سيف علي يكول ذبوني ربعي بير بس اطلعت مثل الكمر بالليل يم نجمتة

الشاعر : سيف علي

ذبوني ربعي بير بس …. اطلعت .
مثل الكمر باليل …… يم نجمته .

هوى الكلف معروف…..يمطر هله.
تطلع الله بالخير………..من كصته.

السهم عكس…….الناس يرجع وره.
ولمن يهد يكتل……….ترا بخطوته.

اتمنى عايش……..اطرش بهالوكت.
ماسمع بصاحب……….خذو غيبته.

الماذه ربعة ودربه……مثل الكطن.
حتى لمكرم…………يمشي بجنازته.

والكلبه اسود…….هذا طاعن ستر.
نشوف جم موزين………يم عتبته.

انطيته جفي…لطاح بس من وكف.
بنص صدري…..ظل يجرب بتفكته.

هسه اليغرد……..حابسينه بقفص.
والبوم ماخذ………راحته بشجرته.

الاجانت كصصهم فارغه من البخت.
كدامي كل واحد………لبس صايته.

بس يبقى هبه الكوخ شامت سلف.
طلع زلم………….تاتنفس ولايته.

جنت من اسولف ربعي اكولن نده.
بس من طحت…كلمن شچخ فالته.

دفنوني كوه…..وبعده بيه النفس.
وفوك الكبر……كلمن اخذ حصته.

النجم من تجرحه…….ينزف ضوه.
من يطيح هيبه…..بطيحته وكفته.

اليحوف يتلكونه…….مثل الطفل.
والزين كله تشتم………..بسمعته.

راح ابقه سيف…..الناس تهواالذبح.
وكلمن ارد…………..اجايته الركبته.

بقلم الشاعر البصري : سيف علي