مع ماغي فرح.. توقعات الأبراج ليوم الاثنين

🌟 🌟 رمضان 🌙 كريم 🌟 🌟
#أبراج__اليوم__الأثنين__10__أيار__مايو__2021 🔮
🌙 🌛 القمر بينتقل لبرج الثور♉ التربي كوكبه🌍 زهرة…
🌏عطارد بينتقل لبرج الجوزاء ♊ ..

#الحمل ♈
مهنياً:القمر بالثور يوم مالي بين دفع وقبض .. عم تضبط ميزانيتك وعم تحسب شو الك وشو عليك ويمكن في مبلغ مالي عم تفكر تشتغل في واذا بحاجة مساعدة او دعم وبلاخص بالمال لا تتردد في مين بلبيك ويمكن في عرض شغل او اتفاق مالي .. وفي عزائم واكل طيب لمهم ضب ايدك ولا تفردها .. يومك في دفع على شراء او عم توفي ديون ومستلزمات خاصة او عزيمة ..
عاطفياً ❤️ :خيارات كتيرة ولازم تحسم الامور ليتحسن وضعك حب قديم ع البال او مصالحة للبعض .. والبعض المال عم يدخل بوضع العاطفي .. حاسس بملل والوضع اليوم بدو دبلوماسية ليستقر بلاخص وضعك العاطفي عم ياخد تفكير كتير شريك عندو اهمال واوقات بنق وبكون مستفز وانت مانك راضي عنو وعم تكون عصبي ..
صحياً:لازم تنتبه على صحة وبلاخص اذا عندك مشاكل رقبة والاكتاف ..

#الثور ♉
مهنياً:القمر ببرجك بعد ضيق وتعب بتتحسن امورك وخبر حلو .. يوم جيد لتفتح صفحة جديدة ويمكن في عقد واتفاق وعلاقات ولقاء واتصال وبتحقق تغيرات ايجابية شخصية وحلول لمشاكل بلاخص في اكتر من قصة عم تشغلك كانت .. تحسن كبير بشغلك وبعلاقاتك وفرصة حلوة بيومك .. شغل جديد ودعم مالي واجواء حلوة بلقاءات وسهرات وتغييرات جديدة بشكلك وبالوضع ..
عاطفياً ❤️ :عم تكون ملفت والعين عليك بهاليوم واعجاب وفي مصالحة عند البعض وهدية يوم حلو لتطور علاقتك وترتاح اخيراً من تعب الي رافقك بالفترة الأخيرة ممكن اتصالات طويلة او لقاءات وكلام حلو بيومك وبلاخص الاعزب في شي جديد عندك ويمكن ارتباط ومفاجئة .. البعض لازم تاخد قرار حاسم وتختار صح ..
صحياً:لا تعب حالك وامورك اليوم افضل من قبل المهم لا تتشائم ..

#الجوزاء ♊
مهنياً:القمر بالثور يومك متقلب بنصحك تخلي اجتماعي وتجنب الامور المهمة مع انو في حسم لموضوع شغلك كتير وبتجهز حالك لمؤسسة حكومية وقصة قضائية بتريحك رغم انك تعبت من تأجيل وامور طارئة سببت مشاكل وخبر حلو او اتصال من شخص ذات مكانة او منصب .. يوم في امور قضائية او ادارية نشالله لصالحك بس لازم تكون دقيق بكلشي عيد حساباتك وأنتبه من الحوادث والاعطال .. لقاءات اجتماعية وزيارات وعزائم خليك اجتماعي أفضل الك وفي مجال شغل او شي بخص دراسة ولقاء بشخص مهم.
عاطفياً ❤️ :لاضيع بلافكار والخيارات يومك افضل نسبياً المهم تركز وتعرف شو بدك وتحط هدف عاطفي قدامك واثبت على رأي في عاطفة جواتك تجاه شخص وحابب تعاتب وتحكي لا تهتم لكلام ناس ولا تخلي شي يأثر عليك ولازم شريك يقدر وضعك ويهتم فيك اكتر ويبادر .. لبعض عندو اتصال طويل ولقاء وحتى شخص مهم بيدخل حياتك ..
صحياً:لازم تخفف توتر وتاخد الامور بروح رياضية لان رح تعب حالك بس وتسبب اضطرابات جسدية ونفسية ..

#السرطان ♋
مهنياً:القمر بالثور تواصل ولقاءات واجواء افضل عم يكون يومك بخص علاقات وناس جديدة واصدقاء بحدك واذا بحاجة شي لا تتردد بلاخص بأمور المال بدا حلول واطلب اذا بحاجة وانتبه لمصروفك .. يوم في مناسبة او عزيمة وسهرة وبتشوف شخص الك زمان ماشفتو وتواصل مع شخص غالي عليك .. عم تفكر بمشروع جديد او عمل واستشارة مهمة ورقة حكومة ممكن ناطرها او بحاجتها وقصة اطفال
عاطفياً ❤️ :انت افضل وعم تتحسن علاقاتك وصداقات بتتحول لحب والبعض علاقات سرية عم تكبر .. من الايام الي بكون فيا اعجاب واعتراف بالمشاعر واهتمام وممكن ترجع علاقات وتصلح الامور وفي مساعدة وحلول الك .. بنصحك لا تخلي اسباب بسيطة تسبب مشكلة وهدي مع شريك وانتبه من حدا من ورا ضهرك يوتر الوضع بلاخص عند المتزوج ..
صحياً:انتبه على صحة عيلتك واهلك وفي حساسية عندك ونشالله في تحسن صحي هاليومين..

#الأسد ♌
مهنياً:القمر بالثور ركز منيح العين عليك وانت تحت الاختبار لهيك لا تخالف القوانين والتزم بشغلك وبامور البيت وقصة أب بتشغلك ولا تتأخر بشغلك مو ناقصك تسمع كلمة او تتوتر علاقتك مع بعض الاشخاص فرصة لعقد جديد او شراكة منيحة وهاشي بدو جهد لتنجح في ولازم تثبت جدارتك وحافظ على سمعتك وكون دبلوماسي والبعض عندو شهرة وشخص مهم ..
عاطفياً ❤️ :يوم جيد عم تعيش اوقات حلوة وامورك بتتحسن بس أنتبه على نقاشاتك وساير الشريك شوي لان في مواضيع كتيرة بدك تحكي فيا لهيك خفف ضغوط الي عليك وانتبه من سوء تفاهم او فكرة ماعم توصل صح تسبب توتر وخلاف برأي شوية هدوء بتلاقي حلول وبتتحسن الامور البعض عم تحضر لشي جديد مع الشريك وممكن شخص مهم او مشهور بيومك او تتعرف على حدا من داخل شغلك او وظيفتك ..
صحياً:خمول وارهاق من كتر شغل وتفكير وحافظ على سلامة جسمك ..

#العذراء ♍
مهنياً:القمر بالثور علاقات ودراسة وشي بخص سفر .. بتقدر تنجح وتتواصل مع اشخاص حتى في اتصالات بعيدة وعم يكون في تواصل بخصوص شغل او مجال خارجي وناس غريبة بيومك وعم يكون عندك اختبار او امتحان وعم تنجز اعمالك وتنقلات يوم بتكسر في روتينك وبتحصل عل مال من شغلك او اتفاق وامور صحية وحلول لوضعك نحو الافضل ..
عاطفياً ❤️ :يوم عاطفي ولقاء واجواء رومنسية واشخاص بتتقرب منك أستغل جاذبيتك وسحرك ويومك حلو لتحسن امورك ولاعزب ناطرك فرصة حلوة استغلها .. مشوار او لقاء عاطفي وحميمي او لبعض بسافر للقاء شريك ..المتزوج ساير اليوم وفي حكي كتير وخلي الامور تتوضح وتعاون لتلاقي حلول وتقارب بوجهات النظر هيك افضل الك ويمكن في نق من شريك على قصة نفذ ثم أعترض ..
صحياً:عم يكون في تعب عضلي وحاسس جسمك مكسر ومشاكل بالعضلات او تشنجات ..

#الميزان ♎
مهنياً:القمر بالثور عم تعيد حساباتك وعم تخف ضغوط عنك وحلول لمشاكل وفي مصالحات وناس بتحبا وحتى البعض بعد غيبة .. جهز حالك لعزيمة ويوم عم تبلش تاخد في نفس وتحسن بوضع بلاخص بلايام القادمة على صعيد المهني والمالي .. في قصص مالية ومعاملات مالية وممكن تحصل على مال اليوم وشي بخص الاطفال ولقاء واتصال بريحك وتنقلات بيومك..
عاطفياً ❤️ :بتبلش تتحسن امورك وتطلع من جوك الممل عندك جاذبية وبتأثر على الاشخاص وعندك اجواء حلوة ورومنسية بعلاقتك المهم تثبت على رأي وتكون دبلوماسي وتبادر حاول تستغل دعم الحظ الك لتعمل نوع من تقارب وتواصل بعد برود وجفا .. تجنب اي توتر وهدي الوضع ولا تتردد وبادر اذا راحتك بتشوفها مع شخص ..
صحياً:أنتبه من كريب او وعكة صحية وممكن تزور طبيب اليوم ..

#العقرب ♏
مهنياً:القمر بالثور اليوم مو رايق واي كلمة ممكن تعمل مشكلة هدي وروق بلاخص مع العيلة والمقربين او شريك .. عم يكون في حكي وقصة بالعيلة ونقاش رغم العراقيل او تأجيل الي صار بوضعك رح يتحسن ويومك بخص شراكات مهنية او عاطفية فيك تحكي فيا وتبادر لتلاقي الاستجابة بس بدي منك تخفف عصبية وانتبه من يلي حواليك .. عزيمة او مشوار وضب ايدك مالياً والبعض بينهي شراكة متعبة وممكن تبلش بشراكة جديدة ..
عاطفياً ❤️ :الاعزب امورك افضل لتلاقي اعجاب وتبلش شي جديد بس المرتبط في ضغط عليك وكون جاهز لاي طارئ بيومك وانتبه لكلامك وتصرفاتك وبدك تتحمل المزاجية وضح الامور بشكل منيح فكر بحالك وكون منطقي ولا تصعد يوم في مشاعر جديدة او رجعة حب قديم ولقاء قريباً ..
صحياً:انتبه من وعكة صحية ومن هالجو والبعض بيشفى من مرض ..

#القوس ♐
مهنياً:القمر بالثور عندك شغل والتزامات ومابتعرف القصص من وين بتطلعلك عندك اتصالات كتيرة ولقاءات ولازم تتحرك بسرعة وترتب الامور لتنجح وتوصل وتعمل شي يغير من الوضع في شغل كتير وقصة بيع وشراء واوراق بحاجتها وخبر مهم ناطرك وقصة أخ او مقرب لمهم ترتب امورك وتتعامل بهدوء مع اي طارئ وتراعي وضعك صحي منيح .. البعض بيدخل شغل جديد وممكن مال قادم او سفر ..
عاطفياً ❤️ :عم تحس بتعب ونوع من العزلة لازم شريك يساعدك ويكون حدك وتقدر تلاقي راحتك معو ..بادر ولا تكون مستفز وهدي الوضع احسن مايكبر .. وان شاء الله بتلاقي راحتك وانسجام افضل .. كتير ناس حولك مارح يجيبو نتيجة عليك بتصليح الامور مع الشريك وبتكون علاقتك منيحة .. الاعزب فكر بشخص يكون بيستاهلك عنجد لان ناس كتيرة بلا طعمة او لقاءات واتصالات ماعم تجيب نتيجة .. المرتبط جديد عندك فترة من الاستقرار والانسجام..
صحياً: فيك تعمل تغييرات صحية وشكلية وخففلي عصبيتك نفسياً في تحسن وممكن تبلش نادي او هواية ..

#الجدي ♑
مهنياً:القمر بالثور من لايام الحلوة وفيا دعم وحظ وطاقة وبتقدر تحصل على مال او حوالة وتقضي اوقات ممتعة وقصة بتخص الاطفال او الانجاب .. تحسن بوضعك هالفترة وحتى بتتخلص من قصة كانت تاعبتك .. امورك منيحة وبتعيش اوقات واتصالات كتيرة والبعض عندو سفرة قصير او تغيير من مكان لمكان و عقاري عم تجهزوا وعزيمة وناس جديد وخبر حلو ..
عاطفياً ❤️ :تطورات عاطفية للمرتبط والاعزب جذاب وفيك تبادر لتتقرب من الشريك او يصير مصالحة او ترجع مع شريك قديم أستغل الوضع اليوم ولبعض علاقات عم تتطور شوي شوي ..فكر منيح واستغل يومك وتخلى عن علاقات متعبتك وعابرة وتجنب الغيرة وشكوك ..
صحياً:انتبه الاكلك منيح هالفترة حتى مايصير معك قرحة ومشاكل البلعوم وسعال ..

#الدلو ♒
مهنياً:القمر بالثور تغيرات ناطرتك وعم تفكر تغير مكان او تطلع وتعمل خطوات جديدة بحياتك .. يوم بخص تغيير مكان بشغلك او سكن وشي بخص عقارات وبيع او شراء واوراق عائلية وعم تعمل شوية تصليحات وتعديلات بالبيت وشغل جديد عم يتوضح .. بس بدي تنتبه لاهلك اليوم وتهدي معن وكون دبلوماسي البعض عندو تغييرات على صعيد العائلي و خبر حلو ومصالحة بالعيلة ..
عاطفياً ❤️ :لازم تكون هادي ورايق ولا تعمل مشاكل بلاخص هالفترة وكتير بحاجة لحدا يفهمك ..علاقتك فيها تقلبات كتير أنتبه وهدي وأبتعد عن العلاقات الي عم تعملك مشاكل الك مو ناقص وجع وتعب والي فيك مكفيك لازم تطور وضع علاقتك الحالية ولا تتسرع بشي هاليوم او تاخد قرار مصيري لان عندك خيارات كتيرة لازم تحسمها ..
صحياً:وضعك صحي في تقلبات ولازم تستشير اخصائي عند لزوم ..

#الحوت ♓
مهنياً:القمر بالثور قادر توصل وتنجح وتكون مميز وعلاقات كتيرة وناس بتحاكيك وعم تنشط على صعيد الاتصالات ولقاءات وعامواقع تواصل والاعلام وبتنجح بشغلك وفي سفر وتنقلات او مشوار وتحل مشاكل كانت مؤجلة واختبار بيومك .. قصة اخ بتشغلك او خبر بخص اخ وانتبه لبعض الاعطال بالبيت او بسيارة وموبايل وقصة بيع وشراء ممكن تستفاد منها ..
عاطفياً ❤️ :اتصال او لقاء ودعم لعلاقتك وتواصل بيكبر اكتر وصدفة حلوة . فرصة اليوم لتحسن الوضع وتكون احسن بعد ضغوط كتيرة بعلاقتك لا تخلي المشاكل ترجع من جديد بترتاح وبتكون احسن .. خلي خط لرجعة ولا تصعد وكون اكتر دبلوماسية واذا بيستاهل أعطي فرصة ولا تدخل بنقاش مافي منو امل .. يوم حلو لتحسن امورك وتكون منيح ..
صحياً:أنتبه من كريب والحوادث واطلع وغير جو بعزيمة وناس جديدة ..

#أبراج_ماغي_فرح_2021 🔮 🌹

أخبار ذات صلة

اترك رد

زر الذهاب إلى الأعلى
آخر الأخبار