ابراج

تعرف على حظك اليوم” الأبراج اليومية”

((وان – بغداد))

يسعد اوقاتكم بكل الخير…اﻻبراج اليومية،،،الجمعة20أبريل2018

القمر بكمل ببرج الجوزاء وبكرا المسا بينتقل لبرج السرطان ♋
الشمس عم تنتقل بكرا لبرج الثور

الحمل
نشاط ويوم حلو للحركة عندك فرص حلوة للسفر وعم تكتر اتصالاتك ممكن يكون في مواعيد مهمة .. استغل الوقت وحول الامور لصالحك ورح يدعمك الحظ وتعمل شي حلو بشغلك وتطور بانتظارك وممكن تشتري موبايل وانتبه من الحوادث والمسا انتبهلي لوضعك العائلي ومع أهلك ..
عاطفيا .. عم ترجع امورك افضل عاطفيا برغم الضغط يلي عم يسيطر على العلاقة فرصة لتشوف الشريك اليوم وتقضي وقت حلو لكن حلو المشاكل بهدوء
الشمس بالثور بتعطيك فرص مالية وبداية مشروع او شغل جديد لكن اكتر شي تفكيرك بالمال ورح تكون راضي ماليا بس انتبه من المصاريف يلي بلا طعمة ..

الثور
يوم بطيء بتهدى اليوم وعم تفكر اكتر بامور المصاري وعندك مكسب او ربح اليوم خليك جاهز .. وحاول لا تزيد مصروفك وتعامل بحذر بشغلك وبدك تعمل شي مميز وناجح وبيحملك اليوم ممكن مشروع جديد ممكن والمسا اتصالات اكتر ولقاءات وحركة عندك ..
عاطفيا .. بعدا الفرص متاحة لحل مشاكلك العاطفية لكن خفف من حساسيتك وتعامل بعقلانية شوي ..
الشمس عندك بتساعدك وبتعطيك بدايات جديدة وحظوظ وطاقة لتطلع من تعبك وبتزيد جاذبيتك وبتفرج عليك بعد شهر تعبك كتير فانتظر هالشي ..

الجوزاء
انت افضل بكتير ورح تحس انو رجعت الامور احسن من أول وموضوع رح ينحل ورح يكون عندك الطاقة تقلب الامور لمصلحتك .. افتح صفحة جديدة وبادر واذا بدك افتح مشروع جديد الحظ عم يدعمك ومعك والمسا بتناقش امور مالية عندك ..
عاطفيا .. رح تكون مسيطر وقادر انو تصل لقلب الشريك وحب جديد ممكن او تجدد بحبك ..
الشمس بالثور بتخليك تحب العزلة اكتر وممكن تجيك فرصة عمل مع مؤسسة كبيرة لكن خليك منتبه من الاشخاص بوجهين وحتى ممكن تفوت علاقة سرية ..

السرطان
مو مرتاح وعم تفوت بيوم متعب وقليل الحظ بدي ياك تنتبه لصحتك وتشتغل الضروري بس .. لاتعمل اي شي ولاتحاول حسم موضوع هاليوم تأخير وتأجيل متوقع لكن بمر وحاول تفكر بايجابية قدر الامكان لكن المسا كل شي بيتغير وبتحس بالانفراج واخبار حلوة بتجيك وحلول ..
عاطفيا .. شعور الوحدة رح يسيطر عليك واحساس بالحزن كمان بس حاول تمرق هاليوم وماتتصرف بشكل خاطئ والمسا في اخبار حلوة ..
الشمس بالثور بتعزز الصداقات والحالة الاجتماعية عندك وبتساعد لتجيك مساعدة من رفيق عندك ..

الأسد
فترة حلوة ومثمرة بما يخص الاصدقاء بس انتبه من وحدتك و عندك لقاءات مع رفقاتك بتساعدك وفي صديق بيوقف حدك .. بهاليوم بتمتلك الطاقة وقادر تأثر بمحيطك يوم منيح نسبيا رح يكون استغلو على أكمل وجه وخلص الشي يلي عليك والمسا عم تحس حالك مو مرتاح وفي قصة مهنية تاعبتك ..
عاطفيا .. عندك شي رح يفرحك اليوم واعجاب من صديق ممكن لكن لاتكبر المشاكل المسا مع الشريك ..
الشمس بالثور بتعملك تغييرات مهمة مهنيا انتبه من التعامل مع المسؤولين ولاتخالف القوانين وعندك ترقية أو فرصة عمل قادمة وحتى شهرة ..

العذراء
يوم مهني مهم بس بكون صعب لازم تكون منتبه وحافظلي على سمعتك وعلاقاتك وانتبه من الحكي المخفي وكون صاحي لاي شي .. يوم ماشي حالو بس بدك تكون رايق وصاحي ودقيق لأن في ناس بدها توقعك وفرصة شغل جديد والمسا بتلتقي اشخاص بتحبن وبتزيد علاقاتك الاجتماعية ..
عاطفيا .. لاتلوم حالك بعلاقتك انت قلبك طيب ومابتتنازل وهالشي عم يسمح للشريك يتمادى ..
الشمس بالثور بتعطيك فرص سفر وبدايات جديدة لشغل او علم وكمان بتتعرف على ناس جديدة وبتكون حال أفضل على كل الأصعدة ..

الميزان
ايجابي هاليوم بتحس عندك طاقة زايدة وقوة بتكتر اتصالاتك وبيتحسن وضعك .. ويمكن يكون عندك سفر يوم مناسب لتعزز وضعك وتكون كلمتك مسموعة وقادر على ايصال رأيك وبتتعرف على اشخاص جدد والمسا انتبه من قصص مهمة ممكن تطلعلك وكون جاهز ..
عاطفيا .. عندك القدرة انك تحل المشاكل بعلاقتك فحاول هالشي ولاتتركها تكبر ..
تواجد الشمس بالثور بتريحك وبتعطيك حلول وبتدعمك ماليا من جهة مال الشراكة او الميراث وبتخليك تشفى من مرض او تحل قضية قانونية وحتى تصالح شريك العاطفة ..

العقرب
استغل هاليوم انت ذكي وعم تهتم بامورك المالية وشغلك وعندك فرصة لربح او مكسب .. بس بنفس الوقت خفف مصروفك وانتبه يما يخص العيلة يمكن يكون حدا بحاجتك اليوم وكمان في مصالحات وحلول قضائية عندك والمسا في راحة وتواصل افضل ممكن مع شريك الك ..
عاطفيا .. كون حريص على حبك ولاتسمح للتوتر يستفزك ويخليك تتسرع برأيك والمسا افضل انت ..
الشمس بالثور بتعزز فرص الشراكة عندك مهنيا وعاطفيا وبتنهي على العلاقات الضعيفة فانتبه وبتكون عندك علاقة جديدة وارتباط اذا اعذب فجهز حالك ..

القوس
بعدك تعبان وضغط كتير عليك وعم تفكر بامور الشراكة وفيك تعمل عقد مع حدا بس لاتفقد هدوئك وخليك رايق .. توترك هاليوم وعصبيتك ممكن يسببو مشاكل انت بغنى عنها تعامل بدبلماسية قدر الامكان وحاول ماتستفز حدا والمسا بتناقش امور مالية عندك وحلول..
عاطفيا .. انت بحاجة لحدا يفهمك ومايزيد الخلاف معك والشريك ماعم يقدر حبك
الشمس بالثور بتعطيك فرصة بداية عمل جديد لازم تنتبه لان رح يكون في تراكم عندك وصحيا كمان بتأثر على صحتك وغذائك فبدي منك ترتب امورك ورح تكون مميز بشغلك الجديد أكيد ..

الجدي
عم تحس بالتعب وعم يتراكم الشغل عليك مشان هيك نظملي وقتك ولاتهمل شغلك وانتبه لصحتك بهاليوم .. انت ماعم تلحق وبدها شوية صبر القصة ورح تمر هالفترة فأهم شي التنظيم لاكلك وحياتك لتعرف تخلص يلي عليك والمسا بتناقش امور الشراكة عندك وممكن يزيد توترك فانتبه..
عاطفيا .. عم تنصدم باشخاص كانو كل حياتك وصارو انانيين ماهمن غير حالن ..

الشمس بالثور بموقع مناسب وجيد الك بتدعمك عاطفيا وماليا وبتعطيك حظوظ حلوة وفرص وخاصة اذا ناطر اخبار منيحة ..

الدلو
افضل عم تكون عم تتحسن امورك عم تشعر بشوية راحة وتلاقي انو بدك تعمل شي .. بادر الحظ بيدعمك اليوم واستغل الوقت والفرص المتاحة لتحصل على نتائج بترضيك والمسا انتبه من تراكم الشغل عليك ولاتهمل صحتك ..
عاطفيا .. عندك رغبة قوية بالتقرب من الحبيب وتعزيز علاقتك لاتوقف اليوم واستغل جاذبيتك لتحصل على حب بيرضيك ..
الشمس بالثور بتخليك تفكر اكتر بمستقبل بيتك وعيلتك وخاصة بما يخص الأهل ويمكن تغير مكان سكنك فجهز حالك وحتى ممكن تبيع أو تشتري عقار عندك ..

الحوت
انت مو كتير مرتاح يمكن اهتماماتك بيتية عائلية وعندك ضغط وتعب وممكن تغيير بمكان سكنك .. كون قد المسؤولية ويمكن عم تصلح او تشتغل شي ببيتك ساعد اهلك وتحمل المسؤولية ولا تكون منفعل والمسا افضل وعندك حلول وفرص واخبار حلوة ..
عاطفيا .. حاول أنك تستغل بعض الفترات لتكون مع الحبيب وتلاقي شوية راحة وهدوء بنفسيتك ولاتلوم حدا لان مارح تستفاد شي والمسا حب قديم ممكن يرجع ..
الشمس بالثور بتزيد حركتك وفرص لسفر قريب وتواصل افضل مع المحيطين فيك ونجاح مهني ودراسي وحتى ممكن تشتري سيارة او موبايل الفترة الجاية وانتبهلي من حوادث الطرقات ..

أخبار ذات صلة

زر الذهاب إلى الأعلى
آخر الأخبار