((وان_بغداد))
بـــــــــــ الحمل ـــــــــــرج♈
اليوم عم تقوم بخطوات جدية و فيها كم كبير من الجرأة عم تقتحم أمور كنت ما تفكر إنك تقوم فيها حتى تحقق تقدم و نجاح ملموس , انتبه من التصادم مع بعض الأشخاص الغيورين حتى ما تواجه مشاكل كتيرة و تتعقد الأمور معك .
صحيا… عندك همة و نشاط لكن بتميل عند المسا للراحة و الإسترخاء
ماليا..عندك ضغط على الصعيد المالي و عم يترتب عليك أقساط و ديون .
عاطفيــا❤️”..في انسجام و تفاهم بينك و بين الشريك و هاد بعود عليك بطاقة إيجابية .
بـــــــــــ الثور ـــــــــــرج♉
اليوم مناسب حتى تهتم بحالك أكتر من أي وقت مضى , بتفضل تقضي يومك مع من تحب من الأصدقاء و أفراد العائلة , بتعمل جو من الإلفة و المودة مع من حولك و بتخصص جزء من وقتك لتهتم بأحد الوالدين .
صحيا .. وضعك الصحي غير مستقر و انت بحاجة للراحة و الأبتعاد عن الأعمال المجهدة.
ماليا.. عم يوصلك هدية بتوصل بالوقت المناسب .
عاطفيــا”❤️.. تجنب اليوم تفتح نقاش مع الشريك بمواضيع حساسة و مافي اتفاق معه عليها .
بـــــــــــ الجوزاء ـــــــــــرج♊
اليوم عم تكون متألق على الصعيد الإجتماعي بتكتر لقاءاتك و اتصالاتك و بتحاول تترك أثر طيب عند كل حدا بيتعامل معك , عند المسا ممكن تناقش فكرة عمل جديد مع شخص بتوثق فيه .
صحيا.. أمورك الصحية بشكل عام جيدة لكن لازم تهتم بنظامك الغذائي أكتر .
ماليا… مصاريفك كتيرة و عم تشتري أشياء إلك زمان مأجلها .
عاطفيــا”❤️.. عم تكون مصدر الطاقة الإيجابية للشريك و عم تعطيه كتير أفكار جيدة .
بـــــــــــ السرطان ـــــــــــرج♋
اليوم عم تبدأ يومك بهمة و نشاط عندك كتير أمور عالقة بحاجة لحل و عم تنظم وقتك بشكل جيد حتى ما تلتهي و تستغل كل لحظة ممكن تعمل فيها شيء مفيد , عندك قلق بسبب أمر مصيري عم تفكر فيه و عم تستشار أكتر من شخص لتاخد القرار الصحيح .
صحيا..وضعك الصحي جيد عم تحافظ على صحتك و تمارس بعض التمارين الرياضية الخفيفة .
ماليا…عم تحاول تجميع مبلغ مالي حتى تلاقيه وقت الضرورة .
عاطفيــا❤️”.. عم يكون الشريك لجانبك و عم يقدملك الدعم و المشورة اللازمة
بـــــــــــ الاسد ـــــــــــرج♌
عم تعمل اليوم تغيير لقرارات سابقة كنت أخدها من فترة , بتفرض عليك الظروف بعض التصرفات يلي ما كتير بتحب تقوم فيها و خصوصا بطريقة العمل و بالإحتكاك مع أشخاص مو كتير بترتاح معون .
صحيا.. عندك تحسن ملحوظ على وضعك الصحي و عم تهتم بأوقات الراحة و النوم تكون بشكل كافي .
ماليا.. اليوم عم يوصلك مبلغ من المال لكن سرعان ما تنفقه .
عاطفيــا❤️”… عم تهتم بالشريك و تعطيه شيء من وقتك و اهتمامك .
بـــــــــــ العذراء ـــــــــــرج♍
طاقتك اليوم جيدة عم تقدر تتحكم بمجريات الأمور من حولك , لازم تركز على شغلك أكتر و ما تستعجل بإصدار الأحكام و القرارت جزافا , عم تتفاوض مع زملاء العمل و عم تطلب منون المساعدة حتى تنجز العمل المطلوب منك .
صحيا.. التفكير الزايد ممكن يكون أحد أسباب القلق و يسبب قلة نوم .
ماليا.. أمورك المالية جيدة لكن مانك رضيان عن المقدار أو الكم و بدك تحسن دخلك .
عاطفيــا❤️.. حاول تتقرب من الشريك أكتر و تجنب الصدام المباشر معه .
بـــــــــــ الميزان ـــــــــــرج♎
اليوم عم تهتم بترتيب أمورك الخاصة و تنظيم مواعيدك , حاول ما تضغط حالك كتير و خلي عندك جانب للتسلية و الترفيه أو حتى اللعب مع الأطفال لان هاد الأمر بيكسبك طاقة إيجابية و بخفف من غضبك .
صحيا… مانك بأفضل حالاتك على المستوى الصحي بسبب افراطك بشرب المنبهات .
ماليا… دخلك جيد و عم تقدر تشتري الأشياء يلي ببالك .
عاطفيــا❤️.. اليوم مناسب حتى تقضي وقت أكبر مع من تحب و تعيش أجواء رومنسية معه .
بـــــــــــ العقرب ـــــــــــرج♏
اليوم عم تشعر بشيء من الكسل و قلة الهمة و النشاط و عم تميل للراحة و الإبتعاد عن الضجيج و بتأجل العمل لوقت تاني , عند الظهيرة ممكن تتلقى دعوة من شخص عزيز لزيارته لكنك بتفضل البقاء بالبيت و مابدك تطلع لمحل .
صحيا..عم تحاول تاخد قسط من الراحة حتى تستعيد نشاطك و همتك .
ماليا.. المصروف أكتر من الدخل و مانك عرفان شو بدك تعمل عم تفكر بمصادر دخل إضافية .
عاطفيــا❤️… اليوم لازم تستوعب الشريك و تقدر الضغط يلي عليه .
بــــــــــ القوس ـــــــــــرج♐
اليوم تجنب الدخول بأمور مالك علاقة فيها , خليك بحالك و اهتم بأمورك أكتر من اهتمامك بمشاكل الآخرين حاول تحتفظ برأيك و ما تطرحه إلا إذا انطلب منك حتى ما تنصدم بردات فعل الآخرين .
صحيا.. انتبه اليوم من انك تتعرض لنزلة برد أو ارتفاع حرارة مفاجئ .
ماليا.. عم تضبط نفقاتك و عم تحاول توفر بمصروفك قدر الإمكان .
عاطفيــا❤️”..اليوم الشريك عم يدقق على تصرفاتك لذلك ما تتصرف بطريقة فيها لا مبالاة .
بــــــــــ الجدي ـــــــــــرج♑
اليوم مناسب حتى تنهي شغلك عبكير و تخصص وقت للقراءة و المطالعة حتى تزيد من قدراتك و إمكانياتك , حياتك العملية عم تاخد أكتر وقتك إصرارك على النجاح و الإبداع عم يعطوك الحافز الأكبر حتى تستمر بالعطاء و التقدم .
صحيا.. عم تعب حالك أكتر من اللازم انتبه على صحتك و ارتاح بين الحين و الآخر .
ماليا .. عم تحاول تبذل أكبر جهد حتى تحافظ على دخلك و ما توقع بالعجز.
عاطفيــا❤️”.. الشريك هو السند الحقيقي إلك و هو مصدر سعادتك أو تعاستك لازم توضحله هاد الشيء .
بـــــــــــ الدلو ـــــــــــرج♒
اليوم عم تنشغل من بكير باستقبال بعض الأشخاص العزيزين على قلبك و عم تكون مسرور و طاقتك إيجابية , عم تدرس مشروع انطرح عليك و حابب تبدأ فيه لكن عم تنتظر الوقت المناسب حتى تشرع بالعمل .
صحيا .. السهر المتكرر لأوقات متأخرة بسببلك تعب بالقلب انتبه لهي النقطة .
ماليا.. مبلغ مالي بيوصلك من شخص بتصرف قسم كبير منه .
عاطفيــا❤️”..اليوم لازم تكون رايق و ترسم الإبتسامة على وجه الحبيب .
بـــــــــــ الحوت ـــــــــــرج♓
حياتك المنزلية و العائلية اليوم بتاخد القسم الأكبر من وقتك , عم تهتم بترتيب أثاث المنزل و تعتني بأشياء إلها ذكرى عندك , ممكن تتلقى عزيمة أو دعوة عند المسا من صديق إلك زمان ما شفته .
صحيا.. عم تتعب بسبب كثرة الاعمال يلي بتقوم فيها لاتجهد نفسك و ارتاح قدر الإمكان .
ماليا.. عندك كتير أشياء حابب تشتريها لكن بتأجلها حتى تتفضى أكتر .
عاطفيــا❤️”.. اليوم مزاجك حلو و طاقة المحبة عندك مرتفعة استغل ذلك و عزز علاقتك مع الشريك .
