ابراجالثقافية

الابراج اليومية.. تعرف على حظك اليوم

#ابراج_اليوم الثلاثاء 11 فبراير 2020

((وان_ متابعة ))
• حالة القمر اليوم: القمر عم يكمل ببرج العذراء الترابي وعم يكون بمرحلة الاحدب المتناقص بنسبة اضائة 90% والحظوظ بعدا عم ترافق مواليد الأبراج الترابية الثور العذراء والجدي. 🌖
• الحالة المزاجية العامة والأعمال المناسبة المرافقة لوجود القمر في برج العذراء: عندما يتواجد القمر في برج العذراء الترابي نصبح اكثر واقعية ونجد أنفسنا نهتم في ادق التفاصيل و نصبح شديدين الملاحظة كثيرين الانتقاد، نهتم ايضا في الأعمال الموكلين بها ونصبح ننجز اعمالنا على أكمل وجه، نصبح في هذه الأوقات أكثر عاطفة ومشاعر واحيانا نشتاق إلى الماضي ونتمنى عودته ، نهتم بالأعمال الخيرية ونرغب بمساعدة الناس والقيام بدور اجتماعي مهم جدا ، هذه الفترات نهتم بالقرآة والإطلاع وأيضا نهتم بالعلوم الغيبية والروحانيات، ايضا نرغب في القيام بأعمال جديدة ، يصلح والقمر في العذراء بالقيام بالريجيم وتنظيم الغذاء والإقلاع عن التدخين وأيضاً يصلح قص الأظافر وأيضا شراء الجديد من الزينة والملابس.

#الحـــــــــــــــمل ♈
اليوم جيد نوعاً ما عزيزي الحمل بس عندك شغل عندك ضغوط كتير كمان اليوم انت يمكن شوي متردد او عم تاجل شي كرمال انك ناطر الأفضل هلق هيدا الشي ممكن ما يكون سلبي بس التأجيل والانتظار عم يكونو السبب بتراكم الأعمال لهيك وظف طموحك بانك تطلع بنتيجة إيجابية و ما تخلي الطموح يكون سبب بفشلك او يسببلك مشاكل انت بغنى عنا.
♥…. على الجانب العاطفي: حاول تكون متفهم للشريك اكتر تقرب منو خليك صريح و ما تتسرع بالحكم عليه.

#الثـــــــــــــــور ♉
اليوم من الايام الداعمة الك عزيزي مولود برج الثور الحظوظ عم ترافقك وعم تكون اكتر إيجابية ونشاط كتير مشاكل عم تشوف الها حلول وانت بوضع افضل عم تنجز اعمالك وعم تقدر تنجح وتنتصر على الظروف الصعبة يلي واجهتك بالماضي.
♥ …. على الجانب العاطفي: في هدوء نوعاً ما و في استقرار والأجواء حلوة بس بدي منك ما تخلق المشاكل خليك هادي ودبلوماسي وبلا نكد يا صديقي.

#الجـــــــــــــــوزاء ♊
ماعم تكون اليوم بأفضل حالاتك في عندك كتير ضغوط وقصص زاعجتك وعم تتعرض كمان لخيبة امل باحد الأصدقاء أو الأشخاص المقربين منك على كل حال بدي منك تكون دبلوماسي وهادي فكر بحلول احسن ما تتعقد الامور اكتر كمان تجنب المواجهات والتحديات والنقاشات العقيمة والحساسة.
♥ …. على الجانب العاطفي: بدي منك اليوم تكون حذر ودقيق بتعاملك مع الشريك تجنب قدر الإمكان النقاشات الحساسة معو وخليك دبلوماسي واضبط اعصابك.

#الســـــــــــــــرطان ♋
اليوم عم تحاول تنجز كل اعمالك وكمان عم تفكر بشغل او بمشروع جديد وعم نشوفك ناطر العرض الأفضل او الفرصة المناسبة يعني هيك شي وكمان ممكن تاجل شي هلق بالمجمل اليوم منو سلبي ابدا بالعكس تماما عندك حظوظ بس رح يكون في ضغوط مهنية عليك أما ماليا فالوضع جيد وعندك فرصة سفر.
♥ …. على الجانب العاطفي: اليوم من الايام يلي تعتبر جيدة عم تعيش جو من الاستقرار والهدوء والتفاهم مع الشريك كمان عم تنتهي بعض القضايا العالقة والمشاكل وعم تقضي أوقات رومنسية.

#الاســـــــــــــــد ♌
اليوم جيد بس ماليا وضعك مو كتير منيح لازم تكون حذر وما تدخل بمغامرات وفكر بحلول جذرية والاهم ما تصرف كتير وبشكل عشوائي وبنصحك تعيد حساباتك القمر بالنسبة الك هو بالبيت التاني بيت المال والمطلوب انك كتير تنتبه على هيدا الصعيد اما بالعمل بدي تكون متفهم وتحاول تفاوض وتناقش بأسلوب راقي اضبط اعصابك وما تتسرع بقراراتك.
♥ …. على الجانب العاطفي: اليوم جيد نسبياً بس بدي منك ما تخلق جو من التوتر بالعلاقة لازم تخلي الشريك يثق فيك ما يخاف منك.

#العـــــــــــــــذراء ♍
اليوم انت ملك الأبراج يا عذراء عندك طاقة ونشاط عم تتمتع بإطلالة حلوة و كاريزما ساحرة حوليك كتير معجبين عم تمتلك الحلول المهمة والجذرية لكتير من مشاكلك عم تقدر تنجح وتحقق إنجازات بالمجمل انا بعتبر اليوم من افضل أيام الاسبوع فاستغل هيدي الأوقات لصالحك يا عزيزي.
♥ …. على الجانب العاطفي: اليوم انت عم تقدم التنازلات وعم تبحث عن حلول وعم تنهي المشاكل يلي كانت زاعجتك عم تاخد قرارات جريئة لتوصل للاستقرار يلي بدك يا.

#المـــــــــــــــيزان ♎
اليوم من الايام يلي تعتبر متقلبة بالنسبة الك عزيزي مولود برج الميزان عم تواجه بعض الضغوط والمتاعب والظروف صعبة وعم تكون مو كتير مساعدة لهيك حاول تهدي وتنظم وقتك وابحث عن حلول انا مارح قلك يومك سلبي بس بحاجة للحذر والذكاء والهدوء وبدي قلك اشتغل صح و انتبه من المحيط والحساد وما ضروري تحكي لكل حدا عن إنجازاتك الحديث الشريف بقول استعينوا على قضاء حوائجكم بالكتمان فإن كل ذي نعمة محسود.
♥ …. على الجانب العاطفي: بدي منك اليوم ما تحكم بشكل عشوائي على الشريك خليك هادي ومتفهم الو تقرب منو اكتر وخلي يكون عندو ثقة فيك.

#العقـــــــــــــــرب ♏
اليوم من الايام يلي بعدك عم تكون فيا شوي مرتاح يعني عم تمتلك بعض الحلول المهمة بانتظارك انفراجات وعم تقضي وقت روتيني بالعمل ويمكن عندك لقاءات وأجواء اجتماعية حلوة.
♥ …. على الجانب العاطفي: بدي منك تنتبه من طرف تالت عم يحاول يدخل بينك وبين الشريك ليخرب العلاقة كمان ما تحكم بشكل عشوائي عليه وخليك متفهم الو.

#القـــــــــــــــوس ♐
اليوم انت عندك اختبار او مراقب بعملك فانتبه واشتغل بحذر العيون عليك وما بتعرف مين العدو ومين الصديق لهيك ما تكون عشوائي خليك جدي و واعي وتصرف بحكمة وذكاء مع كل شي بهيك يوم.
♥ …. على الجانب العاطفي: اليوم من الايام يلي ما بنصحك فيا تاخد قرارات متسرعة ادرس كل شي بشكل دقيق حتى ما تندم بعدين كمان ممكن يكون عندك لقاء مهم مع الشريك اذا كنت منفصل.

#الجـــــــــــــــدي ♑
الحظوظ مكملة معك واليوم عم تقدر تنجح وعم تتمتع بالنشاط والحيوية وعندك طاقة إيجابية كمان عم تحقق أرباح ومكاسب وعم تنهي اعمالك وتنجح بشغلك وعم تنال إعجاب المحيط وأرباب وزملاء العمل.
♥ …. على الجانب العاطفي: عم تقضي أوقات حلوة رومنسية ودافئة مع الشريك وعم تعيش الاستقرار او عم تبحث عن الاستقرار وعم تفكر تاخد قرار في حل جذري بخصوص علاقتك او وضعك العاطفي خاصة اذا كنت أعزب او منفصل.

#الدلـــــــــــــــو ♒
اليوم جيد نوعاً ما عم تكون مرتاح شوي ومشكلة كانت زاعجتك ممكن تنتهي كمان يمكن تحصل على فرصة عمل او مال او تحقق أرباح ولو بسيطة بس متل ما بيحكي المتل بحصة بتسند جرة كمان عم تتوسع دائرة العلاقات عندك وفي فرصة للسفر بس خليك دقيق وحذر بشغلك وما تتصرف بعشوائية.
♥ على الجانب العاطفي: عم تقضي اليوم أوقات حلوة مع الشريك وعم تعيش أجواء رومنسية ودافئة.

#الحـــــــــــــــوت ♓
اليوم مو مرتاح عم تكون مزعوج ومتدايق لهيك بنصحك تهدي و ما تسمع لكلام يلي ما بحبو الك الخير كمان انت ما تكون عشوائي يعني ما تخالف المنطق والقوانين وتقول انك الصح لا لازم تكون واعي ودقيق وبنصحك تكون اليوم دبلوماسي.
♥ …. على الجانب العاطفي: بدي منك تحاول تبحث عن حلول جذرية لمشاكلك مع الشريك خليك متفهم كمان انت ماعم تكون بأفضل حالاتك ولازم تكون ذكي وحكيم.

• #مولود_اليوم 11 فبراير 🗓
تحية كتير كبيرة الك يا صديقي مولود اليوم بتمنالك عام سعيد وانشالله عقبال المليون سنة طبعا انت من مواليد برج الدلو الهوائي وبانتظارك هيدا العام انفراجات ونجاحات مهمة عم تحصل على فرص عام جيد وداعم الك فاستغلو يا عزيزي بالشكل الصحيح.

أخبار ذات صلة

زر الذهاب إلى الأعلى
آخر الأخبار