أشعارالثقافية

كلبي اشتاكلك للشاعر سيف علي

كلمات : الشاعر سيف علي .

كلبي اشتاكلك…………يل ماتعرف تحب.
يل جمني صورك……….وظل بس اكتب.

رحت خيمت بدو…..مالك عرف بالناس.
وحتى من الهوى……….ظليت تستغرب.

بعد لو باب ساده………..تصير مااحنيك.
حبل عدام بس……………..بركبتي تعزب.

غلطت عمري…….ماسويت غلطه وياك.
والاول جنت اعدك……….قبل لااحسب.

ومثل فزت عطر…………من الورد فزيت.
اكتبلك احبك من…………….اريد اعتب.

دخان الجكاير……………لليحب مرسال.
من يقره الظرف…..يطلع حجي مشيب.

ترجف من تمر………..جنك جدم شياب.
وامدلك روحي بس……..ماتقبل اتچلب.

انه انطيتك كلب……بس امي جانت بي.
حنين وجبت عمري………وياك متعذب.

زرف ترجيه جرحك………..مايلمه خياط.
كبال العين اذا…………مولمعة ماترهب.

قراية بفاتحه جروحي………اشكثر تنعاد.
ماسكتن ينزفن……….مثل جعب الحب.

ورد جذبي عشت…محد يجي يشم بيك.
بس للكشخه باقي……….تراب من تهب.

وشفت ملكاك……..مثل برودت الشباج.
من عده اعرفت…………مالك نيه تحب.

زيارة سجن ماطولت………عشرتي وياك.
ورحت نفس الطيور……..التعبر المغرب.

شمع من احترك بس روحي تبجي وياي.
يطفيني النهار……………وليلي بيه يشب.

النكاب يشيع……الدمعة الصدك الطيح.
ماشيعله دمعت…………….واحد يجذب.

نخله ومن اسولف…….بيك سعفه اطيح.
فلاحك واندل………………وين المرطب.

ورث فقره ورحت……بس العيون عليك.
زرعي وفرهدوك…………من الكشر للب.

المودع حبيبه……….بچفه حلقة تموت.
وخياله ودمعة لمن……….يرجع محدب.

كلمات : الشاعر سيف علي .

أخبار ذات صلة

زر الذهاب إلى الأعلى
آخر الأخبار