مع ماغي فرح.. أبراج الخميس 5 تشرين الثاني نوفمبر__2020

((وان_بغداد))

تنشر وكالة أرض اشور الإخبارية، أبراج الخميس 5 تشرين الثاني نوفمبر__2020🔮
🌙 🌛 القمربالجوزاء ♊ الهوائي كوكبه🌍 عطارد……..

#الحمل ♈
مهنياً:يوم حلو تغيرات واجواء افضل ومشوار او اذا عندك سفرة قصيرة و عزائم واجواء عائلية .. فيك تطلع وتغير جو وتعمل تواصل مع محيطك رغم ضغط وكترة ناس بس بدك تنتبه من على صحتك شوي من الجو.. يومك حلو بتلاقي حلول المشكلة تعبتك او بوادر بلشت تبين وفرصة لحجز او اتفاق او تعمل شي ضمن بيتك او تغير شي ونتبه من الاعطال او الحوادث
او قصة مع اخ او اخت المسا..
عاطفياً❤️:يوم حلو جاذبيتك بتزيد وساحر وعندك فرصة لاعجاب او ارتباط المرتبط لقاء وتفاهم عليك بالمساواة وتعزيز الثقة حتى تكون امورك العاطفية بشكل الجيد ولا تعامل الشريك بقسوة لان الغيرة عم توصل لشك وعم يكون في عصبية وهاشي الو عواقب وتهديد لعلاقتك وممكن مشكلة من غيرة او اتصال …
صحياً:نتابع حمية غذائية وننتبه من اشعة الشمس او ضجيج والاجواء صاخبة او صداع ..

#الثور ♉
مهنياً:امور مالية بيومك وعم تجهز لسفر او لقاء مهم ومشوار واتصالات كتيرة .. عم تبذل جهد كبير وعم توظف طاقاتك بمجالات عدة واثق من حالك واثق من انك رح تنجح وتوصل ممكن خبر يوصلك بهاليوم بخص مال او سفر لمهم لاتفقد الامل بالحلول او تكون عصبي ومنرفز وعم تخانق الكل .. فرصة لازم تستغلها بتخص وضعك المالي يمكن في قبض بس نتبه كمان عندك دفع لفواتير ومستحقات او عزيمة ومستلزمات ونتظر مفاجئة حلوة او هدية ..
عاطفياً❤️:بالعاطفة انت محتاج تريح قلبك وبالك لان بتوقع انك مانك مرتاح وعم تحس بتعب من الكل بس الي بدي ياه منك تروق بهاليوم وحاول تكون متفهم للامور وخفف من عصبيتك ونقاشات المستفزة .. ممكن يصير مساعدة او مصالحة .. كون متعاون فترة مو سهلة عم تمر فيها مابدي ياك توصل لمرحلة انو تترك شريك او توصل للأنفصال نشالله امورك بتتحسن بس هدي هاليوم ولامور بتتحسن بشكل كبير من المسا بأتصال حلو او لقاء مميز ..
صحياً:عم تثبت يوم بعد يوم انك قادر تحافظ على صحتك وتوقي نفسك من الأمراض النفسية والجسدية ..

#الجوزاء ♊
مهنياً:اجواء افض وضب ايدك مالياً .. عم تتمتع بطاقة ايجابية عم تزيل ضبابية عن عيونك وعم تتوضح امور قدامك وهاشي بيدفعك نحو تقدم ونجاح وفرص حلوة .. مهما واجهتك متاعب وعراقيل انت قادر ترجع من جديد لان عندك بهاليوم حلول منيحة لمشاكلك ونشاط اكتر وحركة بتفكر منيح بالايام الي جاي فترة مميزة اجتماعياً وعائلياً واجواء حلوة بتعيشا في اتفاق على شي مالي ومصاريفك كترانة ..
عاطفياً❤️:رغم العزلة وبعض الأخطاء بعلاقتك وتصرفات مانها مريحتك بحاجة لتعيد حساباتك من جديد وتعطي اهتمامك لشريك ولامورك الشخصية ممكن في بعض الاخطاء الغير مقصودة عم تغض نظر عنها يومك حلو عندك جاذبية وسحر خاص والعين عليك اوقات مميزة بلقاء واتصال وحب ورومنسية ومصالحة والاعزب فرصة لتبلش علاقة جديدة وفرصة عند البعض الخطبة .
صحياً:صداع ومشاكل اسنان عندك وممكن تزور طبيب وحاول تنتبه لبعض تشنجات وطلع من هالجو المتعب ..

#السرطان ♋
مهنياً:علاقات واجواء وعزائم وتدريجي وضعك بيتحسن لمهم لا تشغل بالك .. بدي منك تكون هادي ورايق لأنك مانك ع بعضك مانك مرتاح بنهارك وعم تواجه ضغوط ضمن عيلتك وقصص مابتعرف من وين بتطلعلك هدي ليهدا الوضع وتلاقي حلول دبلوماسية أجواء حلوة بعزيمة او لمة ولا تهتم لشي وجهز حالك للقاء مهم او خبر هاليوم ..
عاطفياً❤️:امورك في طريقها الى الحل اذا كنت هادي ورايق بتصرفاتك ومعاملتك مع الشريك مرق هاليوم على خير وتقرب اكتر وحاول تشارك الحظات الحلوة مع الشريك او عم تخطر ع بالك اجواء او ذكريات لمسا امورك تدريجي افضل انسجام وتفاهم ومصالحات ولقاءات او اتصال واجوء حلوة ناطرتك ..
صحياً:خليك حريص على صحتك ونتبه من بعض الامراض المعدية ..

#الأسد ♌
مهنياً:عاطفي بيومك وعلاقات وناس كتار او عندك زيارات ومشاوير .. خلص ضروري لترتاح وامر طارئ و اجواء اجتماعية مميزة عم تكثف من جهودك وطاقتك عم تزيد والك تأثير وجاذبية وعم تكسب محبة رفقاتك والمحيط فيك وعندك لقاءات واتصالات مع حدا بعيد وعم تعزم حدا لعندك او انت عم تنعزم واحلامك كتيرة وممكن توصل وتلاقي حلول لمهم لا تخلي لامور تفلت من ايدك وحاول تبقى مسيطر على الوضع لتنجح وتوصل …
عاطفياً❤️:فيك تلتقي الشريك او اتصال اذا بعيد عنو واذا في سوء تفاهم نشالله بتلاقيلو حل وخلي خط لرجعة ع طول .. حاول تستغل الاجواء وتنبسط بيومك معو ولا تفكر بشي تاني سوا تقرب منو وتعزز واقع العلاقة بعيد عن تشنجات والاستفزازات ولاجواء المحيطة ..
صحياً:خلي اولوياتك الاهتمام بصحتك هالفترة ولا تتهاوني بأي وعكة صحية .

#العذراء ♍
مهنياً:بحاجة لراحة ضغوط عم تعبك ومستجدات جديدة ونتبه من اي سوء تفاهم ولا تخالف القوانين مانك مرتاح بهاليوم عم تكون متلبك والامور فايته بعضها ماعم تركز وطاقتك مسلوبة نتبه لمواعيدك ولامورك وعلاقاتك برغم الاجواء الاجتماعية منيحة وعم تطلع وتغير جو وعم تناقش شغل أو حابب تعمل تغييرات جديدة حاول تكون دقيق باي شي مهم عندك اذا في شغل او عقود او اوراق وبالمال وبدي منك تنتبه من بعص ناس الي عم تحاول تشوه سمعتك تدريجي وضعك بيتحسن بهاليوم المهم روق شوي صبح ..
عاطفياً❤️:حاول تقضي وقتك مع الشريك بين اتصال ولقاء وتطلع من الاجواء سلبية الي مرت عليك فيك تروح لاماكن ترفيهية او مناطق تريحك نفسياً لانك كتير بحاجة لتسمع كلام حلو وتغير وتعمل شي جديد بعلاقتك وهاشي ممكن يضخ دماء جديدة بالعلاقة لامور بتوقع منيحة اذا قدرت تبتعد عن العصبية ونرفزة وتعرف كيف تتعامل مع المواقف بهاليوم ..
صحياً:لازم تركز على امورك صحية وتنتبه حاول تاخد بنصيحة ..

#الميزان ♎
مهنياً:يوم اجتماعي تنقلات واتصالات وناس جديدة .. تتطورات بوضعك وتحسن نفسي وعائلي وضب ايدك مالياً عم تكون محبوب والك حضور مميز وامورك عم تتحسن من جديد وضغوط بتبلش ترتاح منا يوم مميز لعلاقات وناس جديدة وزيارات وتعارف وسفر قصير او مشوار وحرية اكتر بالحركة ومهارات وشيء جديد لصالحك وأتصال مهم وتغيير ببرستيجك وشكلك وشي بزيد من شعبيتك ..
عاطفياً❤️:من الايام داعمة لترتاح من الوضع المتعب والي كان مسيطر على علاقتك يمكن ترتاح وفي تقارب مع الشريك وتصرفاتو عم تتحسن .. راحة نفسية وحرية عم تتنفس صعداء من جديد في نقاشات بأمور عملت مشكلة بوقت سابق ويمكن كان في انتقادات كتيرة .. فرصة لأرتباط ولتبلش بعلاقة جديدة .. يومك عاطفي أستغل جاذبيتك لكبيرة بلاخص اذا في لقاء واتصال لتغير وتحسن الوضع او لتعمل صلحة ..
صحياً:لا تتهرب من مسؤولياتك الصحية لتكون بوضع جيد ونتبه ع صحتك من الجو ..

#العقرب ♏
مهنياً:اجواء عائلية ومالية وتنقلات ومشوار واتصال حلو .. بترتاح نوعاً ما تنقلات وحركة وعلاقات كتيرة وناس جديدة ورفقات وزيارات ومشاوير واجواء عائلية بتتحسن وعندك حل لمشكلة او عم تبحث حلول مبدئية لمشكلة قضائية وادارية هاشي كتير بساعدك بقادم لايام لخلق فرص افضل وتتخلص من بعض المستحقات وبتناقش موضوع دين وتوقع خبر حلو بخص المال ومكاسب معنوية ..
عاطفياً❤️:لا تتردد بشي وخلي قراراتك من راسك ولا ترد على ناس او المحيطين فيك .. مصارحة ومصالحة بيومك وامورك بتجاه تحسن ملحوظ وعندك اجواء وكلام كتير هاليوم بدك تحكي بما يتعلق بالوضع مع الشريك حقائق قد تكتشف ونشالله كلو لمصلحتك واتصال طويل ..
صحياً:بترتاح من مرض واي شي ممكن يريحك صحياً ونفسياً عملو ..

#القوس ♐
مهنياً:قصص شراكات ومال بيومك بيشغلك ..نتبه لامور الشراكات قد تنهي شراكة متعبة وتبدء اخرى .. قد تجبر على فك عقد او شغل او تنهي اتفاق ضعيف وماعم يجبلك نتيجة .. خلي زمام الامور بأيدك ولا تفقد سيطرة عليها لان كتير ناس بدا تستغلك انت ضايج ومانك ع بعضك وحابب تغير روتينك وهالأجواء المملة بهاليوم حتى عم يكون عندك صرف مالي والتزامات ولقاء وعزيمة والبعض رح بناقش موضوع شراكة جديدة نشالله بكون افضل الك ..
عاطفياً❤️: عصبي ومزاجيتك متقلبة وماعم تثبت على شي ممكن خبر او شي صاير معك يخليك مو رايق حتى شريك ماعم يريحك .. نتبه لمعاملتك معو وحاول تلبي طلباته ولا تشتغل شي من راسك الثقة وتفاهم افضل طريقة لاستمرار علاقتك نتبه وكون حذر بمعاملتك .. حتى كمان البعض عم يتم شراكة عاطفية بهاليوم عزز علاقتك لتنجح فيا او لتوصل لخطبة وزواج بلايام الي جاي وحب قادم عم يتواصل معك ..
صحياً:كتير بحاجة للهدوء وراحة الجسدية والفكرية وتكون بعيد عن محيطك المهني والعائلي..

#الجدي ♑
مهنياً:يوم مشغول وعندك كذا قصة وشراكة جديدة .. عم يكون عندك اهتمامات كتيرة وعم تفكر كتير وعم تكثف الجهود بهاليوم رغم الكركبة لتتخلص من تعب وضغوط حاول تنتبه صحياً لان في قصص عم تصير معك متعبتك .. عم تلاقي اتفاق وعم تحط نقاط على الحروف وبدي منك تفتح صفحة جديدة لانو قدامك امور منيحة بس بدا شوية وقت عيد حسابتك ونظم امورك ممكن يحملك هاليوم فرصة حلوة وعم تسعى لتغير روتينك واكيد قريباَ هاشي نتظر خبر بريحك وتحسن بشغلك ولقاءات ومكاسب وشراكة عاطفية او مهنية..
عاطفياً❤️:الأجواء مكركبة وفي برود بيلزمك تزيد من عاطفتك ولا تلتهي بشي تاني حاول تنتبه لشكوك والغيرة بنصحك تنتبه لطريقة معاملتك حتى لا يتفاقم الوضع اكتر او توصل لسوء تفاهم وبلاخص عندك حساسية من اي كلمة ممكن تسمعا ..ضغوط نفسية كتيرة بعرف هاشي تقرب من الشريك وخليك مهتم شوي لاموره وكلمتين حلوين بعتقد امورك بتصير افضل بدك تساير لان يومك في تحسن تدريجي او تقضي مشوار او تطلع معو ولاعزب فرصة تعارف جديد ..
صحياً:عندك تعب جسدي وارهاق ومشاكل العضلات والرقبة ونتبه من زيادة الوزن والبعض بزور طبيب لوضع صحي لمقرب ..

#الدلو ♒
مهنياً:انت افضل بنهارك واجواء حلوة بالعيلة وبشغل وعم تحس بامل جديد قادم .. منيح يومك لتصلح مشاكل تعبتك بوضع بيتك وبالعيلة .. دعم عم تتلقاه قد يفسح لك مجالات جديدة وخيارات اكثر واوسع وتخلص من قيود عانيت منها … اتصالات ورفقات وممكن لقاءات او لتجهز لسفر او مشوار ومال بيومك بين قبض ودفع .. في راحة نفسية نتيجة بعض الخطوات الايجابية الي رح تكون عندك بهاليومين نشالله بلاخص بامور شغل يوم فيك تطلع مشوار وتنبسط بيومك بمكن حلو وبريح البال ..
عاطفياً❤️:تطورات حلوة بيومك بدك تحط نقاط على الحروف وممكن ارتباط او اعجاب جذاب وساحر وعندك كاريزمة حلوة والقلب اليوم غير رغم الألم بضلو بخير وقادر توقف وتتجاوز اي محنة رح يضل جواتك طفل صغير مهما الوجع كبرك جاذبيتك حلوة وروحك المرحة عم تعطيك طاقة استغل هاشي لتأثير على الشريك ويكون في مصارحة بالمشاعر لانك كتير بحاجة له شي او لتبدا قصة حب جديدة او للقاء طول كتير او قديم عم يكون في تواصل واتصال ..
صحياً:بحاجة للاستقرار صحي وتبقى محافظ على وضعك منيح ولا تتشائم .

#الحوت ♓
مهنياً:يوم عائلي وتدريجي انت افضل وتغيرات بوضعك .. لا تخلي سلبيات وشكوك تأثر عليك خلي هاليوم يمرق بدون مشاكل .. عم تعاني ركود وحساسيات ووضع عائلي وعم تتأثر علاقتك بمحيطك عم تحب تكون لوحدك ومابدك تشوف حدا في ظلم في خذلان وردود افعال مو منيحة في كركبة بوضعك ومتعب نفسياً حاول تكون صاحي ولا تخرب كلشي وعليك بتسويات وبعد عن المواجهات افضل على الاقل بنهارك وتدريجي الامور بتتغير واجواء افضل وطاقة بترتفع ..
عاطفياً❤️:اذا كنت على خلاف مع الشريك حاول تقرب وجهات نظر وتحل هالمشكلة لانو في شي من جواتك متعبك منو واهمالوا لألك عم يخليك قلق وسوء تفاهم ممكن يحصل حاول تتجنب هاشي ومرق هاليوم على خير لانك مقبل على تطورات جديدة .. وممكن تشوف ناس غاليين عليك المسا او شخص قديم عبر صدفة وتحسن بعلاقتك واجواء عاطفية المسا ..
صحياً:لا تأجل اي شي بيتعلق بأمورك الصحية واعمل كلشي بحسن صحتك ..

🔮 🌹 🔮 🌹