ابراج

أبراج اليومية… يوم الخميس 8مارس2018

((وان – بغداد))
أسعد الله اوقاتكم بكل خير…أبراج يوم الخميس 8مارس2018

القمر بينتقل لبرج القوس ♐

الحمل.
من الأيام المهمة يلي بتحملك سفر واتصالات من ناس أول مرة بتتعامل معن .. وممكن تحس حالك بدك تتعلم او تبدا بشغل جديد والحظ منيح ..
عاطفيا .. يوم فيه مصالحات مع الشريك بعد فترة متعبة وعودة الأمور افضل ..

الثور.
بعد التوتر الكبير يلي مريت فيه وحالة عدم الاستقرار يلي اثرت كتير على نفسيتك انت افضل بكتير .. وعم تفكر بهاليوم بأمور مالية او تحل قضية قانونية او حتى عم تشفى من مرض وتحس حالك افضل ..
عاطفيا .. انتبه اذا بدك تعطي الشريك فرصة طبعا اذا بيستاهل بيستاهل ..

الجوزاء.
ابدا مو مرتاح بالرغم من انك عم تفكر تفوت شراكة جديدة او عم تفكر بخطبة او زواج بس توتر كبير وعم تعصب من اقل الاشيا .. فانتبه وحاول تهدى وبدك تساير لتنحل الامور ورح تمر على خير انشالله ..
عاطفيا .. حاول تعزز شراكتك واهدى ولاتخلي كلام الشريك يستفزك حتى ماتخسر كل شي ..

السرطان.
عم تشعر بالارهاق والتعب الصحي وتراكم الشغل او الدراسة عليك وبدك تخلص وماعم تقدر ..هي الحالة عم تخليك ابدا مو مرتاح وبحاجة للسرعة والتنظيم لتنجز الضروري حاليا وكمان اكيد بحاجة راحة ..
عاطفيا .. لاتعطي ثقتك بالحب لحدا لان كل الناس بلحظة ممكن تبعد فخليك جاهز لكل الاحتمالات

الأسد.
اخيرا عم تشعر بالراحة وعم ترجع الحظوظ توقف معك عندك يوم مميز وقادر تحصلك على دعم كتير كبير بشغلك .. وعندك فرصة حتى تحصل على مبلغ من المال مو متوقع وتعزز وضعك العام ..
عاطفيا .. اجواء رومنسية مميزة ناطرتك واذا كنت اعذب فرصة لحب جديد ..

العذراء.
في شي بالبيت ماعم يريحك مشغول بالك على صحتك او صحة حدا من اهلك .. وعم تحاول تتمالك اعصابك لأنك كتير مدايق بس مابدك تحسس حدا بهالشي ..
عاطفيا .. حاول تكون قوي وفكر بايجابية ولاتخلي شي يضعفك او يكسرك فترة وبتمر .

الميزان.
يوم للتفاعل للحركة لتطورات مهمة على صعيد شغلك ممكن تسافر وتتلقى اتصالات مهمة .. ممكن تحصل على الدعم لتغير بحياتك للأفضل ضمن الظروف الصعبة يلي عم تعاني منها..
عاطفيا .. من الأوقات المريحة عندك وفرص رومنسية مهمة عم تكون بلقاءات وأوقات مميزة ..

العقرب.
عم تناقش أمور الشغل وتعيد ترتيب حساباتك المالية وعم يكون في ضيقة عندك .. يمكن عم تحس بأنك صرفت زيادة الفترة الماضية ولازم تعوض او تحصل على مقابل تعبك ..
عاطفيا .. لاتسمح للماضي يوقف بدربك وافتح صفحة جديدة لقلبك ..

القوس.
وضعك افضل بعد فترة كتير صعبة مرت عليك يوم لتعيد ثقة الناس فيك لتعزز مكانتك الاجتماعية .. عندك اليوم فرصة لترجع انت الاساس وتسيطر على الوضع وتستغل الطاقة لتغير وتحل مشاكلك ..
عاطفيا .. اليوم بدي ياك تكون حاسم وتتخذ قرار مشان علاقتك ومالازم تكون ضعيف ..

الجدي.
من أصعب الأيام ضايج كتير وعم تشعر بأنو كل شي ضدك ومافي شي متل مابدك .. تعبان وحاسس بالضعف جواتك هي فترة مؤقتة فلا تستسلم للظروف شو ماكانت ..
عاطفيا .. كون عقلاني ولاتسمح لعواطفك تتعبك اكتر وتعامل مع اي موضوع ببساطة حتى ماتحس بوجع ..

الدلو.
يوم بتحس فيه بدعم كبير من الأصدقاء وبتتعرف على ناس جديدة حاول تستغل هالشي .. بتكون محل اهتمام كتار وبتقدر تدفع بمصالحك وتطلب مساعدة اذا احتجتها ..
عاطفيا .. استغل هاليوم وحاول تكون مع الشريك حتى تقوي العلاقة فيه وانتبه كتير من اي مشكلة او تصرف غلط هالفترة ..

الحوت.
عم تكون معرض لكتير من الضغوط بالشغل ممكن حدا يشكك فيك ويحاول يوقعك .. انتبه وخليك حذر من الناس يلي بوجهين وممكن يكون في تغيير او عمل جديد عندك ..
عاطفيا .. عزز علاقتك وحاول تخفف التوتر يلي عم تمر فيه وخليك متفهم للشريك.

أخبار ذات صلة

زر الذهاب إلى الأعلى
آخر الأخبار