أسئلة شائعة حول اللقاحات
#أسئلة_شائعة_حول_اللقاحات
دكتور عبد الحسين الخفاجي:-
🔴 شنو هو افضل لقاح للكورنا؟؟
🟢 افضل لقاح هو اللقاح القريب عليك وتگدر تحصله بسهولة
🔴 يحتاج اسوي مسحة قبل اخذ اللقاح؟؟
🟢 لا ماكو أي داعي للمسحة قبل التلقيح
🔴 يحتاج احجر نفسي بعد اللقاح ؟
🟢 لا ماكو داعي تحجر نفسك لقح وعيش طبيعي
🔴 بعد التلقيح راح اصير معدي للأخرين ؟
🟢 لا غير معدي لانه هذا لقاح مو اصابة
🔴 شوكت أكدر اللقح بعد الاصابة؟؟
🟢 تگدر تاخذ اللقاح بعد الشفاء التام بأسبوعين
🔴 ممكن انصاب بعد اخذ اللقاح ؟؟
🟢 اي اكو احتمالية بسيطة للأصابة بعد التلقيح
بس اللقاح راح يجنبك الأصابة الشديدة والدخول للمستشفى
يعني يجنبك مذلة المستشفيات
لقح احسن ما تحترگ🙂 بمستشفى عزل
🔴 شوكت امتنع عن اخذ اللقاح ؟؟
🟢 تمتنع عن اخذ اللقاح في حالة وحدة فقط
وهي اذا كانت عندك اعراض إصابة
تنتظر لحد ما تتعافى تماما وتلقح
🔴. كبار السن والي عدهم ضغط وسكر وقلب عادي يلقحون؟!
🟢 اي عادي ياخذون اللقاح ما ياثر عليهم
وبالعكس هم الاحوج للقاح من غيرهم
🔴. المرأة الحامل عادي تأخذ اللقاح ؟
🟢 يفضل تأخذ اللقاح اذا كانت معرضة للأصابة وكثيرة الاختلاط
🔴 دكتور اني خايف من اللقاح شسوي؟؟
🟢. لاتخاف🙂