الثقافية

اسعد الله اوقاتكم بكل خير …أبراج يوم الثلاثاء

((وان – بغداد))
يسعد اوقاتكم بكل خير ،أبراج يوم الثلاثاء. 13فبراير2018

القمر بينتقل المسا لبرج الدلو ♒

الحمل
حالة ضغط عم تمر فيها يمكن من الفترات الصعبة وعم تأثر على حياتك وشغلك ورح تستمر بالنهار فكون منتبه ورايق .. ومن المسا امورك بتصير افضل نسبيا وممكن تحصل على مساعدة من صديق ..
عاطفيا .. لا تكون عصبي و خليك بعيد عن الاستفزاز هي الفترة وساعد الحبيب لتلاقو حل ..

الثور
عم تعيش اجواء منيحة بالنهار ممكن تسافر او تتلقى اتصالات من ناس جديدة او تفتح شغل جديد الك .. لكن المسا بيتغير الوضع وبصير على عاتقك ضغوط اكبر خاصة على الصعيد المهني فانتبه وخليك جاهز حتى ماحدا ينتقدك ..
عاطفيا .. حاول تكون حاسم بامورك العاطفية وكترة العصبية عم يسبب خوف عند الشريك فانتبه ..

الجوزاء
عم تعيد حساب امورك بالنهار وممكن تخلص من مشكلة قضائية او استشفائية .. اما المسا فبتكون افضل بكتير وعندك فرصة للسفر وانو تغير بوضعك العام ورح تسمع اخبار حلوة ..
عاطفيا .. لاتبالغ بردة فعالك وحاول تعطي فرصة للشريك والحب بدو احيانا تنازلات ..

السرطان
انت مو مرتاح وكأنو في شي عم يوترك بس ماعم تعرف شو هالشي حاول ماتعصب واذا بدك تتم شراكة .. والأمور المسا بتصير افضل وبتشعر بتحسن وبتحل قضية ..
عاطفيا .. فكرة الارتباط واردة بهاليوم لكن بحاجة لدراسة منيح وانتبه من عصبيتك تنهي علاقتك بالشريك ..

الأسد
من الأيام المتعبة وحتى صحتك ماعم تكون منيحة عم تحس بارهاق وانك بحاجة للراحة بس مافي وقت حاول ماتهمل الشغل الضروري .. ومن المسا بتفكر اكتر بامور الشراكة وفي اشخاص بتحاول تستفزك حاول ماترد لأن رح ينحط اللوم عليك لأنك بموقف ضعف ..
عاطفيا .. يمكن اكتر شي ممكن يكون انك ما تخرب علاقتك بالشريك وفرصة للأعذب يعمل خطبة او زواج هالكم يوم ..

العذراء
من الايام الحلوة خاصة بالنهار حاول تستغلها وتأكد انو عندك حظ تعمل كتير اشيا وتغير بوضعك للافضل فلا تتسرع بالحكم او بقراراتك .. وحاول انهي كل شغلك بوقتو وخليك منتبه لصحتك المسا ورح يكون في عندك تعب فداري حالك قدر الامكان ..
عاطفيا .. انت امام فرصة رومنسية اذا استغليتها ولاتفكر كتير بالماضي انت لازم تشوف المستقبل ..

الميزان
بالنهار عم يكون تفكيرك محصور بالبيت ممكن مشكلة او قصة شاغلتك .. اما المسا فبتطلع من هي الحالة وبتحصل على اوقات مميزة وحظوظ وفرص حاول تستغلها ..
عاطفيا .. يمكن النهار مايكون متل مابدك عاطفيا بس من بعد الضهر انتظر افضل الاوقات العاطفية ..

العقرب
بالنهار عم تكون بوضع جيد حركة وتنقلات وحكي بموضوع مع احد الأخوة .. أما المسا فبتشغلك أمور البيت وممكن حدا من الأهل يكون بحاجتك فلا تقصر ..
عاطفيا .. انت ملفت وامورك العاطفية عم تتحسن فلاتخاف وانتظر نجاح بعلاقتك بالوقت القريب ..

القوس
بالنهار عايش حالة من الركود وعم تفكر بقصص مالية اكتر شي .. اما المسا فبزيد النشاط عندك ممكن تتلقى اتصالات كتير وتصل للعالم بشكل افضل بتواصلك وتكون قادر تقنع بسهولة ..
عاطفيا .. لا تكون جامد على رأيك واعطي فرصة للشريك يعبر عن حبو الك ..

الجدي
عم تحصل على انطلاقة جديدة وعم تكون مليان طاقة ومشرق بين الكل هالشي ببحر النهار .. اما من المسا فبتهدى وتيرتك وبتفكر اكتر بامورك المالية ومصاريفك وممكن تفكر تبدا شغل جديد ..
عاطفيا .. لاتسمح لحدا يأثر عليك وعلى قلبك وخليك واثق من انو يلي بحبك رح يكون معك اكيد ..

الدلو
نهار متعب في تراجع بالمعنويات وبتحس انو الدنيا مسكرة بوجهك وبتتعرض لانتقاد وسوء تفاهم .. لكن المسا بتسمع اخبار حلوة وممكن ينحل عندك موضوع بطريقة سحرية هالشي رح يفرحك ويمنحك الطاقة ..
عاطفيا .. عندك بداية جديدة بعلاقة جديدة المسا فلا تزعل ولاتقضيلي ياها عم تفكر زيادة ..

الحوت
في شي جواتك ماعم يريحك بالرغم من انو في اصدقاء حدك وخاصة بالنهار ..بس المسا عم تتعرض لسوء الفهم ويحصل معك امر ممكن يزعجك وهالشي عم يسببلك عدم راحة وكأنو في شي رح يصير هاد التفكير طبيعي انت اهدى بس ..
عاطفيا .. لاتستعجل الامور وخليك رايق هي الفترة ولاتتخذ قرارات تأثر سلبا على حياتك العاطفية ..

أخبار ذات صلة

زر الذهاب إلى الأعلى
آخر الأخبار