ابراجالثقافية

الابراج اليومية.. تعرف على حظك اليوم

أبراج الجمعة 9 نوفمبر 2018🔮حيث القمر اليوم يكمل ببرج القوس ♐

#الحمل ♈

حلو يومك لتسافر وتتحرر من قيودك ..
من الأيام الحلوة يلي بتدعمك بشدة وبتساعدك فعندك يوم مميز بيحملك كتير احداث ايجابية حاول تستغل هالشي وتعرف تستفيد من كل الوقت ورح يكون عندك سفر ممكن او حتى دراسة او قصة جديدة كمان انتبه من الحوادث واتصالات جديدة رح تجيك ..
عاطفيا .. الامور منيحة استغل هيك يوم لتحصل على أفضل الأوقات رومنسيا ..
■النسبة المئوية :
●مهنيا : %83 ●ماليا : %89 ●عاطفيا : %85 ●صحيا : %81

#الثور ♉

يوم أفضل وتحسن ومال ممكن تحصل عليه ..
بتبدا الوتيرة الصعبة يلي اثرت عليك تخف وبتحس بارتياح وتحسن عندك بعد ضغط كبير عانيت منو بالايام الماضية عم تطلع من هي الحالة ويكون في عندك فرصة لتحل الامور وتصالح بعض الناس لتحصل على مال ممكن من شراكة او ميراث كمان حل قصة قانونية ..
عاطفيا .. انت بحال افضل وتحسن بعلاقاتك وعم يكون في عاطفة كبيرة جواتك وممكن حنين ..
■النسبة المئوية :
●مهنيا : %67 ●ماليا : %76 ●عاطفيا : %74 ●صحيا : %71

#الجوزاء ♊

مهم يومك وحلو لشراكات جديدة لكن روق ..
عم تدخل يوم في انخفاض بطاقتك مشان هيك لازم تهدي ويوم في ضغط عم تكون متل البارود بلحظة ممكن تنفجر بوجه الأشخاص يلي معك مشان هيك لازم ينتبهو بمعاملتك وكتير عم يكون في توتر بالجو لكن ممكن تتجنب هالشي وتعمل شراكة جديدة ..
عاطفيا .. امكانية الارتباط عندك بهاليوم مابتمنع من حالتك الصعبة بعلاقاتك ..
■النسبة المئوية :
●مهنيا : %58 ●ماليا : %60 ●عاطفيا : %68 ●صحيا : %65

#السرطان ♋

عندك شغل جديد ناطرك وموضوع صحي بيشغلك ..
انت أمام بداية مسؤوليات جديدة ناطرتك بهاليوم وعم يكون يومك كلو شغل يمكن ماعم تفضى تحك راسك يوم بيحمل معو كتير من القصص وبتحس الوقت قليل مشان هيك كل شي و تنظيم كمان صحتك ماعم تساعدك ولازم تنتبهلا وتحاول تتأقلم وبدون مزاجيتك ..
عاطفيا .. يوم بيحملك حالة من عدم الرضا عن شي وبدك شريك يفهمك ومايزيدها عليك ..
■النسبة المئوية :
●مهنيا : %68 ●ماليا : %62 ●عاطفيا : %65 ●صحيا : %59

#الأسد ♌

بكون يومك حلو بالعاطفة والحظ عندك ..
يمكن هاليوم منيح لترتاح وتحل مشاكلك العائلية ويوم من الأيام الحلوة وعم تطلع من اوضاعك الصعبة تدريجيا وخاصة بالبيت وعم يكون في حلول بهاليوم وعندك فرص مهمة والحظ بيدعمك بهيك يوم ومابيمنع بهاليوم تهتم بموضوع الاطفال عندك ..
عاطفيا .. كتير حلو يومك اذا بدك تقضي وقت حلو مع الشريك او حتى اذا اعذب فرصة لتلافي حب جديد او يرجعلك حب قديم ..
■النسبة المئوية :
●مهنيا : %82 ●ماليا : %84 ●عاطفيا : %89 ●صحيا : %80

#العذراء ♍

عم تنشغل بحدا من عيلتك او اخواتك ..
مو عبعضك هاليوم وبكون في قصص عائلية بتشغلك وامور بالبيت ماعم تريحك يمكن مشغول بالك على حدا من الاهل وعم تفكر بحل وعندك كتير حساسية هالشي متعب ورح يأثر على وضعك الصحي فانتبه وخليك متفهم وهادي وفكر كيف تحل أمورك ..
عاطفيا .. عندك قصة عم تكركب علاقتك وخاصة اذا الوضع في حكي ناس كتير ولت وعجن ..
■النسبة المئوية :
●مهنيا : %62 ●ماليا : %67 ●عاطفيا : %65 ●صحيا : %59

#الميزان ♎

يومك منيح لتتواصل وتكون مقنع وتسافر ..
منيح حضورك بهاليوم عم يكون وفي تواصل مع كتير عالم وملفت ومميز وعم تحصل على دعم الكتار من الناس قادر تقنع وتوصل رأيك وكمان عندك فرصة لتسافر بس انتبهلي من الحوادث ودير بالك من مشكلة او قصة بموبايلك وحاول تقلب الأمور لصالحك ..
عاطفيا .. عم تكون مميز بطلتك وحضورك وفي نظرات اعجاب الك بيوم جيد عاطفيا عندك ..
■النسبة المئوية :
●مهنيا : %76 ●ماليا : %78 ●عاطفيا : %73 ●صحيا : %80

#العقرب ♏

انتظر امور مالية وحاول تنتبه لمصاريفك ..
كتير عم تشغل بالك الأمور المالية ووضع الشغل وبدي منك تحاول بهاليوم انك تعيد حساباتك المالية وتفكر اكتر بقصة او مورد جديد للمال كمان انتبه من بعض المصاريف يلي ما الها لزوم وحاول تلاقي حالك واعتمد على حالك لتنجح ..
عاطفيا .. في كتير قصص عم تخليك مو راضي لكن الوضع جيد بس انت ساعد لتستمر علاقتكن ..
■النسبة المئوية :
●مهنيا : %77 ●ماليا : %82 ●عاطفيا : %73 ●صحيا : %79

#القوس ♐

عم توضح الأمور عندك وتكتشف الأشخاص على حقيقتها ..
بعد أيام من الضغط الكبير يلي عانيت منها عم تكون افضل وعم ترجع لوضعك تدريجيا عم يكون في عندك حلول واخبار حلوة واحساس بانو رجعتلك الطاقة قادر تقلب الوضع لصالحك وتنجح وتصل وتترك الماضي وتبلش من جديد وعندك تحسن بهاليوم ..
عاطفيا .. كتير عندك جاذبية بهاليوم وكمان قادر اذا بدك انو تبدا حب جديد وتغير حالتك العاطفية ..
■النسبة المئوية :
●مهنيا : %80 ●ماليا : %84 ●عاطفيا : %87 ●صحيا : %82

#الجدي ♑

مو مرتاح وعم تنزعج من بعض الأشخاص ..
عم يكون في كتير قصص بتخليك مو مرتاح بهاليوم وفي شي عم يعاكسك وعم تكون مو مرتاح بالمجمل كتير قصص عم تكون ضدك مشان هيك عم تفكر كيف تحلها انا بدي منك تصبر وحاول مابتقى لحالك ومع الأيام مل شي بينحل بس روق وهدي هاليوم ..
عاطفيا .. حالة من الضياع عم تعاني منها حتى الشريك ماعم يفهمك ولا عم يقدر وضعك ..
■النسبة المئوية :
●مهنيا : %59 ●ماليا : %60 ●عاطفيا : %57 ●صحيا : %62

#الدلو ♒

يوم منيح لعزيمة ولقاء بشخص غالي ..
عم تحس بوجود كتير أصدقاء حولك وداعمين الك وبدي منك تستغل يومك لتكون طلتك مميزة وخاصة مع اصدقاء مقربين الك وتقضو مع بعض وقت ممتع تطلع فيه من جو الروتين يلي عايشو وحاول تستفيد من مساعدة صديق الك اذا احتجت ..
عاطفيا .. كتير عم تكون جذاب بحضورك استغل هالشي وحاول تتقرب من الشريك وتحسن العلاقة ..
■النسبة المئوية :
●مهنيا : %70 ●ماليا : %72 ●عاطفيا : %77 ●صحيا : %74

#الحوت ♓

عم يكون يوم مهم ومصيري وفي حديث بشغل ..
بدي منك تستغل هاليوم لتفكر بشغل مهم او قصة بتنجح فيها فحاول تكون جاهز لأن عم يكون يوم مافي حل وسط اما تصل وتحصل على ترقية وتكون ملفت او تتلقى الملامة وتكون مهدد بترك الشغل لهيك كون جاهز لتقدم احسن ماعندك وانشالله رح تنجح فلا تخاف ..
عاطفيا .. يوم في لقاء مهم عندك وبدك تعرف مصير علاقتك انتبه وكون ذكي لتعرف تمشي الأمور ..
■النسبة المئوية :
●مهنيا : %78 ●ماليا : %75 ●عاطفيا : %80 ●صحيا : %73

أخبار ذات صلة

زر الذهاب إلى الأعلى
آخر الأخبار