مع ماغي فرح.. توقعات الأبراج ليوم السبت

أبراج_ماغي_فرح_2021

#أبراج__اليوم__الاحد__30__أيار__مايو__2021 🔮
🌙 🌛 القمر بينتقل لبرج الدلو ♒ الهوائي🌪️ كوكبه🌏 أورانوس ..

#الحمل ♈
مهنياً:العشرية الاولى علاقات واصدقاء وعزائم وثانية قصة عقار او امتحان واهتمام بلابناء وثالثة سفر وتنقلات ولقاء واوراق ..يوم في علاقات واصدقاء وعم يساعدوك وعم تهتم بلاطفال ولابناء وعم تبلش بحدث مهم ..عندك تنقلات وزيارة وعم تقوم بواجباتك وناس جديدة وعزيمة وسهرة او مناسبة ولا تتردد اذا بحاجة لمساعدة لان بتتلبى وفي مين بساعدك وبتحقق مصالحات اذا كان في توتر مع حدا .. ومال ممكن يجيك وضب ايدك اذا في عزيمة او سفر وشي بخص الاوراق او امتحان ..
عاطفياً ❤️ :جاذبية وحضور مميز وشعبيتك بتزيد وهاشي بيفتح مجال لعلاقات صداقة تتحول لحب ولقاء او اتصال وشغف عاطفي .. بتحل مشاكل بيومك وبتتجاوز ازمة عاطفية والعلاقة تدريجي بتكون افضل من قبل في راحة نسبية وانسجام والاجواء لصالحك يوم في حميمية وتعارف وارتباط ..
صحياً:في طبيب بيومك ممكن مراجعة الك او لحدا بعيلتك وتحسن نشالله بصحتك بس خفف قلق وتوتر ..

#الثور ♉
مهنياً:العشرية الاولى انتبه من اصدقاء بالعمل وعندك اوراق وثانية لقاء مهم وقصة حدا بالبيت والثالثة مال من شغل او صديق بساعدك .. شغل جديد او مال من شغل وممكن صديق عم يساعدك وعلاقة مع شخصية مهمة ولازم تنتبه من المقربين منك الي ناطرينك على غلطة وحكي في سمعة وقيل وقال .. بدك تنتبه لمزاجيتك بهاليوم وتهدي بعلاقاتك مع محيطك وقصة اب او شخص مسن ..وكون بعيد عن المشاكل وتصرف بدبلوماسية لازم تثبت جدارتك وتغير من طريقتك لتنجح حاول تنهي المهم هاليوم ممكن في شي بخص مركز بشغل او اختبار ودفع مالي ..
عاطفياً ❤️ : بنصحك تفكر منيح بعرف شريك مو مهتم ولا عم يقدر الوضع فكر منيح اليوم في حسم لعلاقات الحسم ضروري لتعرف وين بدك تكون سواء بقرار ترك او ارتباط لازم تفكر منيح وتحسم .. حاول تتجاهل بعض الامور بعلاقتك ولا تهتم بحدا ماعم يعطيك لاهتمام ولا بيستاهلك .. البعض عم يعبر عن عواطفه وفي انسجام وتجاوب ولاجواء منيحة بلاخص اذا في لقاء او شخص عم يلبي رغباتك ..
صحياً:بتشفى من مرض بس وضعي صحي بالبيت بيشغل البعض ..

#الجوزاء ♊
مهنياً:العشرية الاولى علاقات وقصص بشغلك وتواصل مهم والثانية وثالثة اختبار وامتحان وتنقلات واوراق.. من الايام الي بتعطيك طاقة ايجابية ولقاءات مهمة وتواصل مع ناس بعيدة وغريبة وفكرة سفر عم تراودك كتير والبعض عندو سفر بعيد .. وعم يكون في اختبار وامتحان ودراسات عليا وفيك تعمل تغييرات بشكلك والبيت وتعمل شي ع مواقع تواصل .. بتحسم خياراتك وقراراتك وعندك مكافئة لجهودك واذا مفكر بشي بخص بيع وشراء او اتفاق لا تتردد ..
عاطفياً ❤️ :تدريجي الوضع افضل ونفسياً بتبلش ترتاح .. روح جديدة وطاقة عاطفية عم تتجد بعد مافقدت الامل بكتير امور وكان الوضع مكركب ومافي اهتمام تحسن كبير بالوضع رح يكون هاليوم ويمكن عم تعمل شي جديد باتصال او لقاء .. المرتبط جديد كتير عم تتحسن الامور العاطفية عندك وبتستقر الاحوال وبتقضي اجواء والاعزب ممكن علاقة جديدة رح تبلش ويمكن عبر مواقع تواصل او صدفة والبعض عندو لقاء ومشوار او سفر للقاء شريك وعلاقة مع شخص مهم او مشهور ..
صحياً:تحسن صحي وشفاء من مرض وضعك العاطفي واستقراره بحسن صحتك اكتر ..

#السرطان ♋
مهنياً:العشرية الاولى مال والثانية تسديد ودفع وثالثة امور قضائية ادارية ..اخبار ومصالحات وامور قضائية ومالية وعم تقضي اوقات حلوة .. يوم لتحل مشاكل وتتحسن امورك المهنية والمالية نحو الافضل .. في مال بيشغلك ونفقات وفواتير وصرف ذائد ونقاش بخص شغل لازم تستغل الفرص بهاليوم وتكون ذكي في مال وتحسن بمدخولك افضل من قبل واذا ناطر مبلغ او غرض ممكن يوصلك والبعض بيكسب مال ويمكن من شراكات ..في اختبار بيومك ومركز جديد فكون جاهز ولا تترد وتواصل مع شخص مهم وبتحل هالمشكلة العندك ..
عاطفياً ❤️ :استغل يومك لتلاقي الحلول ولا تخلي القصص تتراكم لان مارح تكون مرتاح هدي وبلا نقار وكلام مو وقتو وافصل بين العاطفة وامور أخرى اجواء حلوة بدي ياك تستغلها وتوجد حلول وتقارب وبلا مزاجية وشكوك ..امورك فيها تحسن وأرتباط وممكن فرصة لتلتقي بحدا الك زمان ماشفتو او بعد فترة جفا وبلاخص العشرية الاولى ..
صحياً:بتعاني مشاكل بالبلعوم والتهاب وانتبه من كريب مسبوق بوجع رأس وارد هاشي ..

#الأسد ♌
مهنياً:العشرية الاولى عم تستفيد من دعم اشخاص الك الثانية وثالثة شراكات واوراق ..مال وشراكات بيومك ولازم تروق وتهدي بالبيت وخففلي عصبية وانفعال وأهتم بصحتك أكتر وبموضوع الشراكات المهنية والعاطفية او دراسة .. بتتحسن امورك نوعاً ما وفرصة ليجيك مال من شراكة بترجع الثقة من جديد وفي حواليك ناس جديدة ومعارف ومشوار واصدقاء حواليك وفي عزيمة ..البعض في اوراق بيومك او شي بخص امور قضائية او ادارية وشراكة جديدة ..
عاطفياً ❤️ :العشرية الاولى علاقات حميمية وثانية صداقات عم يكون فيا حب وثالثة انتبه شوي لشراكتك .. في اختبار بوضعك العاطفي وغيرتك وشكك عم يزيد هالفترة وثقة مو كتير موجودة وشكلك ومبلش عتب ولوم وعم طالب بلاهتمام بس لازم تفكر بردة فعل الشريك ولا تتجاوز لحدود .. عم تراعي المشاعر وعم يكون عندك تحفظ على بعض الامور خفف عصبية ومزاجية وفكر كيف تلاقي حل وتصلح الامور .. لقاءات واتصالات وبتعزز شراكتك العاطفية او مع شخص جديد والبعض مقبل على خطبة قريباً وفي امور لازم تحسمها وتنتبه من امور جنسية وسرية كمان ..
صحياً:لازم تبقى تحافظ على وضعك الصحي وتقلبات جسمك او صحة شريك ..

#العذراء ♍
مهنياً:العشرية الاولى انتبه لشغلك وثانية علاقات وضغط ناس وثالثة لازم تثبت جدارتك لتنجح .. بدك تلحق وتخلص كلشي لانك مضغوط بقصص كتير وناس وهاشي ممكن يتعبك صحياً حاول لا تأجل شي وأنتبه ع الوضع وركز بشغلك وممكن نقاش بشغل او موضوع مع شخص مقرب .. والبعض بتشغلوا قصة سيارة او شراكة شغل وفي قصص ادارية وقضائية واختبار بيومك ..
عاطفياً ❤️ :شخص مهم واعجاب وبلاخص اذا كان من داخل شغلك .. بنصحك تكون بعيد عن المناقشات الي عم تاخد وقت وحكي كتير وبلاخر عم توصل لسوء تفاهم او مشكلة مانك راضي عن وضعك اليوم وماحدا عم يقدر بلا مادقق على تفاصيل مو مهمة وعم توجه كلام او ملاحظة بس هاشي مارح يعجب شريك وعم يعتبر انو عم تستفزوا روق وهدي شوي ..
صحياً:في طبيب بيومك وممكن عم تطمن على وضعك وفيك تعملي اي شي بخص صحة وتغييرات شكلية ..

#الميزان ♎
مهنياً:العشرية الاولى قصص عاطفية وشخص قديم وثانية وثالثة مال واختبار وتجهيز .. عم ترجع امورك نحو الافضل بشكل تدريجي يوم في اخبار حلوة وطاقتك ايجابية بعد تعب مريت في صحي او عائلي.. رح ترتاح وتحسم امورك وخبر بريحك وقصص مالية وممكن تحصل على مال وبتخلص التزامات واوراق وامتحان بيومك .. وضب ايدك على مصاريفك شوي لمة حلوة والبعض بتشغلو قصة انجاب واهتمام بالاطفال وممكن سفرة قصيرة او مشوار ..
عاطفياً ❤️ :تحسن بوضعك وعندك جاذبية كبيرة وممكن رجعة حب قديم او بداية لحب جديد بتتجاوز سوء تفاهم وعم تساير وتلاقي حل لوضعك بلاخص انك دبلوماسي بمعاملتك .. بتتحسن الامور وتغيرات لصالحك وممكن تتغلب على المخاوف وتتخذ قرارات مهمة والبعض عندو اتصال حلو او شخص جديد او بعيد .. امورك العاطفية افضل اذا في مشاكل لتلاقيلها حل او ارتباط جديد ..
صحياً:تحسن صحي وامورك افضل عم تطلع من تعب وارهاق ومن قصة بالبيت ..

#العقرب ♏
مهنياً:العشرية الاولى افضل ومال بيشغلك وثاني قصص عائلية وثالثة منزل وعقار .. في امور بالبيت بدا تشغلك على صعيدك العائلي والعقاري يمكن عم تهتم لحدا بالعيلة او عم تفكر تنقل مكان سكن او تجهز او تشتري عقار وتصليحات وتغيير ديكور وقصة مع اخ او اخت واذا بدك مساعدة لا تتردد .. بتتجاوز بعض العراقيل وفي قصة عم تأجلها بهالوقت بعض الامور بدا حسم وحل سريع .. في لمة حلوة بالبيت وسهرة ..
عاطفياً ❤️ :العشرية الاولى تحسن عاطفي وثانية وثالثة عندك تقلب بوضعك العاطفي .. في عندك حيرة بس لازم تفصل بين وضعك العاطفي وبين العيلة وانتبه من مشاكل او قصة تصير بينك وبين احد افراد العيلة توجعلك راسك .. في مصالحات مع الشريك بلاخص اذا كان في جفا او سوء تفاهم ومفاجئة حلوة بتريحك نوعاً ما .. استغل يومك لتكون ضمن جو حلو بلقاء او اتصال طويل ..
صحياً:ريح حالك ونام منيح يمكن شغل لكتير عم يتعبك لهيك انتبه ع صحتك هاليومين ..

#القوس ♐
مهنياً:العشرية الاولى تنقلات وسفر واختبار وثانية وثالثة مال وامتحان .. نقل وتغيير وسفر قصير واتصالات كتيرة ولقاء ومال بيشغلك .. انت افضل بهاليوم ممكن تلتقي حدا مهم واتصال وخبر منيح وتنقلات وعزيمة وناس بتحبا وبتجهز الاختبار وسفر قصير اذا بدك والبعض عندو شي بخص البيع والشراء وتجهيز منزل ونقل وحركة بتخص اوراق وقصة اخ بتشغلك .. بس انتبهلي من الحوادث وقصة موبايل او سيارة اذا عندك ..
عاطفياً ❤️ :يوم حلو لتقضي مع الشريك وتحل مشاكل ..
تغيرات بيومك واجواء حلوة لصالحك واتصالات بتكتر ورومنسي وبتحل مشاكل صارت بالفترة الاخيرة والبعض بيدخل بعلاقة وتطورات نحو الافضل لا تعب حالك وفكر بمصلحتك وتنازل شوي بكلامك ونقاشاتك لحتى تكون الامور افضل وتمشي متل مابدك ..
صحياً:في دوخة وجهد عضلي وعم تحس بدوار وصداع وصحة حدا مقرب بتشغلك ..

#الجدي ♑
مهنياً:العشرية الاولى امورك افضل والثانية والثالثة امور مالية وصحية .. اوراق ومعاملات وتنقلات ولقاءات وعزائم عم تكون محوري بيومك بس بعدك عم تكون مضغوط بأمور مالية ومصاريف على عقارات وصحة وشراء وبيع واتصالات ومواعيد بيومك خلص المهم وضروري ولا تعب حالك .. مال بين قبض ودفع وتسوق وعم يكون في فكرة لشغل او دراسة وبتشغلك قصة بيت وسيارة او موبايل واعطال وتجهيز والبعض ممكن يجيك مبلغ او حوالة او مساعدة من شخص ..
عاطفياً ❤️ :لاعزب امورك افضل وقصة حب بتشغلك والايام جاي في تطورات بحياتك الشخصية بشكل كبير مع حب جديد بتحس بمزاجية وتقلب بدك تراعي الوضع ولا تكبر الامور وطنش شوي وبلا عصبية وامورك بخير المهم التصرف الجيد والحذر بمعاملتك مع الشريك .. المهم تعرف شو بدك وتطلع من الوحدة والعزلة ولا تخلي امورك الاخرى تشغلك عن وضعك العاطفي ..
صحياً:انتبه من الحوادث والتهابات البلعوم وصداع برأس ..

#الدلو ♒
مهنياً:لعشرية الاولى امور مالية وثانية وثالثة امور عاطفية واطفال .. يوم في طاقة وحظ وبترتاح من بعض المشاكل والعراقيل واجواء اجتماعية واتصال مهم ورح تسمع خبر حلو وثقة بترجعلك من جديد عزيمة وسهرة وناس جديدة وناس الك زمان ماشفتا وفرصة لتقبض مال بس في صرف كمان ع البيت ولاولاد والبعض في قصص انجاب او اهتمام بلاطفال بشكل كبير هالفترة ..
عاطفياً ❤️ :عم تكون ملفت لنظر وجذاب والعين عليك عم يكون في ارتباط واعجاب ورومنسية لازم تعرف كيف تستغل الامور انت افضل ورح تحصل على شي بدك ياه ومصالحات وعم تساير شوي .. البعض عندو طاقة واندفاع عاطفي وفرصة لقاء او اتصال وتحسن ملحوظ بالعاطفة ..
صحياً:شوية اضطرابات ومغص خفف منبهات ومشاكل عضلية ..

#الحوت ♓
مهنياً:العشرية الاولى علاقة اجتماعي ومركز ومكان جديد واختبار بوضعك وثانية وثالثة قضايا وامور مهمة بيومك مؤسسة حكومية واوراق ودوائر دولة وعم تحضر لشغل او سفر او معاملات والبعض لقاء بشخصية مهمة .. رغم في شوية تأخير لكن بتخلص رغم الكسل لازم تلحق لتنجح .. بتشوف شخص غالي ومساعدة لا تتردد المهم لا تأجل شي .. بعرف يومك في ضغط اعمال واختبارات وقصص بالبيت تعب شوي وبترتاح .. اجواء اجتماعية وعلاقات وتعارف ويمكن تنعزم ..
عاطفياً ❤️ :عندك رغبة بالعزلة وشكلك مو رايق وحتى انت ماعم تعرف شبك وسبب انك مشغول بقصص أخرى ومافي شخص يستاهلك المرتبط لا تفرض شي على الشريك وحاول تصلح الامور بطرق دبلوماسية وكون بعيد عن المواجهات القصة بدا رواق اليوم .. الاعزب تعبان من وضعك رغم الي حواليك بس ماعم تلاقي مين يستاهل ..
صحياً:البعض بيشفى من مرض او كريب والعشرية تالتة انتبه من التهابات او قصة صحية ..

#أبراج_ماغي_فرح_2021 🔮 🌹

أخبار ذات صلة

اترك رد

زر الذهاب إلى الأعلى
آخر الأخبار