#أبراج__اليوم__الثلاثاء__27__تمور__يوليو__2021 🔮
🌙 القمر بكمل ببرج الحوت ♓
#الحمل ♈
عم ترتاح اخيرا وتحصل على مال ..
بتتحسن اوضاعك بهاد اليوم وبكون عندك اخبار مالية جيدة وكمان عم تطمن على وضع صحي شاغلك وفي حلول واوراق كمان وهالشي بيدعمك على اكتر من صعيد وحاول تغير من حالتك ..عم يكون يومك مهم ومصيري عندك كتير قصص بتخص علاقات مهمة واتصالات وعم تنجح هالیوم بانك تكسب ثقة كتار وفي قصة مع اخ ويمكن يكون عندك شهرة واضواء من خلال الانترنت والسوشل ميديا
عاطفياً ❤️ .. اطمن لأن الوضع منيح وعندك تواصل حلو مع اشخاص بتبدي اعجابها فيك
◾النسبة المئوية ..
مهنيا : % 72● وماليا : % 76 ●وعاطفيا : % 78 ●وصحيا : % 73
#الثور ♉
انتبه وهدي بالبيت وبالشغل ..
ماعم تكون مرتاح لا بالبيت ولا بالشغل ومن الايام يلي فيها ضغط كبير عليك من المقربين واعداء عم تكتر مشان هيك ساير وخليك بعيد عن المواجهات اذا بدك تمرق على خير وماتخسر باي مواجهة ..عم تفكر بامور مالية وعم تحكي شخص بعيد يمكن يدعمك بمبلغ من خلال حوالة فاستغل هالظروف لصالحك وفكر بمشروع شغل وبداية جديدة بتدعمك وكمان فيك تنام وترتاح وتنعزم على اكل بهاليوم
عاطفيا❤️ .. عندك اوقات عاطفية ووضعك العاطفي عم يسمحلك تصل للشريك وتكون معو
◾النسبة المئوية ..
مهنيا : % 70● وماليا : % 73● وعاطفيا : % 67● وصحيا : % 64
#الجوزاء ♊
عندك التزامات وشغل وامور صحية هاليوم ..
عم يكون عندك هاليوم كتير قصص فوق راسك وصح انت قادر تخلص منها الكتير بس كمان ماتهمل صحتك وحاول ترتاح وتنتبه لاكلك وفكر كمان ببعض القصص الصحية والعائلية عندك ..وعم تدخل مرحلة جديدة بتلاقي فيها حل لامورك المالية المشتركة ويمكن بداية شراكة او شغل وعم تصالح وتنهي بعض الامور والقضايا العالقة وحتى ماليا وعائليا وضعك أفضل واريح نسبيا فاستغل هالشي
عاطفيا❤️ .. بعد ايام صعبة عم تكون العاطفة كتير مساعدة الك بهاليوم وفي اوقات رومنسية رح تعيشها
◾النسبة المئوية ..
مهنيا : % 91 ●وماليا : % 80 ●وعاطفيا 89 % ●وصحيا : % 85
#السرطان ♋
يوم في حب ومال واخبار حلوة ..
عم يتحسن وضعك المالي بهاليوم وحتى في قصص ضمن البيت والعيلة عندك عم تنحل ولازم تعرف تستغل هالشي لتقضي اوقات حلوة وكمان لتستفيد من مبلغ مالي وكمان في فرص جديدة ..حاول تنتبه لان حساسيتك عالية وماعم تتحمل وبتحس بنوع من الوحدة ومو مرتاح لتعامل بعض الاشخاص معك المقربين وفي توتر داخلي وقلق عم يسيطر عليك وفي فكرة شغل لكن خليك حذر
عاطفيا❤️ .. في عدم استقرار وراحة بعلاقتك والوضع ماعم يكون تمام مع الشريك وبالبيت واهم شي تروق كتير منيح
◾النسبة المئوية ..
مهنيا : % 67● ممالیا : % 65● وعاطفيا : % 66● وصحيا : % 59
#الأسد ♌
عندك مكان جديد وقصص بالبيت ..
يبدو هاليوم عم يحملك مكان جديد او تغيير بالسكن او حتى في مواضيع عائلية وعقارية شاغلة بالك ولازم تلاقيلها حلول وحاول تهتم باهلك اكتر وتكون حكيم بحل المشاكل وماتصعد اي خلاف ..ومن الأيام يلي الكل عم يساعدك فيها وعلاقاتك تمام عم تكون ويمكن عامل عزيمة او لمة ناس حولك وفي شغل مشترك مع اشخاص وبتحس انك افضل وممكن تشوف رفقاتك غاليين بعد غياب
عاطفيا❤️ .. استغل يومك لأن الوضع العاطفي عم يكون جيد نسبيا بس اهم شي تضل مع شخص واحد
◾النسبة المئوية ..
مهنيا : % 78 ●وماليا : % 70● وعاطفيا : % 72● وصحيا : % 69
#العذراء ♍
عندك كتير اتصالات وقصص وشغل ..
يبدو انو يومك عم يشغلك بكتير قصص واتصالات وناس وعم ينشغل بالك بقصة بتخص أخ ولازم تعرف كيف تطور حالك وتصل للنجاح وانتبه من الحوادث ولموبايلك او سيارتك واستغل علاقاتك ..عم يكون وضعك متقلب وخاصة انك عم تشوف اشخاص مهمة ومشهورة هالیوم وعم تفكر بشغل ويمكن الحظ ياخدك للشهرة والاضواء بطريقة ما وفيك تحصل على مكانة اعلى فاستغل هالشي الصالحك
عاطفيا❤️ .. اطمن لأن الوضع منيح وخاصة انو عم تلاقي حالك بتقدر تجذب اشخاص مهمة
◾النسبة المئوية ..
مهنيا : % 76● وماليا : % 67● وعاطفيا : % 67● وصحيا : % 64
#الميزان ♎
عندك تعاملات مالية واستغل علاقاتك ..
بدي منك هاليوم تلاقي حلول لوضعك المالي عن طريث علاقاتك ودعم الاصدقاء والناس الك وفكر بشغل مشترك وحاول تحسن من مواردك وكمان حاول ماتتكاسل ويمكن يكون عندك عزيمة أكل ..عم تتحسن علاقاتك وخاصة الخارجية بهاليوم وفي تواصل او لقاء بناس بعيدة وجديدة وكمان في فكرة سفر وتغيير مكان عند البعض وبيت جديد وفكر بانك تطلع من الأجواء السلبية عندك وتتحرر من القيود .
عاطفيا❤️ .. عم تعيش يوم حلو ووضعك العاطفي يعتبر جيد وممكن يكون في ناس جديدة عم تتقرب منك
◾النسبة المئوية ..
مهنيا : % 87 ●مالیا : % 80 ●وعاطفيا 85 %● وصحيا : % 82
#العقرب ♏
يوم مهم وحافل وفي حظ وشهرة وشغل ..
عم تتحسن اوضاعك بشكل كبير هاليوم وعندك بداية لشغل جديد وعم تقدر تنجح وتثبت حالك وفي فرصة للشهرة عند البعض والعيون كلها عليك مشان هيك خليك حاسم واشتغل على ترقية او منصب ..بلشت ترتاح نوعا ما وخاصة انو في حلول وعلاقات افضل وزيارة ممكنة وعزيمة ناطرتك وشي مالي كمان وعم تحكي مع كتير اشخاص مشان قصة مصاري ولازم تنتبه لقصة بتخص حدا من عيلتك ويوم افضل
عاطفيا❤️ .. استغل هاليوم لأن حالتك العاطفية عم تكون أفضل اذا بدك تحصل على اوقات حلوة مع الشريك
◾النسبة المئوية ..
مهنيا : % 69● ومالیا : % 70● وعاطفيا : % 73● وصحيا : % 68
#القوس ♐
انتبه بعلاقاتك وسفر وهدي هاليوم ..
يبدو هاليوم في شوية مشاكل او تأجيل ببعض القصص وخاصة امور العلاقات والسفر عندك مشان هيك هدي وحاول تحل الأمور برواق وفكر كيف تعزل حالك عن بعض الاشخاص وكمان انتبه من الحوادث ..عم تنزعج من بعض الأمور وخاصة المالية وبالشغل ولازم تهدي وفي عقد او شراكة ممكنة وناطر مال من شخص وفكر برواق لحتى تحصل على نتائج حلوة ويمكن بحاجة راحة ونوم واستقرار مادي وحتى اكل..
عاطفيا❤️ .. مو مرتاح كتير والوضع متقلب وبتحس بانو الشريك ماعم يفهمك صح ولازمك حلول وفرصة ارتباط للبعض
◾النسبة المئوية ..
مهنيا : % 67 ●وماليا : % 66● وعاطفيا 69 %● وصحيا : % 63
#الجدي ♑
يوم بعلاقات حلوة واجواء اجتماعية ومالية ..
عم تزيد شعبيتك وحضورك عم يكون محبب لكتير ناس بهاليوم وكمان عندك عزيمة او مناسبة وغالبا في دفع مال كتير فانتبه وفكر كيف تتقرب من الاصدقاء وتصالح بعض الاشخاص لتكون أفضل .. يوم بحدد خياراتك بالشغل وبيعطيك فرصة شغل جديد ولازم تنتبه من بعض الأمور بالبيت وتهدي وكمان في تعب زاید عم يكون ولازمك تنظیم الوقتك وراحة وممكن تبلش رياضة وتهتم بصحتك التكمل تمام
عاطفيا❤️ .. يبدو انك مو رايق للحب ووضعك العاطفي عم يكون بفترة فيها شوية ركود فحاول تهدي وتصبر
◾النسبة المئوية ..
مهنيا : % 68● وماليا : % 61 ●وعاطفيا 62 %● وصحيا : % 59
#الدلو ♒
ضغط بعلاقات بالمسؤولين وفي شغل ..
عم تفكر بعقود شراكة او شغل جديد لكن توترك وانفعالك بأعلى مستوى وهالشي بحطك بمواجهات مع المسؤولين والأب ضمن البيت ولازم تهدي وتستوعب الوضع وتنتبه من الناس يلي عم تعاديك ..عم تكون أوقاتك حلوة ويوم بيمنحك تقارب مع عيلتك واجواء ايجابية وفي قصة بتخص طفل بتشغل بالك وكمان ماليا ممكن تحصل على مال وفي خبر بريحك نسبيا فاستغل هالشي وحسن من وضعك بالبيت
عاطفيا❤️ .. عم تكون العاطفة بافضل درجاتها خاصة انك عم تكون حليان بعيون الناس وجاذبيتك عالية
◾ النسبة المئوية..
مهنيا : %84● وماليا : %83 ● وعاطفيا : %89 ● وصحيا : %80
#الحوت ♓
علاقات وناس وشغل وتحسن صحي ..
كل شي بهاليوم عم يكون افضل عندك من الفترة الماضي يلي كانت متعبة عندك واهم شي انو وضعك الصحي بيتحسن وبتقدر تنجز كتير من شغلك المتراكم وفي امكانية انك تحصل على مال ..من الأيام يلي عم يكون فيها لمة عيلة واجواء اجتماعية مع الاهل والمقربين وممكن عزيمة او زيارات تقضيها وفي قصص تعزيل وشغل وتغيير بالبيت وامور عقارية ولازم تطلب مساعدة وقت تحتاج..
عاطفيا❤️ .. يبدو انو عندك شوية مشاكل من وقت للتاني مع الشريك بس حاول تهدي الأمور وتروق
◾النسبة المئوية ..
مهنيا : %90● وماليا : %92 ● وعاطفيا : %94● وصحيا : %91
الفلكي منيب الشيخ
