مع ماغي فرح.. أبراج اليوم الخميس_11_شباط__فبراير_2021

🌙 🌛 القمر بالدلو♒ الهوائي كوكبه 🌍 أورانوس…

#الحمل ♈
مهنياً:يوم جيد بالعلاقات واشخاص بتحبا وخبر حلو واجتماعي بتكون .. عم تنعزم وتعزم ومساعدة بيومك ومابينرفضلك طلب وحتى في طلب منك .. أجواء حلوة وتطورات رغم عندك شغل وعم تبدا بداية يوم في مسؤوليات والوقت ضيق شوي لكن بالمجمل يوم حلو حاول تستفيد منو لصالحك والمال بيشغلك بهاليوم بشكل خاص او مردود قادم ..
عاطفياً ❤️ :جاذبية بيومك وعم يكون في اعجاب من اشخاص فيك فاستغل هاشي لتحسن وضعك وعم تفصل كتير امور عن العاطفة وفي نقاش او مصير علاقة ممكن يتحدد بهاليوم المهم شوية دبلوماسية ولا تعصب وتصعد الوضع وتجنب المواجهة .. البعض عم ينشط بعلاقات سرية واجواء غير شكل ..
صحياً:تحسن وامورك افضل وبترتاح من عارض صحي ومن صداع برأسك ومشكلة برقبة ..

#الثور ♉
مهنياً:بدي منك تنتبه من قصص ممكن ترجع من جديد او شي ممكن يطلع للعلن وعم تهتم بوضع حدا بالبيت او اب عندك وفي لقاء مهم وشخصيات مهمة .. وعم تعيد ترتيب الامور المالية ولتزاماتك وكون حذر من المحيط ولا تخالف او تتمسك برأيك وتكون عنيد ولا تخلي حدا يشمت وفيك .. في شغل واتصال او لقاء وعرض جديد وممكن توصل لحلول مالية والبعض قصص بتخص وظيفة ..
عاطفياً ❤️ :علاقات كتيرة بس انت مو رايق لحدا وعم يكون يومك متقلب وماعم تحس براحة والاستقرار وضايج وقصص ماعم تكمل وعم تعاني تأجيل وشريك ماعم يهتم او يعمل شي يريحك وماعم تقدر تحسم الامور .. اصبر هاليوم وتطورات قادمة منيحة ..
صحياً:نشالله امورك افضل وبتطلع من تعب كبير لمهم تعطي الاهتمام زايد لصحة ..

#الجوزاء ♊
مهنياً:حلول لمشاكل وخبر بريحك ونقاشات مالية .. يوم في طاقة وتحسن وحركة وشي جديد في نقاشات ولقاء مهم وسفر اذا ناوي وامورك افضل بيوم مميز عندك تحسن مهني مالي أجتماعي وناس جديدة وعم تتقرب منك وامور كتيرة بتنحل عندك وبتشوف انفراج بوضعك بتجهز لمرحلة جديدة و اختبار هالفترة ..
عاطفياً ❤️ :يوم جيد وعم تطلع من وضع سلبي ومن الفتور والبرود .. أستغل طاقتك لتلاقي حلول وتتعامل بمرونة اكتر وتعالج الوضع الي انت في برغم الحظ معك ومن الايام المميزة عندك لتتقرب وتلاقي حب ورومنسية واجواء حلوة بلقاءات واتصالات ولتمتلك قلب الشريك بس المهم تعرف شو بدك ولا تتردد ..
صحياً:تقرب من ناس بتحبن والي بيعطوك طاقة ايجابية وبريحو نفسيتك ..

#السرطان ♋
مهنياً:عم تطلع من ضغط تدريجي بهاليوم وعم تحل مشاكل ادارية وقضائية ومال بيومك .. عندك كتير شغل وضغط لتخلص المهم وضروري وترتاح تطورات بوضعك بس بحاجة شوية تركيز لتوصل وتنجح وهدوء اعصاب ولا تكركب حالك ناطرتك اجواء حلوة وعزيمة ورح تحملك تطورات بتخص المال وتحسن هالفترة بشكل منيح ..
عاطفياً ❤️ :انتبه ع وضعك حتى ماتخسر شريك شوية هدوء والامور بترجع مرق هاليوم على خير يمكن في مشكلة بدا حل ومواجهات كانت موجودة عم تلاقي صعوبة بحلها حاول لا تترك الامور بدون حلول جذرية وامورك بتتحسن بعد هاليوم لا تخاف وبصير تواصل أو لقاء واتصالات واجواء افضل ..
صحياً:انتبه من وعكة صحية بلاخص في اوهام وساوس عم تعب نفسيتك وارهاق شديد ..

#الأسد ♌
مهنياً:بدي ياك تهدي بيومك ولا تنفعل وفيك تصفي علاقاتك وحساباتك مع ناس كتار ولا ترد اذا في حدا بحاول يستفزك ليوقع بأخطاء ومشاكل خليك دبلوماسي وبعد عن المواجهات لانك من اي كلمة عم تعصب وعم توتر الوضع .. ساير ولا تكبر الوضع ولاتتسرع وشراكة جديدة وخبر او اتصال بريحك او مال قادم وعقد ..
عاطفياً ❤️ :عم يكون في ضغط عاطفي عليك وبتحس بعدم الانسجام وراحة وماع تستوعب الشريك وحتى في قلق داخلي من طرف تالت روق وخففلي هالعصبية وشكوك احسن ماتكبر القصة وتخسر بيومك عيد حساباتك منيح ولا تضغط على شريك وتكون استفزازي .. لاعزب ارتباط وتتطورات بالعلاقة لشي مستقبلي ولقاء منتظر ..
صحياً:بحاجة لتنام وترتاح وفي مشاكل بالوزن والقلب انتبه منيح ..

#العذراء ♍
مهنياً:عم يكون عندك فرصة لشغل جديد وعم تقدر ترتب امورك وتتجاوز الالتزامات وضغوط والامور طارئة بيومك لهيك بدي ياك تخلص المهم وضروري ولا تخلي لاعمال تتراكم عليك بالبيت وبشغل ولا تعب حالك وحافظ على صحتك وممكن تدفع مبلغ مالي ترحك اسرع وابذل جهدك وعلاقات اجتماعية ..
عاطفياً ❤️ :امورك تمام بس بحاجة لشريك يهتم فيك اكتر
المرتبط في استقرار بعلاقتك مع شريك واجواء اكتر هدوء او عم تكون عملية اكتر ونقاشات مثمرة .. تتطور بعلاقاتك عبر الأتصال وتواصل وممكن صداقات كتيرة بهاليوم واجواء بتتحسن قد يكون هناك علاقات بشغلك تتحول لحب او اعجاب مبدئي بالوقت الحالي المهم لاتفكر بسلبية وتشائم بعرف انك دخلت بعلاقات وما ظبط وكلشي بوقتو حلو ..
صحياً:أنتبه من مشاكل المفاصل والوزن وريح حالك قدر الامكان ..

#الميزان ♎
مهنياً:عم تزيد حظوظك بهاليوم وعم تحس بطاقة واشخاص عم تدعمك وعم يكون في اوقات مميزة وعزائم وحلول وخبرحلو رغم كل ضغط الي عندك بترتب امورك وبتحل مشاكل وعم تستعيد مكانك وطاقتك وبتصالح بعد زعل وجفا .. يوم لتعارف باشخاص جدد وعزائم ومال بيومك وانجاب للبعض ..
عاطفياً ❤️ :حسم وضع الشريك بيشغلك يمكن .. وضعك افضل هاليوم لهيك بدي منك تستغل اي فرصة لتعزز علاقتك وعودة حب قديم او اذا كان في توتر لتصلح الوضع ويكون في تفاهم واجواء ايجابية لمهم تسيطر على انفعالاتك وكلشي بكون تمام وحب جديد للبعض ..
صحياً:ريح نفسيتك وبعد عن العصبية والمزاجية ويوم بتكون بوضع صحي جيدة وتحسن بكون تدريجي ..

#العقرب ♏
مهنياً:يومك في اهتمامات عائلية ويمكن عم تزور اهل واخوات وعزائم وعم تغير مكان وعم يكون في قصة اخ بتشغلك وعندك واجبات بالعيلة ولازم تلحق .. خليك هادي لو في قصص طارئة وشي اضطراري لمهم لا تتسرع وتجنب الانفعال وتوتر بالعيلة بعد هاليوم انت منيح وتطورات مميزة ..
عاطفياً ❤️ :انت كتير بحاجة لشخص يفهمك ويكون حدك وتقدر تتجاوب معو بطريقة الي بتحبا بس بتحس مافي فهم ولف ودوران واهمال واحساس بالوحدة .. ماعم تكون مرتاح وفي بعد بالمشاعر وسوء تفاهم وتوتر زايد ركز منيح لتتجاوز هالقلق وليكون في خطوة جديدة .. الاعزب في شي جديد ناطرك وحكي عم يطور ..
صحيا:عارض صحي و طبيب او عم تاخد أستشارة …

#القوس ♐
مهنياً:طاقة وحظ ودعم ولأجواء حلوة بتواصل وأتصالات ولقاءات مهمة وناس جديدة وسفرة قصير اذا ناوي .. تنقلات كتيرة بيومك وعم تساعد استغل هاليوم لتطلع من وضعك وتغير جو وممكن تبيع او تشتري شي بس نتبهلي من الاعطال والحوادث وقصة موبايل او اخ ومصاريف عم تزيد .. وفي خبر بخص شغلك وحسم مهم
عاطفياً ❤️ :يومك جيد وتحسن بعلاقاتك وامورك تحت سيطرة .. فرصة لتفاهمات ولتطلع من حالتك نفسية الصعبة يومك حلو بشوية دبلوماسية .. يومك منيح بين لقاءات واتصالات وبتقضي وقت حلو ويمكن كمان تطلع مشوار وتغير جو و مفاجئة ورومنسية بوضعك ..
صحياً:ريح حالك ولا تعب جسمك ونفسيتك واذا في شي صحي استشير اخصائي ..

#الجدي ♑
مهنياً:في ارهاق وحاسس بتعب وبحاجة لتريح حالك وجسمك .. ويومك في زيارات و مال بين دفع والتزامات ومصاريف طارئة وعزائم في شغل كتير رغم بعض الامور عم تتأجل بس كتير هالفترة بحاجة لموارد او دخل مالي .. عيد حساباتك ورتب امورك المالية وفي شي بخص وضع العمل وتنقلات قصيرة وناس جديدة ..
عاطفياً ❤️ :لاعزب امورك افضل رغم الوحدة بس في علاقة عم تكبر واجواء حميمية بلاخص اذا في هدية اليوم المرتبط عندو حاجة ورغبة ليكون مع الشريك بس لا تشغل حالك بلافكار المتعبة ولا تخلي سوء تفاهم صغير يعمل مشكلة كبيرة وخفف شكوك وغيرة ..
صحياً:تشنجات وتعب عضلي وتفخة بالمعدة انتبه لاكلك ..

#الدلو ♒
مهنياً:عم ترتفع حظوظك بهاليوم وعم تقضي اوقات حلوة وفي مفاجئة واتفاق وبداية جديدة ومال .. عندك ثقة بحالك وبتكون متحرر وشغل مهم او البعض منصب حاول تطلع من فترة راحت ولا تتشائم وافتح صفحة جديدة لترتاح .. يوم في تغييرات نشالله افضل ولصالحك وفيك تطلع وتتحرك وتعمل تغييرات بشكلك وعزيمة ..
عاطفياً ❤️ :بدي منك تستغل هاليوم الحظ بساعدك ومميز اذا بدك تقدم على اي خطوة مهمة تغير من الواقع وتفتح صفحة جديدة وتجدد علاقتك وممكن يصير تفاهم على بعض نقاط المتعبة المهم لا تستعجل بشي ولا تحسم الامور
..الأعزب امورك افضل وحب وعاطفة حميمية .. بعض المتزوجين في قلة ثقة وتسرع بالقرارات وشكوك هدي شوي ..
صحياً:تنظم اكلك وخفف من تناول طعام بوقت غير منتظم او متأخر ونتبهلي لنفسيتك ..

#الحوت ♓
مهنياً:حاول تتجنب توترات والمواجهات بيومك وبعض المتاعب ولا تتسرع الحظ مو معك وماعم يظبط شي او عم تلاقي تأخير حاول لا تشتغل شي بيوم ضعيف الحظ وطاقة وروق بعلاقاتك ونقاشاتك وقصة بتصير بشغلك بتعبك ووضع العائلي صار لازم تحطلو حد وممكن البعض شخص مهم او اوراقة وشي حكومي وتحسن بعد هاليوم ..
عاطفياً ❤️ :ماعم تلاقي الاهتمام بلاخص من الشريك رغم ناس لكتار حواليك وملفت لنظر ولازم تحسم امور عاطفية هاليوم بلاخص علاقات مافي منا نتيجة حاجتك تعبت من اشخاص منافقة وعندا كذب ومصالح بتحسها وكتير بحاجة للاهتمام وللمشاعر صادقة .. روق هاليوم وجهز حالك لحدث مهم ..
صحياً:بعد عن الاجواء الصاخبة والمتوترة وريح حالك من شغل وناس سلبية لترتاح صحياً ..

#برجك_اليومى 🔮 🌹 #أبراج_ماغي_فرح 🔮 🌹