ابراج

ماغي_فرح.. أبراج اليوم الأحد 21 شباط فبراير 2021 🔮

((وان_بغداد))
🌙 🌛 القمر بكمل برج الجوزاء ♊ الهوائي كوكبه 🌍 عطارد……..

#الحمل ♈
مهنياً:اتصالات ولقاءات وسفر او اختبار وامور مالية.. امورك افضل بتواصل واتصالات وممكن في ناس جديدة عم تشوفها بيومك وتطور ايجابي وانت قادر تنجح وتحقق المطلوب منك وتخلص شغلك .. عم تعيد حسابتك وصرف على مستلزمات او اعطال عم تصير عندك .. قادر تتجاوز هاشي بس بدبلوماسية خبر حلو وتنقل او سفرة قصيرة والبعض مشغول بقصة عائلية ولمة وبتشوف حدا غالي عليك .
عاطفياً ❤️ :امورك افضل وتواصل واتصالات وبلاخص للمرتبط والاعزب .. بس المتزوج في اهمال ومافي تقارب وغالباً عم يكون وضعك متقلب وشريك مستهتر والوضع بدو حد لا تخاف رح تتحسن وترجع امورك ورح تكون افضل قريباً جداً لا تعتب على حدا نصيحة مني ..
صحياً:بتعاني شوية قلق اثناء نوم وصداع ودوخة ..

#الثور ♉
مهنياً:قصص بدا حل جذري واصدقاء ودعم وقصص مالية او قضائية .. عم تزيد فرص العمل وممكن تحصل على مال وقصص مالية بدا تشغلك بهيك يوم بين قبض ودفع ولازم تظبط امورك منيح عم يكون في مصاريف مالية على عزائم او صحة او اذا مفكر بمشوار او سفر المهم ضب ايدك واصدقاء كتار بحدك وبيدعموك ..
عاطفياً ❤️ :خففلي من اندفاعك وعم يكون في تملك وركز ولا تتسرع .. يوم بحاجة للمبادرة وتقرب وتبادر بحلول لتكفي علاقتك وبعد عن المشاكل وريح راسك .. الاعزب في ناس كتار حولك واعجاب فيك .. والبعض عندو تجربة عاطفية وسرية جديدة بس كمان حافظ على أسرارك ..
صحياً:في طبيب اسنان وعكة صحية ومصاريف على صحة ..

#الجوزاء ♊
مهنياً:طاقة وشعبية وحلول لقصص تعبتك واستفاد من دعم الحواليك بشغلك وبالبيت واحسم امور وفي قرار مهم بتنجح وبتكون امورك تمام .. تحسن نسبي وقادر تطلع من تعب والملل الي كان مسيطر عليك اجواء حلوة بيومك حاول تستفيد من دعم القمر بتنقل قصير او سهرة وناس جديدة ولقاءات وشغل او عقد وامور بتخص وظيفة وبتعمل تغيير بشكلك .. ضب ايدك مالياً وقصة بالمال بتشغلك ..
عاطفياً ❤️ :من الايام المميزة علاقات جديدة وجاذبية واتصالات ممتعة يومك حلو ببدايات جديدة وعم تحسم امورك وعم تحط حد لتجاوزات او للاستغلال الي كنت عم تتعرض الو فيك تبلش وتكون بيوم حلو وتواصل مع أشخاص مهمة او من ضمن شغلك وظيفتك .. المتزوج بلا كلام عشوائي وانتبه على علاقتك توصل لمرحلة سيئة واستغل يومك لتحسن الوضع ..
صحياً:شوية ضغط وتوتر صحي لكن لامور بتكون منيحة لا تخاف ..

#السرطان ♋
مهنياً:يوم في قصص حكومية واوراق واختبار ولازم تنتبه على صحتك شوي من الحوادث .. بدي منك تمرق بعض الامور على خير ولا تشتغل شي مهم حتى ماتوقع بعرقلة او تأجيل .. في علاقات وناس كتير واتصالات وتواصل بس مانك مرتاح وماحابب تتجاوب مع حدا وهاشي يمكن يسبب توتر مع اشخاص حاول تكون هادي ورايق رغم ظروف والمسؤوليات الي عم تتعرض ألها .. عيش يومك بهدوء وواقعية وخلص شغلك بكير ولا تخلي لاعمال تتراكم عليك.. في فكرة سفر او شغل وداراسات عليا عم تشغل البعض ..
عاطفياً ❤️ :عندك معجبين كتار بس رغم هيك عم تحس حالك مو رايق وعم تفكر بشخص بعيد او غايب واهتمام خافف .. في محبة متبادلة بس اوقات انت مابتعرف شو بصير حاول تنتبه من اي حدا ممكن عم يدخل بعلاقتك وحاول لا تاخد بكلام حدا وخلي المشاكل الاخرى بعيدة عن علاقتك مهما كانت .. استغل فترة المسا لتكون مع الشريك وتقضي وقت حلو واتصال طويل ..
صحياً:نظم اكلك ومواعيدك وشوية رياضة صباحية مفيدة الك لتكمل يومك بالطاقة ونشاط ..

#الأسد ♌
مهنياً:اجواء حلوة وتنقلات وجاذبية وطاقة وعم تقضي يوم في علاقات واصدقاء وعزائم واكل طيب ومصاريف على هيك شي وعم تلتقي بأشخاص بتحبا وسهرة وفي مين بساعدك بقصة او بموضوع مالي وفرصة ليجيك مال ولازم ضب ايدك كمان وانفراج بقصة متعلقة بالمال او امور قضائية يوم حلو استغلوا لصالحك ..
عاطفياً ❤️ :خيارات جديدة وعم تتمتع بطاقة وشغف عاطفي وعم تتحسن بعض العلاقات وارتباط جديد واعجاب وكتير ناس عم تحاول تتقرب ونجمك محبوب .. المتزوج بدي منك تنتبه لردت فعلك يمكن في سبب بسيط عم يعمل مشكلة وسوء تفاهم وعم يصير اهمال وتقصير ..
صحياً:انتبه من مشاكل هضمية وتقلبات طقس وعم تهتم بشكلك وبريستيجك

#العذراء ♍
مهنياً:تصرف صح ورتب ونظم امور شغل ويمكن قصة اخ او مقرب وصحة بيومك .. خلص امورك بكير وحاول لا تأجل شي بعرف تعبان وحكي البعض عم يزعجك روق وهدي بلاخص مع اشخاص مهمة او مسؤول وانت قادر تتجاوز اي وضع وتبلش من جديد انت مابينخاف عليك في تتطور مهني بشغلك وقادر تنجح وتوصل أنتبه للامور المالية مابدي ياك تخاطر بشي حالياً وكون جاهز لاي اختبار بوضعك وشراكة ممكن تنعرض عليك ..
عاطفياً ❤️ :اشخاص مهمة عم تبدي اعجاب فيك وحب ..
بعد عن توترات والمشاحنات الي مارح تجيب نتيجة ولا تكبرها لان مو مستاهلة ولازم يكون في تنازل ومسايرة منك ومن شريك لتستمر بعرف الوضع مكركب حاول تلاقي حلول وتعزز علاقتك بشريك يوم وبيمرق أن شاء الله ..
صحياً: كون حريص على صحتك وصحة احد افراد عيلتك بهاليوم ..

#الميزان ♎
مهنياً:تنقلات ومشوار وتواصل مع ناس بعيدة وعقارات وقصة سيارة او موبايل ويومك رغم ضغط وشغل لكتير وحاسس حالك ماعم تلحق وفي التزامات ولازم تلحق وترتب امورك وشغل جديد عندك طاقة لتخلص اعمالك وبتطلع من وضعك .. لقاءات فيها استفادة واتصالات كتيرة واذا ناوي تنقل او سفر فيك وبتنجح بأعمالك واختباراتك .. خليك واثق من حالك ومن قدراتك وقصة بتخص حدا بعيلتك وأنتبه من الاعطال والحوادث وشي صحي.
عاطفياً ❤️ :صدفة وعلاقة جديدة وتطور عاطفي .. بدي منك تتقرب اكتر من الشريك بيوم داعم الك وممكن تحصل على خبر حلو وتقضي وقت حلو مع الشريك او اتصال طويل وعم يكون يومك عاطفي بس حاول لا تخلي حدا يدخل بعلاقتك وبتكون كتير منيح بعض المتزوجين مرق هاليومين ع خير الوضع بحالة ركود وملل وضجر فترة وبتمر وبيرجع الوضع طبيعي بشكل تدريجي ..
صحياً: أنتبه من وعكة صحية وخفف من تناول المنبهات وتدخين أو الاركيلة ..

#العقرب ♏
مهنياً:بعد فترة كتير كانت صعبة عليك وكان عندك ضغط كبير اليوم احسن انت وبتطلع من حالتك تدريجي حتى في قرارات مهمة وبتلاقي حلول وبتقدر تتجاوز اي ازمة ممكن تصير وفي امور مالية وترتيب لحساباتك واذا عندك قصة بتتعلق بديون بتنحل تدريجي وبكون في اتصالات وحسابات ومال وقصة حدا مقرب منك بتشغل والبعض ممكن يفكر بسفر واوراق شاغلتك …
عاطفياً ❤️ :تنازل شوي ولامور افضل وبتحل مشكلة وبتعود الامور لمجراها .. لمهم لا تتمسك برأيك وبادر واترك الشريك ع راحتو ولازم يقدر وضعك لامور بترجع بس روق استغل هاليوم لعلاقات حميمية واتصال مع الشريك حلو .. البعض بعدو الجفا مسيطر على وضعك والحلول صعبة وطريق مسدود بلاخص الي عندو مشكلة مع شريك وبعيد عنه ..
صحياً:قصة اطفال وفكر باماكن ترفيهية واعمل اي شي بريحك وعم تحس بتعب عضلي وتشنجات ..

#القوس ♐
مهنياً:قصص شراكة بحاجة لرواق ولا تكبر القصة وامور عائلية .. في شوية تاجيل او عرقلة بموضوع شغل او بخصك او بخص حدا بعيلتك .. الحظ ماعم يساعدك اليوم وحاسك متوتر وممكن تتعرض لبعض الاستفزازات والعصبية وامر طارئ رتب امورك المالي في دفع كمان وحاول توجد حلول و اشخاص بتساعدك .. البعض بيقبض مال من غير شغل وبيستلم حوالة او من شراكة ..
عاطفياً ❤️ :فكر بحلول ولا تتسرع بقراراتك.. المرتبط بحاجة لتصحيح بعض الامور وتركز منيح وتنتبه لوضعك العاطفي اكثر ومافي داعي تعمل من الحبة قبة وتزيد الوضع عصبية واستفزاز بلاخص انت مدايق بس ماعم تعرف شو سبب او من شو .. مشكلتك مندفع وكلامك ماعم تحسب حسابه قبل ماتحكي والبعض يومك بيحملك تعارف جديد او ارتباط جديد ..
صحياً:لا تنهم وتفكر كتير وحاول تعطي حالك طاقة ايجابية ورفه عن نفسك ..

#الجدي ♑
مهنياً:تنقلات واتصالات واجواء افضل وزيارات وعم تنشغل بقصة صحية او قصة اخ بالبيت واوراق وعم تفكر بقصص شغل وكيف ممكن دبر امورك وتلاقي حلول امورك متقلبة بس مانها سيئة بيوصلك شي ناطرو او خبر او اتصال بكون لصالحك صح نطرت كتير بس بتتحسن الامور لا تخاف حاول ضاعف جهودك وتثبت جدارتك.. والبعض خلص شغلك بكير حتى ماتعمل مشاكل مع شخص او تتعركس بعض الاتفاقيات ..
عاطفياً ❤️ :يومك مميز عاطفياً لتقدر تتجاوز ازمتك رغم تعب والمشاكل والوحدة عم تتطلع من حالتك لا تعاند الوضع اكتر من هيك حتى توصل علاقتك الى ماكانت عليه بعد سوء تفاهم سبب كركبة بالوضع وخلي خط لرجعة نصيحة مني .. وضعك احسن وفيك تبادر ويوم ايجابي.. والبعض بيعترف بحبو الك كون جاهز لتقضي وقت او اتصال حميمي وعاطفي ..
صحياً:أنتبه لصحتك وبلاخص العشرية الاولى والبعض نشالله بيطلع اليوم من وضع صحي وراحة نفسية ..

#الدلو ♒
مهنياً:امورك افضل في انفراج بقصة معينة او مالية لترتاح من بعض ضغوط عندك فرصة بتدعم حظوظك وعم تكون اجتماعي باتصالات او لقاءات عندك الخبرة والقدرة لتحسن من وضعك او لمركز مهم بقادم الايام ممكن في دعوة او عزيمة وأستغل يومك لتكون بحالة نفسية افضل وتطلع من تعبك والملل وضجرك وركود الحاصل والبعض عندو خبر بخص سفر أو لقاء مع شخص بتحبو وقصة طفل ..
عاطفياً ❤️ :حليان وجذاب بهاليوم ورومنسي وعاطفي القمر بيدعمك لتحسن الاجواء حاول تستغل هاشي او ليكون عندك فرصة ارتباط وتحسن نوعي بعلاقتك … يوم للعاطفة علاقات وصداقات بتكبر وحميمية اكتر وبلاخص اذا مرتبط لتحسن وضع علاقتك وعلاقات عم ترجع بعد غيبة ..
صحياً:أنتبه من مشاكل ضغط او دوخة وخفف شرب منبهات كالقهوة وتدخين فهيا تسبب حموضة فموية ومعوية بتأثر ع صحتك ..

#الحوت ♓
مهنياً:بعدو يومك عائلي وعم يكون في تغيير بوضعك بالعيلة وعم تكون محوري وعم تقنع برأيك وافكارك وعم تحط حد لكتير مشاكل رغم ضغوط والعراقيل وممكن يكون في قصة عقار او بيت وحكي بهالخصوص مابعرف اذا عم تفكر كمان بتصليح او اجار وتنتقل لبيت جديد بس روق مع بعض الاشخاص المقربة منك وامورك فيها تحسن اكتر من المسا وجهز حالك لعزيمة واجواء حلوة ..
عاطفياً ❤️ :عم تكون بعيد عن العاطفة اليوم بلاخص اذا في اشخاص بالبيت او مقربة عم تدخل بوضعك فا بدك تكون دبلوماسي ولا تدخل بمواجهات مع حدا ولا تعصب مو مستاهلة ولا ترد على حكي البعض وحاول توفق بين حبك والاهل لتمشي امورك تمام وتحسن قريب او من المسا الغير مرتبط ممكن امورك تبلش تتحسن في حال عرفت كيف تتصرف مدعوم بأرتباط وحاول تستغل الفرص ..
صحياً:امنح نفسك اهتمامات صحية لتبقى مسيطر ع الوضع ..

#برجك_اليومى 🔮 🌹 #أبراج_ماغي_فرح 🔮 🌹

أخبار ذات صلة

زر الذهاب إلى الأعلى
آخر الأخبار