مع ماغي فرح.. أبراج اليوم الجمعة 23__نيسان__ابريل__2021

🌟رمضان 🌙 كريم 🌟
🔮
🌙 🌛 القمر بينتقل ظهراً لبرج الميزان ♎ الهوائي كوكبه 🌍 الزهرة……

#الحمل ♈
مهنياً:عندك اعباء وضغوط بنهارك ومصاريف كترت بعد صهر شراكات .. قصص شراكات عم تنعرض عليك او عم تتبلور ولقاءات مع اشخاص جديدة بس بدك تنتبه ولا تعمل مشاكل مع حدا حتى ما تنهي شراكة عمل او علاقة يوم في قصة ورقة بتشغلك وناطر خبر بخص شخص او مال .. حاول تطلع وتشوف ناس بتحبا او الاهل وفي مساعدة من شخص مقرب الك .. المهم تكون هادي ولا تتسرع ولا تقلق من شي ومو غلط نتنازل شوي وكون دقيق بامورك لتحسن وضع شغل والمال ..
عاطفياً ❤️ :لاعزب امورك افضل وممكن شي حلو ناطرك وفرصة شراكة عاطفية جديدة .. المرتبط اذا بدك وضعك يستمر لازم تروق وتهدي ولا تنفعل وخفف من نقاشات وكون بعيد عن المجادلات الي بلا طعمة لان وضعك مو لقيان توتر جديد بعرف شريك مو مهتم وماعم يقدر وهاشي عم يخليك محتار وحاسس بالوحدة وافكار مشوشة …
صحياً:في دوخة وصداع نتيجة شغل وضغط وخفف منبهات وتدخين ..

#الثور ♉
مهنياً:خلص المهم صبح وبعد ضهر عندك التزامات وضغط شغل .. عم يكون في شغل كتير بيومك وعندك التزامات وترتيب امور خلص شغلك المهم ولا تخلي شي يتراكم عليك يوم شغلك جديد او فكرة شغل عم ترجع كمان لشغل بس لا تغلط مع حدا ولا تغامر بشي مابدي ياك تخسر ولا تستعجل بقراراتك .. لا تعب حالك واهتم بصحتك وتغيير صحي ونظام جديد بوضعك او نادي وتغيير بشكل ..
عاطفياً ❤️ :برغم تعب والعتب الي عم يكون بيومك وضغوط الي خلت وضعك يتراجع انت اليوم جذاب وعم تمارس سحرك ولازم تستغل هاليوم لتحسم امورك بشرط عدم تسرعة والعصبية وبلاخص اذا كنت ناطر رد او اذا العلاقة متوترة مع الشريك امورك منيحة استغل هاليوم لو كان في شوية توتر بس اكيد لصالحك بعدين
صحياً:صحة حدا بالعيلة بتشغلك وانت عندك تحسن صحي وشفاء من مرض ان شاء الله .

#الجوزاء ♊
مهنياً:روق بنهارك قصص عائلية ومن ضهر لامور بتكون غير شكل .. يومك داعم بالحظ والطاقة وبتكون بافضل حالاتك واتصالات ولقاء وشخص مهم بساعدك وعم تلتقي باشخاص بتحبن واخبار حلوة ناطرتك وشخص عم يرجع يتواصل معك وقصة اوراق وبتربح قضايا قريباً .. يوم في قصة مالية او عقد ممكن تحصل عليه وعندك لمة حلوة وعزيمة وسفرة قصيرة وعم تهتم لقصص الاطفال والانجاب والبعض عندو امتحان بكون تمام .. .
عاطفياً ❤️ :عندك اوقات حلوة واتصال بشخص بعيد او عم تشوف شخص بعد غيبة واشخاص عم ترجع تحاكيك .. يوم رومنسي وحلو وعم تكون دبلوماسي بلاخص المرتبط ولاعزب القلب بدق من جديد .. والمتزوج حاول تتنازل شوي لان عندك فرصة تصلح الوضع وتكون امورك افضل شوية مسايرة بس وبتتحسن الامور ..
صحياً:امورك بتكون تمام المهم تبقى عم تنتبه ع حالك والاهم تخفف تفكير ..

#السرطان ♋
مهنياً:خلص كلشي بنهار لان بعد ضهر مضغوط بالبيت والعيلة .. عم تعاني تعب ضمن البيت وكتير بحاجة لتلاقي حل له الوضع وانتبه على اهلك او حدا بعيلتك بقصة او وضع صحي واعطال ضمن البيت .. حاول تكون بعيد عن المواجهات وخفف من عصبيتك لان في مسؤوليات وتصليحات او نقل وتغيير وفي مين بساعدك وبوقف حدك في لمة حلوة وعزيمة اهل او انت عم تعمل زيارة لحدا من اهلك واصدقاء كمان …
عاطفياً ❤️ :الاعزب أستغل جاذبيتك بهاليوم وبتكون مؤثر على الجنس الاخر. وضعك ماعم يريحك وبلاخص انو في امور عائلية عم تدخل بوضع العاطفة حاول لا تكون بارد او منعزل وتجاوز تحديات بيومك بلاخص المرتبط والمتزوج .. والبعض بكون في قصة بتخص الاهل بموضوع عاطفي وحكي مبدئي ..
صحياً:روق ولا تخلي العصبية تأثر عليك وممكن في وضع صحي بالبيت ..

#الأسد ♌
مهنياً:مصاريف بنهارك ومن ضهر انت افضل ..يوم جيد ولازم تستغلوا في اتصالات وتواصل اكتر وعم تكون منفتح ع الكل وناس واصدقاء ولقاءات وبتشوف ناس الك زمان ماشفتا وجديدة .. ممكن في سفر او مشوار للبعض وقصة اخ او عم تهتم بأخ ألك وفيك تعمل شي ع مواقع تواصل الاجتماعي وفرصة لشغل او تجارة وامتحان وقصة سيارة او موبايل وعم تعزز وضعك مع شخص والبعض في خبر مهم بخص شغلك ..
عاطفياً ❤️ :بعد فترة متعبة عم يرجع تواصل افضل وممكن في لقاء حلو لتعزز شراكتك العاطفية وعم تكون جذاب بيومك وعم تمتلك قلب الشريك.. عم يكون في اختبار عاطفي وتغيير بشكل والبرستيج واتصال وتواصل وامورك افضل من قبل .. البعض بدي منك تنتبه من حكي ناس ولا تنفعل وتكون شكوك وبلاخص المتزوج الي البعض مارح يوفر اي جهد ليحكي بضهرك ويطالع سمعة ..
صحياً:شفاء من مرض وبترتاح صحياً ويومك افضل بس خفف سهر ..

#العذراء ♍
مهنياً:استغل نهارك ومن ضهر في مال ومصاريف .. يوم في قصص مالية او اتفاق مالي ومصاريف على مستلزمات وممكن تكون موعود بمبلغ كمان واتصال بخص مال او حوالة او بيع وعم ترتب بيتك المالي وعم تعيد حساباتك لان كمان في مصاريف على عزائم او على شخص او ضيف وعزائم او صحة وعلاقات كتيرة وناس بحدك وبتتجاوز بعض العراقيل بشغل لا تتكاسل وفكر بموارد جديدة ..
عاطفياً ❤️ :بيحملك هاليوم راحة وتقارب وتحسن بالعاطفة نتيجة تحسن الوضع من حولك وبتقضي وقت حلو المهم تعرف كيف تتصرف وتساير وتبعد عن الاشخاص المتعبة وأختار صح .. تفاصيل صغيرة لا تخليها تعملك مشكلة او تسبب بُعد مع الشريك .. او امور مالية مشتركة مع شريك ..
صحياً:انتبه من تشنجات وعصبية وكريب والبعض ممكن يزور طبيب ليطمن ..

#الميزان ♎
مهنياً:روق صبح عندك شغل وبعد ضهر انت افضل .. يومك افضل وتغيرات شخصية وعاطفية ومالية علي من الايام داعمة الك لتقدر تطلع من تعب وتحصل على علاقات واوقات حلوة ورفقات وعم يكون في امور مالية هاليوم وعم تعمل تغييرات بشكل .. طاقة ابجابية ومساعدة ولمة حلوة وتنقلات وتحسن سريع بالوضع العام …
عاطفياً ❤️ :بعد ايام صعبة بالعاطفة اليوم الحظ معك بلقاء او اتصال وترجع تتواصل مع اشخاص قديمة او تواصل بعدو سطحي وتفكير كتير عم يشغلك ريح حالك اذا متزوج .. استقرار وجاذبية واخبار حلوة والقلب بدق من جديد .. تحسن بعد زعل او سوء تفاهم وحكي حلو وممكن حدا يعترف بحبو الك وشخص ع البال مشتقلوا ..
صحياً:يومك افضل لازم تستغل الاجواء لترتاح من هم وتعب ولا تعصب ودور ع راحة وقلت الحكي ..

#العقرب ♏
مهنياً:استغل نهارك وبعد ضهر مو مرتاح .. يومك في ضغط وعم تشغلك امور بالبيت ولعيلة وامور صحية حاول لا تدخل بمواجهات ولا تبدأ شي مهم بيومك وكون منتبه لامور شراكات منيح .. وفكر كيف تحسن وضعك او تشتغل شي جديد وبلاخص امور شراكات انتبه منا المهم تكون هادي ولا تناقش بشي لتتجاوز هاضبابية الي بوضعك هاليومين .. يوم اجتماعي وبتشوف حدا الك زمان ماشفتو وقصة شخص مقرب بتشغلك …
عاطفياً ❤️ :عم يكون في قصة او تصرف عم يدايقك وحاول تروق وتسيطر على انفعالك وعصبيتك لو صار توتر لامور بتنحل لمهم تكون دبلوماسي وانتبه من شخص مقرب يأثر عليك بدك تنتبه من قصص الغيرة كمان ولا ترد على حدا وعلاقات اخرى عم يكون فيا تواصل عم يكبر برغم ضبابية لازم تحسم امورك ..
صحياً:انتبه من مشاكل الاطراف والبعض عند عملية الو او لحدا مقرب واعتمد على الخضار بشكل كبير..

#القوس ♐
مهنياً:روق بنهارك وتدريجي بتتحسن الامور .. عم يكون في دعم الك ورفقات وعزائم واكل طيب وعم تلاقي تسهيلات وعم تتمتع بطاقة ايجابية وتواصل اكبر وناس جديدة وحتى في قصة اخ او صديق بتشغلك وممكن البعض قصة سيارة او موبايل وانتبه شوي من الحوادث والاعطال .. مساعدة من شخص الك وبتخف عنك بعض الضغوط يوم عم تسوي في وضعك بعلاقاتك وسفرة قصيرة او مشوار وبترتاح صحياً بشكل تدريجي …
عاطفياً ❤️ :فرصة لقاء واتصال وحتى ممكن علاقات تتحول لحب واشخاص عم ترجع تحاكيك وعلاقة سرية وحميمية عم تكبر .. عندك حضور مميز وعم تأثر ع الجنس الاخر وحاول تستفيد من علاقاتك المهم يكون في صراحة وثقة وتنتبه الاسلوبك وتصرفاتك وتتأكد من مشاعر الشريك وتعالج الامور بطرق دبلوماسية ليستقر وضعك اكتر وتلتقي او تقضي وقت طويل باتصال ..
صحياً:فيك تبلش نادي او هواية وانتبه لصحة اخ او مقرب وخفف سهر وتدخين ومنبهات وكريب او حساسية جلدية ..

#الجدي ♑
مهنياً:يومك افضل بالعلاقات الاجتماعية وشخص مهم وليكون عندك شهرة وشعبية وعلاقات ولمة حلوة وعزيمة عائلية او تفاق شغل وحتى ممكن يوصلك مبلغ مالي من شغل او من شريك ولازم تثبت جدارتك هالفترة لتتخلص من المسؤوليات .. لا تتأخر عن شغلك او عن واجباتك حتى ماتعمل مشكلة مع حدا او تسمع حكي ..في قصة أب أو أخ كبير بتشغلك واذا بحاجة مساعدة لا تتردد وكون حريص لان في ناس ممكن تسبب تشويه سمعة …
عاطفياً ❤️ :وضعك بحاجة للحسم وهاشي صار ضروري برغم وضعك مو كتير منيح ومشغول باكتر من قصة بس عندك فرصة لتصلح لوضع وفي بوادر حلول بعد ضغط وخلافات ونقار كتير .. فيك تفتح صفحة جديدة واخبار حلوة او اتصال ناطرو او لقاء وفي ناس معجبة او شخصية مشهورة ومهمة بتتواصل معك .
صحياً:لسا لازم تنتبه على صحتك بلاخص البلعوم والانف ونام منيح ولا ضل بالبيت اطلع وغير جو ..

#الدلو ♒
مهنياً:مال بنهارك وبعد ضهر تغيرات لصالحك .. يوم داعم بالحظ وطاقة وتواصل عم يكبر وعم تعزز علاقاتك وعم يكون في تنقلات وسفر قصير وناس بعيدة عم تحاكيك ولقاءات حلوة .. في اختبار بيومك او شي بخص دراسات عليا وعم تعمل تغيير بشكلك وانفراج بقصة تعبتك وقصة عقار او موبايل وسيارة ويومك بيحمل اخبار وتتطور بالمال او اذا ناطر شي مالي من بعيد او حوالة هاليومين التزامات عم تتخلص عائلية وحكي وانتبه من الحوادث والاعطال ..
عاطفياً ❤️ :عم يشهد وضعك العاطفي تحسن ايجابي وناطرك اخبار حلوة .. عندك الجاذبية وعم تكون مؤثر على الجنس الاخر وفي لقاء او اتصال وممكن تواصل مع شخص جديد او من الخارج وفي تفاهم بيومك على نقاط كتيرة وحكي مع حدا بالعيلة بهيك شي .. الاعزب امورك منيحة وفرصة لارتباط هاليومين ..
صحياً:انت انتبه لمشاكل المعدة وحموضة خفف من المقالي والبهارات والبعض صحة حدا بالبيت بتشغلوا ..

#الحوت ♓
مهنياً:مو مرتاح بنهارك ومن ضهر الامور افضل .. قصص مالية وعلاقات افضل وعم ترتاح من بعض القصص المتعبة وناطرك خبر منيح وحتى في قصص اوراق واختبار ومبلغ مالي او دين .. عم يكون في دعم من رفقات او ناس جديدة واذا بحاجة اطلب مساعدة وعم تحسم امور عندك وقصة دين عم تشغلك ودفع والتزامات وفواتير بيومك وعزيمة وسهرة حلوة يوم للمال وبلاخص للمصاريف
عاطفياً ❤️ :الشريك متعبك وشكوك زادت عن حدا ولازم تعرف تتصرف وتمرق حالك احسن ماتوقع بلاخص المتزوج .. انا شايف امورك افضل اليوم برغم من ضبابية الي مسيطرة ع الوضع ولازم تستغل الفرصة لتصلح الامور وتحسمها المهم تكون دبلوماسي ولا تتسرع او تخلي شي يعصبك ويستفزك .. تطورات جديدة لصالحك لقاء او اتصال وتقارب بوجهات النظر وعلاقات عم تتحسن لشي مهم بس البعض معلش تنتبه هاليومين على قصص رسائل والاتصالات وهيك شي والمراقبة ..
صحياً:انت كتير بحاجة لحل لوضعك صحي وتخفف من عصببتك لان حاسس بقلق وما عبالك شي ..

#برجك_اليومى 🔮 🌹 #أبراج_ماغي_فرح_2021 🔮

مقالات ذات صلة

اترك رد

زر الذهاب إلى الأعلى