الابراج اليومية.. تعرف على حظك اليوم

((وان – متابعة))
🌙 🌛القمربينتقل لبرج الميزان♎ الهوائي كوكبه🌍 الزهرة …
#الحمل ♈
مهنياً:القمر ببرج الميزان يوم لشراكات تحسن تدريجي وطاقة وتركيز .. ممكن تبلش بشي جديد وعم تحاول تطور بشغلك وعندك افكار جديدة لتعمل شي افضل .. لا تدخل بنقاش او جدال مع حدا لان ما في منو نتيجة .. عندك عتب ولوم على شخص مقرب .. تحسن مهنية ومالي حتى بترتاح صحياً ونفسياً من بعض ضغوطات .. وبعض الشراكات الضعيفة ممكن تنتهي وتبدأ أخرى عند البعض ..
عاطفياً،❤️:الاعزب عندك شراكة جديدة والمرتبط ركز ..
هدي شوي من انفعالك وعصبيتك ولا تخلي صوتك يطلع .. لوضع بدو نتعامل بدبلوماسية وماتصعد بهيك يوم مزاجي ومتقلب بلاخص اذا في مشكلة او توتر او جفا وزعل .. ممكن في خبر او ناطر قرار او شي بخص علاقتك نشالله بصير ..
صحياً:اهمالك لصحتك هو احد اسباب تراجع وضعك صحي نتبه لتعليمات المقدمة وامورك بتتحسن وفيك تطلع وتغير جو وتعمل استجمام ..

#الثور ♉
مهنياً:القمر ببرج الميزان عندك شغل ومسؤوليات وماعم تلحق .. فايق بكير وبدك لتخلص شغلك والتزامات لا تخلي الامور تتراكم عليك وبلش بضروري يوم كمان في امور مالية او ناطر شي بخص المال او بحاجة لمبلغ مالي وتأجيل مبدئي عم يصير قصص عائلية بتشغلك وانت ماعم تركز وفي ملل وضجر من مواضيع حكيت فيا الف مرة ومافي حدا عم يفهمك .. رتب امورك ولا تأجل شي واذا بدك مساعدة لا تتردد عم يشغلك موضوع سفر وممكن شغل جديد ناطرك هالفترة .
عاطفياً❤️:المرتبط شريك مو مريحك نفسياً ولا بتصرفاتو بتحس عم يلف ويدور كتير او عم يخادع وهاشي ماعم يخلي الامور تستقر .. نتبه من قراراتك او تتسرع بشي وخليك دبلوماسي وناقش بهدوء وبجدية اكتر لتلاقي مخرج له لوضع .. حاول كمان تضبط عواطفك تجاه بعض الاشخاص المقربة .. لاعزب فرصة لاعجاب وتتطور بالعلاقات عندك ..نتبه من علاقات المصالح او من حدا عم يتقرب منك لمصلحة او ممكن شريك عندو وضع ولازم تهدي هالفترة عليه..
صحياً:لا عذر لك بعد اليوم بمواصلة اعمالك وانشطتك الرياضية ويمكن وضع حدا من عيلتك بيشغلك ..

#الجوزاء ♊
مهنياً:القمر ببرج الميزان تطورات مالية عاطفية وقصة اطفال .. يوم حلو بالحظ وطاقة وبتلاقي انفراج
بوضعك عندك تنقل او عم تحكي بقصة سفر عم تنجح بأعمالك وبتخلص الامور المهمة وضرورية بيومك عم تجهز لمرحلة جديدة بشغلك وهاشي ممكن يزيد مدخولك المال وعندك فرصة لدخل مال او من عمل اخر بتتلقى دعم ومساعدة وممكن في عرض مغري .. اجواء حلوة ولقاءات مميزة واتصالات وبتلاقي دعم بعدة مجالات ..
عاطفياً❤️:جذاب وعندك سحر خاص والقلب اليوم غير ممكن دخلت او بدك تدخل ارتباط جديد .. اجواء حلوة وعاطفية وناطر تلاقي حلول لعدة مشاكل بعلاقتك ونشالله هاليوم داعم الك ليكون في مصالحات ولقاء واتصالات بريحك وشريك قديم ممكن عم يعود على الواجهة من جديد .. يوم جيد استغله بالحب ورومنسية وارتباط ..
صحياً:عم تعطي وقت لصحتك وعم تعمل وقاية وهاشي كتير منيح لتجنب اي تطور صحي او اصابة بأي وعكة صحية ..

#السرطان ♋
مهنياً:القمر ببرج الميزان عندك قصص ببيتك بتشغلك انت مزاجي بتعاملك نتبه من تسرع او تكون عجول وحافظ على كلامك حتى ماتسبب بمشكلة او توتر .. بدي منك تهدي حتى ماتزعج حدا بدون قصد حاول ماتروح ورا اهوائك ورغباتك ونتبه لامورك المالية والمصاريفك وهتم بالمتطلبات ضرورية .. مشغول بقصص عائلية وعقارية وعم تسببلك ضغط وهاشي ممكن يتعبك هدي وروق هاليومين بس ..
عاطفياً❤️:شريك عم يتعبك وتصرفاتو بتستفزك
بس هاشي مابيغني انك تكون حكيم وتصرف بعقل
افضل الك وللوضع بشكل عام نتبه ع وضعك ولا تقدم على اي تصرف بدون دراسة او تاخد قرار مهم هالفترة . فكر بعلاقة حلوة تريحك بعيد عن توتر والاضطرابات ..
صحياً:نتبه من عصبيتك ومن ناس الي عم تخليك توصل له المرحلة وفكر بقراراتك صحية بشكل دقيق..

#الأسد ♌
مهنياً:القمر ببرج الميزان لا تخلي الحيرة تسيطر عليك واحسم امورك مو كل شوي بعقل شكل شي بدي وشي مابدي ركز وخليك جريء وندفع شوي معلش .. بتفكر بسفر او عندك تنقلات وحسم امر مهم يوم في اتصالات وخبر او لقاء وفي طلب وبتتخلص من بعض العراقيل وصعوبات .. حرية بالحركة وتواصل وناس جديدة وشي بخص عقارات او سيارة او موبايل ..
عاطفياً❤️:في نقاش وحكي بصير وامر لازم يتم الاتفاق عليه .. جذاب وحليان رغم في قصص عم تعبك وبحاجة للاستقرار لتظبط معك بدي منك تتصرف مع الشريك بهدوء وكون حذر وشوي شوي بتحصل على الشي الي بدك ياه ولاتخاف على وضعك لامور بتتحسن بشكل تدريجي .
صحياً:اعطي صحتك الاهتمام الكافي لان ممكن عندك وضع صحي قادم اذا مانتبهت منيح او عملية قريبة..

#العذراء ♍
مهنياً:القمر ببرج الميزان بتشغلك امور مالية بحاجة لتنظيم واعادة لحساباتك واكتر جرأة بقراراتك مهما نفرض عليك فكر منيح باي خطوة ولا تتردد لان اوقات تردد عم يخليك تخسر كتير ساير بشغلك وفي امور مالية بين صرف وقبض وممكن تسترجع دين او احد حقوقك .. قصة بتخص الابناء و الاطفال ونشالله في فرحة عندك .
عاطفياً❤️:وضعك العاطفي عم يعملك قلق وحاسس بخيبات امل عم تنتابك وانو مافي شي عم يكمل ويظبط . روق وهدي حالك ولازم تساير وتعرف كيف تتعامل مع الشريك وتفهوم وتحسن وضعك .. وممكن البعض ينطلق بعلاقة جديدة او سرية وفي مبادرة جديدة..
صحياً:مارس المشي كل يوم ساعة بترتاح نفسياً وجسديا..

#الميزان ♎
مهنياً:القمر ببرجك بعد فترة متعبة حظ وطاقة واجواء منيحة .. عم تتحسن الامور عندك بعد ماكان في عرقلة وتأجيل خبر وقرارات لصالحك وبتبلش بشي جديد تحسن مهنية ومالية وتطورات اجتماعية وبتلاقي لكل حواليك حتى بتتعرف بناس جديدة وبتروح اماكن جديدة ولقاءات واتصالات وعزائم واكل طيب ..
عاطفياً❤️:انت مقبل على تحسن عاطفي واتصالات ومصالحات .. من الأيام الحلوة عندك بتكون جذاب والعين عليك وعم تحاول تقنع الشريك بوجهة نظرك او هو عم يحاول يقنعك بشي انت مابدك ياه حاول تستفاد من دعم الفلك الك باتصالات وتواصل طويل او لقاء لتوصل لشي لبدك ياه والاعزب فرصة ارتباط او عجاب مبدئي وممكن شخص قديم ..
صحياً:نتب من الانفعالات وخفف عصبية وخليك هادي ونصيحة طنش ..

#العقرب ♏
مهنياً:القمر ببرج الميزان ضب ايدك على مصاريفك ونتبه من توتر بشغلك وبعلاقاتك او مع المسؤولين .. مانك مرتاح وتعبان وعليك ضغط بس روق هاليوم ولا تعصب ولا تدخل بمواجهات مع حدا رغم عندك طاقة لتعمل كلشي بس انت مو مرتاح من جواتك بحاجة بهيك يوم لتنتبهلي لامورك المالية واذا بحاجة اطلب بلا مزاجية بهاليوم ولا تتأفف من الوضع .. في رفقات وناس بتوقف معك واتصالات بتكتر وعرض مقدم الك وممكن تلاقي حل لقضية ما بمساعدة شخص ..
عاطفياً❤️:مابدي منك تفكر بسلبية او تتخذ اي قرار وتخلي الانفعال والعصبية او ردة الفعل تأثر عليك مابدي ياك تندم او تخسر احسب حسابك ولا تتسرع وأحسب طريق لرجعة فترة فيها برود وفتور عاطفي هدي وكلشي بيتحسن والبعض عندو علاقات وحميمية او ممكن يتعرف على شخص تتطور العلاقة قريباً..
صحياً:اعتمد على الفيتامينات لتقوي جهازك المناعي وتتجاوز بعض التهابات ..

#القوس ♐
مهنيا:القمر ببرج الميزان تنقلات كتيرة او سفرة قصيرة وعندك اختبار لقدراتك او مقابلة.. امورك افضل من قبل حظ وطاقة وناس بحدك وحواليك بتشوف حدا غالي وناس بتحبن واجواء اجتماعية لمة حلوة وقادر توصل افكارك وتقنع وممكن تلاقي دعم لا تتردد اذا بحاجة .. بس بدنا طنش على بعض الانتقادات الي ممكن تطالك لا تهتم لحدا في كتير ممن يشككون بقدراتك وخبرتك .
عاطفياً❤️:بتكون جذاب وساحر بحضورك والك مكانة عند الكل بدي منك تهدي الامور مع الشريك ولا تعتب على شي وبلاخص بهاليوم حاول ماتصعد الخلافات كلمة منك وكلمة منو بتروح لطريق مسدود لايام جاي بتحملك اشياء أيجابية روق اليوم وبلا مزاجية بكلامك وافعالك .. والبعض بميل لتعدد العلاقات .
صحياً:في عملية بتشغل البعض او اذا حاسس بتعب واضطرابات شوف طبيب لتطمن ع وضعك .

#الجدي ♑
مهنياً:القمر ببرج الميزان اتصالات بتكتر هالفترة وشي بخص شغل او علاقات مع ناس مهمة وقصص ضمن وظيفتك بتشغلك .. فايق بكير وعندك شغل بدك تخلصو لترتاح لان حاسس متل الهم ع قلبك.. لا تخلي شي يتراكم عليك وخلص اعمالك وحل مشاكلك بهاليوم خليك حذر بمعاملتك بلاخص من اصحاب المناصب والمسؤولين والمدراء وتقرب منهم وأستغل هاشي قدر الأمكان لصالحك وتلاقي حلول وتهدي الوضع الي كركبك تغيرات بشغلك وعروض فكر منيح وناس جديدة بيومك .
عاطفياً❤️:الاعزب فكر منيح وخلي وجهة نظرك تروح للمستقبل وتاخد قرار مهم بعلاقاتك وبعد عن علاقات عم تاخد وقت ع الفاضي .. المرتبط في اهمال وعدم رضى بيومك مابدي تزعل من اي موضوع روق هاليومين وممكن في خلافة بلعيلة مع الشريك بدو هدوء وإلا الوضع مو لصالحك ..
صحياً:نتبه من نوم تحت المكيف او المروحة بشكل مباشر لان رح تتسبب بمشاكل أسفل ضهر ومفاصل وبين الاكتاف وخفف تناول طعام ليلاً ..

#الدلو ♒
مهنياً:القمر ببرج الميزان طاقة وحظ وفي جرئة واتفاق .. عم تفكر صح وبتنجح بهاليوم بلاخص اذا بتجارة او اذا عندك اختبارات ولقاء مهم بتحسمو لصالحك في تنقلات وعم تفكر بسفر اتصالات مهمة ومن ناس بعيدة او غريبة وممكن مال يجيك او عم تسعى لتحصل عليه استغل الفرصة اليوم وتغير الامور لصالحك وكن على استعداد لمرحلة قادمة افضل الك ..
عاطفياً❤️:لقاءات واتصالات وتواصل طويل واجواء حلوة
حسم بعلاقاتك بهاليوم بلاخص لمن وضعه متعب او اذا مفكر بخطبة او زواج .. الأعزب يومك مميز وداعم الك وفرصة لتلتقي شخص تتطور علاقتك في او حب جديد نتبه للمبالغة بأمورك العاطفية أو تروح ورا علاقات مارح تجيب نتيجة .
صحياً:بتتحسن امورك الصحية نتيجة تحسن ظروف
وعندك قدرة تشتغل كتير اشياء اليوم ..

#الحوت ♓
مهنياً:القمر ببرج الميزان بتشغلك امور مالية وبدك لتشتغل شي يغير من الوضع .. فرصة ممكن تجيك او شراكة مالية حاول تستغل الفرص لاتفاقيات ومصالحات وحلول لمشاكل قانونية وادارية .. اتصالات بتكتر وممكن تحصل على مال من اتعاب او يمكن ماكان ببالك .. الجو واعد وانفراج وتحسن الك ومشوار وضب ايدك ع مصاريفك لان عم تدفع مال على قصة ما .. والبعض عندو قصة ميراث او شراكة بتشغلك ..
عاطفياً❤️:مزاجيتك رح تعبك ومشاكس بيومك .. مابعرف حاسك مالل ومابتعرف شو بدك وكل ساعة فكرة بتجي وقصة بتروح ومارح ترضى تتنازل او تنكسر او تعتذر .. مشاكل عم تكون بيومك حاول تهدي وتتفهم الامور وتكون صبور وحاول تسعى لتطوير العلاقة ولتوصلها على طريق الصحيح ..
صحياً:صحة حدا مقرب بتشغلك .. والبعض خطوات اكتر فعالية لتحسن امورك صحية ..

أخبار ذات صلة

زر الذهاب إلى الأعلى
آخر الأخبار