الامنية

تعرف على حظك اليوم “الأبراج اليومية”

((وان – بغداد))
أسعد الله اوقاتكم بكل الخير ، اﻻبراج اليومية ، ليوم الأربعاء18أبريل2018.

القمر بينتقل بعد الظهر لبرج الجوزاء♊

الحمل
بالنهار عايش حالة من الركود وعم تفكر بقصص مالية اكتر شي .. اما بعد الضهر فبزيد النشاط عندك ممكن تتلقى اتصالات كتير وتصل للعالم بشكل افضل بتواصلك وتكون قادر تقنع بسهولة ..
عاطفيا .. لا تكون جامد على رأيك واعطي فرصة للشريك يعبر عن حبو الك ..

الثور
عم تحصل على انطلاقة جديدة وعم تكون مليان طاقة ومشرق بين الكل هالشي ببحر النهار .. اما من بعد الضهر فبتهدى وتيرتك وبتفكر اكتر بامورك المالية ومصاريفك وممكن تفكر تبدا شغل جديد ..
عاطفيا .. لاتسمح لحدا يأثر عليك وعلى قلبك وخليك واثق من انو يلي بحبك رح يكون معك اكيد ..

الجوزاء
بداية نهار متعب في تراجع بالمعنويات وبتحس انو الدنيا مسكرة بوجهك وبتتعرض لانتقاد وسوء تفاهم .. لكن بعد الضهر بتسمع اخبار حلوة وممكن ينحل عندك موضوع بطريقة سحرية هالشي رح يفرحك ويمنحك الطاقة ..
عاطفيا .. عندك بداية جديدة بعلاقة جديدة المسا فلا تزعل ولاتقضيلي ياها عم تفكر زيادة ..

السرطان
في شي جواتك ماعم يريحك بالرغم من انو في اصدقاء حدك وخاصة بالنهار ..بس بعد الضهر عم تتعرض لسوء الفهم ويحصل معك امر ممكن يزعجك وهالشي عم يسببلك عدم راحة وكأنو في شي رح يصير هاد التفكير طبيعي انت اهدى بس ..
عاطفيا .. لاتستعجل الامور وخليك رايق هي الفترة ولاتتخذ قرارات تأثر سلبا على حياتك العاطفية ..

الأسد
حالة ضغط عم تمر فيها يمكن من الفترات الصعبة وعم تأثر على حياتك وشغلك ورح تستمر بالنهار فكون منتبه ورايق .. ومن بعد الضهر امورك بتصير افضل نسبيا وممكن تحصل على مساعدة من صديق ..
عاطفيا .. لا تكون عصبي و خليك بعيد عن الاستفزاز هي الفترة وساعد الحبيب لتلاقو حل ..

العذراء
عم تعيش اجواء منيحة بالنهار ممكن تسافر او تتلقى اتصالات من ناس جديدة او تفتح شغل جديد الك .. لكن بعد الضهر بيتغير الوضع وبصير على عاتقك ضغوط اكبر خاصة على الصعيد المهني فانتبه وخليك جاهز حتى ماحدا ينتقدك ..
عاطفيا .. حاول تكون حاسم بامورك العاطفية وكترة العصبية عم يسبب خوف عند الشريك فانتبه ..

الميزان
عم تعيد حساب امورك بالنهار وممكن تخلص من مشكلة قضائية او استشفائية .. اما بعد الضهر فبتكون افضل بكتير وعندك فرصة للسفر وانو تغير بوضعك العام ورح تسمع اخبار حلوة ..
عاطفيا .. لاتبالغ بردة فعالك وحاول تعطي فرصة للشريك والحب بدو احيانا تنازلات ..

العقرب
انت مو مرتاح وكأنو في شي عم يوترك بس ماعم تعرف شو هالشي حاول ماتعصب واذا بدك تتم شراكة .. والأمور بعد الضهر بتصير افضل وبتشعر بتحسن وبتحل قضية عندك تاعبتك ..
عاطفيا .. فكرة الارتباط واردة بهاليوم لكن بحاجة لدراسة منيح وانتبه من عصبيتك تنهي علاقتك بالشريك ..

القوس
من الأيام المتعبة وحتى صحتك ماعم تكون منيحة عم تحس بارهاق وانك بحاجة للراحة بس مافي وقت حاول ماتهمل الشغل الضروري .. ومن بعد الضهر بتفكر اكتر بامور الشراكة وفي اشخاص بتحاول تستفزك حاول ماترد لأن رح ينحط اللوم عليك لأنك بموقف ضعف ..
عاطفيا .. يمكن اكتر شي ممكن يكون انك ما تخرب علاقتك بالشريك وفرصة للأعذب يعمل خطبة او زواج هالكم يوم ..

الجدي
من الايام الحلوة خاصة بالنهار حاول تستغلها وتأكد انو عندك حظ تعمل كتير اشيا وتغير بوضعك للافضل فلا تتسرع بالحكم او بقراراتك .. وحاول تنهي كل شغلك بوقتو وخليك منتبه لصحتك بعد الضهر ورح يكون في عندك تعب فداري حالك قدر الامكان ..
عاطفيا .. انت امام فرصة رومنسية اذا استغليتها ولاتفكر كتير بالماضي انت لازم تشوف المستقبل ..

الدلو
بالنهار عم يكون تفكيرك محصور بالبيت ممكن مشكلة او قصة شاغلتك .. اما بعد الضهر فبتطلع من هي الحالة وبتحصل على اوقات مميزة وحظوظ وفرص حاول تستغلها ..
عاطفيا .. يمكن النهار مايكون متل مابدك عاطفيا بس من بعد الضهر انتظر افضل الاوقات العاطفية ..

الحوت
بالنهار عم تكون بوضع جيد حركة وتنقلات وحكي بموضوع مع احد الأخوة .. أما بعد الضهر فبتشغلك أمور البيت وممكن حدا من الأهل يكون بحاجتك فلا تقصر ..
عاطفيا .. انت ملفت وامورك العاطفية عم تتحسن فلاتخاف وانتظر نجاح بعلاقتك بالوقت القريب ..

أخبار ذات صلة

زر الذهاب إلى الأعلى
آخر الأخبار