مع ماغي فرح.. أبراج اليوم الثلاثاء 23 شباط فبراير 2021

🔮
🌙 🌛 القمر مكمل ببرج السرطان ♋ المائي كوكبه 🌍 القمر………

#الحمل ♈
مهنياً:موسسة حكومية وضع بالبيت والاهل عم يشغلك وشوي الامور صحية بدا انتباه .. عم يكون في قصص عم تشغلك بالبيت وبشغلك وانتبه لعلاقاتك مع محيطك ومع الاهل حتى ماتكبر او وضعك حدا من اخواتك بمركز حكومي او أمني للبعض .. حاول تكون حيادي ولا تدخل بشي وبلاخص بالامور العائلية .. يوم في زيارات وتنقلات وشي بخص سكن ممكن تفكر تغير بيت او تعمل تصليحات وعزيمة ولمة مع الاهل .. مرق هاليوم ع خير وتحسن افضل ..
عاطفياً ❤️ :روق هاليوم ولا تكبر الامور وخفف شوية عصبيتك وانفعالك بعرف مو متحمل بس لازم تنتبه وتعرف كيف تتصرف ولا تخلي شي يزعجك .. يمكن ماعم تقدر تلاقي حلول لعلاقتك وكل فترة عم تتجدد توترات وهاشي عم يخليك تفكر تنسحب او تحسم علاقة لو سمعت كلام كتير طنش .. الاعزب عندك بداية علاقة وتحسن تدريجي ..
صحياً:اهتمام صحي الك او لحدا بعيلتك وامورك بتتحسن نشالله بعد هاليوم .

#الثور ♉
مهنياً:طاقة ايجابية ومساعدة ودعم وعزائم وعم تهتم بقصة مصيرية وامور قضائية لصالحك .. يوم حلو ومدعوم من الفلك بس لا تتسرع لأن ممكن ترتكب أخطاء .. لازم تفكر وتخطط بهدوء وبلاخص عندك دعم وتفكيرك افضل ويوم في تركيز وعم تجهز لشي مهم وبتزيد علاقاتك الاجتماعية والاتصالات وأوجه جديدة وشي بخص بيع وشراء وتصليحات بسبب اعطال واذا عندك سيارة أنتبه من الحواث .. سفرة قصيرة ووضع عائلي بيشغل البعض .
عاطفياً ❤️ : عندك مفاجئة بعلاقتك او قصة بتشغل وضعك العاطفية واعجاب ولازم تستغل جاذبيتك لتأثر على الجنس الاخر وتنال الي بدك ياه عم تعيش يوم بتقارب وتواصل بين لقاءات واتصالات ورومنسية وبتقدر تقنع وتوصل لقلب الشريك بعد ماكان متعبك .. البعض عم تكتشف شي على حقيقتة وقصة بتخص شريك.
صحياً:وضع بخص حدا بالبيت او اخ ولا تهتم حتى ماتتعب صحياً ..

#الجوزاء ♊
مهنياً:يومك في قصص مالية بتحصل على مال لكن بتحس بروح فوراً وعم تدفع على التزامات وماعم يكون في تناسب بين المدخول والمصروف وانتبه لعلاقاتك .. في تواصل مع شخص مهم وممكن يدعمك بشغل او بقصة ما انت محتاجها ويمكن مالياً .. المهم تفكر بموارد جديدة لتحسن وضعك المالي او مكان جديد وفي سفر قريب او مشوار واختبار وعقار وشي بخص بيع وشراء بس أنتبه من تنقلاتك ومشاكل سيارة او موبايل
عاطفياً ❤️ :في برود بيومك وبتحس حالك ضايع ومحتار بقراراتك ومابتعرف شو بدك بس ضروري تحسم الوضع .. انتبه للمقربين منك لان ناطرينك ع دقرة او مابدن الوضع يكمل معك .. حاول لا تتردد او تحتار بأي قرار عاطفي لهيك بدي منك تركز والامور بتمشي على خير رغم تقلبات .. ممكن صديق او حبيب قديم بيرجع .. وحميمية زايدة وطاقة عاطفية بلاخص للاعزب ..
صحياً:انتبه لمشاكل ظهر والفقرات ومن البرد ولا تحمل شي تقيل ..

#السرطان ♋
مهنياً:عم يكون في طاقة ايجابية رغم تعب الي صار عندك في حلول لقصص مالية او سفر وحلول لمشكلة صارت معك في بداية جديدة وعلاقات كتيرة عم تسيطر ع الوضع وقصة عم تنحل بموبايل او سيارة .. عم يكون في مصالحات وانفراج وفرصة حلوة ومساعدة من شخص ..في تعامل مالي ولقاءات وتنقل قصير وتحسن مالي بيومك المهم تهديلي حالك بلامور العائلية وضب ايدك على مصاريفك بلاخص اذا في قصة قضائية او ادارية مابتنحل الا بالمال ..
عاطفياً ❤️ :أستغل هاليوم ليكون حلو وتكسب ثقة الشريك وتبدا قصة جديدة بحياتك او ارتباط والامور نشالله فيا تحسن بعد توتر وسوء تفاهم .. البعض لا تخلي الامور المالي تسبب توتر بينك وبين شريك وفي مصاريف على شريك او عزيمة او قضايا اليوم عم تفكر بعلاقتك وكيف ممكن تحسن الوضع ..
صحياً:انتبه من اي حادث او قصة بسيارة وانتبه من وعكة صحية ..

#الأسد ♌
مهنياً:عم تواجه ضغوط وصعوبات وعراقيل قدامك مو مرتاح لتصرفات البعض وخيبة امل عم تسيطر عليك .. ممكن قصة او شي بدك ياه عم يتأجل روق وفكر كيف ممكن تلاقي حلول بشغلك وبالمال ويومك في قصص مالية كتيرة ويمكن مبلغ .
عاطفياً ❤️ :تراكم المشاكل عم تولد سوء تفاهم وبعض تعقيدات بوضعك .. حاول تنتبه لمشاعرك وكلامك ولا تبادر بالمثل لدرجة ممكن تتفاجئ بردة الفعل ..روق وهدي وساير على الاقل لتحصل على شي الي بدك ياه اذا في مشكلة بتنحل لا تخاف وأنتظر تحسن كبير بوضعك المهم تروق وتهدي بمصالحات وتفاهمات ولا تكبر الوضع بيئة جديدة ومكان جديد وتغيرات مهمة قادمة الك ..
صحياً:عم تكون عصبي ويمكن عم تكون عدائي اكتر لهيك انتبه على صحتك ورفه عن نفسك ..

#العذراء ♍
مهنياً:مدعوم والحظ عم يساعدك لتحسن نفسيتك وعلاقتك ولقاءات وبتلتقي بناس بتحبن وعزيمة عندك واذا بدك مساعدة فيك تطلب او اذا بحاجة شي لا تتردد .. والبعض عم يدور بقصة شغل مع مقرب هالفترة و قصة مولود جديد للبعض .. هدي بموضوع شراكات ولا تتسرع وتنفعل حتى ماتخسر شخص او مال وفرصة شغل او شراكة
عاطفياً ❤️ :جذاب وفرصة أعجاب من الجنس الأخر .. عم تزيد جاذبيتك وعلاقاتك وكتير اشخاص حواليك وعم تتغير علاقات صداقة او صديق ممكن يتقرب منك واجواء حلوة ورومنسية وحب ومغامرة عاطفية وشريك قديم ..
صحياً:انتبه لنوعية طعامك وقاوم بعض المغريات وعزائم ..

#الميزان ♎
مهنياً:اختبار مهم بشغلك وبالمال .. حظ ودعم برغم من المسؤوليات وضغوط الي كتير عم تعبك عم تخطط لامور مستقبلية وتغيرات محتملة قريباً روق هاليوم وخلص المهم وضروري ولا تعمل مشاكل او حساسية مع مقرب او مدير او مسؤول او بما يخص بعض الامور الأدارية والقانونية لا تكبر القصة ولا تخلي حدا يستفزك طنش والامور بتتحسن تدريجي والبعض عندو قصص مالية او بدك تشتغل بالمال وتنقلات او مشوار وعزيمة ..
عاطفياً ❤️ :جاذبيتك بتزيد والعين عليك واتصال طويل وتواصل وشريك عم يتجاوب معك او عندك احساس انك بحاجة لحدا وفي اعجاب متبادل مع شخص ممكن سوء تفاهم بلاخص المرتبط الغير متزوج بتنحل بشوية دبلوماسية ورواق لا تكبر القصة وتحسن بكون عندك لتبلش تحط نقاط اساسية لوضعك وشريك مهما بعد عنك رح ترجعو ..
صحياً:قصة مقرب او اب او خبر صحي عن شخص بهمك وانت لا تعب حالك وانتبه من تنقلات وصداع ..

#العقرب ♏
مهنياً:يوم بكون منيح حلول وعم تقدر تقنع برأيك وتتواصل مع الكل واتصالات كتيرة وتنقلات وسفر وعزيمة ويومك في اختبار لوضعك او قصة مصيرية وناطر شي ممكن مالي او اتصال مهم او ورقة او شي بخص محاكم وناس غريبة وفي قصص اطفال وشخص بعيد بيتواصل معك .. ضبلي ايدك مالياً هاليومين والبعض عندو قصة او خبر بيتعلق بشغل او دراسة..
عاطفياً ❤️ :جذاب وساحر وفي اعجاب متبادل حاول تكون متفهم للوضع وخفف من اسئلتك بهاليوم حتى ماتوتر الوضع وأنتبه على بعض المراسلات او الاتصالات وركز منيح نقاط مشتركة تفاهم بعد مشكلة مع الشريك واخبار حلوة وانسجام وتبادل لثقة .. علاقات سرية عند البعض رتب امورك منيح ولا تستعجل بشي ..
صحياً:بدك تنتبه من نوم الخاطئ او تجهد حالك بشغل يمكن في مشاكل رقبة وظهر وتشنجات ..

#القوس ♐
مهنياً:انفراج وتغيرات بالمال وبوضع البيت وعم تحسن علاقاتك العائلية ويمكن تغير مكان او مال على عقار بتلاقي حل لوضعك بس بدك تكون سريع وذكي وتكرر المحاولات لان عندك القدرة وصلاحيات لو كانت بسيطة ضبلي ايدك ع مصروفك رغم اليوم في تسديد لالتزامات وديون وفي موارد من شراكة او قصة ميراث للبعض عندك عزيمة وممكن تقبض .. والبعض بجهز سفرة واتصال مهم وناس جديدة..
عاطفياً ❤️ :صح مو راضي عن الوضع بس عندك فرصة استغلها .. يوم للاستقرار ولاندفاع العاطفي وعم تزيد روابط العاطفي بعد برود ومزاجية وماكنت طايق شي الامور عم تهدى بعد توتر وضغط وبلاخص انو ما كان في تنازل كلمة منك وكلمة منو لامور بتظبط وبتتحسن .. المرتبط جديد عم يعيش جو كتير حلو ومشاعر قوية وعم تعبر عن عواطفك ورومنسيتك وصدفة عند الاعزب ..
صحياً:وضعك متقلب بس فيك تاخد قرار صحي تحسن في الوضع ..

#الجدي ♑
مهنياً:شراكة وتنقلات وناس جديدة وامور مشتروكة مع سخص او اخ واستغل علاقاتك على مواقع التواصل لتعزز مواردك المالية بعرف الحمل عليك كبير وعندك دفع متكرر والتزامات وعم تساعد .. في ناس مابتستاهل ولازم تفكر تعيد تقييم علاقتك معن شوية هدوء وصبر وكلشي بوقتو حلو في مال ناطرو وبدك تشتغل على قصة شراكة او مورد جديد المهم تتجنب المشاكل معةد شريك او المحيطين فيك ..فكر بشغل وخلص المهم ولا تأجل شي ضب ايدك والبعض ممكن يقبض ولقاء وتنقل وعزيمة كمان .
عاطفياً ❤️ :جهز حالك لحكي كتير وشكلك عم تحاول تقنع وشريك راسو يابس كمان وماعم يقتنع كون هادي ولا تتسرع بشي رغم انك عصبي ومدايق بهاليوم أنتبه هاشي يخليك تحسم علاقتك لانو ماعم تتحمل شريك..المرتبط ولاعزب في وقت للحب او لارتباط جديد وعم تقضي وقت حلو ان كان شريك قديم او متعرف عليه جديد وعم تحسن واقع العلاقة نحو الافضل ..
صحياً:بتشفى من مرض وبتحس براحة .. بس البعض عندو كريب وصداع وجسمك مكسر من شغل عم يسبب تعب عضلي ..
❤
#الدلو ♒
مهنياً:مسؤوليات وشغل وصحة ومال ومصاريف وتسوية او مصالحة .. عندك شغل كتير والتزامات بشغلك وضغط عمل لكن الفرصة مهيئة لتقبض من شغل او عمل انجزته وفي فرصة عمل جديد اتصالات ونقل من مكان لمكان ومالي بتقبضو وبتصرفو .. المهم تخلص لأشياء ضرورية ولا تراكم عليك الاعمال بشغل والبيت وحاول تنتبه على صحتك وتبلش نظام جديد او هواية جديدة… والبعض في مشروع شراكة جديدة ..
عاطفياً ❤️ :برأيي طنش بهاليوم ولاتلوم ولا تعتب على حدا مابيستاهل ويمكن عندك شغل كتير ونوم زيادة وهاشي عم يخليك بعيد عن الشريك وبلاخص انو شريك مو مهتم روق وهدي حالك وحافظ على تصرفاتك وكلامك ولا تعمل مشاكل تنلام فيها .. امورك رايحة للافضل ولارتباط جديد عند البعض وتحسن بالوضع عند المرتبط .. قت حلو واتصالات وتواصل بشكل كبر ..
صحياً:عم تعتني بصحتك وبشكلك وشفاء من مرض بس أنتبه من الالتهابات والانفعال والعصبية ..

#الحوت ♓
مهنياً:تغيرات عاطفية ومالية ويوم حلو .. طاقة ايجابية وتواصل واتصالات عم تكتر وناس بتحبن حدك ولمة حلوة بترتاح هاليوم بعد تعب وبتلاقي حل لمشاكل وبلاخص بالبيت وفرصة ممكن تجيك حاول تستغلها لصالحك وممكن تفكر بشي جديد بشغل او بالمال وقصة انجاب او طفل بالبيت .. اجواء فيها تحسن ووضعك افضل نشالله ..
عاطفياً ❤️ :اخبار حلوة وتحسن تدريجي ومميز بطلتك وبحضورك الحلو جذاب ورومنسي ويوم حلو اذا بدك تتقرب من الشريك وتحسن الوضع وتكون منيح ويوم بيحملك اوقات حلوة وجديدة لان في فرصة هاليوم لارتباط او ممكن شريك يرجعلك وتحسن بعلاقتك .. بس انتبه شوي من ناس ممكن ناطرتك ع دقرة لتخرب العلاقة
صحياً:خليك هادي ولاترد على استفزازات حدا حتى ماتتأثر صحياً ..

#برجك_اليومى 🔮 🌹 #أبراج_ماغي_فرح 🔮 🌹