الشاعر سيف علي :
هاي اخر رساله……………….وياج يبنيه.
بدموعي اكتبته……………….وكله حنيه.
كبرتج لحد ماوصل………رمشي الشيب.
وجان الهوى يجرحج ……..وانتي جوريه.
زفوج لكبر من………………لبسوج كليل.
وانه كومت…………..جوادرخضرت بيه.
بجفج حط كلبجه………….ماهن سوارت.
وانجرح شوفي…………لمن لبسج ترجيه.
اسود حاجبج ……………متوارد وي ليل.
المثلج هسه ………….تمشه عله كمريه.
لمعت سنج تضوي……..السلف كل يوم.
وجهج هسه شو………….خربت معلنيه.
شني ذنب…………………اليحب كاضيه.
ويترس بير من…………….دموعه يوميه.
امج ادري رفضت………جي ابن جادود.
من خطبوج قبلت………..بال للحراميه.
ربي اكطع خلفته…….الكطع مهر اثنين.
كون تشله ونشوفه…………عله عوجيه.
صرخت خرسه……….بيه وشافة الكتال.
وحسرت عاشكه………..وانطوه فصليه.
هذن مرن علي…………بساعة النيشان.
جا بال لعرس………..يمكن تنشلع ريه.
الهوى بلاياج صاير……..اثكل من الميل.
كوه اتنفسه………………وخانكني ليليه.
من اشبك صورتج يرجع بروحي الحيل.
مثل الجرف………..من يشبك بشاطيه.
خليني بوجه…………..شباجكم عصفور.
لان فركاج جيله…………بصدري مرميه.
وهسه الماخذج…….ماعنده وكفه وياج.
وانا وياج نحلم………………..جنه بابنيه.
الشاعر سيف علي
