مع ماغي فرح.. أبراج اليوم الثلاثاء__4__أيار__مايو__2021

🌟🌟🌟رمضان 🌙 كريم 🌟 🌟 🌟
مع ماغي فرح.. أبراج اليوم الثلاثاء__4__أيار__مايو__2021 🔮
🌙 🌛 القمر بالدلو ♒الهوائي كوكبه🌏 أورانوس …..

#الحمل ♈
مهنياً:القمر بكمل بالدلو يوم جيد بالعلاقات واشخاص بتحبا وخبر حلو واجتماعي بتكون .. عم تنعزم وتعزم ومساعدة بيومك وبتتلبى وطلباتك مجابة وحتى في طلب منك او مال .. أجواء حلوة وتطورات رغم عندك شغل وعم تبدا بداية يوم في مسؤوليات والوقت ضيق شوي لكن بالمجمل يوم حلو حاول تستفيد منو لصالحك والمال بيشغلك بهاليوم بشكل خاص او مردود قادم ..
عاطفياً ❤️ :جاذبية بيومك وعم يكون في اعجاب من اشخاص فيك فاستغل هاشي لتحسن وضعك وعم تفصل كتير امور عن العاطفة وفي نقاش او مصير علاقة ممكن يتحدد بهاليوم المهم شوية دبلوماسية ولا تعصب وتصعد الوضع وتجنب المواجهة .. البعض عم ينشط بعلاقات سرية واجواء حلوة ..
صحياً:تحسن وامورك افضل وبترتاح من عارض صحي ومن صداع برأسك ومشكلة برقبة ..

#الثور ♉
مهنياً:القمر بكمل بالدلو بدي منك تنتبه من قصص ممكن ترجع من جديد واسرار لازم تحافظ عليها .. عم تهتم بوضع حدا بالبيت او اب عندك وفي لقاء مهم وشخصيات مهمة .. عم تعيد ترتيب الامور المالية ولتزاماتك وكون حذر من المحيط ولا تخالف او تتمسك برأيك وتكون عنيد ولا تخلي حدا يشمت وفيك .. في شغل واتصال او لقاء وعرض جديد وممكن توصل لحلول مالية والبعض قصص بتخص وظيفة قريباً ..
عاطفياً ❤️ :علاقات كتيرة بس انت مو رايق لحدا وعم يكون يومك متقلب وماعم تحس براحة والاستقرار وضايج وقصص ماعم تكمل وعم تعاني تأجيل وشريك ماعم يهتم او يعمل شي يريحك وماعم تقدر تحسم الامور .. اصبر هاليوم وتطورات قادمة منيحة وانطر شخص رح يدخل حياتك او قديم بيرجع ..
صحياً:نشالله امورك افضل وبتطلع من تعب كبير لمهم تعطي الاهتمام زايد لصحة ..

#الجوزاء ♊
مهنياً:القمر بكمل بالدلو حلول لمشاكل وخبر بريحك ونقاشات كتيرة .. يوم في طاقة وتحسن وحركة وشي جديد في نقاشات ولقاء مهم وسفر اذا ناوي وامورك افضل بيوم مميز .. عندك تحسن مهني مالي أجتماعي وناس جديدة وعم تتقرب منك وامور كتيرة بتنحل عندك وبتشوف انفراج بوضعك بتجهز لمرحلة جديدة و اختبار هالفترة ويمكن حدا قادم من سفر ..
عاطفياً ❤️ :يوم جيد وعم تطلع من وضع سلبي ومن الفتور والبرود .. أستغل طاقتك لتلاقي حلول وتتعامل بمرونة اكتر وتعالج الوضع الي انت في .. برغم الحظ معك ومن الايام المميزة عندك لتتقرب وتلاقي حب ورومنسية واجواء حلوة بلقاءات واتصالات ولتمتلك قلب الشريك بس المهم تعرف شو بدك ولا تتردد والبعض يالله قريباً في كتب كتاب وعقد بالمحكمة ..
صحياً:تقرب من ناس بتحبن والي بيعطوك طاقة ايجابية وبريحو نفسيتك ..

#السرطان ♋
مهنياً:القمر بكمل بالدلو عم تطلع من ضغط تدريجي بهاليوم وعم تحل مشاكل ادارية ومال بيومك .. عندك كتير شغل وضغط لتخلص المهم وضروري وترتاح تطورات بوضعك بس بحاجة شوية تركيز لتوصل وتنجح وهدوء اعصاب ولا تكركب حالك .. ناطرتك اجواء حلوة وعزيمة ورح تحملك تطورات بتخص المال وتحسن هالفترة بشكل منيح واذا عندك مناسبة او سهرة بتكون منورها ..
عاطفياً ❤️ :انتبه ع وضعك حتى ماتخسر شريك شوية هدوء والامور بترجع افضل .. مرق هاليوم على خير يمكن في مشكلة بدا حل ومواجهات كانت موجودة عم تلاقي صعوبة بحلها حاول لا تترك الامور بدون حلول جذرية وامورك بتتحسن بعد هاليوم لا تخاف .. بصير تواصل أو لقاء واتصالات واجواء افضل بلاخص المرتبط جديد والأعزب ..
صحياً:انتبه من وعكة صحية بلاخص في اوهام وساوس عم تعب نفسيتك وارهاق شديد وشي بخص الجلد ..

#الأسد ♌
مهنياً:القمر بكمل بالدلو بدي ياك تهدي بيومك شكلك عم تعمل غربلة لعلاقاتك وعم تعيد حساباتك مع ناس كتار ولا ترد اذا في حدا بحاول يستفزك ليوقع بأخطاء ومشاكل خليك دبلوماسي وبعد عن المواجهات لانك من اي كلمة عم تعصب وعم توتر الوضع .. ساير ولا تكبر الوضع ولاتتسرع وشراكة جديدة وخبر او اتصال بريحك او مال من شراكة او جمعية وعقد جديد ..
عاطفياً ❤️ :عم يكون في ضغط عاطفي عليك وبتحس بعدم الانسجام وراحة وماع تستوعب الشريك وحتى في قلق داخلي انو يكون في دخلاء على علاقتك العاطفية وهاشي ماعم يخليك ترتاح وتطمن ..روق وخففلي هالعصبية وشكوك احسن ماتكبر القصة وتخسر بيومك عيد حساباتك منيح ولا تضغط على شريك وتكون استفزازي .. لاعزب ارتباط وتتطورات بالعلاقة لشي مستقبلي ولقاء منتظر والمرتبط جديد عم يعيش اتصالات واجواء حميمية بيومه ..
صحياً:بحاجة لتنام منيح وترتاح وفي مشاكل بالوزن والعضلات والمفاصل ..

#العذراء ♍
مهنياً:القمر بكمل بالدلو عم يكون عندك فرصة لشغل جديد وعم تقدر ترتب امورك وتتجاوز الالتزامات وضغوط والامور طارئة بيومك لهيك بدي ياك تخلص المهم وضروري ولا تخلي لاعمال تتراكم عليك بالبيت وبشغل ولا تعب حالك وحافظ على صحتك وممكن تدفع مبلغ مالي ويمكن في سفر او شخص مسافر بيومك محتاج تريح حالك وتنتبه من تعب والارهاق ..
عاطفياً ❤️ :بحاجة لاهتمام من شريك وطنش بعض الامور ولا تعمل منها قصة .. المرتبط في استقرار بعلاقتك مع شريك واجواء اكتر هدوء او عم تكون عملية اكتر ونقاشات مثمرة .. تتطور بعلاقاتك عبر الأتصال وتواصل وممكن صداقات كتيرة بهاليوم واجواء بتتحسن قد يكون هناك علاقات بشغلك بتتحول لحب او اعجاب مبدئي بالوقت الحالي المهم لاتفكر بسلبية وتشائم لو تعثرت بعض العلاقات السابقة كلشي بوقتو حلو ..
صحياً:أنتبه من مشاكل المفاصل والوزن وريح حالك قدر الامكان ..

#الميزان ♎
مهنياً:القمر بكمل بالدلو عم تزيد حظوظك بهاليوم وعم تحس بطاقة واشخاص عم تدعمك وعم يكون في اوقات مميزة وعزائم وحلول وخبرحلو رغم كل ضغط الي عندك بترتب امورك وبتحل مشاكل وعم تستعيد مكانك وطاقتك وبتصالح بعد زعل وجفا .. يوم لتعارف باشخاص جدد وعزائم ومال بيومك وانجاب عند البعض او البعض عم يدفع مال على اطفال ممكن شراء حاجيات او عم يفكر بعملية بتخص الحمل ..
عاطفياً ❤️ :وضع الشريك بيشغلك ولامور في طريقا للحسم .. وضعك افضل هاليوم لهيك بدي منك تستغل اي فرصة لتعزز علاقتك وعودة حب قديم او اذا كان في توتر لتصلح الوضع ويكون في تفاهم واجواء ايجابية لمهم تسيطر على انفعالاتك وكلشي بكون تمام وحب جديد للبعض ..
صحياً:ريح نفسيتك وبعد عن العصبية والمزاجية ويوم بتكون بوضع صحي جيد وتحسن بكون تدريجي ..

#العقرب ♏
مهنياً:القمر بكمل بالدلو يومك في اهتمامات عائلية ويمكن عم تزور اهل واخوات وعزائم وعم تغير مكان وعم يكون في قصة اخ او طفل عم تشغلك وعندك واجبات بالعيلة ولازم تلحق وضب ايدك مالياً لجيوب فاضية .. خليك هادي لو في قصص طارئة وشي اضطراري لمهم لا تتسرع وتجنب الانفعال وتوتر بالعيلة بعد هاليوم انت منيح وتطورات ايجابية وبلاخص عاطفياً ..
عاطفياً ❤️ :انت كتير بحاجة لشخص يفهمك ويكون حدك وتقدر تتجاوب معو بطريقة الي بتحبا بس بتحس مافي فهم ولف ودوران واهمال واحساس بالوحدة .. ماعم تكون مرتاح وفي بعد بالمشاعر وسوء تفاهم وتوتر زايد ركز منيح لتتجاوز هالقلق وليكون في خطوة جديدة بلاخص المتزوج .. الاعزب في شي جديد ناطرك وحكي عم يطور والمرتبط عم يقضيا حكي وأفئفة ..
صحيا:عارض صحي و طبيب او عم تاخد أستشارة وممكن تاخد مسكن او التهاب …

#القوس ♐
مهنياً:القمر بكمل بالدلو طاقة وحظ ودعم ولأجواء حلوة بتواصل وأتصالات ولقاءات مهمة وناس جديدة وسفرة قصير او مشوار اذا ناوي .. تنقلات كتيرة بيومك وعم تساعد استغل هاليوم لتطلع من وضعك وتغير جو وممكن تبيع او تشتري شي بس أنتبهلي من الاعطال والحوادث وقصة موبايل او اخ ومصاريف عم تزيد .. وفي خبر بخص شغلك وحسم مهم قادم ..
عاطفياً ❤️ :يومك حلو وتحسن بعلاقاتك وامورك مازالت تحت سيطرة بس القادم افضل . فرصة لتفاهمات ولتطلع من حالتك نفسية الصعبة يومك حلو بشوية دبلوماسية .. يومك منيح بين لقاءات واتصالات وبتقضي وقت حلو ويمكن كمان تطلع مشوار وتغير جو و مفاجئة ورومنسية بوضعك ..
صحياً:ريح حالك ولا تعب جسمك ونفسيتك واذا في شي صحي استشير اخصائي والبعض بزور مريض او مشفى ..

#الجدي ♑
مهنياً:القمر بكمل بالدلو في ارهاق وحاسس بتعب وبحاجة لتريح حالك وجسمك .. يومك في زيارات و وعم تستقبل وتودع وحكي كتير .. مال بين دفع والتزامات ومصاريف طارئة وعزائم في شغل كتير رغم بعض الامور عم تتأجل بس كتير هالفترة بحاجة لموارد او دخل مالي .. عيد حساباتك ورتب امورك المالية وفي شي بخص وضع العمل وتنقلات قصيرة وناس جديدة ومصاريف مالية على الاطفال ..
عاطفياً ❤️ :المرتبط عندو حاجة ورغبة ليكون مع الشريك بس لا تشغل حالك بلافكار المتعبة ولا تخلي سوء تفاهم صغير يعمل مشكلة كبيرة وخفف شكوك وغيرة والمتزوج لاتخلي قصص المال تعمل مشكلة مع شريك .. لاعزب امورك افضل رغم الوحدة بس في علاقة عم تكبر واجواء حميمية بلاخص اذا في هدية ..
صحياً:تشنجات وتعب عضلي وتفخة بالمعدة انتبه لاكلك وشربك ..

#الدلو ♒
مهنياً:القمر ببرجك عم ترتفع حظوظك بهاليوم وعم تقضي اوقات حلوة وفي مفاجئة واتفاق وبداية جديدة ومال عندك ثقة بحالك وبتكون متحرر وشغل مهم وامور عائلية او البعض في منصب او مكان جديد قريباً حاول تطلع من فترة راحت ولا تتشائم وافتح صفحة جديدة لترتاح .. يوم في تغييرات نشالله افضل ولصالحك وفيك تطلع وتتحرك وتعمل تغييرات بشكلك وعزيمة اكل وزيارات والاهل ولاخوات عندك ..
عاطفياً ❤️ :بدي منك تستغل هاليوم الحظ بساعدك ومميز اذا بدك تقدم على اي خطوة مهمة تغير من الواقع وتفتح صفحة جديدة وتجدد علاقتك وممكن يصير تفاهم على بعض نقاط المهم لا تستعجل بشي ولا تحسم الامور .. بعض المتزوجين في قلة ثقة وتسرع بالقرارات وشكوك هدي شوي …. الأعزب امورك افضل وحب وعاطفة وبلاخص المرتبط جديد ..
صحياً:خفف من تناول طعام بوقت غير منتظم او متأخر ونتبهلي لنفسيتك ولا تاكل بسرعة او كمية وانتبه من تفخة وقاوم مغريات الأطعمة والحلويات ..

#الحوت ♓
مهنياً:القمر بكمل بالدلو حاول تتجنب توترات والمواجهات بيومك وبعض المتاعب ولا تتسرع الحظ مو معك وماعم يظبط شي او عم تلاقي تأخير وتأجل ببعض الامور وناطر ورقة او عقد .. حاول لا تشتغل شي بيوم ضعيف الحظ و روق بعلاقاتك ونقاشاتك وقصة بتصير بشغلك بتعبك ووضع العائلي صار لازم تحطلو حد وممكن البعض شخص مهم او اوراقة وشي حكومي وتحسن بعد هاليوم .
عاطفياً ❤️ :عم تفكر ساير بس ماعم تظبط معك …..
ماعم تلاقي الاهتمام بلاخص من الشريك رغم ناس لكتار حواليك وملفت لنظر ولازم تحسم امور عاطفية هاليوم بلاخص علاقات مافي منا نتيجة حاجتك تعبت من اشخاص منافقة وعندا كذب ومصالح بتحسها وكتير بحاجة للاهتمام وللمشاعر صادقة .. روق هاليوم وجهز حالك لحدث مهم قريباً ..
صحياً:بعد عن الاجواء الصاخبة والمتوترة وريح حالك من شغل وناس سلبية لترتاح صحياً ..

#أبراج_ماغي_فرح_2021 🔮 🌹