كل سنه وانت بخير ❤️
#أبراج__اليوم__الخميس__13__أيار__مايو__2021 🔮
🌙 🌛 القمر بكون بالجوزاء♊ الهوائي🌪️ كوكبه🌎 عطارد.
#الحمل ♈
مهنياً:القمر بالجوزاء عم تتفائل بيوم افضل وطاقة ايجابية ويوم في قصص بتخص مال او اتفاق مع اخ او اخت وبدك تدفع كمان .. لقاءات كتيرة واتصالات وفكرة سفر او مشوار حلو وزيارات وناس بتحبا وفي قصة اخ وحكي كتير عزيمة وحركة اوراق ومال على سيارة او موبايل ويمكن على عقار او اعطال وتصليحات وفيك تسافر او تروح مشوار وتشوف ناس الك زمان ماشفتا ..
عاطفياً ❤️ :اخبار حلوة وفي اهتمام وصدفة واتصال من حدا غالي او قديم .. يومك منيح وتحسن بعلاقاتك وعندك فرصة لتستقر وتصلح الوضع ويصير نوع من تفاهم .. عم تقضي وقت مع الشريك واتصال طويل .. استغل جاذبيتك لتأثر على اي شخص اذا اعزب ممكن تعارف عن طريق مواقع التواصل او ترجع تتواصل مع شخص قديم ..
صحياً:يمكن بحاجة لتطمن على وضعك اكتر لان في اضطرابات وقلق وانتبه من الحوادث ..
#الثور ♉
مهنياً:القمر بالجوزاء يوم من الايام داعمة بعلاقات واصدقاء وفيك تستفاد منهم بدعم مالي او عزائم وسهرة واذا طلبت بتتلبى يوم عم تهتم في للامور المالية ولازم تعرف ترتب بيتك المالي بشكل منيح وضب ايدك على مصاريفك ممكن تاخد مال وفي دفع منيح .. حابب تنام كتير ويوم طويل في حركة وتنقلات وعزيمة ناطرها واشخاص بترجع ..
عاطفياً ❤️ :المرتبط روق وهدي يبدو في توتر بالعلاقة وشكلك مو مرتاح ومو مطمن لهيك راعي وضعك ولاتكون أستفزازي في حكي ونقاش كتير و ممكن يكون في غيرة او شك من قبل الشريك وهاشي ممكن يخليك متوتر وعصبي وبلاخص ما عم يهتم فيك وبتحس بمزاجية وتناقض وانت كتير بدايقك قلة الاهتمام بلاخص المتزوج .. لاعزب يومك افضل ليكون في أعجاب واهتمام ..
صحياً:بترتاح وبتتحسن امورك صحية بس البعض عندو مصاريف مالية على ادوية او شي مرضي ..
#الجوزاء ♊
مهنياً:القمر ببرجك عم تتمتع بطاقة وحرية وامورك افضل ويمكن عندم بداية لشي جديد او عم تفكر بمشروع جديد وخاصة انو شعبيتك عم تزيد عم تكون مميز بيوم داعم الك بعد تعب ومافي شي كان عم يكمل فرصة لقاء مهم او تواصل مع شخصية مهمة وعم تحقق شهرة اجتماعية وسمعة وحلول لمشاكل وعم تبحث بأمور مالية وتنقلات قصيرة وعندك عزيمة ولمة..
عاطفياً ❤️ :جذاب وساحر و امورك اليوم أفضل وبلاخص هاليومين القادمين كتير في تحسن ونشاط عاطفي وممكن تجرب شي او تجهز لشي جديد بعلاقتك وحلول لمشاكل .. عم تكتر العلاقات عندك وممكن البعض يوصل لارتباط واعجاب او شي مهم ركز منيح لتقدر تلاقي الحلول بهدوء ويوم داعم..
صحياً:بتتحسن صحتك بس لازم تبقى داري حالك وتنفذ المطلوب منك حتى ماتوقع بوعكة ..
#السرطان ♋
مهنياً:القمر بالجوزاء في قصص مالية وصحية بيومك بس عم تنشط على صعيد العلاقات والاتصالات وممكن تواصل مع ناس كتار وعم يكون في قصة ادارية واوراق وعم يكون في اختبار بوضعك وعم يكون يوم اجتماعي وعلاقات واصدقاء وفي مناسبة وسهرة واكل طيب والبعض فكرة سفر كتير ع البال .. في شوية ملل ويوم طويل ركز حتى ماتوقع بتأجيل او ماتكمل معك القصة ولا تجادل حدا حتى ماتخسر .. يوم اجتماعي وحكي بشغل او لقاء مهم هالفترة ..
عاطفياً ❤️ :متردد وبعدو الوضع غير واضح وماعم تقدر تحسم خياراتك كانو بدك ومابدك وليش وماليش اسألة كتيرة فكر منيح وركز بقرارتك على الاقل لتستقر الامور وتروح ضبابية والغشاوة من قدامك ماعم تلاقي الاهتمام والشريك ماعم يفهمك ولازم تتأكد من مشاعر طرف الاخر حتى ماتوقع بلاستغلال وتسلية .. والبعض يبدو في صدفة او اتصال وخبر منيح ..
صحياً:اهتم بصحتك أكتر ولا تعصب وانتبه من وعكة ..
#الأسد ♌
مهنياً:القمر بالجوزاء من الايام الحلوة وداعمة بعلاقات واصدقاء جديدة وعم تحقق مكاسب مالية وعم يكون في جو حلو ومتعة وعم يدعموك رفقاتك وفي عزيمة ولمة حلوة او مناسبة وسهرة واكل طيب ومصالحات .. ضب ايدك على مصاريفك المالية وممكن يجيك مال ..
عاطفياً ❤️ :صداقة ممكن تتحول لحب وشغف ومغامرة وانت مندفع زيادة وحكي حلو بتسمع .. من الايام الحلوة الي بتكون مميز وبتأثر على على الجنس الاخر وعلى الشريك وبتسمع كلام غزل وممكن تحضر لشي حلو بعلاقتك وعم تزيد ثقتك بحالك وهاشي كلو بخليك تعيش جو رومنسي وحلو .. البعض في علاقات سرية عم تتطور واجواء حميمية جداً ..
صحياً:اهتم بصحتك اكتر وانتبه من الشمس والبعض مشاكل جلدية والتهابات والرجال انتبه من امور جنسية بتأثر على الانجاب .
#العذراء ♍
مهنياً:يومك متقلب وقصص بالبيت وبشغلك وعم تتواصل مع شخص مهم ومسؤول وعم تعمل اتصالات كتيرة ويمكن مع ناس بعيدة عنك عندك طلب هاليوم حاول تهدي ولا تستعجل بشي بلاخص اذا شخص بالبيت بيشغلك ..لا تنفعل وتفكر كتير وانتبه لمحيطك لان البعض ناطرك على دقرة وفي محاولة لتشويه سمعتك .. لازم تثبت جدارتك لترتاح وتخفف عنك ضغوط وتقضي اجواء اجتماعية وشخص بتحبو او شخص مشهور بيومك ..
عاطفياً ❤️ :هدي ولا تتسرع وأنتبه بهاليوم ولا تخلي لامور تدخل بعضها حتى ماتوتر وضعك العاطفي .. حاول تتجاوب مع الشريك ولا تبين انك مو مهتم روق وهي فرصة لتحسن وضعك وتعيد نظر وتتقرب وكون بعيد عن اي قرار مصيري بهاليوم افضل الك .. ويمكن ارتباط او تواصل مع شخص مهم هالفترة او شخص بتحبو ع البال ..
صحياً:بدك تروق ولا تنفعل زيادة او تعصب وانتبه من مشاكل صحية ترجع من جديد ..
#الميزان ♎
مهنياً:القمر بالجوزاء من الايام الحلوة الي عم تعطيك طاقة وعلاقات جديدة واتصالات بعيدة وعم تتلقى دعم وانفراج بقصص شاغلتك وبلاخص اذا كنت مدايق مالياً ..قصة صحية ونظام جديد واختبار بيومك وتاجيل بخص دراسة وناس غريبة بيومك والبعض عم يكون في تواصل مع حدا بعيد او وصلك مال من حدا بعيد وبتفكر تتقرب من شخص مهم او سفر قصير ومشوار حلو تنقلات كتيرة وانتبه من بعض الاعطال الكهربائية وعلى موبايلك وسيارة اذا في وبتنشط على مواقع تواصل الاجتماعي ..
عاطفياً ❤️ :يوم داعم الك لعلاقات جديدة او ناس عم تدخل حياتك ويحمل لك تتطورات ايجابية وحلول حتى عم تكون محط أعجاب الجنس الأخر او شخص عن طريق صدفة وعلى الانترنت لبعض أنتبه من مغامراتك العاطفية او تدخل بعلاقة عاطفية مامنها نتيجة ولازم تعيد حسابك ببعض القرارات العاطفية لترتاح وتريح راسك ..
صحياً:انتبه على صحتك وفكر تعمل شي جديد وتكون مع ناس بتحبا بعزيمة او مشوار
#العقرب ♏
مهنياً:القمر بالجوزاء مال وعاطفة بيومك ومعادلة جديدة واتفاق .. عم يتحسن وضعك وعم يكون في استقرار ويمكن قصة مال وشي بخص شراكة او ميراث وديون ومال بيجيك وعم تدفع مال على شراء حاجيات ودفع على فواتير .. في عزائم واجواء حلوة واشخاص جديدة وزيارات وعم تلاقي حلول ونقاش بشغل او مشروع جديد .. استغل هاليوم لتعيد حساباتك وتوجد الحلول المناسبة لمشاكلك المالية وخبر حلو ناطرك .. ضب ايدك على مصاريفك في عزائم ومشوار ولقاءات حلوة ..
عاطفياً ❤️ :عم تكون امورك افضل وتحسن وارتباط وفي تحرر بيومك وفرصة لتحسن وضعك وتواصل بعد فترة او جفا او اذا كان في سوء تفاهم بتتخلص من بعض تعقيدات وتوترات بعلاقتك لمهم تهدي لامور واستوعب الشريك في شي شاغلوا هالفترة وانت مزعوج من هاتصرفات ولازم تلاقي حل ولا تأجل شي وتعمل تقارب بوجهات النظر وتحط نقاط على الحروف ..
صحياً:تابع حمية غذائية وحافظ على رشاقة جسمك ومن الوزن زايد وقاوم مغريات بعض الاطعمة ..
#القوس ♐
مهنياً:القمر باجوزاء يوم بتشغلك في امور عائلية وشراكات بدك تهدي ولا تنفعل ولا تعصب لانك مو رايق وحاسس بضجر وملل وشكلك مو متحمل حدا وعندك شغل والتزامات حاول تنتبه لعلاقاتك وبلاخص مع محيطك وانتبه من سوء تفاهم وبعد عن اي جدال ونقاش .. يمكن في شراكات بتدعمك او نقل وتغيير لمكان وقصة عقار وشغل بالبيت وزيارات وتنقلات ..
عاطفياً ❤️ :المرتبط انتبه لشراكتك والاعزب فرصة لارتباط وشراكة جديدة توتر ومافي استقرار وبلاخص انك عصبي وعم تدخل بمواجهات وممكن في قصص عم تكبر لازم شريك يتفهم وضعك ويكون في مسايرة بوضعك وتنتبه لردة فعلك .. الغير مرتبط امورك افضل وتحسن وتواصل واتصالات وممكن شراكة او شي مستقبلي ناطرك ..
صحياً:كريب وارهاق وتعب واعصاب ولازمك طبيب او صحة حدا بالبيت بتشغلك ..
#الجدي ♑
مهنياً:القمر بالجوزاء فايق بكير وشغل ومسؤوليات ومضغوط وعم تحاول تخلص امورك وفي كتير التزامات وما عم تلحق والوقت ما عم يسعفك في تراكم اعمال وناس وفي مصاريف مالية وعم تعيد حساباتك وحتى عم تتخلص من اعباء مالية ودفعت كتير وبحاجة لحلول وللمال .. وعم تحس بتعب وخمول ولازم تنام وتريح حالك وتنتبه لصحتك او تعمل نظام جديد .. اختبار او اتفاق وشي جديد بتعملوا وبيشغلك وضع احد الابناء او الاطفال ..
عاطفياً ❤️ :عم تشعر بالوحدة رغم كتير ناس حواليك حاول لا تكبر الامور اكتر مابتستاهل وتجنب الخلافات لان اي شي ممكن يأثر بعلاقتك .. انت تعبت من ضغوطات الأخرى ولازم تفكر بعلاقة تخليك تستقر وتريح بالك لانو الوضع زاد عن حدو واخد وقت كتير وشريك عم يعاتبك .. حلول عاطفية هاليومين واجواء رومنسية ناطرتك .. والبعض بيدخل بارتباط واعجاب كام يوم وعم ينتهي بدي تنتبه لامورك روحانية اكتر ونحس الي عم يرافقك بهالموضوع ..
صحياً:مشكل اسفل ظهر وانتبه من حمل او تحريك شي تقيل وصعوبة بالبلع والبعض مكرب وسعال ناشف او بتحس في شي واقف بالبلعوم ع طول كتر سوائل سخنة ..
#الدلو ♒
مهنياً:القمر بالجوزاء من لايام المميزة والحلوة عندك ليكون بحدك ناس بتحبن وعلاقات وعزائم ومعارف جديدة وتنقلات قصيرة واشخاص بترجع تحاكيك .. عم ترتاح وعم تتنفس صعداء وحلول لمشاكل مالية وعائلية وتحسن ومصالحات وممكن تحصل على مال وعم تاخد طاقتك من اطفال او موضوع انجاب وعم تقضي يومك مع اطفال كمان وفي موضوع بالعيلة عم ينحكي في واتفاق على قصة ما ..
عاطفياً ❤️ :عم يكون في فرصة لتحسن وضعك العاطفي وترتاح وممكن حب جديد ويومك عاطفي واخبار حلوة .. يوم جيد لتقدر تفهم شريك وتعرف كيف تتعامل معو وتعزز علاقتك وشريك قديم بتسمع عنو خبر او اشارة منو .. في اتصالات وتواصل وعم تحسب حساب لكلشي لكلامك وتصرفاتك .. والبعض وضع مالي عم يدخل بالعاطفي ويمكن في شي معنوي بيومك ..
صحياً:تحسن صحي نفسي بس لا تخلي القلق وتوتر ياثر عليك حتى ما تزور طبيب..
#الحوت ♓
مهنياً:القمر بالجوزاء يوم بخص قصص عائلية ومنزل وعم تعمل تصليحات بالبيت او عم يكون في زيارات ولمة بالعيلة وقصص اخوات واهل وممكن تسمع خبر بخص حدا من اهلك والبعض ناطرو مولود او فرحة بالبيت وامور اهدا من قبل المهم لا تتسرع بشي او تتأخر وبكلمتين حلوين الوضع بروق اكتر حتى فيك تطلع مشوار حلو مع العيلة وتغير جو ..
عاطفياً ❤️ :بدي منك وبلاخص المتزوج تروق ليستقر وضعك وتنتبه لكلامك حتى ماتوقع بأخطاء ولكلام مو محسوب حسابو هدي ولا تستعجل بقراراتك وشوية تنازل لامور بتكون بخير .. بتجهز للقاء او أتصال حلو وبلاخص المرتبط جديد .. ولاعزب انت بحاجة لشخص يفهمك بس ماحدا عم يركب براسك ..البعض في قصص عائلية عم تدخل بوضعك العاطفي وحكي كتير او موضوع عاطفي عم يشغل البيت ..
صحياً:تحسن صحي والبعض صحة حدا بالبيت بتشغلك ..
#أبراج_ماغي_فرح_2021 🔮 🌹
