مثل لماي طاحو.. صحت عباس..وفزع مثل الهوه من سمع صوت اخته

الشاعر سيف علي /

من كتله عله ماي……بكصته طك شلال.
ظل النهر يشرب……….ماي من كصته.

شعنده الكمره…..طالع عيب من عباس.
ماشاف الضوه……….يده عله خاصرته.

السهم كتال اجاله……..وضيفه العباس.
بعينه واخذ صيت………شكبره من بخته.

حنين وجان يعزل…..هوى الصدرحسين.
وبدون حسين…….هسه النسمه خانكته.

تردونه ترف لي……..يشوف اخو مذبوح.
يذا مابيه دم………………تضيع سالفته.

الماي مغمض……….ويندل جربتك وين.
مادنكت راسك……………..انت عطشته.

تره العباس طلع………..صيت للريشات.
ولهسه الطيور………………..تقبل بكبته.

يلكط أبروسهم ملقط……..وطب بشيب.
كضه السبعين ومر..باحسين اخذ حصته.

الحجي بالعيوني يقره…بس وجه عباس.
وكبل لاحشمه الكه……….الخوه سالفته.

اضم جفوفي حيل….استحي من العباس.
اخاف يشوفني………….وتنجرح عاطفته.

لبسو شيل عرفو……………يعذر النسوان.
وخله الجيش…………يمشي ورجفه كايته.

الغيمه الفارغه………..يخزره تطلك ماي.
ويجفيه نده عله……….العطشو البذمته.

اليتنفس علي بالطف………تريده يطيح.
هيه الدنيه مدري…………شلون شايلته.

يتلكه اليجيبه……………….منين مايندار.
وانطه جفوفه…………بس مانطه بعايلته.