الابراج اليومية.. تعرف على حظك اليوم الأحد

((وان_بغداد))

تنشر وكالة أرض اشور الإخبارية، أبراج اليوم الاحد_15_أب_أغسطس_2021 🔮🌹
🌙القمر بكمل ببرج العقرب ♏

#الحمل ♈

هدي الامور وانتبه بالبيت وعقاريا ..
لازم تستغل يومك صح لتكون اقرب لعيلتك او لتحسم امور عقارية او لتنقل وتغير مكان سكنك او شغلك وعم ينشغل بالك على اهلك ولازم تكون هادي وحكيم معن وكمان تعرف تتصرف قدر الامكان ..
❤عاطفيا .. فترة منيحة بس امورك العاطفية متقلبة وخاصة انو تعتبر هالفترة جيدة اذا عرفت تتفاهم مع الشريك ..
◾النسبة المئوية…
مهنيا : %68 ●ماليا : %60 ●عاطفيا : %66 ●صحيا : %59

#الثور ♉

يوم لتواصل وعلاقات افضل وتحسن كبير ..
عم تتحسن علاقاتك واتصالاتك هاليوم وفي اجواء ايجابية وناس كتير بتحكي معك وقصة بتخص اخ عندك وكمان في امور عبر السوشل ميديا عندك بتدعمك وفي علاقات اوسع وموبايل او سيارة جديدة ..
❤عاطفيا .. كتير ناس عم تحكيك وانت بفترة كتير جيدة لتحسن علاقتك فيها من الشريك وتتقرب منو وبكون في اخبار حلوة ..
◾النسبة المئوية..
مهنيا : %64 ●ماليا : %61 ●عاطفيا : %68● صحيا : %63

#الجوزاء ♊

عندك مال بيجيك ونوم وعزيمة وشغل ..
عم تحس هاليوم انك بحاجة نوم اكتر وتعويض وكمان يمكن تنعزم عزيمة أكل وفي امور مالية شاغلة بالك وغالبا يجيك مبلغ وبيحملك اليوم قصة جديدة بتساعدك لتحصل منها على مال وانتبه لعيلتك ..
❤عاطفيا .. فيني قول انو الوضع العاطفي عندك عم يستقر نسبيا بس اهم شي ماتمل من العلاقة ..
◾النسبة المئوية..
مهنيا : %84 ●ماليا : %83● عاطفيا : %81 ●صحيا : %85

#السرطان ♋

كل شي بيتغير وفي حلول ومال هاليوم..
بتقدر هاليوم تغير كل شي لصالحك وتبلش من جديد وتنسى الماضي بخطوات بتدعمك ماليا ومهنيا وبتقدر تحصل على حلول ولكون في انفراجات فاستغل هالشي لصالحك وكمان في حل لمشاكل البيت ..
❤عاطفيا .. اطمن عم يكون الوضع العاطفي عندك لصالحك وبكون في بدايات حب جديدة هالفترة ..
◾النسبة المئوية…
مهنيا : %91● ماليا : %83● عاطفيا : %86● صحيا : %85

#الأسد ♌

هدي هاليوم ومرق يومك بدون مشاكل ..
عم تتعرض لكتير قصص وبكون في مشاكل عم تلاحقك وتأجيل ماعم يكون مريح الك بوضعك وفي ناس ماعم تكون منيحة معك فلازم تنتبه وتكون قريب اكتر من عيلتك ودير بالك قدر الامكان بهيك يوم ..
❤عاطفيا .. يمكن عندك جاذبية لكن في امور بالعلاقة ماعم تكمل معك وبتحس بوحدة هاليوم ..
◾النسبة المئوية…
مهنيا : %72● ماليا : %62● عاطفيا : %69● صحيا : %67

#العذراء ♍

يومك أفضل وفي اجواء اجتماعية وزيارة ..
عم تلاقي دعم كبير من الأصحاب الك هاليوم وفي لمة رفقة واوقات حلوة ممكن تعيشها وعم تزيد شعبيتك وعم يكون في ايادي كتير عم تساعدك وعم تحاكي اشخاص غالية عليك وممكن تعمل عزيمة كمان ..
❤عاطفيا .. انت افضل هاليوم وعلاقاتك جيدة ويمكن يكون في تحول لصداقة عندك لحب بهيك يوم ..
◾النسبة المئوية..
مهنيا : %69● ماليا : %62● عاطفيا : %68● صحيا : %59

#الميزان ♎

عندك شب مهم شهرة وشغل ولقاءات مهمة ..
يعتبر يومك من الايام المهمة لتتعرف على اشخاص مهمة وتفتح باب الشهرة او الاضواء وتكون نجم بعلاقاتك ولازم تعرف كيف تكون جاهز وتنتبه من اي غلط بالشغل لان في منصب وترقية للبعض ..
❤عاطفيا .. عندك نظرات اعجاب والامور عندك عاطفيا عم تخليك أفضل بس لازم انت تحدد خياراتك ..
◾النسبة المئوية..
مهنيا : %67● ماليا : %70● عاطفيا : %63● صحيا : 68

#العقرب ♏

علاقات جديدة وناس وحلول مهنية ..
عم تقدر هاليوم تتحرر من بعض الضغوط يلي لازمتك وبكون في اخبار حلوة بالشغل وحلول وبكون في تواصل مع ناس خارج نطاق المقربين عندك فاستغل هالشي لصالحك وفكر كيف تلاقي ناس جديد معك ..
❤عاطفيا .. فكر صح لأن حالتك العاطفية عم تشهد تحسن كبير وخاصة انو في اشخاص عم تدخل حياتك ..
◾النسبة المئوية…
مهنيا : %87 ●ماليا : %81 ●عاطفيا : %88● صحيا : %85

#القوس ♐

عم تحل قصصك وفي مال وأخبار حلوة ..
اطمن عندك أخبار حلوة هاليوم وعم تبلش اوضاعك تنحل ويمكن تشفى هاليوم من مرض او تبلش رياضة وفي مال رح يجيك من شراكة او من حوالة مالية وبالمجمل اوضاعك لأفضل فلا تخاف ..
❤عاطفيا .. انت أفضل وعم يكون عندك تقارب بينك وبين الشريك بعد فترة صعبة عندك وبتحس الشريك بلش يتقرب منك ..
◾النسبة المئوية
مهنيا : %71● ماليا : %72 ●عاطفيا : %78 ●صحيا : %74

#الجدي ♑

هدي بعلاقاتك وفكر بامور مالية وشراكات ..
بدي منك تروق هاليوم وتهدي الأوضاع مع الناس يلي محيطة فيك وخاصة مع عيلتك والمقربين وانتبه من اي مشكلة لان في كتير اشخاص عم تستفزك ومشغول بالك على اهلك زلازم تعزز شراكاتك المالية ..
❤عاطفيا .. في توتر وفرص ارتباط ووضعك العاطفي ماكتير مستقر فحاول بهيك يوم تهدي الأمور وماتواجه الشريك ..
◾النسبة المئوية..
مهنيا : %70● ماليا : %77 ●عاطفيا : %74 ●صحيا : %68

#الدلو ♒

عندك شي صحي شاغلك وامور كتير لازم تخلصها ..
عم تلاقي الامور تراكمت عليك فجأة ويمكن في فرصة لشراكة او عقد شغل جديد ولازم تنظم امورك وتبلش تهتم بصحتك اكتر وتعرف شو بدك وانتبه لعيلتك ولاتزيد من قلقك وانشالله كل شي بيتحسن ..
❤عاطفيا .. انت مو مرتاح والامور العاطفية عندك بتحتاج دعم الشريك الك وفي امور لازم يقدر وضعك فيها ..
◾النسبة المئوية…
مهنيا : %73● ماليا : %74 ●عاطفيا : %75 ●صحيا : %71

#الحوت ♓

في حب ومال ويومك افضل بكون ..
عم تتحسن أوضاعك نسبيا بعد مشاكل بالبيت عندك وتعب صحي ونفسي وقصص وعلاقتك مع اهلك بتكون جيدة وفي تطورات بتدعمك كمان وقصة طفل بتريحك وبتعطيك طاقة ايجابية وفي مال ..
❤عاطفيا .. استغل يومك لأن الوضع العاطفي عم يكون بافضل حال وخاصة انو ممكن تتحسن علاقاتك وترجعلك علاقة قديمة ..
◾النسبة المئوية…
مهنيا : %68 ●ماليا : %63 ●عاطفيا : %67 ●صحيا : %59

الفلكي منيب الشيخ

أخبار ذات صلة

زر الذهاب إلى الأعلى
آخر الأخبار