الابراج اليومية.. تعرف على حظك اليوم الجمعة

#أبراج_الجمعة8فبراير2019 🔮
القمر بينتقل بكرا المسا لبرج الحمل ♈

#الحمل ♈

نهارك متعب بس من المسا بتتحسن أوضاعك ..
بداية نهار فيها تعب عندك وعدم راحة وبتتعرض لانتقاد وسوء تفاهم لكن المسا بتسمع اخبار حلوة وممكن ينحل عندك موضوع بطريقة مفاجئة وهالشي رح يفرحك ويمنحك الطاقة والدعم ..
عاطفيا .. عندك بداية جديدة بعلاقة جديدة المسا فلا تزعل وماتحملها و تفكر زيادة ..
■النسبة المئوية :
●مهنيا : %81 ●ماليا : %82 ●عاطفيا : %84 ●صحيا : %80

#الثور ♉

يومك منيح بالنهار ومن المسا انتبه ولاتتسرع ..
يوم بيدعم عندك لقاء حلو صباحا والأصدقاء حدك وخاصة بالنهار والمسا عم تتعرض لسوء الفهم ويحصل معك امر ممكن يزعجك وهالشي عم يسببلك قلق وكأنو في شي رح يصير هالشي طبيعي هدي ..
عاطفيا .. لاتستعجل الامور وخليك رايق هي الفترة ولاتتخذ قرارات تأثر سلبا على حياتك العاطفية ..
■النسبة المئوية :
●مهنيا : %60 ●ماليا : %58 ●عاطفيا : %67 ●صحيا : %63

#الجوزاء ♊

يوم لشغل وتطورات مهمة ولقاءات المسا ..
بداية شغل الصبح و يمكن من الفترات الصعبة وعم تأثر على حياتك وشغلك ورح تستمر بالنهار فكون منتبه وذكي ومن المسا امورك بتصير افضل نسبيا وممكن تحصل على مساعدة من صديق الك ولقاءات ..
عاطفيا .. لا تكون منفعل و خليك بعيد عن الاستفزاز هي الفترة وساعد الحبيب لتلاقو حل ..
■النسبة المئوية :
●مهنيا : %68 ●ماليا : %62 ●عاطفيا : %60 ●صحيا : %69

#السرطان ♋

بداية نهارك جيدة وفي فرص شغل الك ..
نهارك حلو وبيدعمك و ممكن تسافر او تتلقى اتصالات من ناس جديدة او تفتح شغل جديد والمسا بيتغير الوضع وبصير على عاتقك ضغوط اكبر على الصعيد المهني فانتبه وخليك جاهز حتى ماحدا ينتقدك ..
عاطفيا .. حاول تكون حاسم بامورك العاطفية وكترة العصبية عم يسبب خوف عند الشريك فانتبه ..
■النسبة المئوية :
●مهنيا : %76 ●ماليا : %73 ●عاطفيا : %79 ●صحيا : %71

#الأسد ♌

تطورات بمال ولقاءات ومعارف جديدة عندك ..
يوم جيد عم تعيد حساب امورك بالنهار وممكن تخلص من مشكلة قضائية او استشفائية اما المسا فبتكون افضل بكتير وعندك فرصة للسفر وانو تغير بوضعك العام ورح تسمع اخبار حلوة ومال كمان ..
عاطفيا .. لاتبالغ بردة فعلك وحاول تعطي فرصة للشريك والحب بدو تفاهم ..
■النسبة المئوية :
●مهنيا : %80 ●ماليا : %83 ●عاطفيا : %80 ●صحيا : %75

#العذراء ♍

نهارك عم يكون مزعج والمسا أفضل بحلول..
كتير ضغط فوق راسك من الصبح وكأنو في شي عم يوترك بس ماعم تعرف شو هالشي حاول ماتعصب واذا بدك تتم شراكة والأمور المسا بتصير افضل وبتشعر بتحسن وبتحل قضية عندك تاعبتك وعندك مال..
عاطفيا .. فكرة الارتباط واردة بهاليوم لكن بحاجة لدراسة منيح وانتبه من عصبيتك تنهي علاقتك بالشريك ..
■النسبة المئوية :
●مهنيا : %65 ●ماليا : %60 ●عاطفيا : %63 ●صحيا : %59

#الميزان ♎

امور بتخص شغل وشراكات وارتباط ..
نهارك متعب وصحيا مو مرتاح و مافي وقت حاول ماتهمل الشغل الضروري ومن المسا بتفكر اكتر بامور الشراكة وفي اشخاص بتحاول تستفزك حاول ماترد لأن رح ينحط اللوم عليك لأنك بموقف ضعف ..
عاطفيا .. يمكن اكتر شي ممكن يكون انك ما تخرب علاقتك بالشريك وفرصة للأعذب يعمل خطبة او زواج هالكم يوم ..
■النسبة المئوية :
●مهنيا : %59 ●ماليا : %60 ●عاطفيا : %63 ●صحيا : %65

#العقرب ♏

يوم بيبدا تمام بس المسا في تعب وانتبه صحيا ..
صباح بيبدا حلو عندك وتغير بوضعك للافضل استغل فرصك وهدي بقراراتك ومن المسا حاول تنهي كل شغلك بوقتو وخليك منتبه لصحتك بعد الضهر ورح يكون في عندك تعب فداري حالك قدر الامكان ..
عاطفيا .. انت امام فرصة رومنسية اذا استغليتها ولاتفكر كتير بالماضي انت لازم تشوف المستقبل ..
■النسبة المئوية :
●مهنيا : %63 ●ماليا : %66 ●عاطفيا : %68 ●صحيا : %58

#القوس ♐

وضع عائلي عندك والمسا تمام بحظ وحب ..
بتكون مدايق من المقربين الصبح وتفكيرك محصور بالبيت ممكن مشكلة او قصة شاغلتك اما المسا فبتطلع من هي الحالة وبتحصل على اوقات مميزة وحظوظ وفرص حاول تستغلها وتتحسن عاطفتك وحظوظك ..
عاطفيا .. يمكن النهار مايكون متل مابدك عاطفيا بس من بعد الضهر انتظر افضل الاوقات العاطفية ..
■النسبة المئوية :
●مهنيا : %82 ●ماليا : %75 ●عاطفيا : %78 ●صحيا : %72

#الجدي ♑

عندك تغييرات بهاليوم وحركة واتصالات كتيى ..
حاول تستغل نهارك لأن عم تكون بوضع جيد حركة وتنقلات وحكي بموضوع مع احد الأخوة أما المسا فوضعك العائلي بيتكركب فبتشغلك أمور أهلك وممكن حدا من الأهل يكون بحاجتك فكون معو ..
عاطفيا .. انت ملفت وامورك العاطفية عم تتحسن فلاتخاف وانتظر نجاح بعلاقتك بالوقت القريب ..
■النسبة المئوية :
●مهنيا : %68 ●ماليا : %66 ●عاطفيا : %74 ●صحيا : %72

#الدلو ♒

تطورات مالية وحركة وسفر عندك ولقاءات ..
نهارك في بطء وعم تفكر بقصص مالية اكتر شي اما المسا فبزيد النشاط عندك ممكن تتلقى اتصالات كتير وتصل للعالم بشكل افضل بتواصلك وتكون قادر تقنع بسهولة وتتلقى اتصالات كتير ..
عاطفيا .. لا تكون جامد على رأيك واعطي فرصة للشريك يعبر عن حبو الك ..
■النسبة المئوية :
●مهنيا : %66 ●ماليا : %77 ●عاطفيا : %74 ●صحيا : %70

#الحوت ♓

يوم بيحملك بدايات جديدة مال وتحسن نسبي ..
الصبح في طاقة عندك وعم تحصل على انطلاقة جديدة وعم تكون مشرق بين الكل هالشي ببحر النهار اما من المسا فبتهدى وتيرتك وبتفكر اكتر بامورك المالية وبتكتر مصاريفك وممكن تفكر تبدا شغل جديد ..
عاطفيا .. لاتسمح لحدا يأثر عليك وعلى قلبك وخليك واثق من انو يلي بحبك رح يرجعلك ..
■النسبة المئوية :
●مهنيا : %77 ●ماليا : %83 ●عاطفيا : %72 ●صحيا : %70