أشعار

الشاعر سيف علي يقول يوجعني الحجي بس انه ما سمعة لان مو بالسوالف تخرب السمعة

.

الشاعر : سيف علي – البصرة

يوجعني الحجي……..بس انه ماسمعة.
لان مو بالسوالف………تخرب السمعة.

حقدكم سعف ميت……….حده للتنور.
دخان بكفاي ادري………الهوه يضيعة.

الماعايش الرجعة….الوقت والمطلوب.
الرمح من يندفع………لو راح شيرجعة.

كالو طاح بس……………كتلهم الشلال.
يتبده عله روحه………….ويلتم بسرعة.

الماله أخوان حتى……الهوى يهد عليه.
من يطيح بسلف ياهو….اليجي يدفعة.

الوادم هسه تاخذ…………غيبة الچلاب.
ومو بيبان هم…………..جلمتهم مفرعة.

وانه بروحي المحنه…….تركض المشلور.
اذا ينبت سهم…………..بعيوني ماشلعة.

شجره ومن اشيل………بكلبي بس فياي.
من يهد علي……………..كتالي ماارجعة.

بس الجفن يوفي………..وياك من تموت.
وره التابوت ناسك…………..حتى ماتنعة.

وشالت حب بقو……….ماكدرو يصعدون.
بوقت بي جان واصل……..صيتي للسبعة.

ونحرك كلبا وي…………..دالينا الفانوص.
ضوه يسولف بوجه…….الدرب المضيعة.

عرفتكم حنه…………..عشرتكم تظل أيام.
حذر بمصابكم………………مانزلت دمعة.

البخور اسود كلب……….والوادم تشم بي.
واكو صاحب يموت…………ومحد يودعة.

ترا ماي الورد……………عطر الكبور يصير.
وبنادم كشختة………….هناك بس شمعة.

عشت سيف بحرب..موسيف عله الحطان.
مثلم من ارد…………………مادورت لمعة.

الشاعر : سيف علي – العراق / البصرة
شاعر شعبي بصري تواجدت وكالة ارض آشور
لخدمتهم ، قصيدهُ بعنوان ” يوجعني الحجي ” .

أخبار ذات صلة

شاهد أيضاً
إغلاق
زر الذهاب إلى الأعلى
آخر الأخبار