ابراجالثقافية

مع ماغي فرح.. أبراج اليوم الثلاثاء__2__أذار__مارس__2021 🔮 ٠

🌙 🌛 القمر بكمل ببرج الميزان ♎ الهوائي والمسا بيدخل برج العقرب ♏ المائي …..

#الحمل ♈
مهنياً:يوم متقلب في شوية تحسن .. حاول تتجنب الامور المهمة لان في تاخير وتاجيل وقصة طارئة او مفاجئة انتبه من نقد ولوم او تخسر علاقة او مال .. بتشغلك قصة بالعيلة او وضع حدا والموضوع بحاجة لنقاش وتسويات .. تحسن بأمورك المسا في مال ومصاريف ومبادرة وعرض وقصة بتخص موارد مالية او ميراث وشراكة ..
عاطفياً ❤️ :مانك بافضل حالاتك في قلق وقصة عم تعبك
وفي مجاملة ونفاق وهاشي كتير بيزعجك حاول تضبط اعصابك ولا تتسرع حتى ماتنهي علاقتك أوتتخذ قرار مو وقتو هلق حاول تحافظ على علاقتك وتعرف كيف تتعامل بهاليوم وتفكر بالحلول افتح صفحة جديدة وغض نظر عن بعض سلبيات لاعزب امورك افضل وعلاقات عم تتحول .. والبعض قصة بتخص الشريك عم تشغلك ..
صحياً:العصبية ممكن تأثر عليك نفسياً وصحياً خفف عن حالك وانتبه لصحتك وصحة زوج او شريك ..

#الثور ♉
مهنياً:فايق بكير وعندك قصص كتيرة عم تشغلك بشغل وبالبيت ومافي شي بيجي بالسهل حاول تنظم امورك وتبلش بالمهم وعيد حساباتك .. كمان انتبه على صحتك ولا تكبر الامور بلاخص ناس ناطرتك ع غلطة لهيك لا تنفعل وهدي بعلاقاتك .. المسا امورك بتتحسن وخبر بريحك وقصة شراكة فيا حكي وجمعيات وشي مالي .
عاطفياً ❤️ :مانك مرتاح وبدك تهدي على الاقل لتمرق هاليوم على خير لان مدايق وفي توتر بوضع علاقتك وبشراكاتك العاطفية وانت كتير بحاجة لحدا يسندك ويوقف معك خفف شكوك وعصبية ومو عاجبك شي ومن اي سي عم تعمل مشكلة المسا حلول ومصالحات وشراكة عاطفية جديدة واتصالات وتواصل واهتمام من شخص والقلب من المسا افضل ..
صحياً:انتبه على صحتك او صحة حدا بالعيلة ومارس رياضة وفكر كيف تريح تفسيتك ..

#الجوزاء ♊
مهنياً:يومك منيح نسبياً في مال وطاقة واشخاص بتدعمك وبتوقف لجانبك عندك الكاريزمة الحلوة وبتقدر تقنع لان في قصص بتشغلك واوقات حلوة وتواصل بخصوص شغل اما عرض او خبر منيح .. المسا أنتبه على الامور المالية وبالبيت وخليك واثق بحالك لتكون مقنع وأنتبه على صحتك او صحة حدا بعيلتك ..
عاطفياً ❤️ :القمر داعم لوضعك العاطفي ويوم ايجابي واخبار منيحة وطاقة عاطفية واندفاع وبدك تحكي وتصارح حاول تستغل يومك لتعيش اوقات حلوة اعطي فرصة لشريك اذا بيستاهل وكمان بدك تكون دبلوماسي بنفس الوقت لتقدر تسيطر على توترات الاخيرة استغل نهارك لتكون امورك افضل بلاخص الي علاقتو كانت متوترة ..
صحياً:عم تعاني كريب وشوية تعب وارهاق نشالله بترتاح ..

#السرطان ♋
مهنياً:بتشغلك امور عائلية بحاجة لتحل مشاكلك ضمن بيتك ومع أهلك وبعلاقاتك لانك عم تتحمل اعباء ومسؤوليات لحالك وماحدا حاسس فيك كمان البعض بتشغلوا قصة عقار وعم يعمل تعديلات .. المسا تحسن وثقة وطاقة واتصالات وناس وبتحل مشكلة عندك المهم تكون لين بردود افعالك وقصة اطفال بتشغلك ومال بيجيك ..
عاطفياً ❤️ :بدك تروق بفترة لنهار بلاخص اذا عم تعاني توتر بالوضع وشوية كركبة بحاجة لراحة ولاستقرار واوقات بتتمنى تبتعد عن الكل وماتشوف حدا وعم تكون متردد بقرارك .. المسا الاجواء بتكون افضل لمصالحات وتواصل مع شريك بعد جفا او زعل وحب وخبر حلو واتصالات وتواصل ..
صحياً:ريح راسك ولاتفكر وبعد عن مشاكل العمل والبيت لترتاح صحياً ..

#الأسد ♌
مهنياً:يومك جيد بعلاقات واتصالات وسفر قصير او مشوار وممكن تزور حدا مقرب او مشوار حلو وقصص عقارية بيومك ومجال جديد او تتعلم شي ..المسا قصص عائلية بتشغلك وممكن البعض عندو نقل سكن وتصليحات بالبيت ووضع بخص حدا من اهلك حاول تكون هادي وفي شغل ضمن بيتك وتحضير ..
عاطفياً ❤️ :استغل الاوقات الحلوة بعلاقتك وتعزز فرص نجاح كون دبلوماسي وخفف عصبيتك ومزاجيتك بحاجة علاقتك لشفافية وثقة وتستعيد نشاطك العاطفي وتبادر الشريك بمشاعرك واحاسيسك ممكن كمان تكون بحاجة لتبرر مواقفك كمان .. فرصة المسا لتقدر تتفاهم معو وممكن اتصالات جديدة وسهرة وفي غيرة هدي فيها وبلا مشاكل ..
صحياً:البعض بيشفى من مرض بس المسا انتبه على صحتك صداع بتعاني منو وارتخاء بالمفاصل ريح حالك ونام منيح ..

#العذراء ♍
مهنياً:قصص مالية شاغلتك وممكن تحصل على مال عندك نوع من راحة بلاخص عم ترجع تسيطر ع الامور المالية بس بعدا غير كافية لانك صرفت كتير بالفترة الاخيرة يوم في بيع وشراء ومربح .. المسا لقاء او اتصالات مهمة وبتجهز لاختبارات وتنقلات وقصص عقارية وبتجهز حالك لسفر قصير استغل يومك بالعلاقات وضب ايدك مالياً .. والبعض بدي قلو مبروك ..
عاطفياً ❤️ :حاول قد مافيك تروق بعلاقتك مع الشريك بلاخص في شكوك وتملك حافظ على تصرفاتك وكلامك مو ناقصك هم ومشاكل يومك مقبول حاول تتنازل شوي وانتبه لبعض ناس من حولك .. المسا الاجواء افضل بحلول ولقاءات واتصالات طويلة وتواصل بيكبر ..
صحياً:صداع ودوار وفقدان لتوازن لهيك انتبه اذا عندك سيارة والبعض عندو مراجعة لطبيب ..

#الميزان ♎
مهنياً:يومك داعم بالحلول والعلاقات واوقات حلوة وعزائم بس خلص المهم بنهارك طاقتك جيدة وخبر ايجابي .. المسا بتعيد حسابات المالية وبتشوف شو الك وشو عليك وفي مبلغ مالي ونقاشات عم دور بقصص مالية وضب ايدك على مصاريفك المسا ..
عاطفياً ❤️ :استغل الاوقات الحلوة الي عم تقضيا مع الشريك بتواصل او اتصال ولا تعكر مزاجك بشي مو مستاهل وحاول تتقرب خبر وتحسن بعد توتر استغل طاقتك العاطفية لترتاح وتحل مشاكلك ممكن يوم في مصالحات وعودة بعد زعل والبعض انتظر اتصال ومفاجئة حلوة .
صحياً:لازم تخفف منبهات وتحافظ على اكلك عم تعاني مشاكل بالمعدة وحموضة بالفم ..

#العقرب ♏
مهنياً: معصب وعم تنفخ كتير بنهارك وفي بعض الامور ماعم تكمل معك هدي لانك بحاجة لترتاح من هالكركبة او تأخير الي عم يصير وشوية قصص بالبيت عم تشغلك .. المسا انفراج وطاقة واتصالات ونقاشات ايجابية وبتسمع خبر منيح وبتبلش تلاقي حل لقصة معقدة وعلاقات جديدة واجواء افضل ..
عاطفياً ❤️ :لازم تكون دقيق بمعاملتك وتنتبه لكلامك وتصرفاتك شريك متعبك ويمكن نظرتوا وقناعتوا ماعم تعجبك وبتحس عم يتهرب منك حاول تكون اكتر واقعية اذا بدك علاقتك تستمر وتستقر اعطي فرصة واستغل فترة المسا لتصلح الامور الفلك بيدعمك بمصالحات وحب جديد وارتباط وحاول تحسم امورك بسرعة بموضوع عاطفي او شخص ما ..
صحياً:بتعاني شوية اضطرابات بالجهاز الهضمة ومشاكل اثناء نوم وتفخة والبعض في طبيب بيومك..

#القوس ♐
مهنياً:علاقات وناس كتير وعندك قصة بدا حلى وممكن البعض يزور مركز حكومي واوراق ناطرها .. يومك في علاقات وعزائم واشخاص حواليك برغم البطئ بتسيطر على بعض الامور بشغلك وبعيلتك عندك شغل ومجهود ومساعدة كمان المسا حاول لا تتفرد بقراراتك او تتجاوز المسؤولين عنك بشغلك او ببيتك ونتبه لعلاقاتك حتى ما تخسر شخص غالي ..
عاطفياً ❤️ :نهارك افضل لتعزز علاقتك وتروق الوضع عندك كاريزمة عاطفية ومشاعر حميمية واعجاب لا تحسم امورك وناقش وخود وقتك ركز واعطي الشريك اهتمامك ومافي داعي حدا يدخل بوضعك ويأثر ع قرارك … لا تفكر كتير لو صار تأجيل لامور قريباً افضل حافظ على مستوى نقاش ولا تكبر الامور ارسم اهدافك من جديد ولا ضيع بين الخيارات ..
صحياً:مشاكل بالمعدة والبلعوم وتجنب المقالي والدسم ..

#الجدي ♑
مهنياً: تواصل وعلاقات حلوة ومميزة بس هدي مع بعض المسؤولين عنك ان كان بالبيت او بشغل ومال ممكن او اتفاق مبدئي .. شوية ضغوط بالعيلة وهدي بلا مشاكل مع أب او اخ ومالية بالبيت انتبه للحكي بضهرك ومن امور قانونية أو أدارية .. لمسا بتكتر العلاقات واجواء اجتماعية وناس بتحبا وسهرة وحلول لقصة تعبتك ..
عاطفياً ❤️ :حسم الامور مهم وتحديد الخيارات بات امرر ضروري خفف عناد وتجنب نقاشات والمواجهات بيومك حاول توضح وجهة نظرك ولا تتسرع حتى ماتدخل بجو عزلة ووحدة ولا تصعد بنقاشاتك وروق الاجواء بدا دبلوماسية .. المسا بترتاح وفي اهتمام والوضع بروح للاستقرار بلاخص هاليوم لعلاقات مميزة واجواء فيها شغف ومشاعر عاطفية وحميمية ..
صحياً:خفف اكل جاهز والمعجنات بشكل عام حتى ماتتسبب بمشاكل البطن ريح حالك ..

#الدلو ♒
مهنياً:يوم للعلاقات الاجتماعية وعم تتواصل مع ناس كتار واتصالات وحكي بشغل ومال وعزائم .. علاقات مهمة وفرصة لتكسب مال .. حاول تساير لتوصل وتنجح ولا تتسرع تغيرات بوضعك قريبة وتواصل بيرجع اتصال مهم وتنقل بيومك وفرصة سفر واوراق .. المسا في قصة بتخص شغلك واجتماعي بتكون ونتبه على سمعتك وشعبيتك وقصص مالية بتشغلك ..
عاطفياً ❤️ :عندك جاذبية وقدرة على تواصل وتشوف ناس مهمة والها مكانة .. خيارات عاطفية أحسم امورك وأختار صح تسويات عاطفية وتغيرات أيجابية حافظ على امورك العاطفية لتحقق المكاسب حتى لو كان في شوي تنازلات بحل الخلافات والمشاكل المهم يكون في تفاهم ودبلوماسية.
صحياً:عندك التهابات جلدية عم تعاني منا ..

#الحوت ♓
مهنياً:مشغول بأكتر من قصة ومالك نفس ع ناس والاخبار من صبح ومابتحس حالك عم تتجاوب بلامور المالية والعائلية .. في دفع على حاجيات او اذا عندك اقساط او ديون وعلى لباس وتسوق .. تدريجي المسا وضعك بكون افضل في خبر او عم تحكي بموضوع سفر اتصالات من مكان بعيد او لقاء سهرة حلوة ولقاء واجواء منيحة ..
عاطفياً ❤️ :الاعزب والمرتبط اليوم العاطفة عندك افضل واوقات حلوة عم تقضيا .. المتزوج حاول تغير روتين حياتك مانك مرتاح بنهارك في برود وردة فعل مو منيحة بوضعك حاول تعطي اهتمام وهدي حالك وتقارب واعمل مصالحة .
المسا امورك افضل جذاب والعين عليك بتحسن علاقتك بشريك وحب جديد ممكن اتصال طويل ورومنسي وتواصل عبر الانترنت او اتصال من شخص بعيد .
صحياً:عالج بعض الامور السرية عندك ولا تخلي الوضع يتفاقم وعكة خفيفة ونشالله امورك بتكون منيحة ..

#برجك_اليومى 🔮 🌹 #أبراج_ماغي_فرح 🔮 🌹

أخبار ذات صلة

زر الذهاب إلى الأعلى
آخر الأخبار