تعرف على حظك “الأبراج اليومية”

((وان – بغداد))

يسعد اوقاتكم بكل الخير… اﻻبراج اليومية،،،الخميس12أبريل2018

القمر عم يضل مكمل ببرج الحوت ♓

الحمل
في شي ماعم يريحك وحاسس الدنيا مسكرة بوجهك ضغط كبير ومشاكل وتعب والناس متغيرة معك .. حاول تبعد عن اي شي ممكن يأذيك ولاتحاول تحسم شي وانتبه لصحتك هاليوم ولاتفوت بقصص جديدة بهاليوم كمان ..
عاطفيا .. مشكلة بتكبر مع الشريك وبتفقد الامل بالحلول وبتحس انو ماعاد في رجعة ..

الثور
جو من اللقاءات والحالة الاجتماعية المميزة رح تعيشو هاليوم رح تحس بدعم الناس الك ومساعدتها .. استفيد من هالشي وحاول تعزز علاقاتك مع رفقاتك وتطلب مساعدة اذا احتجت هالشي ..
عاطفيا .. العيون عليك مشرق وعم تكون محبوب وممكن صداقة تتحول لحب بس انت تجنب الأشخاص يلي بوجهين ..

الجوزاء
لاتستهين بشغلك وكون دقيق ولاتتأخر لأن يوم عم يحاول فيه بعض الناس تشويه سمعتك بالعمل .. فانتبه وخليك جاهز لاي موقف حتى مايأثر عليك ورتب امورك وخاصة اذا عندك امتحان او اختبار ..
عاطفيا .. انت بحاجة لحدا ينسيك حياتك ويحبك عنجد وهالشي قادم بس كون رومنسي شوي بتعاملك ..

السرطان
انت مميز وعم تفكر بالسفر كتير هاليوم وعم تتلقى اتصالات من ناس بعاد او مابتعرفها لاول مرة بتحكيك .. وعم يكون في شغل جديد لالك فحاول تكون مستعد لهالشي وحتى وضعك العام بيتحسن بشكل كبير هاليوم ..
عاطفيا .. عم ترجع ثقتك بحالك والحبيب عم يحكيك وتعيش اوقات رومنسية معو ..

الأسد
حالة التوتر والارهاق يلي مريت فيها بتنتهي وبتحس بشوية راحة ابحث عن حلول للمشاكل يلي صارت .. بدي منك تحاول تضبط ميزانيتك وماتصرف كتير وتفكر بصحتك دايما ولازم تخلص من قصص البيت لأن عم تشغلك ..
عاطفيا .. انت بحاجة للراحة والتفكير قبل ماترجع لعلاقتك لان تعبتك كتير ..

العذراء
ماعم تعرف ترتاح وعم تكتشف ناس كتير على حقيقتها بدي منك بهاليوم تعزز شراكاتك وبهدوء تام .. انتبه من لسانك ومشاكلك لان اي كلمة ممكن تعملك مشكلة وابتعد عن الاشخاص المستفزين وخاصة الشركاء الك ..
عاطفيا .. لاتحكم على شي ولا تعمل شي اليوم لأن رح ينحط اللوم عليك فحاول قدر الامكان تهدي الأمور مع الشريك وممكن البعض يتم خطبة

الميزان
عم تحس الشغل كتير والوقت ماعم يساعدك وعم يتم انتقادك بالكسل وعدم القدرة على الانجاز .. بدي منك تنتبه وتحاول تنهي الضروري وكمان صحتك لاتهملها لان في عندك عارض صحي ممكن تمر فيه ويمكن تبدا شغل جديد او تغير شغلك بهاليوم ..
عاطفيا .. كتير من الأمور بحاجة لحل بعلاقتك مع الشريك ولازم تكون حاسم بوضعك العاطفي ..

العقرب
بعدو التوتر عم يزيد وماعم يخليك مرتاح كل شي عم يكون متعب وخاصة على صعيد العيلة .. بس من هاليوم رح يتغير كل شي رح تحس بالحظ رجع يدعمك وراحة واستقرار بوضعك وحتى في فرص جديدة قادمة ..
عاطفيا .. فرصة اليوم لترجع حبك القديم او حتى تبدأ حب جديد الحظ بيدعمك .

القوس
مافي شي عم يريحك وقصة بتخص عيلتك او بيتك عم يزيدو الوضع سوء عندك وعم يخلوك مدايق من الوضع .. مابدي تخاف أو تكبرها حاول تكون هادي ومو ناقصك تعب صحي وامورك رح تتغير للأفضل ..
عاطفيا .. لاتتخذ قرارات مصيرية بعلاقتك ولاتزعل على حبيب ماكان منيح معك ..

الجدي
يوم بيحملك دعم وطاقة لتتحرك لتسافر لتتلقى اتصالات كتير وتكون قادر على اقناع الناس برأيك .. ودراسيا يوم مميز فلاتتردد وحاول تطور عملك وتنجح اذا بدك بدعم الناس يلي حوليك ..
عاطفيا .. لاتكبر المشاكل واليوم لتحكي الشريك وتصل لحلول مرضية الك ..

الدلو
عم تحس بضيقة مالية وصار لازم تلاقي حل هاليوم ممكن تحصل على مصاري وتحسن وضعك بس انتبه كمان لمصروفك الزايد .. ممكن تحصل هاليوم على فكرة لبداية شغل أو مشروع جديد بساعدك لتلاقي موارد غير فكون جاهز ..
عاطفيا .. انت بدك استقرار والشريك ماعم يسأل حاول تقرب وجهات النظر وتلاقي حل ..

الحوت
انت افضل هالفترة بعد تأجيل وتعب وكل شي كان صعب بس عم تطلع من وضعك وترجع ثقة الناس فيك .. عندك فرصة لتحل مشاكلك وتغير كل شي لمصلحتك وتبدا من جديد وتكون انت المسيطر على كل شي ..
عاطفيا .. خبر حلو رح تسمعو وممكن تتلقى اعتذار على موقف صار ورح تحس انو الأمور أفضل مع الشريك ..