ابراجالثقافية

مع ماغي فرح.. توقعات الأبراج ليوم الخميس

#أبراج_ماغي_فرح_2021 🔮 🌹
#أبراج__اليوم__الخميس__24__حزيران__يونيو2021 🔮
🌙 القمر بكمل معنا ببرج القوس ♐

#الحمل ♈

يوم أفضل بالبيت والعاطفة والحظ ..
بتتحسن هاليوم أوضاعك العائلية وبتنشغل بقصة طفل ولازم تستغل يومك لان في عندك فرص حلوة وقصص مالية بتدعمك وكمان ممكن تعمل شي جديد او يكون عندك لمة عيلة وتقضي وقت حلو ..
❤ عاطفيا : فكر صح كيف تخلي علاقتك تمام وخاصة اذا كان في استقرار بالبيت عندك ..
◾النسبه المئوية…
مهنياً :81%● ماليا :88%● عاطفيا :89%● صحياً :83%●

#الثور ♉

انتبه وهدي بالبيت وبعلاقاتك ومع الأخوة ..
بدي منك هاليوم تتصرف بهدوء ضمن البيت ومع أهلك وتحاول تستوعب الأخوة عندك وتنتظر حلول وتغييرات ممكنة او حتى سفر ومكان جديدة وتكون قريب من عيلتك وتقوي علاقتك بالمقربين ..
❤ عاطفيا : ماعم تكون كتير مرتاح بوضعك العاطفي وفي مشاكل ممكن تزعجك ..
◾النسبه المئوية…
مهنياً : 69%●ماليا :66%● عاطفيا :67%● صحياً :76%●

#الجوزاء ♊

علاقاتك أفضل وفي تطورات حلوة ..
عم تكون أفضل علاقاتك وبتنجح بالتواصل وبتحل امور مالية مع اخ عندك او بتفكر ببيع او شراء سيارة او موبايل وكمان عندك تطورات ايجابية وعم يكون في اقناع بحديثك فاستغل هالشي لصالحك ..
❤ عاطفيا : وضعك يعتبر جيد وخاصة هل الفترة عندك وقدرتك عالتواصل كتير جيدة ..
◾النسبه المئوية…
مهنياً : 79%●ماليا :78%● عاطفيا :87%● صحياً :86%●

#السرطان ♋

استغل امورك مالية وفكر بحلول لوضعك ..
من الايام يلي عم تشغلك فيها اوضاعك المالية وعندك افكار شغل جديد ولازم تعرف تتصرف وتستغل الفرص وكمان تشتغل على حالك لتطلع من حالة الركود والكسل عندك واطمن في شي ايجابي ناطرك ..
❤ عاطفيا : عندك قصص بتخليك ماكتير مرتاح بعلاقتك مع الشريك ولازم تحرك الأجواء انت ..
◾النسبه المئوية…
مهنياً :89%● ماليا : 83%●عاطفيا : 88%●صحياً :89%●

#الأسد ♌

عندك يوم لتوضح امورك وتحل مشاكلك ..
عم تقدر هاليوم تغير من وضعك وتحل كتير من المشاكل وتكتشف بعض الأشخاص على حقيقتن وكمان فكر كيف تشيل الماضي على جنب وتعمل تصفية وماتترك حولك غير الموثوقين وبلش من جديد ..
❤ عاطفيا : حاول تضل منتبه لعلاقتك مع الشريك وانت بحاجة شخض يكون وفي الك ..
◾النسبه المئوية…
مهنياً : 69%●ماليا :70%● عاطفيا :74%● صحياً :68%●

#العذراء ♍

بتحس بزعل رغم كترة الناس حولك ..
عم تحس بانك مدايق مت قصة ومابدك تشكي وتعتب وعم يكون في كتير اشخاص معك بس انت بمكان تاني وافكارك متضاربة وفي امور ماعم تكمل فحاول تهدي لتلاقي حلول وماتتسرع بشي جديد ..
❤ عاطفيا : كترة الأشخاص مو يعني انك مو لوحدك وخاصة انك عم تميل للعزلة بهاليوم ..
◾النسبه المئوية…
مهنياً : 81%●ماليا :80%● عاطفيا : 85%●صحياً :87%●

#الميزان ♎

عندك علاقات مهمة وناس بتدعمك ..
من الأيام الحلوة يلي عم يكون فيها معارف جديدة ومهمة عندك وعزيمة مع اشخاص مسؤولين وعم تزيد شعبيتك وعندك فرص للشهرة والعلاقات ويمكن يكون عندك اجواء اجتماعية بالبيت ويدعمك شخص..
❤ عاطفيا : من الايام يلي بتزيد فيها علاقاتك وبكون عندك قدرة على جذب كتير أشخاص ..
◾النسبه المئوية…
مهنياً : 90%●ماليا : 98%●عاطفيا : 94%●صحياً :98%●

#العقرب ♏

عندك نجاح مهني وتطور بعلاقاتك ..
من الأيام يلي بكون فيها عندك قدرة على تكوين العلاقات الجديدة والنجاح بالمجال المهني والدراسي اذا عندك امتحان وكمان في فرصة لتوسع دائرة معارفك وعندك قدرة انك تصل لمكانة عالية ..
❤ عاطفيا : وضعك العاطفي عم يكون جيد لكن في بعض التوتر يلي لازم تنتبه منو ..
◾النسبه المئوية…
مهنياً : 74%●ماليا : 76%●عاطفيا :87 %●صحياً :79%●

#القوس ♐

اخبار لمال وتواصل خارجي وناس ..
عم تقدر هاليوم تتعرف على أشخاص جدد وعندك اخبار حلوة بمل يخص المال والأوراق وهالشي بيفتح قدامك أبواب جديدة ولازم تعرف تستغل تواصلك هاليوم وتكون عم تبلش شغل جديد يدعمك ..
❤ عاطفيا : عم يكون عندك علاقات جديدة ويبدو انك عم تقدر تعيش اوقات حلوة بالعاطفة ..
◾النسبه المئوية…
مهنياً : 85%●ماليا :82 %●عاطفيا : 89%●صحياً :87%●

#الجدي ♑

عم تتحسن علاقاتك ووضعك المالي ..
بعد أيام صعبة مرقت عليك عم يكون يومك أفضل نسبيا وخاصة لحل الأمور المالية والقصص يلي بتخص الأوراق كمان واهم شي تتعامل بهدوء وتعرف تحل مشاكل البيت وتكون حاسم ببعض القصص ..
❤ عاطفيا : وضعك العاطفي ماعم يكون مستقر ويبدو انك بحاجة حسم بهاد اليوم ..
◾النسبه المئوية…
مهنياً : 69%●ماليا :68%● عاطفيا : 77%●صحياً :64%●

#الدلو ♒

ضغط الشغل والبيت والعلاقات عم يتعبك ..
كتير عم يكون في ضغط فوق راسك هاليوم من ناحية الشغل والوضع الصحي وكمان بعلاقاتك وماعم تكون راضي عن تعامل المحيطين فيك وأهم شي تفكر بعقد شغل وتنتبه لوضعك المالي حتى يمرق يومك ..
❤ عاطفيا : عم يسيطر عليك التوتر ولازم يعرف الشريك كيف يهتم فيك ويهدي معك ..
◾النسبه المئوية…
مهنياً :80 %●ماليا :85 %●عاطفيا :79%● صحياً :72%●

#الحوت ♓

عندك بداية شغل وانتبه لصحة حدا مقرب ..
بالرغم من أنو هالفترة عندك تعتبر جيدة وفيها علاقات حلوة بس هاليوم يمكن يكون في فرصة شغل جديد او تعب زيادة ولازم تنتبه صحيا لصحتك او صحة ابن عند البعض او تبلش رياضة ونظام صحي ..
❤ عاطفيا : الوضع العاطفي عم يكون بين وبين ويمكن ماعم تلاقي الوقت الكافي للشريك ..
◾النسبه المئوية…
مهنياً :70%● ماليا :69%● عاطفيا :68 %●صحياً :71%●

أخبار ذات صلة

زر الذهاب إلى الأعلى
آخر الأخبار