أبراج يوم السبت. 10مارس2018

((وان – بغداد))
أسعد الله اوقاتكم بكل خير…أبراج السبت. 10مارس2018

القمر موجود بالقوس ♐وبينتقل الظهر لبرج الجدي ♑

الحمل.
اوقات حلوة بالنهار منيحة الك حاول تستغلا وخلص شغلك وفي عندك انجاز واخبار ناطرتك .. وبعد الضهر بتمر باوقات صعبة حاول تهدي ولا تتوتر وبعد عن العصبية وفترة مناسبة لتلاقي شغل جديد ما تشغل بالك وهدي لتنحل امورك .
عاطفيا .. بتسمع اخبار بتفرحك وبجيك اتصالات من الغايبين بتسعدك بس بعد الضهر بتحس بخيبة امل وما حدا عم يفهمك ومشاكل مع ناس قريبة منك

الثور.
تعب وارهاق بالنهار وما في شي عم يزبط رغم الجهد يلي عم تبذلو وبعد الضهر بتتحسن امورك وبتسمع اخبار حلوة وبترجع الضحكة لوجهك .. وقادر انت تنجز بهالفترة وتدفع بمصالحك لقدام بس انتبه من عصبيتك ولاقي حل لمشاكلك بطريقة هادية وامور عم تتحسن
عاطفيا .. بتسيطر عليك حالة عدم الرضا غيرتك زايدة بس المسا انت افضل بكتير اوقات حلوة ورومنسية مع الحبيب وفرصة لو مو مرتبط لتبدا علاقة جديدة وترجع الامور لطبيعتها انت ساحر وجذاب استغل هالشي

الجوزاء.
تاعبتك امور الشراكة بالنهار وحاسس بالارهاق ومن بعد الضهر حاول تخلص شغلك وما تهملو وخليك هادي وبلا عنادك لان كل شي رح تعملو رح يرجع عليك .. وعندك ربح مادي بس مصروفك زايد وممكن تحتاج مبلغ مالي وامورك احسن وحلول لمشكلة
عاطفيا .. نهار صعب وعندك شوية مشاكل وتوتر بدها شوية رواق وصبر وبيتحسن وضعك وبتزول المشاكل ورح تسمع خبر يريحك ويرجع الضحكة لوجهك

السرطان.
ببحر النهار عندك شغل كتير وتراكم مسؤوليات ويا دوب عم تلحق ومن وبعد الضهر بسيطر عليك التوتر والعصبية وما حدا عم يفهمك .. حاول تروق وتهدى وحافظ على سمعتك عم تشغلك امور الشراكة وشغل وضغط كبير فترة صعبة لا تتسرع فيها باي قرار لان ممكن تخرب كل شي
عاطفيا .. شغلك عم يبعدك عن الحبيب والوقت مو لصالحك ومشاكلك عم تكبر فاتبه وحاول ترتاح وتفضى شوي للحبيب وكون معو لتهدو التوتر يلي بينكن وفرصة خطبة اذا اعذب

الأسد.
نهار حلو طاقة وحيوية بيحملك انجازات وفرص حلوة عم تفرحك ومن بعد الضهر ببلش يسيطر عليك التعب بزيد شغلك ويا دوب بتلحق .. حاول تنظم وقتك واكلك لتلحق انت قادر تخلص كل شي ولا تشكك بقدراتك وانتبهلي لصحتك لان فترة متعبة الك ولا تتكاسل
عاطفيا .. بتحن للحب القديم رغم وجود عروض حب جديدة شوقك بزيد للغايبين عم تحاول تفتش عالاستقرار العاطفي والرضا بعلاقتك مع الحبيب

العذراء.
مشغول بالبيت والعيلة وعم تحاول تطلع من جو التوتر ومن بعد الضهر بتقدر تطلع من حالتك وتخلص شغلك .. بس انتبهلي على امورك المالية وخليك رايق وحاول تستغل هالفترة لترجع الامور لطبيعتها وانت نشيط وعندك طاقة كافية لتنهي امورك
عاطفيا .. القلق والحيرة يلي كانت ملازمتك بالنهار بتتغير بالليل وبتفكر تتقرب من احبابك وتعزز علاقاتك بمحيطك

الميزان.
نهار بيبدا حلو بتسيطر وبتعرف كيف توصل كلمتك وبعد الضهر بتشغلك امور العيلة والبيت حاول تروق وتخفف عصبية هالفترة .. لازم تكون قد المسؤولية لأن عيلتك بحاجتك هالفترة اهدى وخليك حكيم قدر الإمكان واستغل الوقت لتهدي الاجواء
عاطفيا .. لقاء رومنسي بالنهار بيعطيك شوية حب وسعادة والمسا بتحس بالحيرة وتناقض بافكارك وانت متل الضايع لا تحملها كتير فترة وبتعدي وبيستقر وضعك ..

العقرب.
بتشغلك الامور المالية بالنهار وامور الشغل اما بعد الضهر بتكون بحال افضل بتستعيد قدرتك على الحوار وبترجع لنشاطك وحيويتك نسبيا .. حاول تستفيد من هالفترة لتحسن وضعك والظروف ملائمة للنجاح والتقدم وعندك حركة ممكن تكون سفر
عاطفيا .. بالنهار مشتت ومحتار بس هالحيرة رح تنقلب لفرص حلوة عم تدق بابك حاول تستغلا ولا تتعب حالك بالتفكير طول الوقت فيك تطلع رحلة او مشوار مع الحبيب

القوس.
مشرق وعندك طاقة ببحر النهار وحيوية ونشاط كمان بتنقلب عليك بعد الضهر لفرص مالية حلوة ومكاسب مهمة .. وممكن تحصل على تعويض او مبلغ مالي بس خليك واضح وانتبهلي من زيادة مصروفك وحاول تتصرف بحكمة اكتر .
عاطفيا .. كل الانظار موجهة الك هالفترة ساحر وجذاب بالنهار وعم تعيش اوقات حلوة حاول تحافظ عتألقك المسا وابعد عن المشاكل يلي ممكن تخرب العلاقة وحاول تستغل الفرصة لتطور علاقتك اكتر لارتباط

الجدي.
نهار صعب كتير حيرة وضياع واوضاعك تعبانة ما في شي عم يمشي تعبان ومتدايق اصبر وبعد الضهر بيرجعلك النشاط وبيدعمك الحظ .. انسى الماضي وافتح صفحة جديدة وحاول تدعم مكانتك وغير الامور لصالحك لا تتراجع خليك مبادر بهالفترة لتتغير لحال افضل .
عاطفيا .. عم تتحسن امورك وترتاح نفسيتك و المسا رح يزول عنك الاحباط وتصير احسن بكتير خليك رومنسي مع الحبيب لتصلح الامور وتعيش اوقات حلوة

الدلو.
حاول تخلص شغلك بالنهار واستغل وقتك لان بعد الضهر بتتعب وبتحس انك مو قادر تعمل شي انتبه لصحتك بهالفترة رح تكون صعبة عليك .. وبدي منك تنتبه لأن عندك حظ لهيك لا تحسم شي وخلي هالفترة تعدي على خير وانتبهلي لسمعتك وشغلك ولا تكبر الامور واضبط اعصابك وفترة وبتعدي على خير خليك هادي وخصوصي بالشغل
عاطفيا .. اول نهارك حلو لقاءات واتصالات ومحبة كبيرة بتحصل عليها من يلي حواليك بس بعد الضهر بتبلش تمل وتحس بالشك وابتعاد الحبيب بدها شوية صبر هالفترة لا تزيد العلاقة توتر وابعد عن المشاكل ولا تفوت بمناقشات تتعبك

الحوت
انفعال وتعب وبداية نهار قصص عم تزعجك والروتين مو عاجبك
بيتغير وضعك بعد الضهر لتكون اجتماعي متحرك وتعاملك حلو مع محيطك .. بتقدر بهاليوم توصل لافضل النتائج وتحصل على السعادة والرضا استفيد من هالفترة وحاول تنجز وكل شي رح يكون منيح بوجود الاصدقاء جنبك
عاطفيا .. خليك رايق ولا وتزيد التوتر وخلي الامور تمشي وكل شي رح ينحل وامورك بتصير تمام