yobit exchange
الابراج اليومية.. تعرف على حظك اليوم | | وان

الابراج اليومية.. تعرف على حظك اليوم

#ابراج_اليوم الاربعاء 12 فبراير 2020

((وان_بغداد))
• حالة القمر اليوم: القمر عم ينتقل اليوم لبرج الميزان الهوائي وعم تتبدل الأجواء الفلكية والحالة المزاجية العامة وبطبيعة الحال الحظوظ عم تبدء ترافق مواليد ابراج الهواء الجوزاء الميزان و الدلو وطبعا بذكر انو القمر عم يكون بمرحلة الاحدب المتناقص بنسبة اضائة 85% 🌖.
• الحالة المزاجية العامة والأعمال المناسبة المرافقة لوجود القمر في برج الميزان الهوائي: عندما يتواجد القمر في برج الميزان نصبح اجتماعيين جدا وحكماء ودبلوماسيين ، ونميل إلى التعاون مع المحيط في الأعمال الراقية وخاصة الفنية و ايضا نرغب في الاجتماع معهم وإقامة الحفلات ، نمتلك ايضا في هذه الأوقات ذوق رفيع ونصبح نهتم بالامور الجمالية ونرغب بادخال الزينة والامور الجميلة على المنزل او السيارة او حتى شراء ملابس جديدة ، على العاطفة هذه الفترة جيدة جدا ويصلح فيها المبادرة لإصلاح علاقة متوترة او لطلب العودة من شريك سابق او حتى لزيادة الرومنسية في العلاقة فإن هذه الأوقات مناسبة لذلك كما انه يصلح القيام بالخطوبة والزواج و السفر وإقامة العزائم ويكره البناء في هذه الفترة لان القمر في برج هوائي.
#الباحث_الفلكي_يوشع_العلي ♥
لا تنسى دعم الصفحة بالاعجاب | 👈 الفلكي يوشع العلي
حتى يصلك المزيد من التوقعات وكل جديد عن عالم الأبراج والفلك تفضل بزيارة الصفحة واضغط على زر المتابعة 👍

#الحـــــــــــــــمل ♈
بعدك عم تعاني من شوية ضغوط وحاسس بالتعب لهيك بدي منك تنظم وقتك وترتب امورك وحاول أنك تنجز كافة اعمالك بهدوء وخليك حذر من الحساد يلي هنن على اساس أصدقاءك.
♥ …. على الجانب العاطفي: انك تكون دبلوماسي شي كتير مهم بالعلاقة وخليك متفهم وذكي و ابحث عن حلول إيجابية لكل مشاكلك العاطفية.

#الثـــــــــــــــور ♉
اليوم عم يكون عندك لقاءات مهمة واجتماعات وتواصل مع شخصيات أصحاب شأن بالنسبة لعملك ومهنتك وعم تحاول تتقدم مهنيا أو تحصل على منصب مهم وكمان رح تنجح الخطط المهنية يلي كنت عم تشتغل عليها الفترة السابقة.
♥ …. على الجانب العاطفي: الأجواء حلوة ومستقرة وبرايي مثالية وعم تقضي أوقات رومنسية مع الشريك.

#الجـــــــــــــــوزاء ♊
اليوم عم تبلش ترتاح عزيزي الجوزاء بس في بعض المسؤوليات والالتزامات عم تسببلك ضغوط لهيك نظم وقتك وفكر تنجز اعمالك بهدوء وذكاء اتأكد انو الحظوظ معك ورح تدعمك اليوم.
♥ …. على الجانب العاطفي: من الضروري اليوم انك تضبط اعصابك وانتبه لكلامك وتجنب ردات الفعل المتسرعة والقرارات العشوائية المصيرية خليك متفهم للشريك و ابحث عن حلول الامور رايحة للافضل بس اليوم انتبه من يلي خبرتك عنهم اهم شي.

#الســـــــــــــــرطان ♋
اليوم من الايام المتقلبة لهيك لازم تكون حذر وتنظم وقتك لانو عندك كتير ضغوط بالعمل كمان انتبه من انك تخالف القوانين ومن الحساد والأعداء وحاول تنجز اعمالك بالوقت المطلوب حتى تتجنب اي خسارة مادية او معنوية.
♥ …. على الجانب العاطفي: اليوم حاول تتقرب من الشريك بالكلام الحلو وخلي يحس انك عنجد بتحبو وما تستعجل الامور وبكفي شك وغيرة.

#الاســـــــــــــــد ♌
اليوم عم يكون عندك طاقة ونشاط وعم تتمتع بحضور مميز وإطلالة ساحرة ويمكن عندك سفر عمل او رحلة او عم تجهز لرحلة بيوم العطلة كمان عم تجرب اشيا جديدة وعم نشوفك نشيط ومتفائل.
♥ …. على الجانب العاطفي: اليوم حاول تضبط الامور اذا كان في مشكلة بينك وبين الشريك وبهدوء فكر بحل جذري وافرض شخصيتك بس بطريقة مدروسة ولطيفة حتى تتجنب اي ردة فعل عشوائية من الطرف المقابل وبقصد الشريك.

#العـــــــــــــــذراء ♍
بعدا الحظوظ داعمة والأوقات جيدة بس ما بيخلي اليوم من شوية ضغوط مهنية وقصص ممكن تزعجك بالعمل كمان القمر عم يكون ببيتك التاني بيت المال لهيك لازم تنتبه ماليا حاول انك تتجنب المغامرات وكمان عيد حساباتك وما تصرف بشكل عشوائي.
♥ …. على الجانب العاطفي: عم نشوفك اليوم عم تبادر لاصلاح علاقتك مع الشريك ويمكن عم تقدم التنازلات او عم يرجع التواصل الإيجابي بينك وبين الشريك.

#المـــــــــــــــيزان ♎
عم تبلش ترتاح اليوم يا مولود برج الميزان وطاقتك عم ترجعلك بشكل تدريجي والحظوظ عم ترافقك واليوم عم تمتلك للحلول الجذرية والمهمة وفي بعض المتاعب والمشاكل رح تنتهي وترتاح منا بس لازم تكون شوي حذر ودقيق بتعاملاتك اليوم وبكرا اكيد افضل باذن الله.
♥ على الجانب العاطفي: حاول اليوم تتجنب المواجهات والتحديات والنقاشات العقيمة والحساسة مع الشريك وكمان ما تستفز شريكك بكلامك او تصرفاتك.

#العقـــــــــــــــرب ♏
ماعم تكون اليوم بأفضل حالاتك وعم ترجع تحس بالتعب وعليك ضغوط كتير لهيك بنصحك تهدي وتكون صبور وانتبه من العشوائية والفوضى رتب امورك وطول بالك طبعا يمكن كمان في شي عندك عم يتاجل وفي قصص عم تزعجك.
♥ …. على الجانب العاطفي: خليك اليوم واعي لتصرفاتك مع الشريك وحاول تقوي علاقتك معو و تجنب الغيرة والشك.

#القـــــــــــــــوس ♐
اليوم من الايام الجيدة نوعاً ما يمكن عندك انفراجات وانت عم تمتلك الحلول وعم تقدر تنجح بس بشكل عام لازم تكون دقيق بشغلك حتى تتجنب اي مشكلة انت بغنى عنا.
♥ …. على الجانب العاطفي: اليوم عم نشوفك عاطفي وعم تعطي الشريك من وقتك وعم تتقرب منو وهيدا الشي اكيد إيجابي والمسا عم تقضي أوقات حلوة رومنسية ودافئة معو.

#الجـــــــــــــــدي ♑
اليوم جيد نسبياً بس عم يكون عندك ضغوط وشغل كتير ويمكن عم تضطر تدخل بتحديات ومغامرات جديدة عم تحطك بطريق شوي متعب ورح تواجه في بعض العقبات والصعاب.
♥ …. على الجانب العاطفي: انت اليوم حساس ورومنسي وعم تقضي أوقات رومنسية ودافئة مع الشريك والأجواء هادية ومستقرة.

#الدلـــــــــــــــو ♒
اليوم عم تبحث عن حلول وعم نشوفك قوي وقادر تواجه الصعاب طبعا عم ترتاح من الضغوط والمشاكل عم تقدر تنجح وتنجز اعمالك وتكون بوضع افضل.
♥ على الجانب العاطفي: الشريك اليوم عم يوقف معك وعم يدعمك وعم تقضوا أوقات حلوة مع بعض.

#الحـــــــــــــــوت ♓
اليوم للعمل عم نشوفك مشغول كتير وعندك التزامات ومسؤوليات وفي قصص شغل جديد او شراكة او ما شابه لهيك بنصحك اليوم تهدي وتكون منظم وانتبه من العشوائية والفوضى والامور باتجاه الأفضل رايحة.
♥ …. على الجانب العاطفي: لازم تحط حد لكل هيدي المشاكل يلي عم تواجهك عاطفيا بنصحك تبحث عن حل جذري وخليك قوي وذكي وايجابي.

• #مولود_اليوم 12 فبراير 🗓
تحية كتير كبيرة الك يا صديقي مولود اليوم بتمنالك عام سعيد وانشالله عقبال المليون سنة طبعا انت من مواليد برج الدلو الهوائي وبانتظارك هيدا العام انفراجات ونجاحات وحلول عم تتمتع بالنشاط وعندك كتير تطورات وما تقلق الحظوظ رح تدعمك.

مقالات ذات صلة

زر الذهاب إلى الأعلى