((وان – متابعة))
توقعات برج الحمل
الحمل
تراجع عطارد بالحوت هالفترة حتى 28 مارس بخليك لازم تنتبه وماتثق بمين ماكان لتمر هي الفترة عندك وتكون ذكي بخياراتك وتفكيرك ويمكن تميل للعزلة ..
اورانوس بالثور بيدعم التغييرات المالية عندك وبالممتلكات يلي ممكن تنقلب فيها حياتك ..
بالمجمل شهر بيحملك تعب ولكن الفرج قريب بس شوية صبر وعدم تسرع ..
يعني بلشت الفرص العاطفية تدق بابك هالفترة من صداقات عم تتحول لحب بس المضايقات المهنية والعملية مارح تتركك
رح تطلعلك قصص رح تخليك مو كتير رايق
انتبه من اصدقاء ممكن تكون مفكر انن مناح بس هنن رح يأذوك
وخليك بعيد عن المشاكل قدر الامكان
رح تنحل امورك مع اقتراب نهاية الشهر الحالي
وقتا رح تحس بتحسن وطاقة
والشهر الرابع مغاير تماما هو شهر وانطلاقة ايجابية الك
اصبر الشهر هاد ولاتفقد الامل
الشهر الجاية رح يعوضك
عاطفيا ..
فترة منيحة لتغير علاقة صداقة باتجاه حب ويكون في تقارب واذا مرتبط حافظ على استقرار علاقتك
توقعات برج الثور
الثور
تراجع عطارد بالحوت بخليك تفقد الثقة ببعض الاصدقاء وتحس انو في سوء تفاهم عم يحصل وعلاقاتك الاجتماعية مو تمام ..
اورانوس بانتقالوا لبرجك بخليك بحالة تغيير مهمة رح تكون كون جاهز وخاصة مواليد الفترة الأولى لهالبرج وحاول تكون ذكي وتستغل الفرص القادمة ..
بهالفترة أنت مدعوم بشكل كبير من أصدقاء اوفياء بس بنفس الوقت لازم تنتبه نهاية هالشهر من النوع التاني من الأصدقاء ..
تعبت الشهر الماضي من كتر الشغل بس هالفترة رح تحس بنقاهة او شي من الراحة رح يغير وضعك للافضل رح ترتاح الشهر هاد وتحس بأمورك عم تمشي افضل
بس مع اقتراب الشهر القادم رح تحس بانك عم تميل للعزلة اكتر وممكن تشتغل بمؤسسة كبيرة
احيانا بتدايق بدون سبب هالشي لأن أنت اما عندك عدم الثقة او الناس مو منيحة معك
فترة مميزة عندك انتظر هالشي وماتخاف
فترة بدها صبر وعدم تسرع ليكون كل شي منيح
عاطفيا ..
حاول تستغل فرص الحب يلي بتكون على مستوى عالي وبتدعمك مهنيا كمان والحب رح يدق بابك بالوقت المناسب بس لاتتسرع انت ..
توقعات برج الجوزاء
الجوزاء
تراجع عطارد بالحوت هالفترة بخليك مدايق من بعض الامور بالشغل ومنكن تتعرض لتشويه سمعة او تخسر شغلك بسبب البعض فانتبه وركز منيح ..
اما اورانوس بانتقالو لبرج الثور بموقع عم يأثر عليك على المدى البعيد بس ممكن تبدا شغل بمؤسسة كبيرة فلا تقلق ..
عم يكون شهر الاختبارات المهمة والتغييرات المصيرية بمستقبلك المهني وهالشي بيعتمد على قدراتك وبتوقع انت قادر ..
انت بشهر من الشهور المزعجة لكن جيدة رح يدعمك الفترة الجاية رح تفوت بالشهر هاد يلي بيحتاج منك المحافظة على سمعتك وعدم التسرع
في شغل كتير ناطرك وفي انجاز بس الصعوبات كبيرة
في تعامل مع مسؤولين فانتبه من مخالفة القوانين
الشهر هاد في تعب بس تعب رح تلاقة ثمار جهدك فيه اذا انتبه وكنت مصر على النجاح وغير هيك مشكلة ..
الشهر القادم شهر حلو بيحملك لقاءات مهمة واوقات حلوة واستراحة بوضعك واكيد في كتير ناس رح تساعدك وخاصة الأصدقاء
عاطفيا ..
انت أفضل عاطفيا فترة منيحة فيها علاقات جديدة بس خليك متوازن
ورح يكون في اشيا ناطرتك بالشهر هاد
لاتحاول تخرب العلاقة بمزاجيتك كمان وكون ايجابي عاطفيا
توقعات برج السرطان
السرطان
تراجع عطارد بالحوت بخليك لازم تنتبه اثناء السفر ويمكن قصة بالأوراق وتشغلك وكمان مواضيع الدراسة لازم تركز فيها ..
انتقال اورانوس للثور بخليك تدخل علاقات اجتماعية جديدة وتغير كتير بطبيعة ونوع رفقاتك بالسنوات القادمة ويمكن تحقق امنية بمساعدة صديق ..
يعتبر من أفضل الشهور رح يكون في اشيا مهمة بتساعدك وبتدعمك ..
بعد شهور التعب الصحي والمهني والمادي الراحة بطريقها الك ..
امور كتير رح تتغير بالفترة المقبلة
رح تحس بطعم الراحة وتتغير امورك للافضل
كتير اشيا رح تلاقي حلول الها والضيقة المادية رح تزول تدريجيا
انت عم تتعافى من تعب الماضي بالشهر هاد والشهر القادم كمان بيحملك انجاز
لهيك خليك ايجابي متل وحاول تستفيد من الفرص المتاحة
واذا عم تفكر بالسفر لاتوقف والفرصة قادمة ..
واذا بدك في ناس جديدة رح تعرفها قريبا ..
عاطفيا ..
امور عاطفية عم تدعمك هي الفترة وتكون حاضر بقوة وجاذبيتك عم تزيد وعندك خيارات كبيرة الفترة هي ..
توقعات برج الاسد
الأسد
تراجع عطارد بالحوت باثر عليك بالوضع المالي وخاصة بيلي بخص الشراكات عندك وكمان في تأجيل بقصص الأوراق عندك .
انتقال اورانوس للثور بخليك قدام فرص للشهرة وتغييرات مهنية مهمة وحتى شغل ومنصب خلال السنوات القادمة ..
بدي منك تكون واثق من أنو الأمور بنهايتها والتعب رح يزول قريبا وحالة العصبية رح تنخفض مع الوقت ..
امور الصحة والشراكة اتعبتك كتير بالشهرين الماضيين أخيرا رح تحس بالراحة وتحسن بانو الامور بلشت توضح
مصالحات عندك وقصص رح تنحل شوي شوي
الشهر هاد رح يكون في عندك قصص مالية ممكن تستفاد منها ممكن تطلب دين من حدا بس كمان انتبهلي من المصاريف الزايدة
خليك رايق وابتعد عن التوتر والعصبية وخصوصا مع عيلتك
مع دخول الشهر القادم رح تحس بانفراجة وراحة والأمور رح تتغير لصالحك ممكن تسافر وتلتقي ناس غريبة عنك ومهمة بحياتك
عاطفيا ..
أمور عاطفية بتدعمك بشراكات وارتباط لكن انتبه انت بهي الفترة لازم تحسم وضعك وتختار الشي الأهم لعاطفتك ..
توقعات برج العذراء
العذراء
تراجع عطارد بالحوت بخليك مو مرتاح لطبيعة شراكاتك المهنية والعاطفية وبتشعر بالاستفزاز من تعامل المحيطين فيك فحاول تهدي قدر الامكان ..
انتقال اورانوس للثور بيدعمك خلال الفترة القادمة بالسفر والمعارف الجديدة وبتكون قدام دراسات جديدة وتطورات حلوة ..
كمان شهر في ضغوطات لكن بيحملك نهايتو فرج وتحسن فلا تخاف ..
أمور الشراكة عم تشغلك هالفترات عم تدخل بقصة مع حدا او مشروع في توتر كبير بالجو وقلق جواتك وبتحس بانو طاقتك بانخفاض طبعا هالفترة بتستمر معك 20الشهر بتحس بالتعب ومابتركز على امورك بتبلش ترتاح نسبيا بعد 20 الشهر بتبلش عندك مصالحات وامورك بتمشي للأفضل بصير عندك فرص مالية وبترجع ثقتك بالناس
والشهر القادم افضل بكتير رح تكون وبآخر ايام الشهر بيرجعلك يلي تركك وبتتحسن امورك كتير
وانت بتحس براحة بعد الوضع يلي عانيت منو
عاطفيا ..
عم تدق بابك فرص ارتباط مهمة لكن المرتبطين لازم ينتبهو لعلاقتن المتوترة يلي ممكن تأذين ويحاولو يكونو دبلماسيين بالعلاقة ..
توقعات برج الميزان
الميزان
تراجع عطارد بالحوت بخليك مو مرتاح بوضع الشغل وكتير قصص ببالك لازم تنهيها والتزامات وقصص صحية عندك كمان ..
اورانوس للثور بتأثر عليك بوضعك المالي وبكون في عندك السنوات القادمة مال من شراكات وميراث وحتى قضية قانونية بتنحل عندك ..
كمان عم تزيد عليك كمية الشغل بتحس انك ماعم تلاقي وقت للراحة حتى وممكن تشعر بالمرض
فترة فيها صعوبات بس كمان الشهر هاد والقادم ممكن يحملك ارتباط
وآخر الشهر القادم بتبلش توضح الامور اكتر وبترتاح نسبيا
وبتحس انو تعلمت دروس كتير واكتشفت الناس على حقيقتها
الأمور بحاجة منك لانتباه لشغلك لصحتك وكل شي رح يكون افضل
المهم ماتحاول تسمح لحدا يأثر عليك
عاطفيا ..
فكر كيف تحسم وضعك العاطفي وتحصل على فرصتك يلي ممكن يكون بنهايتها في استقرار والحب بأفضل حالاتو عندك ..
توقعات برج العقرب
العقرب
تراجع عطارد بالحوت بتأثر على علاقاتك العاطفية وبتشعر بأنو ماعم تتوفق كمان في موضوع بخص احد الابناء بيشغلك ..
اورانوس للثور عم يهدد الشراكات القائمة عندك فمشان هيك فكر بالسنوات القادمة كيف تعزز الشراكات وتتعامل بحذر مع الشريك ..
وعم تكون أنت أمام شهر مميز بكل معنى الكلمة فحاول تتفائل بهالشي حتى يكون كل شي تمام
بعد التعب يلي مريت فيه من بكرا بتبلش فترة الراحة عندك بتفتح صفحة جديدة ممكن يتحسن وضعك وتعيش اوقات حلوة
كتير مشاكل عم تنحل وتعزز من وضعك الاجتماعي
انت مشرق ومميز الشهر هاد في قصص كتير عم تدعمك لتصل لهدفك
الشهر القادم رح يكون فيه شوي ضغط وشغل لتحقيق انجاز
لازم تحافظ على سمعتك وتركز بامورك لتنجح
فيني قلك انو الشهر هاد شهر في انفراجة وراحة بعد شهور صعبة وفي كمان قصص ممكن تتعبك فانتبه بس عم تخلص من مشكلة عائلية
عاطفيا ..
استغل فرص الحب بحذر وبكون الحب عم يحيرك يمكن ماعم تعرف الاستقرار المطلوب الفترة الجاية فيها استقرار عاطفي وحب رح يريح قلبك يعطيك الرومنسية اللازمة لتكون مبسوط ..
توقعات برج القوس
القوس
تراجع عطارد بالحوت بخليك تمر ببعض المشاكل العائلية يلي ممكن تزعجك وانتبه ببيع وشراء العقارات عندك .
انتقال اورانوس للثور بخليك قدام فترة مهنية مهمة وشغل جديد ومسؤوليات وامور صحية انشالله بتكون عابرة ..
اما حاليا أكتر شي عم يتعبك ويشغلك هو بيتك وعيلتك وممكن كتير تغير مكان سكنك كمان
رح تعاني من ضغوط هالفترة وخاصة بقصص الأهل رح تحس انو في قصص بدها حل بامورك وقصص مالية ماعم تزبط
حاول تنتبه لقصص الاوراق هالفترة مع بداية الشهر هاد
بداية الراحة الفعلية عندك الثلث الأخير رح تحس بأوضاع افضل بكتير بحلول كنت مو شايفها
رح تلاقي فرصة للراحة وتكون قادر تفرض رايك
طبعا الشهر القادم من الشهور الحلوة يلي فيها تغيير ايجابي
وفترة راحة بعد تعب
عاطفيا ..
انت بوضع حلو بالتواصل وبلشت هالفترة العاطفة تتحسن عندك فرص كبيرة ناطرتك وعم تدق بابك انت حليان برغم الجو المتعب حاول تصبر شوي
العيون عليك حاول تخفف عنك بحب تعيشو بعيد عن عيون الناس
والشهر القادم ممكن يحملك حب كبير اذا كنت اعذب
توقعات برج الجدي
الجدي
تراجع عطارد بالحوت بكون بموقع مزعج دراسيا ولازم تنتبه من حوادث السير وكمان لقصص بتخص موبايلك وتنتبه من شراء سيارة .
اورانوس للثور بيدعمك بسنوات من الحظ والتغييرات المهمة علىة صعيد العاطفة والحظ والفرص الجديدة ..
كمان أنت بشهر مميز بكل شي رح يدعمك ويكون في تطورات رح ترضيك وتحسسك بالراحة ..
الشهر الماضي كان فيه امور مالية شغلتك بس مع هاد الشهر عم يزيد نشاطك وتحس براحة اكتر رح تلاقي الناس عم تدعم افكارك وعم تصل لاماكن متقدمة
كتير نشاطات بانتظارك بهالشهر اطلع وفوت وافرض رايك
من الشهور الاجتماعية الحلوة عندك
الشهر القادم في ضغوطات رح تكون واحساس بالتعب هالحال رح يزول آخر الشهر القادم وتفوت بآخر كم يوم بشهر حلو داعم الك
عاطفيا ..
عم تكون حالتك العاطفية متوترة مافي اشيا مهمة عم تحصل معك
انت مو مرتاح ولا تعبان
يمكن في قلق وعدم رضا بكتير احيان
هالشي رح يتحسن خلال الشهر ويمنحك فرصة لتجديد العلاقة او دخول حب جديد
توقعات برج الدلو
الدلو
تراجع عطارد بالحوت بخليك لازم تنتبه بقصص مالية عندك وكمان تركز بوضعك بالشغل ..
انتقال اورانوس للثور بيعملك تغييرات كبيرة على صعيد السكن والمكان والشغل ورح تكون على المدى البعيد بالسنوات القادمة وانتبه لأهلك وعيلتك أكيد ..
كمان عم يكون من الشهور يلي بتدعمك ماليا عاطفيا صحيا وبالنجاح ..
الفترة هي يمكن البعض عم يلاقو تغيرات كبيرة بحياتن وممكن يتعبو من هالوضع بس اطمنو هي مخاض لولادة جديدة مع وجود الزهرة ببرجكن
في قصص حلوة ناطرتكن ومشاريع مهمة
وماليا رح يكون في مال الشهر هاد ورح تلاقي تحسن بالوضع المالي بس هاد مابيعني الزيادة الكبيرة بمصروفك يلي لازم تنتبه منها
اما الشهر القادم بيحملك حالة اجتماعية مميزة وشهر حلو رح يكون في لقاءات مهمة وتعزيز لوضعك
عاطفيا ..
سحرك مميز وانت عم تلفت النظر بحضورك الحلو وهالشي رح يسمح بحالة رومنسية عندك بس انتبه من مزاجيتك وتقلب رايك والفرص مهمة لبناء علاقة بس هالشهر لان قبل مو كتير وضعك كان ..
توقعات برج الحوت
الحوت
تراجع عطارد ببرجك بخليك لازم تنتبه من شوء تفاهم ممكن مع المحيطين وتأجيل ببعض الأمور ..
انتقال اورانوس للثور بيدعمك بتغييرات ايجابية وممكن تشتغل بالسوشل ميديا او مجال السيارات والاعلان خلال السنوات القادمة وتهتم لوضع اخ كمان ..
وانت عم تستفيد من الشمس و الزهرة ..
اخيرا رح ترتاح وخاصة يلي عم يمر عيد ميلادن هالفترة
شهر حلو كتير جاية الفترة الجاية رح تحمل حلول كبير وانفراجة
كل التعب رح يبدأ بالزوال تدريجيا
وامورك بالشهر منيحة ونجاحات ناطرتك وفرص كبيرة لتغيير مهم بانتظارك
الشهر القادم امور مالية رح تريحك واذا بدك تستفاد من مشروع مالي كمان
يعني رح بشرك انو بدأت فترة التعب تنتهي وتبدأ فترة جديدة افضل الك بكتير
عاطفيا ..
كتير اوقات حلوة ناطرتك والعلاقة يلي مريت فيها بالفترة الماضية اذا تاعبتك حاول تغير تفكيرك وفكر بعلاقة جدية وممكن كتير يكون في ارتباط بس شدلنا همتك
وناطرتك اوقات رومنسية حلوة آخر هالشهر .
