مع ماغي_فرح.. أبراج اليوم الاربعاء 17 شباط فبراير__2021 🔮

🌙 🌛 القمر بينتقل لبرج الثور ♉ التربي كوكبه 🌍 زهرة…

#الحمل ♈
مهنياً:يوم مالي بين دفع وقبض ودعم من الاصدقاء .. عم تضبط ميزانيتك وعم تحسب شو الك وشو عليك ويمكن في مبلغ مالي عم تفكر تشتغل في واذا بحاجة مساعدة او دعم وبلاخص بالمال لا تتردد في مين بلبيك ويمكن في عرض شغل او اتفاق مالي .. وفي عزائم واكل طيب لمهم ضب ايدك ولا تفردها .. يومك في دفع على شراء او عم توفي ديون ومستلزمات خاصة او عزيمة
عاطفياً ❤️ :حاسس بملل والوضع اليوم بدو دبلوماسية ليستقر بلاخص وضعك العاطفي عم ياخد تفكير كتير شريك عندو اهمال واوقات بنق وبكون مستفز وانت مانك راضي عنو وعم تكون عصبي ..خيارات كتيرة ولازم تحسم الامور ليتحسن وضعك حب قديم ع البال او مصالحة للبعض .. والبعض المال عم يدخل بوضع العاطفي ..
صحياً:لازم تنتبه على صحة وبلاخص اذا عندك مشاكل رقبة والاكتاف ..

#الثور ♉
مهنياً:بعد ضيق وتعب بتتحسن امورك .. يوم جيد لتفتح صفحة جديدة ويمكن في عقد عمل وعلاقات ولقاء واتصال وبتحقق شهرة وسمعة وحلول لمشاكل بلاخص في اكتر من قصة عم تشغلك .. اخبار حلوة وتحسن كبير بشغلك وبعلاقاتك وفرصة حلوة .. شغل جديد او شراكة ودعم مالي واجواء حلوة بلقاءات وسهرات وتغييرات بالبرستيج وبالوضع ..
عاطفياً ❤️ :عم تكون ملفت والعين عليك بهاليوم واعجاب وفي مصالحة عند البعض يوم حلو لتطور علاقتك وترتاح اخيراً من تعب الي رافقك بالفترة الأخيرة ممكن اتصالات طويلة او لقاءات وكلام حلو بيومك وبلاخص الاعزب في شي جديد عندك .. البعض لازم تاخد قرار حاسم وتختار صح ..
صحياً:لا تعب حالك وامورك اليوم افضل من قبل المهم لا تتشائم ..

#الجوزاء ♊
مهنياً:يومك متقلب بنصحك تخلي اجتماعي وتجنب الامور المهمة لان في امور رح تتأجل وتوقع بمشاكل مفاجئة .. لا تتخذ القرارات او تحسم شي او توقع على شي وانتبه من امور قضائية وادارية وتجنب السفر ولا توثق بحدا .. مرق هاليومين على خير وعيد حساباتك وأنتبه من الحوادث والاعطال ..لقاءات اجتماعية وزيارات وعزائم خليك اجتماعي أفضل الك غيمة وبتمر لا تخاف وفي مجال شغل او شي بخص دراسة ولقاء بشخص مهم ..
عاطفياً ❤️ :لاضيع بلافكار والخيارات يومك افضل نسبياً المهم تركز وتعرف شو بدك وتحط هدف عاطفي قدامك واثبت على رأي بقا في عاطفة جواتك تجاه شخص وحابب تعاتب وتحكي لا تهتم لكلام ناس ولا تخلي شي يأثر عليك ولازم شريك يقدر وضعك ويهتم فيك اكتر ويبادر .. لبعض عندو اتصال طويل ولقاء وحتى شخص مهم بيدخل حياتك ..
صحياً:لازم تخفف توتر وتاخد الامور بروح رياضية لان رح تعب حالك بس وتسبب اضطرابات جسدية ونفسية ..

#السرطان ♋
مهنياً:تواصل ولقاءات واجواء افضل وغالباً عم يكون يومك بخص علاقات وناس جديدة واصدقاء بحدك واذا بحاجة شي لا تتردد بلاخص بأمور المال بدا حلول واطلب مبلغ اذا بحاجة وانتبه لمصروفك .. يوم في مناسبة او عزيمة وسهرة وبتشوف شخص الك زمان ماشفتو وتواصل مع شخص غالي عليك .. عم تفكر بمشروع جديد او عمل واستشارة مهمة ورقة حكومة ممكن ناطرها او بحاجتك وقصة أطفال
عاطفياً ❤️ :بعد تعب اليوم انت افضل وعم تتحسن علاقاتك وصداقات بتتحول لحب والبعض علاقات سرية عم تكبر .. من الايام الي بكون فيا اعجاب واعتراف بالمشاعر واهتمام وممكن ترجع علاقات وتصيح مسارك العاطفي ومساعدة بحلول او مصالحة .. بنصحك لا تخلي اسباب بسيطة تسبب مشكلة وهدي مع شريك وانتبه من حدا من ورا ضهرك يوتر الوضع بلاخص عند المتزوج ..
صحياً:انتبه على صحة عيلتك واهلك وفي حساسية عندك ونشالله في تحسن صحي هاليومين..

#الأسد ♌
مهنياً:ركز منيح ولا تغلط العين عليك وانت تحت الاختبار لهيك لا تخالف القوانين والتزم بشغلك وبامور البيت وقصة أب بتشغلك ولا تتأخر بشغلك مو ناقصك تسمع كلمة او تتوتر علاقتك مع بعض الاشخاص فرصة لعقد جديد او شراكة منيحة وهاشي بدو جهد لتنجح في وتثبت جدارتك وحافظ على سمعتك وكون دبلوماسي والبعض عندو شهرة ..
عاطفياً ❤️ :يوم جيد عم تعيش اوقات حلوة وامورك بتتحسن بس نتبهلي على نقاشاتك وساير الشريك شوي لان في مواضيع كتيرة بدك تحكي فيا لهيك خفف ضغوط الي عليك وانتبه من سوء تفاهم او فكرة ماعم توصل صح تسبب توتر وخلاف برأي شوية هدوء بتلاقي حلول البعض عم تحضر لشي جديد مع الشريك وممكن شخص مهم او مشهور بيومك او تتعرف على حدا من داخل شغلك او وظيفتك ..
صحياً:خمول وارهاق من كتر شغل وتفكير وحافظ على سلامة جسمك ..

#العذراء ♍
مهنياً:شغل وعلاقات ودراسة وشي بخص سفر .. بتقدر تنجح وتتواصل مع اشخاص حتى في اتصالات بعيدة وعم يكون في تواصل بخصوص شغل او مجال خارجي وناس غريبة بيومك وعم يكون عندك اختبار او امتحان وعم تنجز اعمالك وتنقلات يوم بتكسر في روتينك وبتحصل عل مال من شغلك او اتفاق وامور صحية وحلول لوضعك ..
عاطفياً ❤️ :يوم عاطفي ولقاء واجواء رومنسية واشخاص بتتقرب منك أستغل جاذبيتك وسحرك ويومك حلو لتحسن امورك ولاعزب ناطرك فرصة حلوة استغلها .. مشوار او لقاء عاطفي وحميمي او لبعض بسافر للقاء شريك ..المتزوج ساير اليوم وفي حكي كتير وخلي الامور تتوضح وتعاون لتلاقي حلول وتقارب بوجهات النظر هيك افضل الك ..
صحياً:عم يكون في تعب عضلي وحاسس جسمك مكسر ومشاكل بالعضلات او تشنجات ..

#الميزان ♎
مهنياً:عم تعيد حساباتك وعم تخف ضغوط عنك وحلول لمشاكل وفي مصالحات وناس بتحبا وحتى البعض بعد غيبة وجهز حالك لعزيمة ويوم عم تبلش تاخد في نفس وتحسن بوضع بلاخص بلايام القادمة على صعيد المهني والمالي .. في قصص مالية ومعاملات مالية وممكن تحصل على مال اليوم وشي بخص الاطفال ولقاء واتصال بريحك وتنقلات بيومك..
عاطفياً ❤️ :بعد ايام متعبة بتبلش تتحسن امورك وتطلع من جوك الممل عندك جاذبية وبتأثر على الاشخاص وعندك اجواء حلوة ورومنسية بعلاقتك المهم تثبت على رأي وتكون دبلوماسي وتبادر حاول تستغل دعم الحظ الك لتعمل نوع من تقارب وتواصل بعد برود وجفا .. تجنب اي توتر وهدي الوضع ولا تتردد وبادر اذا راحتك عند شخص او مشتاق ..
صحياً:أنتبه من كريب او وعكة الك او لحدا بالعيلة وممكن تزور طبيب ..

#العقرب ♏
مهنياً:اليوم مو رايق واي كلمة ممكن تعمل مشكلة فا هدي وروق بلاخص مع العيلة والمقربين .. وعم يكون في حكي وقصة بالعيلة ونقاش رغم العراقيل او تأجيل الي صار بوضعك رح يتحسن ويومك بخص شراكات مهنية او عاطفية فيك تحكي فيا وتبادر لتلاقي الاستجابة بس بدي منك تخفف عصبية وانتبه من يلي حواليك .. عزيمة او مشوار وضب ايدك مالياً والبعض بينهي شراكة متعبة وممكن تبلش بشراكة جديدة ..
عاطفياً ❤️ :بين علاقات عم تنتهي في علاقات عم تبدا ..
الاعزب امورك افضل لتلاقي اعجاب وتبلش شي جديد بس المرتبط في ضغط عليك وكون جاهز لاي طارئ بيومك وانتبه لكلامك وتصرفاتك وبدك تتحمل المزاجية وضح الامور بشكل منيح فكر بحالك وكون منطقي ولا تصعد يوم في مشاعر جديدة او رجعة حب قديم ولقاء قريباً
صحياً:انتبه من وعكة صحية ومن هالجو والبعض بيشفى من مرض ..

#القوس ♐
مهنياً:عندك شغل والتزامات ومابتعرف القصص من وين بتطلعلك عندك اتصالات كتيرة ولقاءات ولازم تتحرك بسرعة وترتب الامور لتنجح وتوصل وتعمل شي يغير من الوضع في شغل كتير وقصة بيع وشراء واوراق كانو بحاجتها وخبر مهم ناطرك وقصة أخ او مقرب لمهم ترتب امورك وتتعامل بهدوء مع اي طارئ وتراعي وضعك صحي منيح .. البعض بيدخل شغل جديد وممكن مال قادم او سفرة للقاء ..
عاطفياً ❤️ :عم تحس بتعب ونوع من العزلة لازم شريك يساعدك ويكون حدك وتقدر تلاقي راحتك معو ..بادر ولا تكون مستفز وهدي الوضع احسن مايكبر بس بتوقع تلاقي راحتك بهاليوم كتير ناس حولك مارح يجيبو نتيجة عليك بتصليح الامور مع الشريك وبتكون علاقتك منيحة .. الاعزب فكر بشخص يكون بيستاهلك عنجد لان ناس كتيرة بلا طعمة او لقاءات واتصالات ماعم تجيب نتيجة .. المرتبط جديد عندك فترة من الاستقرار والانسجام..
صحياً: فيك تعمل تغييرات صحية وشكلية وخففلي عصبيتك نفسياً في تحسن ..

#الجدي ♑
مهنياً:من لايام الحلوة وفيا دعم وحظ وطاقة وبتقدر تحصل على مال او حوالة وتقضي اوقات ممتعة وقصة بتخص الاطفال او الانجاب .. تحسن بوضعك هالفترة وحتى بتتخلص من قصة كانت تاعبتك .. امورك منيحة وبتعيش اوقات واتصالات كتيرة والبعض عندو سفرة قصير او تغيير من مكان لمكان و عقاري عم تجهزوا وعزيمة واكل طيب ..
عاطفياً ❤️ :تطورات عاطفية للمرتبط والاعزب جذاب وفيك تبادر لتتقرب من الشريك او يصير مصالحة او ترجع مع شريك قديم أستغل الوضع اليوم ولبعض ممكن صداقة تتحول لحب ..فكر منيح واستغل يومك وتخلى عن علاقات متعبتك وعابرة وتجنب الغيرة وشكوك ..
صحياً:سعال وبداية كريب وانتبه الاكلك منيح هالفترة حتى مايصير معك قرحة ومشاكل البلعوم ..

#الدلو ♒
مهنياً:تغيرات ناطرتك وعم تفكر تغير مكان او تطلع وتعمل خطوات جديدة بحياتك .. يوم بخص تغيير مكان بشغلك او سكن وعقارات ولتعمل شوية تصليحات وتعديلات بالبيت وشغل جديد عم يتوضح .. بس بدي تنتبه لاهلك اليوم وتهدي معن وكون دبلوماسي البعض عندو تغييرات على صعيد العائلي و خبر حلو ..
عاطفياً ❤️ :لازم تكون هادي ورايق ولا تعمل مشاكل بلاخص هالفترة وكتير بحاجة لحدا يفهمك ..علاقتك فيها تقلبات كتير أنتبه وهدي وأبتعد عن العلاقات التي تثير مشاكل الك مو ناقص وجع وتعب والي فيك مكفيك حسن علاقتك الحالية ولا تتسرع بشي هاليوم او تاخد قرار مصيري لان عندك خيارات كتيرة لازم تحسمها ..
صحياً:وضعك صحي في تقلبات ولازم تستشير اخصائي او صيدلي عند لزوم ..

#الحوت ♓
مهنياً:قادر توصل وتنجح وتكون مميز وعلاقات كتيرة وناس بتحاكيك وعم تنشط على صعيد الاتصالات ولقاءات وعامواقع تواصل والاعلام وبتنجح بشغلك وفي سفر وتنقلات او مشوار وتحل مشاكل كانت مؤجلة واختبار بيومك .. قصة اخ بتشغلك او هدي معو وانتبه لبعض الاعطال بالبيت او بسيارة وموبايل وقصة بيع وشراء ..
عاطفياً ❤️ :اتصال او لقاء ودعم لعلاقتك والوضع منيح وتواصل بيكبر وصدفة فرصة اليوم لتحسن الوضع وتكون احسن بعد ضغوط كتيرة بعلاقتك لا تخلي المشاكل ترجع من جديد بترتاح وبتكون احسن .. خلي خط لرجعة ولا تصعد وكون اكتر دبلوماسية واذا بيستاهل أعطي فرصة ولا تدخل بنقاش مافي منو امل ..
صحياً:أنتبه من كريب والحوادث ..

#برجك_اليومى 🔮 🌹 #أبراج_ماغي_فرح 🔮 🌹