ابراجالثقافية

الابراج اليومية.. تعرف على حظك اليوم

ابراج اليوم الجمعة 06 سبتمبر 2019 ماغي فرح

((وان – متابعة))

القمر☽ببرج القوس ناري كوكبه المشتري..

الحمل ♈
مهنياً:مال وسفر وعزايم وسهرة حلوة .. انت بيوم حلو عم تنشط في اجتماعياً وامور مالية عندك بين صرف وقبض طاقتك بترجعلك وفي تحرر من قيود كانت عندك عم تبذل جهد بشغلك وببيتك واكيد القادم نشالله افضل ولتلاقي فرصة قدامك امام ترقية قريبة او مكافئة بيدعمك هاليوم بسفر او تنقلات وزيارات او مشوار واتصالات وخبر منيح وناس جديدة بتتعامل معا وهاشي بخليك تعمل بعض تغييرات بحياتك وكسر لحاجز الروتين الموجود عندك والممل ..
عاطفياً:تطورات منيحة واجواء ايجابية جاذبية وسحر لا يقاوم .. في خيارات كتير بهاليوم وانت مو حابب تعمل مشاكل مع الشريك هاشي بخلي علاقتك تتحسن نوعاً ما بس مافي مانع ننتبه شوي لنقاشاتنا لان شريك ممكن عم يحاول يعمل مشكلة من ولا شي بس الحظ بحالفك وبكون معك والبعض عندو خيارات كتيرة بهاليوم بس حاسس انو الارتباط ممكن يقيد من حريتو ولهيك انت رافض الفكرة بالوقت الحالي رغم ظروف ممكن توفر هاشي وممكن ارتباط وبلاخص لاعزب .. بلمجمل شويت رواق ويومك بكون حلو..
صحياً:نتبه لاكلك ممكن عم يزيد هالفترة فاتوقع زيادة الوزن اكتر بلايام جاي اذا ما نظمت وقتك الغذائي..
❤غنيتك اليوم:انا تعبان من غيرك…تامر حسني

الثور ♉
مهنياً:في تفائل بهاليوم امورك الاجتماعية افضل حلول لعدة مشاكل وقضايا او مشكلة مالية كانت عندك ممكن في تفاهم وحلول بعد ما أخدت وقت كتير طويل .. ممكن توصلك حصة او اتعاب وممكن حوالة مالية هاليومين حاول مو كتير تعتمد على الحظ قد ماتعتمد على جهودك وتعطي افضل ماعندك يوم في استقرار نسبي خطوات جديدة وايجابية زيارات او مشوار وسفر اذا ناوي ..
عاطفياً:بدي منك تستغل هاليوم لتكون بحد الشريك وتقضي معو اوقات حلوة فكر بحالك وبعلاقتك وخليك قريب وامنحه أهتمامك ولا تسمح لاي حدا او شي يمنعك عنو او يكون سبب في البعد روق وهديلي حالك وبنهاية مابصح الا صحيح ..
صحياً:عم تفكر تغير جو بمكان بعيد ومع رفقاتك وتتخلص من ضغوط الي عليك وممكن شفاء من مرض تعبك عند البعض
❤غنيتك اليوم:عزة نفسي..صابر الرباعي.

الجوزاء ♊
مهنياً:خليك متفائل بهاليوم ولا تخلي شي يحبط من عزيمتك وقدرتك على مواصلة الاعمال بشغلك وضمن بيتك .. بتشغلك امور اجتماعية وعائلية ويمكن قصة بتخص الاهل الحظ ماعم يدعمك بس جهودك المبذولة ممكن تساعدك حاول تساير ولا تتسرع بكلامك او تدخل بمواجهات لان هاشي ممكن يخليك منفعل وعصبي ومو لصالحك هاشي فرصة منيحة لتاخد اجازة هالفترة وتبتعد عن اجواء العمل وروتين اليومي ضبلي ايدك ع مصاريفك المالية ونتبه لعلاقاتك ..
عاطفياً:ماعم تلاقي استقرار بوضعك العاطفي او عم تتقابل بناس واشخاص مصالح بلاخص الفترة الماضية كان عندك عقبات ومشاكل وضغط نفسي وكانت الامور متوترة بشوية هدوء وتركيز ومسايرة ممكن امورك تروح نحو الاستقرار عندك اتصال مهم او ممكن تلاقي شخص مشتقلو او حدا غالي على قلبك وممكن البعض عندو شراكة مع حبيب وممكن تفكر بارتباط جدي او خطبة نشالله قريباً ..
صحياً:اهمالك لصحتك قد يوقعك بوضع صحي سيء فكون حذر وهتم بحالك..
❤غنيتك اليوم:ياهوى روح وقلو…وائل كفوري.

السرطان ♋
مهنياً:بدي منك تاخد خطوات اكتر ايجابية بشغلك وضمن بيتك وحلها تحط حلول جذرية لبعض القصص الي طولت يمكن في امور كتير عم توقفك عن احداث تطورات بشغلك او بقصص عقارية بس لابد انك تفكر بالموضوع اكتر وخصوصي انو الوقت عم يمرق لا تبقى مكانك راوح وحرك حالك قد لا يكون تغيير الي صار من فترة كافي لكن بضل احسن من ولا شي .. عم يكون عندك مسؤوليات وتراكمات جديدة بدي منك ترتب امورك وتعيد حساباتك وتفكر بشغل جديد يغير من الواقع ويفتح موارد جديدة .. يوم اجتماعي عائلي ولمة حلوة او عزيمة حاول تنبسط فيها ..
عاطفياً:لقاء بشريك وقعدة حلو بعد فترة او اتصال طويل ونتبه لكلامك .. ركز منيح بهاليوم ولا تدخل بعلاقات او تستمر بعلاقة مارح تجبلك نتيجة بنهاية ولا تسعى ورا شخص ممكن يكون مستحيل فكر بحالك والفترة القادمة توقع اجواء عاطفية مهمة بلقاءات وممكن ارتباط سريع وخطبة او زواج بشكل مفاجئ وسريع ..
صحياً:انت بتحب المشي حاول كتير تبلش بالمشي عند المساء فهو مفيد لك صحياً وذهنياً وبخليك تبتعد عند ضغوط والهموم والمشاكل..
❤غنيتك اليوم: ع الموت معك ع الموت..حسين ديك

الأسد ♌
مهنياً:يوم حلو تحسن ايجابي خبر حلو وخليك متفائل
بعد ماتعبت ونطرت كتير قصص واخبار عم يجي هاليوم ليحسن من نفسيتك وليعطيك طاقة ايجابية وتغييرات نحو الافضل الحظ بوقف معك بتحل مشاكل بما يخص شراكة او ضمن العيلة هاليوم واموى ادارية وقضائية قريباً عم تنجز اعمال المكلف بها اتصالات بتكتر عندك وناس جديدة وسفر مشوار حلو وسهرة حلوة واجواء نشالله بترتاح فيها .. حتى البعض بدي باركلو على شي او بقصة بتخص الاطفال وممكن قدوم مولود جديد او تشوف حدا غالي على قلبك كتير .
عاطفياً:يوم عاطفي ورومنسي وبتكون بجاذبية عالية وسحر لا يقاوم واكيد العين عليك وعم تلاقي الاعجاب بعيون لكل وعم تسمع حكي حلو حاول تبقى اطول وقت ممكن مع الشريك ومابدي منك تفتح مواضيع مو وقتها بهاليوم حتى لا تدخل بجدال معو ..اوقات حلوة وممكن شي جديد بيومك ولاعزب جهز حالك هالفترة للقاء غير محضر له او ارتباط لم يكن بالحسبان ..
صحياً:بدي منك تنتبه على صحتك هالفترة لانك معرض لوضع صحي متعب حاول تهتم بحالك..
❤غنيتك اليوم:تجاوزتي حدودك بقلبي..ناصيف

العذراء ♍
مهنياً:لازم تمتلك نظرة تفائلية ولا تبقى متشائم مافي شي بيبقى على حالو .. هلق الحظ ماعم يدعمك بهاليوم بقدر مو لازم تبذل جهد لتحسن امورك وتتخلص من بعض القصص الي ماعم تعرف من وين عم تطلعلك لا تخلي ضغط نفسي يفقدك العزيمة بتجاوز اي مشكلة او عقبة يوم روتين بدك تحاول تنتبه لمشاكل العائلة عندك او لا تفوت حالك بقصص مالك فيها حاسس نفسيتك مو تمام وعلى اقل سبب ممكن تدايق وعم تعصب وتتنرفز لا تكبر الامور ونتبهلي من ناس المقربة .. تفائل بهاليوم ناطرك اجواء اجتماعية وتنقلات وانفراج وقبض مالي قريب جداً مرق هاليوم بهدوء ..
عاطفياً:كون هادي بيومك وخليك صاحي وكون مستعد ودقيق ومنتبه ضغوط عليك كتيرة بس مابعرف يمكن عم تخانقك حتى حالك بهاليوم او مالل وضجران وممكن مبلش انتقاد وتوجيهات وممكن تنفجر بوجه الشريك روق وبلا انفعال تواصل خافف كتير وهاشي اكيد عم يخلي عندك نوع من شك .. والبعض عندو حنين لشخص وماعم يقدر ينساه .
صحياً:بدك تنتبهلي على معدتك هالفترة ممكن آلم خفيف او وضع صحي او صداع ممكن تتعرض له وممكن لازمك طبيب وعلاج مناسب..
❤غنيتك اليوم:يامرايتي .. اليسا

الميزان ♎
مهنياً:تحسن تدريجي اجواء ولقاءات مهمة ومشوار او سفر حتى ممكن تعزم او تنعزم زيارات وصباحية حلوة . عم تكون الاجواء حلوة والعين عليك وعم تكون محط انظار لكتار هاشي بساعدك وبوفرلك قاعدة اجتماعية كبيرة وحظ ودعم من شخص مناسب هاليوم لتسافر وتعمل تغييرات بروتينك اليومي وممكن مقبل على شغل جديد لتحسن امورك المادية وممكن تشغلك قصة عقار يمكن عم تفكر ببيع او شراء او قصة حدا من اخواتك .. انت قادر توصل وتنجح لانك كتير سلس بتعامل ومتفهم لمحيطك وبتعرف تتعامل مع الاحداث ..
عاطفياً:مميز بيومك اطلالة حلوة وساحر بحضورك وتغييرات بشكلك عم تسمع كلام حلو .. عم تكون اكتر حكمة بعلاقتك العاطفية وقراراتك عم يكون في تواصل ولقاءات وتنظيم وعم تتفق انت والشريك على مخططات مستقبلية او على مشوار والبعض قصة عم تشغل الشريك ممكن تهتم الها وممكن تساعدو حسب استطاعتك ..
صحياً:لا تجهد حالك وترهق نفسك عليك بأخذ قسط من الراحة ونوم لتستعيد طاقتك وعافيتك لتنطلق من جديد ..
❤غنيتك اليوم:سمحتك سمحتك .. وردة

العقرب ♏
مهنياً:مصاريف زايدة ضغط ومسؤوليات ببيتك وشغلك وانت بحاجة لتبذل جهد مضاعف وتخلص امورك على بكير مشغول بكذا قصة اليوم او عم تحضر لشي وماعم تلحق حاول كتير ترتب امورك وتنظم وقتك بشكل منيح حتى ماتخلي شي يتراكم عليك .. ضب ايدك منيح ع مصايفك بهاليوم يمكن عندك دفع فواتير او مستلزمات او مستحقات لشخص ويمكن دفع على امور عقارية او تصليحات او تجهيز وكمان وارد يجيك مال .. استغل هاليوم لتنشط على صعيد العلاقات الاجتماعية وتحسن امور العائلة ولمة حلوة ..
عاطفياً:انت بحاجة لمبادرة جديدة او على الاقل تمسك طرف الخيط لترجع الامور متل ماكانت حاول مراراً وتكراراً لتوصل لشي لبدك ياه ولتخطو خطوة جديدة بيومك .. ضروري نحافظ على علاقاتنا بهاليوم وننتبه لقراراتنا ولا تقدم على اي قرار حاسم واستغل الوضع نحو الافضل او ليكون في لقاء او اتصال واجواء بتساعدك لتحل مشاكلك مع الشريك بهدوء وتركيز بس.
صحياً:يوم منيح للتجاوز بعض العراقيل الصحية التي كانت تسبب لك القلق وتكركب ايامك ..
❤غنيتك اليوم:انا قلبي مشتاق..وائل كفوري

القوس ♐
مهنياً:امورك افضل والفلك بيوعدك بتطورات كتير حلوة وتحسن واجواء اجتماعية وسفر .. الحظ معك وطاقتك ايجابية وعم تنجز اعمالك وعم تتخلص من قصص شغليتك بشغلك او ضمن بيتك وممكن صحية وهاشي بخليك تابع بامورك نحو الافضل او لتحصل على ترقية او مكافئة قريبة وممكن عرض جديد ومناسب الك وبتحسن من شروطك .. عندك تفائل وبراسك افكار ومشاريع بترتاح من ضغوط بعد تعب كبير وبلاخص بمايخص امور ادارية وقضائية او محاكم .. تواصل واتصالات وسهرة او عزيمة ..
عاطفياً:جذاب بيومك وساحر بحضورك ومميز وعم يكون في اجواء حلوة وبتقضي وقتك ضمن اتصالات ولقاءات ومشوار مع الشريك اذا قريب منو .. خليك متفائل بالايام انها رح تكون افضل شويت صبر ع الوضع وع شغلك الي ممكن يأثر على عاطفتك حاول كتير توفق بين لتنين .. والبعض نتبهلي لعلاقاتك المتعددة وبلاخص المرتبط لان هاشي مو لصالحك بقادم الايام امور لحد هلق ماشية تمام بس لقدام يعتبر لعب بنار نتبه ..
صحياً:اضطرابات صحية خفيفة حاول تنتبه لصحتك مشان تبقا بطاقة ايجابية وحلول بتلاقيها المسا..
❤غنيتك اليوم:قالو سعيدة بحياتها…اليسا

الجدي ♑
مهنياً:حاج تفكير كتير وكون واقعي ولا تخلي لامور تاخد اكتر من حجما لان هاشي عم يسببلك تعب وارهاق وماعم تقدر تلاقي حلول لقصص تعبتك حبب تغير شي وتطلع من جوك وبحاجة لفترة راحة . يوم عم تتسارع في الأحداث وعم تشتغل بسرعة وبدك لتلحق بس هاشي ممكن يخليك تاخد قرارات جريئة لهيك نتبه توقع بأخطاء حاول لا تقدم على اي شي مو دارسو منيح روق ولا تكبر القصص وممكن محتاج مساعدة او ممكن يكون اخ او صديق بحاجة لمساعدة منك وممكن تلبي .. نتبهلي لموضوع صرف المالي بلاخص على عزائم ومشاوير .. عم تفكر كيف تجيب مال بهاليوم وناس جديدة عندك او تغيير سكن او نقل مكان..
عاطفياً:لامور بشكل عام بتبلش تتحسن تدريجي ضمن بيتك وعيلتك وعلاقتك مع الحب بتحل مشاكل ونزاعات وفرصة لتطلع وتغير جو مع شريك حياتك ويوم بيحملك لقاء او اتصال بشخص جديد وممكن حدا بدو مساعدتك لتوقف معو بخلاف عاطفي لا تخيب ظنو وساعدو .. والبعض حاول كتير لا تفوت بعلاقة مارح تجبلك نتيجة ورح تسبب الك بعض المشاكل والهم ..
صحياً:حاول تبتعد عن ضغوط مهما كان نوعها لانها سبب من اسباب وضعك صحي وعدم استقرارك وحالتك نفسية سبب لمرض موجود عند البعض حالياً ومشاكل جلدية وجع اسنان برافقك هالفترة ..
❤غنيتك اليوم:انا في بعدك مش انا .. فارس كرم

الدلو ♒
مهنياً:مغامرات واجواء جديدة تغيرات طفيفة وبتلاقي مين واقف معك اذا بحاجة مساعدة لا تتردد لان بتتلبى وبتحكي وبتتفق على امور مالية .. يوم في رغبات وتحركات ولبعض بفكر بسفر او مشوار وتنقلات بتصير ناس بحدك لقاء مهم وعزيمة لا تتردد .. جوك صاير ممل وروتيني حاول تطلع منو حاجتك بقا تفائل شوي واستغل المواقف لتحل بعض مشاكلك بلاخص المالية والعائلية وزوجية بهدوء وبدون تصعيد جديد والمال بكون سبب رئيسي لحل مشاكلك هالفترة .. وممكن عندك اهتمام بشكلك او عندك تغييرات بشكلك وممكن مهتم لوضع حدا بعيلتك ..
عاطفياً:يوم حساس بنسبة لك وممكن مناقشات عم تثير حساسية بينك وبين الشريك يجب عليك ان تكون متفهم جيداً وتنتبه ماتنوي فعله وقوله .. افتح قلبك من جديد وبتوقع انو في حب ناطرك .. او علاقة قديمة عم تتجدد .. الوضع مو سيء في تغييرات نشالله قادمة لصالحك ..
صحياً:حاول ترفه عن نفسك ولا تبقى لحالك وحاول تطلع مع رفقاتك وتنتبه على أكلك..
❤غنيتك اليوم:فكرتك صح .. أدم

الحوت ♓
مهنياً:امور طارئة عندك ان كان بشغلك او بيتك او ضمن العيلة او امور قضائية هالفترة وممكن تغيير مكان عند البعض او نقل سكن او اثاث لمنزل او بشغلك حاول تكون هادي هاليوم وتمرق الامور على خير ولا تكبر المواضيع مانها مستاهلة رتب امورك ولا تستعجل كون دقيق وحذر بتعاملك لان لكتار عندو شغل جديد ومرحلة مهنية افضل قريباً .. اجواء اجتماعية افضل ولمة حلوة وناس بتحبا ..
عاطفياً:روق هاليوم وحاول لا تصعد الخلافات وتجنب كل اشكال الغيرة وتملك بتوقع انو العلاقة مهددة حاول كتير تبعد عن العصبية بشكل كبير مرق هاليوم على خير .. لان قدامك فترة منيحة بتحملك ارتباط وفترة لخطوبة وزواج عند البعض ولتغييرات مستقبلية ..
صحياً:اي عارض او ألم ممكن عم تتعرض له عليك بمراجعة طبيب…
❤غنيتك اليوم:زعلي طول أنا وياك…فيروز

ملاحظة : هذه الابراج منقولة من الموقع الرسمي “ماغي فرح”
قراءة ممتعة

أخبار ذات صلة

زر الذهاب إلى الأعلى
آخر الأخبار