مع ماغي فرح.. أبراج اليو الأثنين__3__أيار__مايو__2021

🌟🌟رمضان 🌙 كريم 🌟 🌟
مع ماغي فرح.. أبراج اليو الأثنين__3__أيار__مايو__2021 🔮
🌙 🌛 القمر بكمل بالدلو♒ الهوائي كوكبه🌏 اورانوس….

#الحمل ♈
مهنياً:القمر بالدلو مصاريف مالية وناس كتار وزيارة بيومك وعزائم .. يوم داعم ومهم وبتطلع من وضعك وبتكون محط اعجاب وجاذبية واخبار حلوة وعم تلتقي بناس جديدة ويمكن يكون في عزيمة او مناسبة ولمة حلوة واصدقاء .. علاقات اجتماعية كتيرة وبتلاقي دعم من اشخاص حواليك ولا تتردد بطلب ونسق مواعيدك ولا تتأخر وفرصة لتحصل على شي مالي او اذا كنت بحاجة للمال اطلب ..
عاطفياً ❤️ :يومك افضل علاقات حميمية وفي جرأة ومغامرات وفيك تتعرف على حدا جديد وصداقات عم تتحول لحب والبعض لشي جنسي .. بدك تعمل جهدك حتى العلاقة تبقى مستقرة او انها تستمر يعني لا تقدم على حسم بدون ماتكون واثق من قراراتك حتى لا تسبب لنفسك ضغط بالوقت الحالي او اي تصرف غلط يأثر على العلاقة مع شريك .. وضعك بيتحسن بس كون دبلوماسي واستغل يومك بالحب والرومنسية ..
صحياً:بتستقر امورك هالفترة بلاخص كان في تعب جسدي وكركبة بامورك الصحية ..

#الثور ♉
مهنياً:القمر بالدلو عندك لقاءات مهمة ودعم مقدم الك وفي فرصة شغل جديد واختبار ولازم تثبت جدارتك لتوصل لمكان او تحقق شهرة وشعبية وتخلص التزاماتك وعم تهتم لقصة شخص كبير .. فرصة حلوة ومشروع جديد لمهم تنتبه من ناس الي ممكن تعرقل جهودك وناطرينك على دقرة ليعملوا تشويه سمعة .. يومك في شخص مشهور او صاحب مكانة او منصب بلقاء او اتصال قد يكون بشغل او عاطفي ..
عاطفياً ❤️ :انت قادر تطلع من وضعك وتتجاوز مرحلة فيها قلق وتوتر فا أنتظر شي ايجابية وتحسن نسبي واعجاب فيك .. المرتبط عم تتعارض امورك بين العاطفة ومشاغل أخرى وفي عندك شوية ضغط لهيك بدي منك تنتبه لكلامك وتحاول تكون دبلوماسي وحاول تغير شوي من معاملتك ومن شكلك وتهتم بحالك لتبقى جذاب ومميز ..
صحياً:حافظ على صحتك ولا تعمل شي براسك بلا ماترجع لطبيب او اخصائي ..

#الجوزاء ♊
مهنياً:القمر بالدلو خبر حلو ومركز امني ومؤسسة حكومية .. من الايام الي بتكون متفائل بتغيير ايجابي وصفحة جديدة وعندك حركة اوراق وشي بخص سفر وحلول لبعض القضايا المعقدة وعم تسيطر على وضعك وافكارك والحظ داعم الك لتنجح وتوصل .. علاقات جديدة وحلول لمشاكلك واتصالات بعيدة واشخاص كتار وناس الك زمان ماشفتا وبدك تعمل شي جديد وقصة فيا بيع وشراء والبعض انتبه الحوادث والاعطال ..
عاطفياً ❤️ :علاقات جديدة وحلول لمشاكل عاطفية ..
بعد ايام متعبة بعلاقتك وتوترات انت امام فرصة وحظ حلو لتستغل هاليوم وتحسن من علاقتك ويمكن يرجع تواصل وتنهي كتير مشاكل وعم تكون بعيد عن الانفعال والعصبية مع الشريك وعلاقات بتعود من جديد وعم تصالح .. امورك العاطفية افضل بلقاء او اتصال وتواصل مع شخص بعيد وصدفة حلوة .. والمرتبط جديد امورك افضل وتغيير قادم مهم ..
صحياً:خفف عصبية ولاتعمل مشاكل وتنفعل حتى ماتوقع بمشاكل صحية ..

#السرطان ♋
مهنياً:القمر بالدلو من الايام داعمة الك لتبلش من جديد و تحقق نجاح وتتجاوز مشاكل كتير تعبتك بالفترة الأخيرة .. يوم في قصص مالية بين دفع وقبص والتزامات عم تقوم فيا وحتى ممكن تدفع ضرائب وفواتير ويمكن عم تشتري وتتسوق وفي قصة دين ورثة بتشغل البعض .. مقبل على انفراج لقضايا قانونية واوراق وبترتاح شوي من ضغوط وبتعمل تقارب مع محيطك وبالعيلة وعزائم اكل وفي مبروك الك ..
عاطفياً ❤️ :يوم حلو لتكون قريب وتقضي وقت وتظهر رومنسيتك ولتعمل صلحة وتشعر براحة عاطفية او تبادل الاعجاب وعم تجهز لامور مستقبلية وراحة وتحسن بالوضع العام .. بحاجة لتعطي فرصة جديدة وتستغل يومك باجواء رومنسية وعندك احساس او رغبة لتكون مع الشريك والبعض هدي بوضعك ولا تتخذ اي قرار مصيري ..
صحياً:فكر كيف تحسن نفسيتك وتكون بمشوار حلو وبلاخص ع البحر هاشي بريحك نفسياً .. والبعض لازم تزور طبيب هاليومين لتطمن عن وضعك وبلاخص النساء الي عم تعاني مشاكل ..

#الأسد ♌
مهنياً:القمر بالدلو في شغل وشراكة وممكن اتفاق وعقد جديد وفي مين بساعدك بيومك وفي وعود قريبة .. فكر بشغل جديد وشراكة وجمعيات وشي بخص المال او مال من شراكة او شريك .. بس بدك تحاول تهدي وتكون دبلوماسي في بعض العلاقات والمعاملة الي عم تلاقيها منن حاول ماتعطي اهتمام واشتغل صح ولا تفكر بحدا وانتبه على صحتك في تعب وارهاق ..
عاطفياً ❤️ :يومك في تحسن نسبي وغالباً عندك فرصة لتعزز الوضع وتكون تمام وفي فرصة جديدة لارتباط بلاخص الاعزب والمرتبط جديد عم يكون في حدث مهم عندك اوعم ترتب لشي قريباً .. والمتزوج او المرتبط بدك تنتبه من الاستفزاز ولا تعمل مشاكل وتكبر القصة وتتوتر الامور اكتر .. انت كتير بحاجة هالفترة لشخص يفهم عليك وترتاح معو ..
صحياً:انت بحاجة لترتاح ومابقا تفكر بشي وريح حالك في جهد عم تبذلو وتشنجات عضلية .. البعض بتشغلوا صحة شخص كبير او شريك ..

#العذراء ♍
مهنياً:القمر بالدلو فرصة شغل جديد وعم تطلب مساعدة او استشارة وفي اخبار حلوة على صعيد العمل مابعرف اذا ناطر شي من الخارج بخص شغل او دراسة او مال وبتلاقي تحسن صحي ونفسي بيومك .. لمهم لا تتردد بقراراتك وعيد ترتيب لامور وخلص التزاماتك بالشغل وبالبيت بلاخص انو عندك كتير اشيا بدك تعملا .. عندك الارادة والقوة لتنجز اعمالك بس خليك سريع لتخلص التزاماتك والبعض في سفر بخص شغل ..
عاطفياً ❤️ :عم يكون في طاقة عاطفية وبتكون محبوب عندك جاذبية من الكل بس مابعرف حاسس بقلق ومتعب بلاخص المرتبط .. ماتعطي ثقة لحدا ولا تتسرع وتوقع بين خيارات وحاول تنسق بين شغلك وحبك لان ممكن شريك يعصب منك ومو عاجبوا العجب شوية تفاهم ودبلوماسبة وامورك تمام وقديم ع البال ممكن تتواصل معو ..
صحياً:شوية اضطرابات والتهابات وحافظ ع صحتك شوي مو ناقصك مشاكل جديدة ..

#الميزان ♎
مهنياً:القمر بالدلو عم تكون مميز بيومك واحداث ايجابية وحلوة وعم تكون محبوب وسط جو اجتماعي وناس جديدة ولمة وعزيمة وفي قصص مالية بتساعدك وخبر بخص الاطفال او عم تهتم باطفال بهاليوم وعم تستمد طاقتك من الاطفال .. فرصة حلوة بيومك لتكسب مال مو بالك كان وتحل مشاكل وبتحدد خياراتك بعد حيرة متفائل اليوم وخبر رح يخليك مبسوط أن شاء الله ..
عاطفياً ❤️ :عم تتجاهل كتير امور ورح يهدا الوضع ..
من افضل الايام الك عاطفياً الي بيعطيك جاذبية واجواء رومنسية وفي اهتمام وتقارب وبتكون ملفت لنظر واعجاب وعلاقات جديدة .. المرتبط بتتحسن امورك وتواصل نوعي بعلاقتك ويومك مميز وحميمي وبتعزز روابط المشتركة وحلول وحابب تعمل تغيير بشكلك وممكن تواصل مع حب قديم ..
صحياً:بتتحسن صحتك وبتكون منيح بس لازمك نظام صحي جديد وعزيمة من حدا بتحبو ..

#العقرب ♏
مهنياً:القمر بالدلو مكان جديد او زيارة عم تقوم فيها وتغيرات مفاجئة وفكرة سفر او شراكة جديدة .. عم يكون يومك في قصص عائلية وتغيرات وعم تعمل شي بالبيت او عم تجيب شي للبيت وعم تهتم بلاهل وفي شوية ترتيبات وتصليحات بالبيت وبديكور المنزل وحتى فيك ترتاح وتكون بعزيمة ولمة مع اخواتك بس ضب ايدك مالياً بسبب مصاريف على الاهل او حدا بدو منك مال او دين ..
عاطفياً ❤️ :لازم تهدي بعلاقتك اليوم وعم تنشغل باكتر من قصة وانت كتير بحاجة لتحل مشاكلك وترتاح لانك ماكتير راضي عن الوضع حاول تهدي بنقاشاتك قد مافيك .. يومك بدو شوية حكمة وتفاهم وصبر على بعض الامور خلي تفكيرك ايجابي ولا تضعف قدام اي محنة طارئة .. والبعض عم يجهز او يناقش موضوع لقاء قريب وترتيب جديد ..
صحياً:أنتبه من كريب هاليومين ويمكن وضع صحي بالعيلة او عم تهتم بلاطفال وبصحتن ..

#القوس ♐
مهنياً:القمر بالدلو شغل جديد وتغييرات صحية .. في عرض وعم تفاوض ع شي واتفاق حركة وتنقل وممكن سفر قصير بهاليوم وانت مقنع برأيك وافكارك وفيك توصل لشي لبدك ياه .. اتصالات كتيرة هاليوم ومواعيد وعزائم وعم تحسم امور .. ممكن بيع او شراء واتفاق برغم ظروف بتنجح لا تخاف وقصة عقار وسيارة او موبايل وانتبه من الاعطال ..جهز حالك لاختبار او أمتحان بخص شغل او دراسة ودعم اخ الك وفيك تعمل شي مهم عبر مواقع التواصل او شغل كمان .
عاطفياً ❤️ :عندك علاقات كتيرة وتواصل وحلول وارتباط.. في اوقات حلوة عم تقضيا وانسجام وتفاهم ولقاء او اتصال ومشوار مع الشريك او سهرة وفرصة مهمة لترتبط او شخص من مكان شغلك او دراستك عينو عليك وممكن يعترف .. بعض العلاقات الي متوترة انتبه لكلامك وفكر مظبوط حتى مايأثر ع وضعك لقدام ..
صحياً:أنتبه من الحوادث ولا تتردد بأي شي ممكن يعود على صحتك باطاقة وتحسن نفسي ..

#الجدي ♑
مهنياً:القمر بالدلو امور مالية بين قبض ودفع او اتفاق مالي مهني .. عندك اعمالك واجباتك لا تتهرب حتى ماتعمل مشكلة حاول تتقرب بعلاقاتك وتساير شوي لحتى تنال الاعجاب وممكن انت ناطر مال او حوالة وفي قبض هاليومين .. بس مصاريفك كبرت وعم تمر بمرحلة فيها مسؤوليات وضغط ولازمك مورد تاني وعم تدفع مال على عزائم وبالبيت ..
عاطفياً ❤️ :تصرفات الشريك مو عاجبتك بس بدك تحاول لا تصطدم معو .. استغل جاذبيتك والحظ بهاليوم حتى يصير توافق وتحل مشاكل معقدة وتفتح صفحة جديد بحياتك العاطفية بعيد عن الماضي .. مصالحات ودعم من اشخاص بعلاقتك وبتكون مؤثر ع الجنس الاخر .. والبعض في مشوار او عزيمة مع الشريك جهز حالك ..
صحياً:انتبهي من الالات الحادة او ضربة ووضع بالبيت وبلغم زايد ..

#الدلو ♒
مهنياً:القمر ببرجك حظ وطاقة وانتقال لمكان جديد وعم تجهز بيت او بدك تروح زيارة عائلية .. متفائل وطاقتك ايجابية لتنجز اي عمل وتكون امورك افضل من قبل عندك فرصة مهمة بين المال وشغل جديد او اتفاق ممكن يتم بعد تعب وجهد كبير .. بتوظف طاقاتك بمكان مهم ومرحلة انتقالية نحو تغيرات ايجابية وعلاقات اجتماعية وثقة بترجع وبتحل مشاكل واتصال يمكن بخص شي حلو بالعيلة او سفر ولمة حلوة ..
عاطفياً ❤️ :لازم تستغل دعم القمر الك لتحسن عاطفي واخبار حلوة وانسجام أفضل .. امورك اليوم في تحسن عندك عاطفتك منيحة وهاشي كلو لازم تستغلوا لتحسم الوضع وتاخد قرارات اكتر جدية ولا تستسلم للوضع ممكن تلاقي دعم او تحصل على شي مهم وتطور بالعاطفة مع الشريك وعندك قدرة كبيرة على جذب الجنس الاخر الك . ممكن تبلش بعلاقة جديدة او اعجاب وتحول سريع في بعض العلاقات ..
صحياً:فكر بشي يريحك صحياً ونفسياً بعزائم وتغير جو ونشالله امورك تمام ..

#الحوت ♓
مهنياً:القمر بالدلو بتحسن برغم وضعك مو مرتاح بس في خبر وشي ايجابي الك .. يومك متقلب في حضور ملفت وناس حواليك بس بتحس انو في نفاق وكذب وماحدا عم يرايد الخير الك بلاخص المقربين جداً .. خليك حذر ولا تعطي وجه لحدا وفكر كيف تلاقي حلول ويكون في شوية انتباه لصحتك ومن شي طارئ فترة وبتمر وانتظر تغيير قريب وفي شخص مهم بيومك او مؤسسة حكومية وعلاقات اجتماعية ولمة او عزيمة والبعض في بيت جديد واختبار بوضعو واتصال او خبر مهم ..
عاطفياً ❤️ :ركز منيح ولا تعطي ثقة بسرعة ولا تدخل بعلاقات مامنها نتيجة وفكر بحالك وبلايام جاي وبلاخص شريك مو سهل لا تأمن .. ممكن يطرأ امر ما بعلاقتك الحالية يغير من تعاطيك مع الشريك بس بنصحك تفكر منيح باي شي ممكن تعملوا ولا تدايق مشان حدا بنصحك تغض نظر عن بعض الاخطاء المرتكبة وتصالح وتبعد عن اي علاقة مافي منها نتيجة ..
صحياً:التهابات بتعاني منا وانتبه من الحوادث والبعض في زيارة لمشفى او طبيب ..

#أبراج_ماغي_فرح_2021 🔮 🌹