كتب الصحافي حسن النصار مقال بعنوان “اركص بعد اخوك اركص”
حسن حنظل النصار:
اليوم رحت للگهوة لِأن وصلني خبَر جبار منزل صور نازك الملائِكة وناظم الغزالي، ومخلي بمكانها صورة سعدون الساعدي ورنين تبوني واحمد البشير. !
طبيت لگيته يغني : صمون عشرَة بألف … صمون !!
يابَة جبار شنو القضية، هذا مقهى المحترمين التراثي، بيتنه الثاني، ليش هيچي تسوي بي وشنو هالمسخرة ؟
شنو شمسوي اُستاذ عزيزي ؟
شنو هاي الصور معلگها ؟
هوَ هذا الجيل الشعري والجيل الصحفي الخرطي والغنائي الجديد ! شتريد مني أسوي ؟
مو هيچي صار سيرك مو گهوة !
والله أنتَ بطران يا معالي أمير الفقراء ، أنتَ سمعت تصريحات رئيس الوزراء الي يگول بيها : أرقص معَ الثعابين يومياً !؟
سمعت تصريحات السيد من يگول: أنا أتجرع السم !؟
سمعت الناطق بإسم الحكومة شيگول: توصلنا لقتلَة هشام الهاشمي بس ما نعلن عنهم حتى لا يهربون !!
البلَد الي رئيسه يرگص ويه الثعابين ورجال الدين مالته تتجرع السموم، والرواتب بي تنزل بالتقسيط، هذا أكبر سيرك بالعالم، بس مو لإضحاك الناس وإنما للضحك عليهم !!
والله عمي كلامك صحيح جبار
صبلي حامص ضغطي صعد، وسمعني شعر لرنين تبوني !وخرط مال ابن مشتت وفريقة.
