مع ماغي فرح.. ابراج الأحد 27 كانون الاول ديسمبر 2020

((وان_بغداد))
🌙 🌛 القمر بكمل بالجوزاء ♊الهوائي كوكبه🌍 عطارد..

#الحمل ♈
مهنياً:علاقات وحركة وسفر وتنقلات ويومك في نجاح وبتقدر تلاقي حلول وعم بكون في شي جديد بتعملو ع مواقع تواصل واتصالات كتير وبتتعرف ع ناس جديدة حتى قصة أخ بتشغلك .. في شوية ضغط بالبيت وشغل ومصاريف وقصص عقارية ومزعوج من المواصلات والاعطال وقصة موبايل .. استغل هالفترة بعزائم ومشوار ولمة حلوة وغالي عندك ..
عاطفياً ❤️ :اذا الشريك بيستاهل اعطي فرصة بتقدر توصل لقلب اي شخص واجواء حلوة بعد قلق وتوتر تحسن بوضعك العاطفي وممكن تنجح بهاشي فرصة عند البعض ليدخل بأرتباط او اعجاب او لقاء وممكن يصير وتواصل مع اشخاص جدد او شخص بتحبو ..
صحياً:انتبه من الحوادث وخفف شرب قهوة وتدخين وخفف سهر ..

#الثور ♉
مهنياً:قصص مالية وحلول وصرف على أمور طارئة .. عم يدور الفلك عندك ببيت المال وكتير عم يكون عندك صرف مالي وبتحس حالك ماعم تلحق .. عندك قبض ودفع بهاليوم لازم تحط حد لامورك المالية لان الوضع عم يخليك متعب ومرهق عيد حساباتك وممكن تحصل على مبلغ او دين او حوالة او بحاجة لسلفة او قرض
يوم في تفائل ولا تفقد الامل بلاخص بلامور المالية في شي ممكن تحصل عليه بيع و شراء وعزائم ..
عاطفياً ❤️ :حافظ على استقرار علاقة وفرصة لتلتقي شريك او تعزم لاعزب افضل وفي اعجاب والمرتبط صلح وضعك ولا تكون مالل وضجران وبلاخصةفي برود بدي ياك تنتبه لتصرفاتك مع الشريك وفي تغيير مو مرتحلو بدنا نحاول نتجاوز هالوضع ونقدم تنازلات ونساير .. بس البعض عم يعيش اوقات حلوة بعلاقات سرية متعددة وتغيير مفاجئ..
صحياً:جسمك بحاجة للغذاء انت يابتفتح شهيتك ع الاكل كتير يابتقطع ع الخالص أنتبه له شي وتجنب ناس الي بتعبك نفسياً ..

#الجوزاء ♊
مهنياً:انفراج وتفائل وتغيرات بوضعك وفرصة شراكة او عقد وشغل .. عم تستعيد مكانتك وطاقتك ايجابية والحظ بيلعب دور مهم بيومك بلاخص الخطوة الاخيرة ماكانت عم تكمل معك .. طموحات كبيرة واخبار حلوة وخطوات اكتر فعالية وجرئة وقصة جديدة وعلاقات حلوة .. اتصالات ولقاءات وتنقلات وممكن عم تشتري وعم تبيع شي وفي مال ومدخول وعزيمة وضب ايدك ..
عاطفياً ❤️ :جذاب و العين عليك وساحر بحضورك وبتصرفاتك وكلامك وبتأثر على الجنس الاخر ولكل بدو القرب منك لقاء وممكن اتصال حلو او حدا قديم ناطر منو شي .. بدي منك تستغل الاجواء وظروف لتطور علاقتك ولا تحسس الشريك بفراغ كبير او تظهر له عدم الاهتمام ولا مبالات احسن ماتتوتر الامور يوم استغلوا لتحسن الامور ..
صحياً:كريب ومشاكل بلعوم وطقس مو مريحك ..

#السرطان ♋
مهنياً:فكر بوضعك وخلص ضروري بلاخص انك متعب وشي صحي عندك واستغل هالفترة لعمل جديد لا تخلي ناس تأثر عليك وتشوش افكارك ..
يوم مانو سيء وانت مقبل على تطورات ايجابي بس شي طبيعي تحس حالك امام مسؤوليات وضغط وماحدا مقدر وضعك .. مال بيشغلك روق وهدي لا تهتم لناس وأنتبه لشغلك ولا تتسرع وممكن تزور مكان حكومي او قصة قضائية .. لامور كتير فيا تحسن بس هدي هاليومين ..
عاطفياً ❤️ :مافي تواصل والامور عم تخف كتير ومالك نفس وبدك لتكون بعيد عن الكل .. انت عم تغض نظر عن بعض الامور لان مو حابب تعمل مشاكل عندك نظرة للامور وممكن تستوعب المواقف برغم مانك راضي ابداً عن تصرفات الشريك وعن اي شي ممكن عم يقوم في .. طول بالك عليه وكلشي بينحل وبيتحسن خليك حكيم وفكر منيح ولا تتسرع .. الاعزب يوم حلو لتطلع وتغير جو ولقاء ورومنسية واعجاب بطريقة ممكن غريبة شوي ..
صحياً:ريح حالك من ضغوط العمل والبيت وغير جو برا البيت ..

#الأسد ♌
مهنياً:يوم حلو بلاصدقاء وتواصل وعم تقوم بواجب وعم تعمل علاقات وعم يكون يومك حلو بعزيمة وعم ترجع تشوف اصدقاء الك فترة ماشفتها وشخص غالي عليك .. عندك تحسن نفسي ضمن البيت وبشغلك وفي مشاركة وشي جماعي واذا بدك مساعدة من صديق لا تتردد ولمة وعزيمة وسهرة حلوة .. كمان يومك في مال ..
عاطفياً ❤️ :مميز بيومك وعندك الجاذبية وطاقة لتقدر تجذب أشخاص الك وتتحول بعض العلاقات صداقة لحب وكانو حدا عم يتقرب ويعبر عن حب وأعجاب فيك الفرصة كتير حلوة لتدخل نقاش عاطفي ومحادثة حتى لو عبر مواقع التواصل وتحط اسس لتوطيد العلاقة .. يوم في احساس جديد رواق اكتر ورومنسية وشريك بكون معك واتفاق ودراسة لموضوع ما .. والبعض علاقات سرية وحميمية عم تعيشها ..
صحياً:شوية ارهاق وأوقي نفسك بعض المخاطر صحية ولكتار عندو تحسن صحي ..

#العذراء ♍
مهنياً:مشغول بكذا قصة بالبيت وبلاخص بشغلك وعلاقات بشغل مع المسؤولين عنك ومع حدا من الاهل يومك بدو تبذل جهد وعم تفكر بتغييرات او نقل وتواصل مع اشخاص مهمة او ذات مكانة .. بنفس الوقت فيك عندك شعبية كبيرة بس مشاكلك اغلبها من ناس والبعض من تحت لتحت عم يشتغل فيك وعم يحاول يسيء الك حذاري من الغلط لان ناطرينك ع دقرة .. فرصة لتطلع تغير جو وتعمل تغيير بشكلك وتنقلات وحافظ على سمعتك من القيل والقال ولت والعجن ..
عاطفياً ❤️ :يومك في اعجاب وتواصل وكاشف ناس ع حقيقتها بتحس حالك انا بين خيارين او نارين وماعم تعرف شو بدك والوضع لسى مو مستقر عندك واجواء متقلبة .. بدي منك تهدي وتساير وتنفذ المطلوب منك فترة حلوة مقبل عليها اكثر استقرار وتحسن وارتباط .. شريك قديم ع البال وحابب تتواصل معو بأتصال او لقاء وجو حلو ..
صحياً:انتبه من مشاكل معوية وحافظ على نظافة الاطعمة ومن الوجبات السريعة لان البعض عندو تسمم.

#الميزان ♎
مهنياً:من الايام الداعمة الك لتواصل وانفتاح اكتر وعم يكون في معارف وناس جديدة بيومك وتواصل مع اشخاص بعيدة وشراكات وشخص غالي عليك عم تتخلص من ضغوط ومن اوراق وقصة بالبيت وفرصة مشروع او مجال جديد وفي مساعدة بيومك وقصة بيع او شراء واذا مفكر تسافر او يكون في شي بخص دراسات العليا الجو مساعد واجواء حلوة بمشوار او عزيمة واختبار بيومك بس انتبه من الحوادث والاعطال بيومك ..
عاطفياً ❤️ :ممكن ترتاح من الضغوط العاطفية وامورك بتتحسن وفيك تلاقي الحلول اذا علاقتك متوترة .. الامور بشكل عام فيها حب وعاطفة واتصالات واجواء حلوة وعلاقات متعددة وشخص جديد بحاكيك .. لاعزب ارتباط وتواصل والمرتبط تطورات بعلاقتك للافضل .. البعض لا تاخد قرار مهم او تكون عنيد وحافظ على انجازاتك الي حققتها بعلاقتك بالايام الماضية ..
صحياً:مشاكل بلاطراف وعم تعاني وجع مفاصل والبرودة الي عم تكون بجسمك ..

#العقرب ♏
مهنياً:يومك في امور مالية وقصص مشتركة وحتى ممكن تفكر تصفي حسابات بالمال او تتخلص من بعض الاشخاص المزعجة بحياتك يومك افضل بعد قلق وضغط عليك نفسي وماكنت مرتاح حلول بتلاقيها بيومك بالمال وبلاوراق والمعاملات الحكومية عم تسدد التزامات ودفع فواتير وممكن تحصل على دين او قرض ومبلغ .. علاقات وعزائم وسفر قصير بيشغل البعض ..
عاطفياً ❤️ :شيل المزاجية من راسك وشكوك الي عم تراودك لان وضعك اليوم ببلش يتحسن بس بدك تعرف كيف تتعامل وتكون هادي .. الشريك ببلش يتقرب وعم يحاول يرجعك والوضع في رومنسية اكتر من قبل .. بتلاقي شخص عم يرجع يتقرب منك او شخص جديد واجواء حلوة بلاخص علاقات متعددة وحميمية عم تكبر ومستقبلك العاطفي عم يشغلك اكتر ..
صحياً:عندك حساسية والجو ماعم يريحك واذا لزم الامر شوف طبيب ..

#القوس ♐
مهنياً:في ضغط وتوتر ويمكن مهم تحسم امورك بلاخص بموضوع شراكة مع شخص عندك خيارات بيومك ولازم تعرف تختار وما تخرب الوضع من جديد في فرصة عقد او شراكة وانت كتير بحاجة لتظبط معك شغلة ع القليلة حاول تروق وتهدي وتستغل الفرص .. في لقاء مهم او لتبلش عمل وتشوف نتائج قريباً .. تفاهمات على بعض الاساسيات وحلول قضائية او ادارية وممكن يجيك مال اذا داخل شراكة ..
عاطفياً ❤️ :الاعزب فرصة لشراكة جديدة والمرتبط بدك تهدي حالك ولا تعصب وبلا توتر بيومك لان مو لصالحك بكون .. الفرصة قدامك اذا كنت هادي لتصلح الامور بعيد عن الاستفزاز وتوتر وتنازل شوي من شان الوضع احسن ماتخسر علاقتك .. فرصة كمان عند البعض لترجع علاقة او تبدا علاقة وشراكة جديدة ..
صحياً:خفف سهر وأنتبه على صحتك ونام منيح ..

#الجدي ♑
مهنياً:عندك ضغط شغل ولازم تخلص امورك ع الاخر اليوم فايق بكير وبدك تخلص رتب امورك منيح لتتخلص من ضغط وتحل قصص مهنية او بالعيلة وترتاح صحياً حتى عم تعمل وعم تشتغل وماعم تلاقي مين يقدر .. عندك شغل جديد ولامور بعد هاليوم افضل عندك لترتاح وتتخلص من المسؤوليات وتنقلات وممكن تحصل على مال من شغلك او تطلع مشوار وعزيمة المهم تنتبه ع صحتك ..
عاطفياً ❤️ :وضعك مو مريح بلاخص المرتبط الغير متزوج ووضعك بحاجة لراحة وتفاهم لانك مو راضي عن الشريك وعن تصرفاتو .. بحاجة للاهتمام و للانسجام ولامور بحاجة لترجع متل قبل ويكون في اريحية وصراحة وضوح بعلاقتك حتى تستمر علاقتك بشكل المطلوب بس بشكل عام الامور بتروح للافضل ممكن تنشأ علاقة جديدة او علاقات صداقة غالباً ماتتحول عندك لحب وممكن حدا يصارح بمشاعره ..المتزوج نوعاً ما افضل وتحسن تدريجي مع الزوج ..
صحياً:بتعاني مشكلة بصدر او نخز ريح حالك وخفف تدخين او اركيلة وريح حالك نفسياً وجسدياً ..

#الدلو ♒
مهنياً:يومك حلو بعلاقات وعاطفة وصداقات ومصالحات وممكن اشخاص قديمة بترجع .. بتكون محط اعجاب وبتكون جذاب بيومك وطاقة وتحسن بالوضع العام فترة ايجابية ولقاء مهم وخبر منيح وتحل مشكلة عندك بشغلك او بالعيلة وفرصة ليجيك مال وعزيمة وتنقل قصير وقصة طفل او انجاب للبعض ..
عاطفيا ❤️ :يومك منيح وتغيرات عاطفية بتكون محور اهتمام وعم تتلبى واعجاب من الجنس الاخر وفي فكرة أرتباط .. المرتبط تحسن وانسجام احسن من قبل بعد فترة كنت ضايع فيها والحلول ابداً ماكانت موجودة عندك .. والاعزب فرصة لتتعرف على شخص جديد واعجاب .. بتتحسن امور العلاقة وتواصل مع شخص قديم وتحسن بالوضع والفترة القادمة جيدة لتفكر بحدث مهم وشراكة عاطفية او خطبة قريباً ..
صحياً:فكر بنظام جديد غذائي رياضي وشوية تشنجات بالمعدة ..

#الحوت ♓
مهنياً:عم يكون يومك اغلبه بخص امور عائلية وعقارات .. بحاجة لحلول بالعيلة وانتبه لا تفوت بجدالات ونقاشات مع حدا بالعيلة وفي امور عندك مصيرية وحاسمة لازم تعرف تتعامل وتنتبه لوضع صحي بالبيت وماتغلط مع حدا .. ممكن تعمل تغييرات بالبيت او تصليح وحتى اذا مفكر تغير بيت ومكان اقامتك لامور بتساعدك .. انت بحاجة تبعد عن ناس الي حواليك وتطلع من هاضجة ولارهاق امورك المالية بحاجة لدعم ومساندة هدي بوضعك العائلية ولا تكبر الامور .. في لمة ومشوار مع العيلة للبعض .
عاطفياً ❤️ :مو مرتاح اليوم لوضع علاقتك وبتحس في توترات محيطة عم تأثر عليك ومواجهات مع الشريك بدي منك تهدي وتريح حالك وتحاول قدر الامكان تلاقي حلول وتفاهم وتكون مقنع حاول تفصل بين حبك ولامور العائلية كمان .. اليوم بدو دبلوماسية عاطفية ومافي شي بيبقى على حالو لا تخاف يوم وبيمضى وتدريجي انت افضل .
صحياً:في ارهاق وتعب عندك بس كمان لا تشتغل شي مو الك مو ناقصك مشاكل صحية ..

#برجك_اليومى 🔮 🌹 #أبراج_ماغي_فرح 🔮 🌹