الابراج اليومية.. تعرف على حظك اليوم الأربعاء23يناير2019

#أبراج_الأربعاء23يناير2019🔮
القمر بينتقل بكرا لبرج العذراء ♍

#الحمل ♈

شغل وقصص صحية فانتبه ورتب امورك ..
يومك بدو ترتيب و عندك شوية ارهاق وتراكم الشغل او الدراسة عليك وبدك تخلص وماعم تقدر هي الحالة عم تخليك ابدا مو مرتاح وبحاجة للسرعة والتنظيم لتنجز الضروري حاليا وكمان اكيد بحاجة راحة ..
عاطفيا .. لاتعطي ثقتك بالحب لحدا لان كل الناس بلحظة ممكن تبعد فخليك جاهز لكل الاحتمالات
■النسبة المئوية :
●مهنيا : %61 ●ماليا : %63 ●عاطفيا : %66 ●صحيا : %57

#الثور ♉

يومك في حظ وتحسن عام وفرص شغل وعاطفة ..
بتخلص من تعب بالبيت ويوم داعم وعم ترجع الحظوظ توقف معك عندك يوم مميز وقادر تنجح بشغلك وعندك فرصة حتى تحصل على مبلغ مال مو متوقع وتعزز وضعك وبتهتم بموضوع بخص أطفال ..
عاطفيا .. اجواء رومنسية مميزة ناطرتك واذا كنت اعذب فرصة لحب جديد ..
■النسبة المئوية :
●مهنيا : %82 ●ماليا : %81 ●عاطفيا : %88 ●صحيا : %85

#الجوزاء ♊

عندك قصة شاغلتك ببيتك وانتبه لاهلك هاليوم ..
تغييرات ناطرتك وقصص عائلية وفي شي بالبيت ماعم يريحك مشغول بالك على صحتك او صحة حدا من اهلك وعم تحاول تتمالك اعصابك لأنك كتير مدايق بس مابدك تحسس حدا بهالشي وفكر بحلول ..
عاطفيا .. حاول تكون قوي وفكر بايجابية ولاتخلي شي يضعفك او يكسرك فترة وبتمر .
■النسبة المئوية :
●مهنيا : %66 ●ماليا : %60 ●عاطفيا : %64 ●صحيا : %62

#السرطان ♋

يوم لحلول وتطورات حلوة ولقاءات بتدعمك ..
عندك قدرة على التنقل والحركة وتغيير ايجابي على صعيد شغلك ممكن تسافر وتتلقى اتصالات مهمة ممكن تحصل على الدعم لتغير بحياتك ضمن الظروف الصعبة يلي عم تعاني منها وقصة بتخص اخ بتشغلك..
عاطفيا .. من الأوقات المريحة عندك وفرص رومنسية مهمة عم تكون بلقاءات وأوقات مميزة ..
■النسبة المئوية :
●مهنيا : %74 ●ماليا : %68 ●عاطفيا : %77 ●صحيا : %73

#الأسد ♌

مصروفك زايد وعم تنطر مبلغ مالي ..
انت بحاجة مبلغ مالي هاليوم وعم تناقش أمور الشغل وتعيد ترتيب حساباتك المالية وعم يكون في ضيقة عندك يمكن عم تحس بأنك صرفت زيادة الفترة الماضية ولازم تعوض او تحصل على مقابل تعبك ..
عاطفيا .. لاتسمح للماضي يوقف بدربك وافتح صفحة جديدة لقلبك ..
■النسبة المئوية :
●مهنيا : %66 ●ماليا : %76 ●عاطفيا : %70 ●صحيا : %73

#العذراء ♍

بداية شغل وانفراج وخطوة اولى للنجاح ..
بعد تعب اخيرا عم ترتاح وتحس بطاقة وبيدعمك الحظ ولتعيد ثقة الناس فيك لتعزز مكانتك الاجتماعية عندك بهاليوم فرصة لترجع انت الاساس وتسيطر على الوضع وتستغل الطاقة لتغير وتحل مشاكلك ..
عاطفيا .. اليوم بدي ياك تكون حاسم وتتخذ قرار مشان علاقتك ومالازم تكون ضعيف ..
■النسبة المئوية :
●مهنيا : %91 ●ماليا : %81 ●عاطفيا : %86 ●صحيا : %84

#الميزان ♎

تغييرات بتدايقك ومو راضي عن المحيطين فيك ..
أمور بتدايقك وبتنزعج وقصة بتكون عندك بتشغلك وضايج كتير وعم تشعر بأنو كل شي ضدك ومافي شي متل مابدك تعبان وحاسس بالضعف جواتك هي فترة مؤقتة فلا تستسلم للظروف شو ماكانت ..
عاطفيا .. كون عقلاني ولاتسمح لعواطفك تتعبك اكتر وتعامل مع اي موضوع ببساطة حتى ماتدايق حالك ..
■النسبة المئوية :
●مهنيا : %58 ●ماليا : %62 ●عاطفيا : %61 ●صحيا : %66

#العقرب ♏

تطور بعلاقاتك واجواء مع صديق مقرب بتريحك ..
بتتحسن أوضاعك وبترتاح بعلاقاتك ويوم بتحس فيه بدعم كبير من الأصدقاء وبتتعرف على ناس جديدة حاول تستغل هالشي بتكون محل اهتمام كتار وبتقدر تدفع بمصالحك وتطلب مساعدة اذا احتجتها ..
عاطفيا .. استغل هاليوم وحاول تكون مع الشريك حتى تقوي العلاقة فيه وانتبه كتير من اي مشكلة او تصرف غلط هالفترة ..
■النسبة المئوية :
●مهنيا : %74 ●ماليا : %72 ●عاطفيا : %78 ●صحيا : %70

#القوس ♐

قصص شغل جديد ولقاء مهم خليك جاهز ..
يمكن في تغيير وعم يكون عندك قصص شغل وعم تكون معرض لكتير من الضغوط وممكن حدا يشكك فيك ويحاول يوقعك انتبه وخليك حذر من الناس يلي بوجهين وممكن يكون في لقاء مهم او شغل ..
عاطفيا .. عزز علاقتك وحاول تخفف التوتر يلي عم تمر فيه وخليك متفهم للشريك ..
■النسبة المئوية :
●مهنيا : %69 ●ماليا : %62 ●عاطفيا : %60 ●صحيا : %64

#الجدي ♑

يومك حلو لبداية جديدة لقاء وسفر ..
بتخلص من اسبوع صعب بهاليوم وبترتاح نسبيا وعندك يوم من الأيام المهمة يلي بتحملك سفر واتصالات من ناس أول مرة بتتعامل معن وممكن تحس حالك بدك تتعلم او تبدا بشغل جديد والحظ منيح ..
عاطفيا .. يوم فيه مصالحات مع الشريك بعد فترة متعبة وعودة الأمور افضل ..
■النسبة المئوية :
●مهنيا : %85 ●ماليا : %81 ●عاطفيا : %83 ●صحيا : %80

#الدلو ♒

بين المال والحلول عم يدور يومك بارتياح نسبي ..
بترتاح نسبيا وبتهدي الوضع بعد الضغوط عليك وحالة عدم الاستقرار يلي اثرت كتير على نفسيتك انت افضل وعم تفكر بهاليوم بأمور مالية او تحل قضية قانونية او حتى عم تشفى من مرض وتحس براحة ..
عاطفيا .. انتبه اذا بدك تعطي الشريك فرصة طبعا اذا بيستاهل بيستاهل ..
■النسبة المئوية :
●مهنيا : %66 ●ماليا : %73 ●عاطفيا : %70 ●صحيا : %68

#الحوت ♓

عم تكون مدايق من الكل فهدي لتتم شراكة بهدوء ..
مو كتير مرتاح بس يمكن عم تفكر تفوت شراكة جديدة او عم تفكر بخطبة او زواج بس توتر كبير وعم تعصب من اقل الاشيا فانتبه وحاول تهدى وبدك تساير لتنحل الامور ورح تمر على خير انشالله ..
عاطفيا .. حاول تعزز شراكتك واهدى ولاتخلي كلام الشريك يستفزك حتى ماتخسر كل شي ..
■النسبة المئوية :
●مهنيا : %59 ●ماليا : %62 ●عاطفيا : %68 ●صحيا : %60