفراج ومصالحات وارتباط عند الاعزب .. يوم في تفاهمات وبتكون جذاب وساحر بطلتك بتصارح وبتكون جريء عبر لقاء أواتصال وممكن تتواصل مع شريك قديم او تبدأ حب جديد .. وبرأيي تقدم شوية تنازلات لتحل مشكلة عندك وترتاح وتريح راسك ..
صحياً:نتبه من كريب وفيك تعمل تغييرات بالبرستيج وتعطي طاقة ايجابية لجسمك ..

#الميزان ♎

مهنياً:مابتعرف مين بدك ترضي وضغط ومسؤوليات عم تزيد وبعض الاشخاص عم تعبك بس هاشي كلو على حسابك انت وعم تواجه القصص لحالك الحظ ماعم يحالفك عم تلاقي صعوبة بتواصل وظروف عم تخليك متوتر وممكن متلبك وعم تتأجل بعض الامور عندك بدي منك تسيطر ع الوضع وتهدي بلاخص اذا في موضوع ضروري بدك تحكي في .. ينصحك تغير جو وتشوف ناس بتحبا واضبط اعصابك مشان مايصير اي سوء تفاهم ..
عاطفياً ❤️ :لامور بسيطة بس انت اوقات بتكبر القصص يعني شوية تنازل منك او من شريك ولامور افضل مابدا كل هالعناد والغيرة الي ممكن تسبب مشاكل .. رغم بتحس اوقات حالك مقيد وانت بحاجة لحرية اكتر بلاخص المرتبط جديد .. حاول تستمع لنصائح بهاليوم وترك الأمور تمشي متل ماهيي مابتعرف رغم الامل ضعيف بس ممكن يكون الفرج كبير بوضعك .. امورك بتتحسن قريباً وبتتخطى الخلافات وبتلملم بعض المشاكل وبتلاقي حل بس خليك جريء ولا تتردد في اتخاذ القرارات المهمة تدريجي العاطفي افضل وحب ورومنسية عندك ..
صحياً:نتبه من الحوادث بهاليوم وعليك بأتخاذ قرارات صحية افضل ونتبه من زيادة الوزن الي عم نبهك عليها كتير ..

#العقرب ♏

مهنياً:اجواء اجتماعية وناس جديدة وبتحبن بتقضي وقت معهم وفرصة لتريح حالك وتخفف عنك بعض الضغوط .. لقاءات وعزايم ودعم من ناس المحيطة ويوم حلو وفرصة ليتحسن الوضع المهنية والبعض بيحصل على مال وعم يفكر بسفر او مشوار قصير والبعض ناطر شي بخص امور حكومية قضائية او اوراق .. بنفس الوقت لا تعطي ثقة لمين ماكان ونتبه مو كل مين ضحكلك بيتمنى الخير الك ركز ..
عاطفياً ❤️ :علاقات افضل تحسن تدريجي واجواء حلوة .. عندك سحر وجاذبية مميزة بهاليوم واذا في مشكلة مع الشريك حاول تحلها وتعزز علاقتك وتصلح الامور بلاخص في توتر صغير بينحل .. يوم حلو لتقضي وقت حلو وممتع عم تكون الاجواء رومنسية وحميمية بتواصل واتصالات وارتباط .. علاقات عم تطور وعم تاخد منحى اخر ..
صحياً:انت بحاجة للهدوء وراحة والأنسجام وتابع اعمالك الصحية او الريجيم وبعد عن العصبية..

#القوس ♐

مهنياً:شهرة وسمعة وقصص وظيفية .. عندك ضغط بشغلك وفي ضبابية بلامور سوء تفاهم بينحل بس نتبه من ناس المحيطة حتى ماتخسر .. لازم تهدي هالفترة وتروق بلا عصبية وانفعال بلاخص اذا عندك طموح او بدك تستلم شي او تنتقل لمكان جديد .. بعرف تعبان نفسياً وخيبة امل عندك وقرارات ماعم تناسبك مابدي لعصبية والانفعال يأثرو عليك وعلى وضعك .. بحاجة لتساير وتكون دقيق وتفهم الامور صح وممكن تبلش شغل جديد او تنتقل لمكان جديد ولقاء مهم بيومك ..
عاطفياً ❤️ :تفهم وضع شريك وتعامل بهدوء ودبلوماسية
وشوية تنازل منك وشوي منو لامور بتصير احسن وبترتاح نسبياً وبتعود ثقة من جديد .. استغل يومك لتصلح لوضع ولا تبقى لحالك في تواصل واتصال حلو ناطرك والبعض ممكن يتواصل مع حدا من داخل شغل او وظيفتك ..
صحياً:مشاكل بلاطراف او المفاصل والبعض عندو عملية عليك باتباع نظام صحي جيد ولا تعب حالك ..

#الجدي ♑
مهنياً:حلول لمشكلة معقدة عندك وبيوصلك شي نطرتو من فترة واختبار عندك .. يوم داعم الك بالحظ وطاقة تواصل وناس غريبة واتصالات ممكن بعيدة وخبر حلو وعم ترتاح من تعب وممكن يكون في تقدير لجهودك .. يوم مميز وممكن يحملك لقاءات وتطور بوضعك نحو الافضل بتتحسن امورك وعندك حركة اوراق .. يوم في تنقلات وتحسن بشغلك وزيادة بالمدخول المالي عم تفكر بسفر او نقل او ترقية وعزيمة كمان بس نتبه من الاعطال او مشاكل الموبايل والمواصلات ..
عاطفياً ❤️ :نجمك عالي ومحبوب وعم تأثر ع الكل وبتسمع اعتراف بحب او أعجاب .. يوم لتفاهمات ومصالحات وتعزيز وضع العلاقة وشي بخص امور مشتركة بينك وبين الشريك .. في خبر حلو ويوم عاطفي وممكن تتعرف على حدا ويزيد الاعجاب وتطور بالعلاقة وتواصل مع شخص قديم او تعارف جديد او حدا يطلب موعد او رقم وتواصل عبر مواقع تواصل الاجتماعي ..
صحياً:فكر بقرار مهم على صعيد الصحي وتجنب اكل الأطعمة التي تحتوي على الحد .. لبعض بعاني من مشاكل المعدة وارتخاء بالجسم .. ونتبه من الحوادث..

#الدلو ♒

مهنياً:يوم للمال التزامات ودفع وديون وقصص ميراث للبعض .. يوم في مصالحات وتحسن تدريجي بلاخص بالامور المالية كتير تعبت وضعك المالي اكتر شي شاغلك .. بتتجاوز مشاكل كانت موجودة وتواصل بزيد وعندك مواعيد ولقاءات مع ناس كتير وزيارات يومك في اختبار كون جاهز وفرصة عمل واذا في شي بخص المال لا تتردد وتطلب ..
عاطفياً ❤️ :كرامتك فوق كلشي واذا في امكانية للحلول حاول تناقش وتعطي فرصة جديدة .. تجنب الخلافات ولا كتير تضغط على حال والي راح راح كون دبلوماسي ومتفهم بس كلشي لحال يعني مو ع حسابك .. اعطي مجال لشريك يعبر ويحكي الي عندو وعلى اساس هاشي بتتصرف .. يوم ايجابي عند البعض واجواء حلوة وفي تحسن وتقدم نوعي بعلاقتك وبلاخص لمن دخل بعلاقة منذو مدة واحتمال عودة شريك قديم او اذا كان في زعل ..
صحياً:نتبه لصحتك ودائما خليك متفائل بنتائج وتحسب حساب لأي طارئ ونتبه من الحوادث او عراقيل واعطال اثناء سفر ..

#الحوت ♓
مهنياً: الحظ مو معك لهيك بحاجة تستغل الفرص المتاحة وتكون دبلوماسي ومساير حتى ماتعصب وتنفعل او تفوت بمواجهات مع حدا حاول تنتبه العلاقاتك ولشغلك بهيك يوم لان في حساسية وبدك تنتبه تترك شغل او مشكلة مع شخص او تفصل شراكة مهنية او عاطفية .. البعض ممكن يبدأ شغل جديد وشراكة عمل او مال من شراكة او حوالة ..
عاطفياً ❤️ :المرتبط الوضع مابطمن وفي تأزم وسبب مافي التزام وكانو الحكي مابقدم ولا يأخر وهاشي كتير بيزعجك وممكن ماتترك الامور تمر مرور الكرام وبدك تحاسب على تجاوز الحدود بس بدي منك تفكر لقدم لان هاشي ممكن يسبب خسارة الك وتوتر وسوء تفاهم عاطفي ..
لاعزب امورك افضل واجواء مبشرة وممكن ارتباط وشراكة جديدة ..
صحياً:خفف تفكير وسهر وريح حالك نفسياً قبل كلشي ونام منيح ..

أخبار ذات صلة

زر الذهاب إلى الأعلى
آخر الأخبار